شي جينپيڭ مەن ساۋد ارابياسىنىڭ پاتشاسى سالمان ءوزارا قۇتتىقتاۋ تەلەگرامماسىن جولدادى

2020.07.23 16:32 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 7 - ايدىڭ 22 - كۇنى، بەيجيڭ. مەملەكەت ءتوراعاسى شي جينپيڭ مەن ساۋد ارابياسىنىڭ پاتشاسى سالمان تاياۋدا ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن قۇتتىقتادى.

　　شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: ديپلوماتيالىق قاتىناس ورناتقان 30 جىلدان بەرى جۇڭگو - ساۋد ارابياسى قاتىناسى ورنىقتى دامىپ، ءار سالاداعى سەلبەستىكتە قوماقتى تابىسقا قول جەتتى. اسىرەسە، سوڭعى جىلدارى جۇڭگو مەن ساۋد ارابياسى جان - جاقتى ستراتەگيالىق سەرىكتەستىك قاتىناس ورناتىپ، ەكى ەل قاتىناسى جەدەل دامۋ ارناسىنا ءتۇستى. قازىر جۇڭگو مەن ساۋد ارابياسى جاڭا تيپتى ايدارشا ۆيروس وكپە قابىنۋ ىندەتىنە بىرلەسە قارسى اتتانىپ، ەكى ەل حالىقتارىنىڭ سالاماتتىعى مەن باقىتىن، سونداي - اق دۇنيە ءجۇزىنىڭ جانە ءوڭىردىڭ الەۋمەتتىك دەنساۋلىق ساقتاۋ حاۋىپسىزدىگىن قورعاپ، ءبىر - بىرىنە قارايلاسىپ، ءبىر جاعادان باس، ءبىر جەڭنەن قول شىعارىپ، قيىن – قىستاۋ جاعدايدان بىرگە ءوتۋدىڭ تاماشا حيكاياسىن جازۋدا. مەن جۇڭگو مەن ساۋد ارابياسىنىڭ قاتىناسىن دامىتۋعا باسا ءمان بەرەمىن، سالمان پاتشامەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن وراي ەتىپ، «ءبىر بەلدەۋ، ءبىر جولدى» بىرگە قۇرۋ دارىپتەمەسى مەن ساۋد ارابياسىنىڭ «2030 - جىلعا دەيىنگى دامۋ بولاشاعى جوباسىن» ۇشتاستىرۋدى ىلگەرىلەتىپ، ەكى جاقتى بايلانىستىڭ ستراتەگيالىق مازمۇنىن تولىقتىرىپ، جاڭا داۋىردەگى جۇڭگو - ساۋد ارابياسى قاتىناسىنىڭ ۇزدىكسىز تىڭ تابىستارعا جەتۋىنە بىرگە جەتەكشىلىك ەتىپ، ەكى ەلگە جانە ەكى ەل حالىقتارىنا باقىت جاراتۋعا پەيىلمىن.

　　سالمان قۇتتىقتاۋ تەلەگرامماسىندا مىنانى ءبىلدىردى: ديپلوماتيالىق قاتىناس ورناتقان 30 جىلدان بەرى ساۋد ارابياسى مەن جۇڭگونىڭ ءار سالاداعى قاتىناسى وراسان زور دامۋعا قول جەتكىزدى، بۇل ەكى ەلدىڭ تەرەڭ دوستىعى مەن ستراتەگيالىق قاتىناسىنىڭ جوعارى دەڭگەيىن ايگىلەدى. مەن وسى ەرەكشە قاتىناستىڭ ۇزدىكسىز دامۋىن ىلگەرىلەتىپ، ەكى ەلدىڭ جانە ەكى ەل حالىقتارىنىڭ ورتاق مۇددەسىنە قىزمەت ەتۋگە پەيىلمىن. ساۋد ارابياسىنىڭ جاڭا تيپتى ايدارشا ۆيروس وكپە قابىنۋىنا قالاي توتەپ بەرۋ جونىندەگى كوزقاراسى جۇڭگونىكىمەن ۇقساس نەمەسە قارايلاس، جۇڭگومەن بىرگە قۇلشىنىپ ىندەتتى باسەڭدەتۋدى قالايمىز. ساۋد ارابياسى جۇڭگومەن ءتىپتى دە كوپ سەلبەستىك ورىستەتىپ، ءوڭىردىڭ جانە دۇنيە ءجۇزىنىڭ حاۋىپسىزدىگى مەن ورنىقتىلىعىن جۇزەگە اسىرۋدى ءۇمىت ەتەدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved