سۇن چۇنلان شينجياڭدا قىزمەت تەكسەرگەن كەزدە ىندەتتىڭ تارالۋىن تەجەۋگە عىلىمي جولمەن، دالمە – ءدال شارا قولدانىپ، ءار ۇلت جۇرتشىلىعىنىڭ ءومىرى مەن مال – مۇلكىنىڭ حاۋىپسىزدىگىن جانە دەنساۋلىعىنىڭ اقاۋسىزدىعىن قورعاۋدى باسا دارىپتەدى
2020.07.27 11:35 كەلۋ قاينارى : حالىق تورابى
شينحۋا اگەنتتىگىنىڭ 7 – ايدىڭ 25 – كۇنى ۇرىمجىدەن بەرگەن حابارى. باس شۋجي شي جينپيڭنىڭ ماڭىزدى نۇسقاۋىن ىشكەرىلەي دايەكتى تياناقتاندىرۋ ءۇشىن، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى سۇن چۇنلان 7 – ايدىڭ 23 – كۇنىنەن 25 – كۇنىنە دەيىن شينجياڭدا ىندەتتەن ساقتانۋ جانە ونى تىزگىندەۋ قىزمەتىن تەكسەرىپ، پارتيا ورتالىق كوميتەتى مەن مەملەكەتتىك كەڭەستىڭ اتىنان شينجياڭداعى ءار ۇلت كادرلارى مەن جۇرتشىلىعىنا كوڭىل بولەتىندىگىن ءارى حال سۇرايتىندىعىن ءبىلدىردى. سۇن چۇنلان اۆتونوميالى رايوننىڭ ىندەتتەن ساقتانۋ جانە ونى تىزگىندەۋ جاعدايى جونىندەگى مالىمەتىن تىڭداپ، بەلگىلەنگەن تۇيىندەگى قابىلداۋ – ەمدەۋ ەمحانالارى، اۋرۋدى تىزگىندەۋ ورتالىعى، اۋاشالاۋ ورنى، الەۋمەتتىك اۋماق جانە تەكسەرۋ – ۇلگى الۋ ورنى قاتارلى جەرلەردە ناق مايداندا تەكسەرۋ جۇرگىزىپ، ناۋقاستاردى ەمدەۋ، نۋكلەين قىشقىلىن تەكسەرۋ، ەپيدەميولوگيالىق تەكسەرۋ جانە قاينارىن تابۋ، تۇرمىستىق زاتتارمەن قامتاماسىزداندىرۋ قاتارلى جاعدايلاردى ۇعىستى، كەسكىن ارقىلى شەكارالىق وتكەلدەگى ىندەتتەن ساقتانۋ قىزمەتىن تەكسەرىپ، ءبىرىنشى شەپتەگى مەديتسينالىق قىزمەتكەرلەرىنىڭ، الەۋمەتتىك اۋماقتاعى كادرلار مەن تۇرعىنداردىڭ، ەرىكتىلەردىڭ، اۋاشالانعان ادامداردىڭ جاعدايىن ۇعىسىپ، پارتيا – ۇكىمەت ورىندارىنداعى كادرلارمەن جانە ماماندارمەن اڭگىمە ءماجىلىسىن وتكىزىپ، پىكىر اۋىستىردى.
ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى چىن چۋانگو قاتىستى قيمىلدارعا قاتىناستى.
شينجياڭدا ءىشىنارا جەرلەردە شوعىرلى سيپاتتى ىندەت جاعدايى تۋىلعان سوڭ، اۆتونوميالى رايوندىق پارتكوم دەر كەزىندە پارمەندى شارالاردى قولدانىپ، ءۇرىمجى قالاسىندا بارلىق ادامنىڭ نۋكلەين قىشقىلىن تەكسەرۋدى ورىستەتتى، قازىرگە دەيىن 2 ميلليوننان استام ادامدى تەكسەرىپ بولدى، جاڭادان بايقالعان ناۋقاستاردىڭ ءبارى باسقارۋ – مەڭگەرۋ كولەمىندە. سۇن چۇنلان شينجياڭنىڭ الدىڭعى مەرزىمدە ىندەتتەن ساقتانۋ جانە ونى تىزگىندەۋ جاعىندا ىستەگەن قىزمەتتەرى مەن قولدانعان شارالارىن تولىق تۇراقتاندىرىپ، بۇل رەتكى ىندەتتىڭ كوپ ۇلت جۇرتشىلىعىنا ساياتىندىعىن، جۇعىمدالۋشىلاردىڭ ىشىندەگى ناۋقاسقا شالدىققانداردىڭ ورتاشا جاس مولشەرى ءبىرشاما جاس ەكەنىن، اۋرۋ بەلگىسى جوق جۇعىمدالۋشىلاردىڭ سانىنىڭ ءبىرشاما كوپ ەكەنىن اتاپ كورسەتتى. مەملەكەتتىڭ جەتىنشى نۇسقاداعى دياگنوز قويۋ – ەمدەۋ جوباسى بويىنشا بىرتەكتىلەندىرىلگەن، جۇيەلىلەندىرىلگەن ەمدەۋ جۇرگىزىپ، شارالاردى الدىن – الا ويلاستىرىپ، اۋرۋ بەلگىسى جوق جۇعىمدالۋشىلاردى ەمدەۋ ادىستەرىن ىشكەرىلەي زەرتتەپ، ولاردىڭ سالماقتى ناۋقاستارعا، حال ۇستىندەگى ناۋقاستارعا اينالۋىنان ساقتانىپ، ءار ۇلتتان شىققان ناۋقاستاردى دەن قويا ەمدەپ، ولاردىڭ تەزىرەك ساۋىعۋىنا كۇش سالۋ كەرەك. ەملەكەتتىك دەنساۋلىق ساقتاۋ – سالاماتتىق كوميتەتى سالماقتى اۋرۋلاردى ەمدەۋ، ناۋقاستاردى كۇتىمدەۋ، جۇڭگوشا دارىگەرلىك قاتارلى جاقتارداعى ماماندار مەن مەديتسينالىق اسپاپتاردى، شۇعىل قۇتقارۋ ءدارى – دارمەكتەرىن شوعىرلاندىرۋ نەگىزىندە، قولداۋ كورسەتۋ تەبىنىن ۇزدىكسىز ارتتىرىپ، ەپيدەميولوگيالىق تەكسەرۋدى، ەمحانادا جۇعىمدالۋدان ساقتانۋ جانە ونى تىزگىندەۋ قاتارلى جاقتاردا كاسىپتىك – تەحنيكالىق كۋرستەن وتكىزۋدى كۇشەيتىپ، مەديتسينالىق ەمدەۋ قابىلەتىن جوعارىلاتۋعا كومەكتەسىپ، ءار ۇلتتان شىققان ناۋقاستاردى اناعۇرلىم جوعارى ورەدەگى ەمدەۋدەن يگىلىكتەنۋىنە شىنايى كەپىلدىك ەتۋ كەرەك.
سۇن چۇنلان مىنانى باسا دارىپتەدى: ىندەتتەن ساقتانۋ جانە ونى تىزگىندەۋدىڭ ءتۇيىنى — «ءتورتتى ەرتە ورىنداۋدى» تياناقتاندىرۋ، نۋكلەين قىشقىلىن تەكسەرۋ قۋاتى مەن ونىڭ ساپاسىن تەزىرەك جوعارىلاتۋ، ناۋقاستاردى ەرتە بايقاۋ جانە ەرتە مالىمدەۋ، ەپيدەميولوگيالىق تەكسەرۋ مەن قاينارىن تابۋ قىزمەتىن ىشكەرىلەي ورىستەتۋ، ارناۋلى كۇشتەردى ۇيىمداستىرىپ، الەۋمەتتىك دەنساۋلىق ساقتاۋ قاتارلى جاقتارداعى كاسىپتىك ادامداردىڭ رولىن تولىق ساۋلەلەندىرۋ، وسىزامانعى ينفورماتسيا تەحنيكاسىنان پايدالانىپ، كاسىپتىك – تەحنيكالىق ماماندار مەن حالىق جۇرتشىلىعىن سايكەستىرىپ، بۇقارالىق قورعانۋ جانە بۇقارالىق تىزگىندەۋدى ورىستەتىپ، ىندەتتىڭ تارالۋ تىزبەگىن تەز ارادا انىقتاپ شىعۋ كەرەك. سەنىمدى بەكەمدەپ، تار جول، تايعاق كەشۋدەن بىرگە ءوتىپ، ىندەتتەن عىلىمي تۇردە ساقتانىپ جانە ونى عىلىمي تۇردە ەمدەپ، ءادىس - امالدى دالمە – ءدال اتقارۋ سىندى باستى تالاپ بويىنشا، اۋقىمعا قاراي يكەمدى تۇردە ساقتانۋ جانە تىزگحندەۋ شارالارىن اتقارىپ، تۇيىقتالعان الەۋمەتتىك اۋماقتارداعى تۇرعىندارعا ادامگەرشىلىك تۇرعىدان قامقورلىق جاساۋ مەن ولارعا قىزمەت وتەۋگە كەپىلدىك ەتۋ كەرەك. ىندەتتەن ساقتانۋ جانە ونى تىزگىندەۋگە ءبىرتۇتاس قولباسشىلىق ەتۋدى، ءبىرتۇتاس ورنالاستىرۋ جاساۋدى كۇشەيتىپ، «ءتورت جاقتىڭ» جاۋاپكەرشىلىگىن ناقتى تياناقتاندىرىپ، ينفورماتسيانى ورتاق پايدالانۋدى ىلگەرىلەتىپ، ءتۇرلى ساقتانۋ جانە تىزگىندەۋ شارالارىن مۇقيات، ناقتى تياناقتاندىرىپ، ىندەتتى تەز ارادا تىزگىندەپ، قالىپتى ءوندىرىس پەن تۇرمىس ءتارتىبىن قالپىنا كەلتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
