قازىرگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە
ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى
شي جينپيڭ ءماجىلىستى باسقاردى ءارى ماڭىزدى ءسوز سويلەدى، لي كىچياڭ قاتىستى جاعدايلاردى حابارلاندىردى، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى
2020.07.31 16:15 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 30 - كۇنى، بەيجيڭ. 7 - ايدىڭ 28 - كۇنى ج ك پ ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، قازىرگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە دەموكراتيالىق پارتيا - توپتار ورتالىق كوميتەتتەرى، مەملەكەتتىك ونەركاسىپشىلەر مەن ساۋداگەرلەر بىرلەستىگى جاۋاپتىلارىنىڭ جانە پارتيا - توپتاردا جوق قايراتكەرلەردىڭ پىكىر - ۇسىنىستارىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەدى. ول مىنالاردى دارىپتەدى: قازىرگى ەكونوميكالىق جاعدايدى دۇرىس تانىپ، ىشكەرىلەي تەكسەرىپ - زەرتتەۋ جۇرگىزىپ، رەفورمانى جاپپاي تەرەڭدەتۋدى اناعۇرلىم زور تەبىنمەن ىلگەرىلەتىپ، دامۋدا ءدوپ كەلگەن ءتۇرلى قيىن ماسەلەلەردى بەلسەنە شەشىپ، ءار جاقتان كەلەتىن حاۋىپ قاتەر، سىن سايىس جانە وراسان زور قىسىمدى باسەڭدەتىپ، رەفورمانى، دامۋدى ىلگەرىلەتۋگە، ءتۇرلى حاۋىپ قاتەر مەن سىن سايىستى جەڭۋگە كەڭ كولەمدى ورتاق تانىم ۇيىستىرىپ، قۇدىرەتتى كۇش توپتاۋ كەرەك. بىزدە سايىسقا توتەپ بەرۋدەگى بەرىك سەنىم، بەرىك جىگەر، بەرىك مەملەكەت كۇشى بار، ءار ءتۇرلى حاۋىپ - قاتەر مەن سىنداردى جەڭەتىن تولىق سەنىم، قۋات، اقىل - پاراسات بار، ءارقانداي ەل، ءارقانداي ادام جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تاريحي اياق الىسىنا بوگەت بولا المايدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسىنە قاتىناستى. لي كىچياڭ الدىڭعى جارتى جىلداعى ەكونوميكالىق قىزمەتكە قاتىستى جاعدايلاردى حابارلاندىرىپ، ج ك پ ورتالىق كوميتەتىنىڭ سوڭعى جارتى جىلداعى ەكونوميكالىق قىزمەتتى ويداعىداي ىستەۋ جونىندەگى ويىن تانىستىردى.
شي جينپيڭ بىلاي دەپ اتاپ كورسەتتى: بيىلعى جىل باستالىسىمەن ءبىز توسىننان كەلگەن اۋىر سىناققا ءدوپ كەلدىك. بۇل رەتكى جاڭا تيپتى ايدارشا ۆيرۋس وكپە قابىنۋ ىندەتى − جاڭا جۇڭگو قۇرىلعاننان بەرى ەلىمىز تاپ بولعان تارالۋى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ زور الەۋمەتتىك دەنساۋلىق ساقتاۋ وقيعاسى، ول ەلىمىزدىڭ ەكونوميكالىق، قوعامدىق دامۋىنا بۇرىن بولىپ كورىلمەگەن سوققى بولدى. وسى رەتكى قاتاڭ كۇرەستە دەموكراتيالىق پارتيا - توپتار، ونەركاسىپشىلەر مەن ساۋداگەرلەر بىرلەستىگى جانە پارتيا - توپتا جوق قايراتكەرلەر ج ك پ ورتالىق كوميتەتىنىڭ شەشىم، ورنالاستىرۋلارىن باتىل دايەكتىلەندىرىپ، تياناقتاندىرىپ، قالىڭ مۇشەلەردى ەمدەۋ - قۇتقارۋ، عىلمي زەرتتەۋدە قامال الۋ، اقشا، زات جىلۋ اتاۋ، جۇمىستى قالپىنا كەلتىرۋ، ءوندىرىستى قالپىنا كەلتىرۋ، ت. ب. قىزمەتتەرگە بەلسەنە ات سالىسۋعا جەتەكتەپ، ىندەتتەن ساقتانۋ - تىزگىندەۋ حالىقتىق شايقاسىندا، جالپىلىق شايقاسىندا، توسقاۋىل شايقاسىندا جەڭىسكە جەتۋگە ماڭىزدى ۇلەس قوستى. كوپشىلىك ەكونوميكانىڭ، قوعامنىڭ دامۋىنا نازار اۋدارىپ، «رەفورمانى، جاڭالىق جاراتۋدى بەلسەنە ىلگەرىلەتۋ، ەكونوميكالىق دامۋدىڭ جاڭا قوزعاۋشى كۇشىن قاۋلاتۋ»، «جونگە سالۋ ونىمدىلىگىن جوعارىلاتۋ، حالىق تۇرمىسىن قامتاماسىز ەتۋ، جاقسارتۋ» سياقتى جاقتاردى توڭىرەكتەپ، جەرگىلىكتى ورىندارعا مىندەتتەۋ، ينفورماتسيالانعان تاسىلدەن پايدالانۋ سياقتى جولدارمەن تەكسەرۋ زەرتتەۋ جۇرگىزىپ، جاعدايدى انىقتاپ، ماسەلەلەردى ءدال تاۋىپ، شارالاردى شىنايى تياناقتاندىرۋعا كۇش سالۋى كەرەك. اسىرەسە، ىندەتتىڭ كەدەيلىكتەن ارىلتۋدان قامال الۋ مىندەتىن اۋىرلاتىپ جىبەرۋىنە قاراتا دەموكراتيالىق پارتيا - توپتارداعى نەگىزگى جاۋاپتى جولداستار ءتۇرلى تاسىلدەر جانە جولدار ارقىلى ءتۇپ ماتەريالداردى يگەرىپ، ءبىرىنشى شەپتىڭ ءۇنىن تىڭداپ، كەدەيلىكتەن ارىلتۋدان قامال الۋ جونىنەن مۇقيات دەموكراتيالىق باقىلاۋ ورىستەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە بەلسەندى ۇلەس قوسۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
