شي جينپيڭ زامبيانىڭ زۇڭتۇڭى لۇنگۋمەن تەلەفوندا سويلەستى
2020.07.21 19:47 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 20 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 20 - كۇنى كەشتە زامبيانىڭ زۇڭتۇڭى لۇنگۋمەن تەلەفوندا سويلەستى.
شي جينپيڭ مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى بۇكىل دۇنيە ءجۇزى جونىنەن اۋىر داعدارىس جانە سىن بولدى. ىندەتكە قاراتا، جۇڭگو مەن افريكا تاباندىلىقپەن ءبىر مايداندا تۇرىپ، ءوزارا قولداۋ كورسەتىپ، تىزە قوسا شايقاس جاسادى. جۇڭگو ىندەتكە قارسى تۇرعان العاشقى مەزگىلدە زامبيانى قامتىعان افريكا ەلدەرى بىزگە باعالى قولداۋ كورسەتتى. افريكادا ىندەت تارالعان سوڭ، جۇڭگو جاق نيەتتەستىك ءبىلدىرىپ، الدىمەن كومەك كورسەتىپ، زاتتىق كومەك بەردى، ساقتانۋ - تىزگىندەۋ تاجىريبەلەرىن ورتاقتاسىپ، افريكا ەلدەرىنىڭ ىندەتتەن ساقتانۋ - تىزگىندەۋ قۋاتى مەن ورەسىن جوعارىلاتۋىنا كومەكتەستى. مەن افريكاداعى ەلدەردى قولداۋ تەبىنىن ارتتىرۋدى تالاي رەت ۇندەدىم. جۇڭگو قازىر قاتىستى شارالاردى تياناقتاندىرۋدى جەدەلدەتۋدە، الدا زامبيا قاتارلى افريكا ەلدەرىنىڭ ىندەتتەن ساقتانۋ قۇلشىنىسىنا، ەكونوميكالىق، قوعامدىق دامۋدى قالپىنا كەلتىرۋىنە شاماسىنىڭ كەلىسىنشە ۇزدىكسىز قولداۋ كورسەتەدى. زامبيا جاقتىڭ زامبياداعى جۇڭگو ازاماتتارى مەن كاسىپورىندارىنىڭ تۇرمىسىن، قىزمەتىن ۇزدىكسىز قامتاماسىز ەتەتىنىنە سەنەمىن.شي جينپيڭ مىنالاردى دارىپتەدى: تاياۋ جىلداردان بەرى جۇڭگو مەن زامبيا دوستىق سەلبەستىك قاتىناسىندا تاماشا اۋقىمدى ساقتاپ، ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ىستەردە ءوزارا قولداۋ كورسەتتى. ىندەت ەكى ەلدىڭ بەتپە - بەت قارىم - قاتىناس جاساۋىنا قيىنشىلىق تۋدىرعانىمەن، جۇڭگو مەن زامبيانىڭ ىنتىماقتاسىپ سەلبەستىك جاساۋى ۇزدىكسىز ىلگەرىلەۋدە. جۇڭگو جاق زامبيا جاقپەن ءبىر جاعادان باس، ءبىر جەڭنەن قول شىعارىپ، قيىنشىلىقتاردى بىرگە جەڭىپ، جۇڭگو مەن افريكانىڭ ىنتىماقتاسىپ ىندەتكە قارسى اتتانۋ ەرەكشە ءسامميتىنىڭ تابىسىن ويداعىداي تياناقتاندىرىپ، ىندەتتەن ساقتانۋ - تىزگىندەۋ قىزمەتىن جاقسى ىستەۋمەن بىرگە، يكەمدى، الۋان ءتۇرلى تاسىلدەردى زەرتتەپ جانە قولدانىپ، ەكى ەلدىڭ سەلبەستىگىن ورنىقتى ىلگەرىلەتۋگە پەيىل. ەكى جاق سايكەسۋدى، سەلبەسۋدى كۇشەيتىپ، حالىقارالىق ادىلدىك پەن ادىلەتتىلىكتى، كوپ جاقتىلىقتى، دامۋ ۇستىندەگى ەلدەردىڭ زاڭدى ۇقىق - مۇددەسىن قورعاۋى كەرەك. وسى رەتكى ىندەتكە قول ۇستاسىپ قارسى اتتانۋ ارقىلى جۇڭگو مەن زامبيانىڭ قارىم - قاتىناسى اناعۇرلىم جوعارى دەڭگەيگە كوتەرىلىپ، ەكى ەل حالىقتارىنا اناعۇرلىم زور باقىت جاراتاتىنىنا سەنەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
