لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2020.07.10 16:20 كەلۋ قاينارى : حالىق تورابى
تاسقىننان ساقتانۋ، اپاتتان قۇتقارۋ قىزمەتىن ىشكەرىلەي جاقسى ىستەپ، ماڭىزدى سۋ يگىلىگى ينجەنەريا قۇرىلىسىن ىلگەرىلەتۋ ورنالاستىرىلدى، تيجارات - ساۋدا ورتاسىن ۇزدىكسىز ساپالىلاندىرىپ، بازار تۇلعالارىنىڭ ومىرشەڭدىك كۇشىن قاۋلاتۋ شارالارى بەلگىلەندى، ورتالىق مەجە ەسەبىن اتقارۋدا جانە باسقا دا قازىنالىق كىرىس - شىعىستى قازىنالىق باقىلاۋدا بايقالعان ماسەلەلەردى رەتتەۋ - تۇزەتۋ قىزمەتى ورنالاستىرىلدى
شينحۋا اگەنتتىگى، 7 - ايدىڭ 9 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 7 - ايدىڭ 8 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە تاسقىننان ساقتانۋ، اپاتتان قۇتقارۋ قىزمەتىن ىشكەرىلەي جاقسى ىستەپ، ماڭىزدى سۋ يگىلىگى ينجەنەريا قۇرىلىسىن ىلگەرىلەتۋ ورنالاستىرىلدى، تيجارات - ساۋدا ورتاسىن ۇزدىكسىز ساپالىلاندىرىپ، بازار تۇلعالارىنىڭ ومىرشەڭدىك كۇشىن قاۋلاتۋ شارالارى بەلگىلەندى، ورتالىق مەجە ەسەبىن اتقارۋدا جانە باسقا دا قازىنالىق كىرىس - شىعىستى قازىنالىق باقىلاۋدا بايقالعان ماسەلەلەردى رەتتەۋ - تۇزەتۋ قىزمەتى ورنالاستىرىلدى.ء
ماجىلىس مىنالاردى اتاپ كورسەتتى: جىل باسىنان بەرى بۇكىل ەل بويىنشا جاۋىن – شاشىننىڭ جيىنتىق مولشەرى بۇرىنعى جىلداردىڭ ۇقساس مەزگىلىندەگىمەن سالىستىرعاندا نەداۋىر كوپ ءارى شوعىرلى بولىپ، ءىشىنارا وڭىرلەر اۋىر اپاتقا ۇشىرادى. جۋىقتا وڭتۇستىكتەگى باسىم كوپ ساندى رايوندا ءالى دە قالىڭ جاڭبىر جاۋادى، الدىن الا مالىمەتكە قاراعاندا، كەلەسى قادامدا جاۋىن - شاشىن رايونى سولتۇستىككە قاراي بەتتەيدى ەكەن. وڭتۇستىك پەن سولتۇستىك نەگىزگى تاسقىن مەزگىلىنە جالپى بەتتىك قادام تاستادى، تاسقىننان ساقتانۋ شەشۋشى كەزەڭگە ءوتتى. جەر - جەر، قاتىستى تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، ءومىردى الدىڭعى ورىنعا قويۋدان جازباي، تاسقىننان ساقتانۋ، اپاتتان قۇتقارۋ قىزمەتىن بار كۇشپەن جاقسى ىستەۋى كەرەك. ءبىرىنشى، ءار جاقتىڭ جاۋاپكەرلىگىن نىعايتۋ، ءار دارەجەلى تاسقىننان ساقتانۋ جاۋاپكەرلىگى بار ادامداردى ءبىرىنشى شەپكە جىبەرۋ، باقىلاۋ - ولشەۋ، ساقتاندىرۋ ىستەرىن كۇشەيتىپ، سايكەستىرۋ، رەتتەۋ ىستەرىن نىعايتۋ كەرەك. ەكىنشى، ۇلكەن وزەن اڭعارلارىنداعى تاسقىننان ساقتانۋ قىزمەتىن