شي جينپيڭ ازيا نەگىزدىك قۇرىلعىلارعا قارجى قوسۋ بانكەسىنىڭ 5 - كەزەكتى القالار كەڭەسىنىڭ بەينە ەكران ءماجىلىسىنىڭ اشىلۋ سالتىندا ءسوز سويلەدى
ازيا نەگىزدىك قۇرىلعىلاردى قارجىلاندىرۋ بانكەسىنىڭ مۇشەلەردىڭ بىرگە دامۋىن جەبەيتىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەتىن جاڭا تەكشەگە اينالۋى كەرەكتىگىن دارىپتەدى
2020.07.29 15:51 كەلۋ قاينارى : حالىق تورابى
«حالىق گازەتى»، 7 - ايدىڭ 28 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 28 - كۇنى ازيا نەگىزدىك قۇرىلعىلاردى قارجىلاندىرۋ بانكەسىنىڭ 5 – كەزەكتى القالار كەڭەسىنىڭ جىلدىق ءماجىلىسى بەينە ەكران ءماجىلىسىنىڭ اشىلۋ سالتىندا ءسوز سويلەدى. شي جينپيڭ ماجىلىسكە قۇتتى بولسىن ايتىپ، ازيا نەگىزدىك قۇرىلعىلاردى قارجىلاندىرۋ بانكەسىنىڭ ۇزدىكسىز دامىپ - زورايۋىنا بەلسەندى باعا بەرىپ، بىلاي دەپ اتاپ كورسەتتى: ازيا نەگىزدىك قۇرىلعىلاردى قارجىلاندىرۋ بانكەسى مۇشەلەردىڭ بىرگە دامۋىن جەبەيتىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەتىن جاڭا تەكشەگە اينالۋعا ءتيىس. مۇشەلەر نازاردى ورتاق دامۋعا ويىستىرىپ، ءورىس اشا جاڭالىق اشۋعا باتىل بولىپ، ەڭ تاماشا اماليات جاراتىپ، اشىق، سيىسىمدى بولۋدان جازباي، ازيا نەگىزدىك قۇرىلعىلاردى قارجىلاندىرۋ بانكەسىن دۇنيە ءجۇزىنىڭ بىرگە دامۋىن جەبەيتىن جاڭاشا كوپ جاقتى كوركەيتۋ بانكەسىنە، داۋىرمەن بىرگە ىلگەرىلەيتىن جاڭاشا دامۋ امالياتى تەكشەسىنە، جوعارى ولشەمدى جاڭاشا حالىقارالىق سەلبەستىك قۇرىلىمىنا جانە حالىقارالىق كوپ جاقتى سەلبەستىكتىڭ جاڭا ۇلگىسىنە اينالدىرۋى كەرەك. جۇڭگو كوپ جاقتىلىقتى باستان - اياق قولدايدى جانە امالياتتا ايگىلەيدى، قاقپا اشۋ، سەلبەسۋ، تەڭ يگىلىكتەنۋ رۋحىمەن مۇشە ەلدەرمەن بىرگە ازيا نەگىزدىك قۇرىلعىلاردى قارجىلاندىرۋ بانكەسىن ۇزدىكسىز قولداپ جانە ويداعىداي جۇرگىزىپ، حالىقارالىق قوعامنىڭ حاۋىپ - قاتەر مەن سىن - سايىسقا توتەپ بەرۋىنە، ورتاق دامۋدى جۇزەگە اسىرۋىنا اناعۇرلىم زور ۇلەس قوسادى.
شي جينپيڭ ارناۋ سوزىندە مىنالاردى دارىپتەدى: 2013 - جىلدىڭ سوڭىندا مەن جۇڭگو اتىنان ازيا نەگىزدىك قۇرىلعىلاردى قارجىلاندىرۋ بانكەسىن قۇرىپ، ازيا رايونىنىڭ نەگىزدىك قۇرىلعىلار قۇرىلىسى مەن ءوزارا بايلانىسىن ىلگەرىلەتۋدى، رەفورمانى تەرەڭدەتىپ، ورتاق دامۋدى جۇزەگە اسىرۋدى ۇسىنىس ەتتىم. اشىلعان 4 جىلدان استام ۋاقىتتان بەرى ازيا نەگىزدىك قۇرىلعىلاردى قارجىلاندىرۋ بانكەسى حالىقارالىق سيپاتتان، ارناعا ءتۇسىرۋ سيپاتىنان، جوعارى ولشەمنەن جازباي، تاماشا باستاما جاراتتى، مۇشە سانى ىرگە قالاعان كەزدەگى 57 مەملەكەت، رايوننان قازىر التى قۇرلىقتى شارپىعان 102 مەملەكەت، رايونعا كوبەيدى، دوستار شەڭبەرى بارعان سايىن كەڭەيىپ، جاقسى سەرىكتەر بارعان سايىن كوبەيىپ، سەلبەستىك ساپاسى بارعان سايىن جوعارىلادى، كاسىپتىك، جوعارى ءونىمدى، پاك جاڭاشا كوپ جاقتى كوركەيتۋ بانكەسىنىڭ شىت جاڭا وبرازىن ايگىلەدى.
شي جينپيڭ مىنالاردى اتاپ كورسەتتى: بۇكىل دۇنيە ءجۇزىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ امالياتى ادامزاتتىڭ قۋانىش پەن جۇبانىشتا بىرگە بولاتىن تاعدىرلاس ورتاق تۇلعا ەكەنىن دالەلدەدى، ءوزارا قولداۋ كورسەتىپ، ىنتىماقتاسىپ سەلبەستىك جاساۋ عانا داعدارىستى جەڭۋدەگى دۇرىس جول سانالادى. ەكونوميكانىڭ جاھاندانۋى بارىسىندا جارىققا شىققان قايشىلىقتاردى شەشۋ ءۇشىن، ءار ەل دۇنيە ءجۇزىن جونگە سالۋدىڭ اناعۇرلىم سيىسىمدى جۇيەسىن، اناعۇرلىم ءونىمدى كوپ جاقتى مەحانيزمدى، اناعۇرلىم بەلسەندى وڭىرلىك سەلبەستىكتى قالىپتاستىرۋعا قۇلشىنۋى كەرەك. ازيا نەگىزدىك قۇرىلعىلاردى قارجىلاندىرۋ بانكەسى مۇشەلەردىڭ بىرگە دامۋىن جەبەيتىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەتىن جاڭا تەكشەگە اينالۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
