«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى
2020.07.16 17:12 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 15 - كۇنى، بەيجيڭ. 7 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 14 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى» اتتى ماڭىزدى ماقالاسى جاريالانادى.
ماقالادا مىنالار دارىپتەلدى: جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى − جۇڭگو كوممۋنيستىك پارتياسىنىڭ باسشىلىعى. پارتيا − ەڭ جوعارى ساياسي باسشىلىق كۇش. پارتيا، ۇكىمەت، ارميا، حالىقتىق ۇيىمدار، عىلىم - ءبىلىم سالاسى، ەلىمىزدىڭ ءتورت توڭىرەگى جونىنەن بارىنە پارتيا باسشىلىق ەتەدى. پارتيانىڭ باسشىلىعىندا تاباندى بولۋ جانە ونى كەمەلدەندىرۋ − پارتيا مەن مەملەكەتتىڭ ءتۇبىرلى تياناعى، بۇكىل ەلدەگى ءار ۇلت حالقىنىڭ مۇددەسىنىڭ، باقىتىنىڭ تياناعى. جۇڭگودا جۇڭگو كوممۋنيستىك پارتياسىنىڭ بيلىك جۇرگىزۋى − جۇڭگونىڭ، جۇڭگو حالقىنىڭ، جۇڭحۋا ۇلتىنىڭ كەلەلى باقىت ءىسى. پارتيا باسشىلىعىندا تاباندى بولۋ سىندى پارتيا مەن مەملەكەتتىڭ بولاشاعى مەن تاعدىرىن بەلگىلەيتىن كەلەلى پرينسيپتىك ماسەلەدە بۇكىل پارتيا، بۇكىل ەل وسكەلەڭ يدەيالىق سانالىلىقتى، ساياسي سانالىلىقتى، ارەكەت سانالىلىعىن ساقتاۋى كەرەك، ودان تيتتەي دە اۋىتقۋعا بولمايدى.
ماقالادا مىنالار اتاپ كورسەتىلدى: جۇڭگو كوممۋنيستىك پارتياسى − جۇڭگوشا سوتسياليزم ىستەرىنىڭ باسشىلىق ۇيىتقىسى. ەلىمىزدىڭ سوتسياليستىك ساياسي ءتۇزىمىنىڭ ابزالدىعىنىڭ كورنەكتى ەرەكشەلىگى پارتيانىڭ جالپى جاعدايدى مەڭگەرىپ، ءارقايسى جاقتى سايكەستىرۋى سىندى باسشىلىق ۇيىتقىلىق رولىندا، وبرازدى تىلمەن ايتقاندا، «جۇلدىزدار ايدى قورالاپ تۇرادى»، بۇل «اي» − جۇڭگو كوممۋنيستىك پارتياسى. جۇڭگونىڭ ەڭ ۇلكەن مەملەكەت جاعدايى − جۇڭگو كوممۋنيستىك پارتياسىنىڭ باسشىلىعى. جۇڭگوشا ەرەكشەلىك دەگەن نە؟ مىنە، بۇل − جۇڭگوشا ەرەكشەلىك.
ماقالادا مىنالار اتاپ كورسەتىلدى: پارتيانىڭ باسشىلىعىندا تاباندى بولۋدا ەڭ اۋەلى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىندا تاباندى بولۋ كەرەك، بۇل − پارتيا باسشىلىعىنىڭ ەڭ جوعارى پرينسيبى، ءارقانداي ۋاقىتتا، ءارقانداي جاعدايدا ەكى ۇداي بولۋعا، ودان اۋىتقۋعا بولمايدى. ساياسي تانىمدى، جالپى جاعداي تانىمىن، ۇيىتقى تانىمىن، ساپ تۇزەۋ تانىمىن كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن سانالىلىقپەن قورعاپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋ كەرەك.
ماقالادا مىنالار اتاپ كورسەتىلدى: جۇڭگوشا سوتسياليستىك ءتۇزىم − قاتاڭ دا كەمەلدى عىلمي ءتۇزىم جۇيەسى. مۇندا تىرەكتىك رول اتقاراتىنى − ءتۇبىرلى ءتۇزىم، نەگىزدىك ءتۇزىم، ماڭىزدى ءتۇزىم، مۇنىڭ ىشىندە جەتەكشى ورىندا تۇراتىنى − پارتيانىڭ باسشىلىق ءتۇزىمى. پارتيانىڭ باسشىلىق ءتۇزىمى − ەلىمىزدىڭ ءتۇبىرلى باسشىلىق ءتۇزىمى. ءبىز ءار جاقتاعى ءتۇزىم قۇرىلىسىن، ءتۇرلى ىستەردىڭ دامۋىن ىلگەرىلەتۋدە، ءار جاقتاعى قىزمەتتەردى كۇشەيتۋ جانە جاقسارتۋدا پارتيانىڭ باسشىلىعىندا، ءسوز جوق، تاباندى بولىپ، پارتيانىڭ جالپى جاعدايدى مەڭگەرىپ، ءارقايسى جاقتى سايكەستىرۋى سىندى ءتۇبىرلى تالاپتى سانالىلىقپەن دايەكتىلەندىرۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
