شي جينپيڭ جاۋاپ حات جازىپ، جوعارى مەكتەپ بىتىرگەن ستۋدەنتتەرگە سالەم جولدادى
جەكەنىڭ مۇرات، تالپىنىسىن پارتيا مەن مەملەكەت ىستەرىمەن توعىستىرىپ، پارتيا، وتان، حالىق ءۇشىن كوبىرەك ۇلەس قوسايىق
2020.07.09 16:30 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 8 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 7 - كۇنى جۇڭگو مۇناي داشۋەسىنىڭ (بەيجيڭ) قارامايلى مەكتەپ رايونىنان وقۋ بىتىرگەن ستۋدەنتتەرگە جاۋاپ حات جازىپ، ولاردىڭ شەكارا ءوڭىردىڭ نەگىزگى ساتىسىنا بارىپ قىزمەت ىستەۋ تالعامىن تۇراقتاندىرىپ، جوعارى مەكتەپ بىتىرگەن ستۋدەنتتەرگە شىنايى ءۇمىت ارتتى.
شي جينپيڭ جاۋاپ حاتىندا بىلاي دەدى: وزدەرىڭدەي 118 وقۋشىنىڭ مەكتەپ بىتىرگەننەن كەيىن شينجياڭنىڭ نەگىزگى ساتىلارىنا بارىپ قىزمەت ىستەپ، ءار ۇلت بۇقاراسىمەن بىرگە كۇرەس جاساۋعا بەل بايلاپ، باتىس بولىكتىڭ اۋىر مىندەت ارقالاي الاتىن قۇرۋشىلارى بولۋعا قۇلشىنىپ وتىرعاندارىڭدى ءبىلدىم، مەن سەندەردىڭ ءومىر جولىنداعى وسى تالعامدارىڭدى قولدايمىن.
شي جينپيڭ مىنالاردى اتاپ كورسەتتى: وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سىندى اۋىر كۇرەستە سەندەر شىنىعىپ – شىڭدالىپ، ەسەيدىڭدەر، «ىقىلاس قويعان ادامعا قيىن ءىستىڭ بولمايتىنى» سىندى قاعيدانى ءوز باستارىڭنان كەشىرىپ ۇعىندىڭدار. العا باسۋ جولى ەجەلدەن ءساتتى بولا بەرمەيدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ ءۇشىن ۇرپاقتان - ۇرپاققا قاجىماي - تالماي كۇرەس جۇرگىزۋگە تۋرا كەلەدى. وزدەرىڭ مىنە، ەندى ءساتى ءتۇسىپ، اۋىر مىندەت ارقالاپ وتىرسىڭدار. بۇكىل ەلدەگى جوعارى مەكتەپ بىتىرگەن ستۋدەنتتەردىڭ اسقاق ارمان ارقالاپ، ءار قادامدى نىقتاپ باسىپ، جاپا - ماشاقاتتان، حاۋىپ - قاتەردەن تايسالماي، ءداۋىر بورىشىن باتىلدىقپەن ارقالاپ، جەكەنىڭ مۇرات، تالپىنىسىن پارتيا مەن مەملەكەت ىستەرىمەن توعىستىرىپ، پارتيا، وتان، حالىق ءۇشىن كوبىرەك ۇلەس قوسۋىن ءۇمىت ەتەمىن.
شي جينپيڭ مىنالاردى دارىپتەدى: ءار دارەجەلى پارتكومدار، ۇكىمەتتەر جانە قوعامداعى ءار سالا جوعارى مەكتەپ بىتىرگەن ستۋدەنتتەردىڭ جۇمىستانۋ قىزمەتىن شىنايى ويداعىداي ىستەۋى، ءونىمدى شارا قولدانىپ جاڭا تيپتى ايدارشا ۆيرۋس وكپە قابىنۋ ىندەتىنىڭ ءتيىمسىز ىقپالىن جەڭۋى، جوعارى مەكتەپ بىتىرگەن ستۋدەنتتەردىڭ جۇمىستانۋىنا امالدىڭ بارىنشا كومەكتەسىپ، جوعارى مەكتەپ بىتىرگەن ستۋدەنتتەردىڭ ءوز قىزمەت ورىندارىندا پارتيا مەن حالىق ءۇشىن ۇلەس قوسۋىنا ىستىق ىقىلاسپەن قولداۋ كورسەتۋى كەرەك. (جاۋاپ حاتتىڭ تولىق مازمۇنى بولەك جاريالاندى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
