جۇڭگو شينجياڭعا ساياتىن ماسەلەلەردە بەينەسى جيىركەنىشتى بولعان ا ق ش - تىڭ قۇرىلىمدارى مەن قىزمەتكەرلەرىنە جازا قولدانىلاتىنىن جاريالادى
2020.07.14 16:26 كەلۋ قاينارى : حالىق تورابى
«حالىق گازەتى»، 7 - ايدىڭ 13 - كۇنى، بەيجيڭ (ءتىلشى شيە ياحۇڭ). ا ق ش ـ تىڭ شينجياڭعا ساياتىن ماسەلەلەر جونىندە جۇڭگو ۇكىمەتىنىڭ قۇرىلىمى مەن ءمانساپتىلارىنا جازا قولداناتىندارىنا جاريالاۋىنا قاراتا سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 7 - ايدىڭ 13 - كۇنى مىنانى ءبىلدىردى: جۇڭگو جاق بۇگىننەن باستاپ ا ق ش - تىڭ ءبىر قۇرىلىمى مەن 4 جەكە ادامىنا سايكەستى جازا قولدانۋدى ۇيعاردى.
سول كۇنى وتكىزىلگەن كەزەكتى تىلشىلەر جينالىسىندا ءبىر ءتىلشى: ا ق ش مەملەكەتتىك كەڭەسى مەن قازىنا مينيسترلىگى 7 - ايدىڭ 9 – كۇنى ا ق ش – تىڭ ىشكى زاڭىنا ساي، جۇڭگونىڭ شينجياڭداعى ءبىر ۇكىمەت قۇرىلىمى مەن ءتورت ءمانساپتىسىن جازالايتىنىن جاريالادى. جۇڭگو جاق بۇعان قاراتا مىنانى ءبىلدىردى: شينجياڭعا ساياتىن ماسەلەلەردە جيىركەنىشتى بەينە كورسەتكەن قاتىستى ا ق ش قۇرىلىمدارى مەن جەكەلەرگە قاراتا توتەپ بەرۋ شارالارىن قولدانادى. ءسىز وسى جونىندە تولىعىراق ايتىپ بەرەسىز بە؟ − دەپ سۇرادى.
حۋا چۇنيىڭ بىلاي دەدى: ا ق ش جاقتىڭ جوعارىدا ايتىلعان ارەكەتى جۇڭگونىڭ ىشكى ىسىنە اۋىر دارەجەدە كيلىگىپ، حالىقارالىق قاتىناستىڭ نەگىزگى ولشەمىنە اۋىر قايشىلىق جاسادى، جۇڭگو مەن ا ق ش قاتىناسىنا اۋىر زيان جەتكىزەدى، جۇڭگو بۇعان باتىل قارسى تۇرادى، قاتاڭ جازعىرادى.
حۋا چۇنيىڭ تاعى بىلاي دەدى: «ا ق ش جاقتىڭ قاتەلىگىنە قاراتا، جۇڭگو جاق ا ق ش - تىڭ <پارلامەنت − اكىمشىلىك تاراۋىنىڭ جۇڭگو كوميتەتىنە>، سونداي - اق ا ق ش مەملەكەتتىك كەڭەسىنىڭ حالىقارالىق ءدىن ەركىندىگى ىستەرىندەگى مىندەتسىز باس ەلشىسى برانباك، فەدەراتسيانىڭ كەڭەس مۇشەلەرى رۋبيو، كرۋز، فەدەراتسيا قاۋىم پالاتاسىنىڭ مۇشەسى سميستەرگە سايكەستى جازا قولداندى».
حۋا چۇنيىڭ مىنالاردى اتاپ كورسەتتى: شينجياڭ ىستەرى بۇكىلدەي جۇڭگونىڭ ىشكى ىسىنە جاتادى، ا ق ش - تىڭ وعان كيلىگۋگە ۇقىعى، تولىمدىلىعى جوق. جۇڭگو ۇكىمەتىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ بەكىمى بەرىك، زورلىقتى كۇش لاڭكەستەرىنە، بولشەكتەۋشى كۇشتەرگە، ءدىني ۇشقارى كۇشتەرگە سوققى بەرۋ بەكىمىنەن اۋىتقىمايدى، ءارقانداي سىرتقى كۇشتەردىڭ شينجياڭ ىستەرى مەن جۇڭگونىڭ ىشكى ىستەرىنە كيلىگۋىنە قارسى تۇرۋ بەكىمىنەن اۋىتقىمايدى. «ءبىز ا ق ش - تى قاتىستى قاتە ۇيعارىمدى دەرەۋ كۇشىنەن قالدىرىپ، جۇڭگونىڭ ىشكى ىسىنە كيلىگەتىن، جۇڭگونىڭ مۇددەسىنە زيان جەتكىزەتىن ءارقانداي ءسوز - ارەكەتتەردى توقتاتۋعا قۋزايمىز. جۇڭگو جاعدايدىڭ دامۋىنا نەگىزدەلىپ، ىشكەرىلەي اڭىس قايتارادى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
