شي جينپيڭ رەسەيدىڭ زۇڭتۇڭى پۋتينمەن تەلەفوندا سويلەستى
2020.07.09 16:31 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 8 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 8 - كۇنى رەسەيدىڭ زۇڭتۇڭى پۋتينمەن تەلەفوندا سويلەستى.
شي جينپيڭ مىنالاردى اتاپ كورسەتتى: 6 - ايدىڭ اياق شەنىندە رەسەي وتان سوعىسى جەڭىسكە جەتكەنىنىڭ 75 جىلدىعىن اتاپ ءوتۋ بايلانىسىمەن قىزىل الاڭدا اسكەري پارات وتكىزىپ، بۇكىل دۇنيە جۇزىنە تاريحتى ەستە ساقتاۋ، بەيبىتشىلىكتى قورعاۋ بەرىك سەنىمىن ايگىلەدى. بىرنەشە كۇننىڭ الدىندا رەسەي جالپى حالىقتىق داۋىس بەرۋ قيمىلىن ءساتتى وتكىزىپ، نەگىزگى زاڭعا وزگەرىس ەنگىزۋ جوباسىن جوعارى داۋىسپەن ماقۇلدادى، بۇل رەسەي حالقىنىڭ رەسەي ۇكىمەتىن قولداۋى مەن رەسەي ۇكىمەتىنىڭ ەل باسقارۋ ۇستانىمىن مويىنداۋىن تولىق ايگىلەدى. جۇڭگو رەسەيدىڭ ءوز ەلىنىڭ جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، رەسەيدىڭ دامۋدى، گۇلدەنۋدى ىسكە اسىرۋ اياق الىسىن جەدەلدەتۋىن باتىل قولدايدى.
شي جينپيڭ مىنالاردى دارىپتەدى: قازىر حالىقارالىق جاعدايداعى وزگەرىس وتە تەز، جان - جاقتى ستراتەگيالىق سەلبەستىك سەرىكتەرى رەتىندە جۇڭگو مەن رەسەيدىڭ ستراتەگيالىق اۋىس - كۇيىستى، سەلبەستىكتى نىعايتۋى توتەنشە قاجەتتى. جۇڭگو رەسەيمەن بىرگە ءوزارا مىعىم قولداۋ كورسەتىپ، سىرتقى كيلىگۋگە، بۇلدىرۋگە باتىل قارسى تۇرىپ، ءوز ەلدەرىنىڭ يەلىك ۇقىعىن، حاۋىپسىزدىگىن، دامۋ مۇددەسىن ويداعىداي قورعاۋعا، ەكى جاقتىڭ ورتاق مۇددەسىن ويداعىداي قورعاۋعا پەيىل.
شي جينپيڭ مىنالاردى دارىپتەدى: جۇڭگو مەن رەسەي جاڭا تيپتى ايدارشا ۆيرۋس وكپە قابىنۋ ىندەتىنىڭ ەڭ قيىن ساتتەرىندە ءوزارا قولداۋ كورسەتىپ، كومەكتەسىپ، جاڭا داۋىردەگى جۇڭگو - رەسەي قاتىناسىنا ستراتەگيالىق ءمان قوستى. ەكى جاق ىندەتكە نەداۋىر ۇزاق ۋاقىت توتەپ بەرۋمەن بىرگە، الۋان ءتۇرلى يكەمدى ءتاسىل قولدانىپ، ءار سالاداعى سەلبەستىكتى ىلگەرىلەتىپ، جۇمىستى، ءوندىرىستى قالپىنا كەلتىرۋدى جەدەلدەتۋى كەرەك. ەكى جاق عىلىم - تەحنيكادا جاڭالىق جاراتۋ جىلى ورايىن ۇتىمدى پايدالانىپ، جوعارى تەحنيكا، ۆاكسينا جانە ءدارى - دارمەك زەرتتەپ جاساۋ، بيولوگيالىق حاۋىپسىزدىك قاتارلى سالالارداعى سەلبەستىكتى كۇشەيتىپ، جۇڭگو - رەسەي قاتىناسىن ءتىپتى دە جوعارى ورەگە كوتەرىپ، ەكى ەلدىڭ وزىندىك دامۋىنا دەم بەرىپ، ەكى ەل حالىقتارىنا ءتىپتى دە زور باقىت جاراتۋى كەرەك. جۇڭگو رەسەيمەن بىرگە ب م ۇ سياقتى كوپ جاقتى جۇلگەدەگى سايكەسۋدى، سەلبەسۋدى ۇزدىكسىز جيىلەتىپ، كوپ جاقتىلىقتى قورعاپ، زورەكەرلىك پەن سىڭار جاقتىلىققا قارسى تۇرىپ، حالىقارالىق ادىلدىك پەن ادىلەتتىلىكتى بىرگە قورعاپ، دۇنيە ءجۇزىن جونگە سالۋدى كەمەلدەندىرۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋعا پەيىل.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
