شي جينپيڭ سينگاپوردىڭ زۇڭليى لي شيانلۇڭمەن تەلەفوندا سويلەستى
2020.07.15 15:18 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 14 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 14 - كۇنى سينگاپوردىڭ زۇڭليى لي شيانلۇڭمەن تەلەفوندا سويلەستى.
شي جينپيڭ لي شيانلۇڭنىڭ حالىق ارەكەتى پارتياسىن باستاپ تاياۋدا مەملەكەتتىك زور سايلاۋدا جەڭىسكە جەتكەنىن قۇتتىقتادى. شي جينپيڭ مىنالاردى اتاپ كورسەتتى: مەن سينگاپوردىڭ جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋدە بەلسەندى ونىمدىلىككە قول جەتكىزگەنىن ءبىلىپ قاتتى قۋاندىم، ءسىزدىڭ باسشىلىعىڭىزدا سينگاپور حالقىنىڭ ىندەتتى، ءسوز جوق، ەرتەرەك جەڭىپ، ەكونوميكانىڭ، قوعامنىڭ ومىرشەڭدىك قۋاتىن قالپىنا كەلتىرەتىنىنە سەنەمىن. جۇڭگو سينگاپوردى ءۇرتىس باتىل قولدايدى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا جۇڭگو ادامزاتتىڭ تاعدىرلاس ورتاق تۇلعاسى تانىمىن ۇستانىپ، ءار ەلمەن بۇكپەسىز تاجىريبە ورتاقتاستىرىپ، حالىقارالىق قوعامعا شاماسىنىڭ كەلىسىنشە زاتتىق جانە تەحنيكالىق قولداۋ كورسەتەدى. جۇڭگو سينگاپورمەن بىرگە حالىقارا قوعامنىڭ ىنتىماقتاسا وتىرىپ ىندەتكە قارسى اتتانۋىنا مەدەت بەرەدى، دۇنيە جۇزىلىك دەنساۋلىق ساقتاۋ ۇيىمىنىڭ رولىن اناعۇرلىم ويداعىداي ساۋلەلەندىرۋىنە قولداۋ كورسەتەدى، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرادى.
شي جينپيڭ مىنالاردى دارىپتەدى: ىندەت تۋىلعاننان بەرى جۇڭگو، سينگاپور ەكى ەلدىڭ ۇكىمەتتەرى مەن ءار سالاسىنداعىلار ءبىر - بىرىنە كومەك قولىن سوزىپ، قارايلاستى. ەكى ەل قاجەتتى ادامداردىڭ بارىس - كەلىس «جەدەل ارناسىن» ەڭ الدىمەن اشىپ، وڭىرلىك قامداۋ تىزبەگىنىڭ، كاسىپ تىزبەگىنىڭ ىركىلىسسىزدىگىن كۇش بىرىكتىرە ىلگەرىلەتتى. ىندەتكە قارسى اتتانۋ سەلبەستىگى ەكى ەل بايلانىسىنىڭ جاڭا كورىنەۋ تۇيىنىنە اينالدى، بۇل ەكى ەل قاتىناسىنداعى كورەگەندىكتى، ستراتەگيالىق، ۇلگىلىك سيپاتتى تاعى ءبىر رەت ايگىلەدى، سونداي - اق جۇڭگو مەن سينگاپوردىڭ جان - جاقتى سەلبەستىك سەرىكتەستىك قاتىناسىنا ماڭىزدى ءمان قوستى. بيىل − جۇڭگو مەن سينگاپوردىڭ ديپلوماتيالىق قاتىناس ورناتقانىنىڭ 30 جىلدىعى، ەكى ەل قاتىناسى جاڭا تاريحي باستامادا تۇر. ەكى جاق يكەمدى، الۋان ءتۇرلى فورمالارمەن قۇتتىقتاۋ قيمىلىن ورىستەتىپ، ەكى ەلدىڭ دوستىعىن جۇرت كوڭىلىنە ۇيالاتۋى كەرەك. ىندەتكە قارسى تۇرۋ سەلبەستىگىن كۇشەيتىپ، سول ەلدەگى قارسى جاق ازاماتتارىنىڭ باس اماندىعى مەن دەنساۋلىعىنا كەپىلدىك ەتۋ كەرەك. «جەدەل ارنادان» ۇتىمدى پايدالانىپ، ەكى ەلدىڭ جۇمىستى، ءوندىرىستى قالپىنا كەلتىرۋىن تەزدەتىپ، ەكى ەل ەكونوميكاسىنىڭ دامۋىنا دەم بەرۋ كەرەك. ەكى جاق «ءبىر بەلدەۋ، ءبىر جولدى» بىرگە قۇرۋ سەلبەستىگىن تەرەڭدەتىپ، «قۇرلىق، تەڭىز جاڭا ارناسىن» جانە ءۇشىنشى جاقپەن سەلبەستىك جاساۋدى اناعۇرلىم جاقسى ىستەۋى كەرەك. جۇڭگو رەفورما جاساۋدى، قاقپا اشۋدى ۇزدىكسىز تەرەڭدەتىپ، تيجارات - ساۋدا ورتاسىن جاقسارتادى، سينگاپوردىڭ جۇڭگو كاسىپورىندارىنىڭ سينگاپورداعى ەكونوميكالىق قيمىلدارىنا تاماشا شارت - جاعداي ازىرلەۋىن ءۇمىت ەتەمىن. جۇڭگو سينگاپورمەن بىرگە قۇلشىنىپ، كەدەرگىلەردى الاستاپ، ءوڭىردىڭ بەيبىتشىلىگى مەن ورنىقتىلىعىن بىرگە قورعاۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