كۇشەيتۋ، ورتا، شاعىن وزەندەردىڭ تاسقىننان ساقتانۋ، ورتا، شاعىن سۋ قويمالارىن حاۋىپتەن ارىلتۋ جانە قالانىڭ تاسقىننان ساقتانۋ قىزمەتىن كۇشەيتۋ كەرەك. سولتۇستىكتەگى وزەن - داريالاردا ۇزاق جىلدان بەرى زور تاسقىن اپاتى تۋىلماۋ، تاسقىننان ساقتانۋ قۇرىلعىلارى ءبىرشاما ءالسىز بولۋ سياقتى احۋالدارعا قاراتا، حۋاڭحى، حۋايحى، حايحى وڭىرلەرى مەن سۇڭلياۋ قاتارلى رايونداردىڭ تاسقىننان ساقتانۋ قىزمەتىن مىقتى يگەرىپ جاقسى ىستەۋ، بىرلەسىپ ساقتانۋ مەحانيزمىن كەمەلدەندىرىپ، تاسقىننان ساقتانۋ بۇيىمدارىن دايىنداپ، سۋ قويماسى، توسپا قاتارلىلارعا قاراتا شارلاۋ، قورعانۋدى كۇشەيتىپ، تىرەكتى تاسقىننان ساقتانۋ قۇرىلىسىن عىلمي رەتتەپ، تاسقىن ىركۋ رايونىنان پايدالانۋ دايىندىعىن ويداعىداي ىستەپ، ادامداردى بىتىراتۋ جوباسىن كەمەلدەندىرىپ، حاۋىپ - قاتەرگە ۇشىراعان بۇقارانى دەركەزىندە كوشىرۋ كەرەك. ءۇشىنشى، زاتتىق ماتەريال جانە قارجى جاعىنان قولداۋ تەبىنىن ارتتىرىپ، جەرگىلىكتى ورىنداردىڭ اپاتقا ۇشىراعان بۇقارانى لايىقتى ورنالاستىرۋىنا، سۋ ويرانداعان ينجەنەريالاردى قالپىنا كەلتىرۋىنە جانە ءوندىرىس جاعىندا ءوزىن – ءوزى قۇتقارۋىنا كومەكتەسۋ كەرەك. سونىمەن بىرگە، ءىشىنارا رايونداردا قۋاڭشىلىققا قارسى اتتانۋ قىزمەتى مەن قۋاڭشىلىق، تاسقىن اپاتىنا شۇعىل توتەپ بەرۋ قىزمەتىن ويداعىداي ىستەۋ كەرەك.
كەلەلى سۋ يگىلىگى ينجەنەرياسى − «ەكى جاڭا، ءبىر ماڭىزدى» قۇرىلىسىنىڭ ماڭىزدى مازمۇنى. ءماجىلىس تاسقىننان ساقتانۋ، اپات زيانىن ازايتۋ، سۋ بايلىعىن ساپالى ورنالاستىرۋ، سۋ ەكولوگياسىن قورعاۋ، قالپىنا كەلتىرۋ سياقتىلاردى ارقاۋ ەتىپ، بيىلعى جانە بۇدان كەيىنگى 150 ءتۇرلى كەلەلى سۋ يگىلىگى ينجەنەرياسى قۇرىلىسىن ورنالاستىرۋدى زەرتتەپ، قۇرىلىستى جەدەل ىلگەرىلەتۋدى، ۇتىمدى قارجى قوسۋ كولەمىن كەڭەيتىپ، تاسقىن، قۋاڭشىلىق اپاتىنان ساقتانۋ قۋاتىن كۇشەيتۋدى تالاپ ەتتى. ءماجىلىس مىنالاردى دارىپتەدى: بازارلاندىرۋ، زاڭمەن جونگە سالۋ پرينسيبى بويىنشا، رەفورمانى تەرەڭدەتىپ، سۋ باعاسى ولشەمىن جانە اقى الۋ ءتۇزىمىن تياناقتاندىرىپ، ۇيلەسىمدى قارىمجى قايتارۋ مەحانيزمىن ورناتىپ، جارنا ۇقىعى جانە الاشاق ارقىلى قارجى قۇراۋ كولەمىن كەڭەيتىپ، بازارلاندىرۋ رەفورماسى ارقىلى سۋ يگىلىگى ينجەنەرياسى قۇرىلىسىن جەدەلدەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
