رەفورما جۇرگىزىپ، جاڭالىق جاراتۋدى تەرەڭدەتىپ، وقىتۋ، ادام تاربيەلەۋ دەڭگەيىن ۇزدىكسىز جوعارىلاتۋ كەرەك

حالىق ازاتتىق ارمياسىنىڭ قولباسشىلارى مەن جاۋىنگەرلەرىن، قارۋلى ساقشى بولىمدەرىنىڭ كوماندير - جاۋىنگەرلەرىن، حالىق جاساعى زاپاس كۇشتەرىن مەرەكە بايلانىسىمەن قۇتتىقتادى

2020.07.24 16:46 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 7 - ايدىڭ 23 – كۇنى، چاڭچۇن (تىلشىلەر لي شۋانلياڭ، جاڭ يۇيچيڭ). «1 – تامىز» ارميا مەرەكەسى قارساڭىندا، اتاپ ايتقاندا، 7 - ايدىڭ 23 – كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋە ارمياسى اۆياتسيا داشۋەسىندە قىزمەت تەكسەرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان مەكتەپتەگى وقىتۋشى - وقۋشىلارعا، جۇمىسشى - قىزمەتكەرلەرگە ىقىلاستى سالەم جولداپ، حالىق ازاتتىق ارمياسىنىڭ قولباسشىلارى مەن جاۋىنگەرلەرىن، قارۋلى ساقشى بولىمدەرىنىڭ كوماندير - جاۋىنگەرلەرىن، حالىق جاساعى زاپاس كۇشتەرىن مەرەكە بايلانىسىمەن قۇتتىقتادى. ول مىنالاردى دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن، جاڭا داۋىردەگى اسكەري ستراتەگيالىق باعىتتى، جاڭا داۋىردەگى اسكەري اعارتۋ باعىتىن دايەكتىلەندىرىپ، رەفورما جۇرگىزىپ، جاڭالىق جاراتۋدى تەرەڭدەتىپ، وقىتۋ، ادام تاربيەلەۋ دەڭگەيىن ۇزدىكسىز جوعارىلاتىپ، مەكتەپ قۇرىلىسىنىڭ، دامۋىنىڭ جاڭا جاعدايىن جاراتۋعا قۇلشىنۋ كەرەك.

　　شىلدەدە شىعىس سولتۇستىكتىڭ بايتاق دالاسى جاسىل جەلەك جامىلىپ، تىرشىلىك تىنىسى تاسقىنداپ تۇر. تۇستەن بۇرىن ساعات 10 مولشەرىندە شي جينپيڭ اۋە ارمياسى اۆياتسيا داشۋەسىنە كەلدى. مەكتەپتىڭ اۆياتسيا سارايىندا شي جينپيڭ شىعىس سولتۇستىكتەگى بايىرعى اۆياتسيا مەكتەبىنىڭ رۋحىن بەينەلەيتىن بۇيىمدار تىزبەسى مەن مەكتەپ قۇرىلىسىنىڭ جاعدايى جونىندەگى تىزبەنى كوردى. شىعىس سولتۇستىك بايىرعى اۆياتسيا مەكتەبى − جۇڭگو كوممۋنيستىك پارتياسى قۇرعان تۇڭعىش اۆياتسيا مەكتەبى، كوپشىلىك ىنتىماقتاسا كۇرەس جۇرگىزىپ، جاپا – ماشاقاتپەن يگىلىك جاراتىپ، باتىلدىقپەن ۇلەس قوسىپ، جاڭا جول اشىپ، شىعىس سولتۇستىكتەگى بايىرعى اۆياتسيا مەكتەبىنىڭ رۋحىن قالىپتاستىردى. شي جينپيڭ كوپشىلىككە داڭقتى تاريحتى ەستە بەرىك ساقتاپ، شىعىس سولتۇستىكتەگى بايىرعى اۆياتسيا مەكتەبىنىڭ رۋحىن اسقاقتاتۋدى تاپسىردى.

　　جاتتىعۋ الاڭىندا ۇشقىشتار ارناۋلى دەنە قۋاتى مەن باس اينالۋىنا توتەپ بەرۋ جاتتىعۋىن جۇرگىزۋدە. وسىزامانعى اۋە سوعىسى ۇشقىشتاردىڭ دەنە، پسيحيكا ساپاسىنا جوعارى تالاپ قويادى، مەكتەپتە تەڭگەرمەلى گيمناستيكا، اينالمالى ساتى سياقتى جاتتىعۋ مازمۇندارى ورنالاستىرىلعان. شي جينپيڭ جاتتىعۋ الاڭىنا كەلىپ، ۇشقىشتاردىڭ اينالمالى ساتىمەن جاتتىعىپ جاتقانىن كوردى، ول كوپشىلىكپەن ىقىلاسپەن اڭگىمەلەستى. تاياۋ جەردە فۋنكتسيالىق جاتتىعۋ دابىرالى جۇرگىزىلىپ جاتقان، وزىندىك ەرەكشەلىگى بار ەدى، شي جينپيڭ شەتىنەن ارالاپ كوردى. كوتەرىمدىلىك قۋاتىن جەتىلدىرۋدەگى جاتتىعۋ مەن سىناۋ ءبىر تۇلعالاندىرىلعان اپپارات مەكتەپ دەربەس زەرتتەپ جاساعان جاتتىعۋ جابدىعى بولاتىن، تاربيەلەنۋشىلەر دەن قويا جاتتىعىپ جاتقان، شي جينپيڭ ەگجەي - تەگجەيلى كوردى. شي جينپيڭ كۋرسانت ۇشقىشتاردى جاقسى ۇيرەنىپ، قاجىرلىلىقپەن، عىلميلىقپەن جاتتىعىپ، كۇن ىلگەرى كوك قىراندارىنا اينالىپ، ارميانى قۇدىرەتتەندىرۋ، ارميانى گۇلدەندىرۋ جولىندا ۇلەس قوسۋعا شابىتتاندىردى.

　　وسىدان كەيىن شي جينپيڭ ۇشقىشسىز ۇشاق تاجىريبەحاناسىنا كەلىپ، ۇشقىشسىز ۇشاق باسقارۋ وقىتۋ قۇرىلعىلارىن تەكسەرىپ، ۇشقىشسىز ۇشاق مەڭگەرۋشىلەرىن تاربيەلەۋ جاعدايىن ۇعىستى. شي جينپيڭ بىلاي دەدى: قازىر ءتۇرلى ۇشقىشسىز ۇشاق جۇيەسى كوپتەپ جارىققا شىقتى، ۇشقىشسىز سوعىس جۇرگىزۋ سوعىس جاعدايىن ىشكەرىلەي وزگەرتۋدە. ۇشقىشسىز سوعىس جۇرگىزۋدى زەرتتەۋدى كۇشەيتىپ، ۇشقىشسىز ۇشاق كاسىبى قۇرىلىسىن كۇشەيتىپ، تاربيەلەۋ مەن جاتتىعۋدى نىعايتىپ، ۇشقىشسىز ۇشاقتاردان پايدالاناتىن جانە وعان قولباسشىلىق ەتەتىن دارىندىلاردى جەدەل جەتىلدىرۋ كەرەك.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved