شي جينپيڭنىڭ كەدەيلىكتەن ارىلتۋدان قامال الۋ جونىندەگى جۇرەك جاردى سوزدەرى
2020.08.13 15:56 كەلۋ قاينارى : حالىق تورابى
قۇراستىرۋشىلار ەسكەرتپەسى: پارتيا 18 – قۇرىلتايىنان بەرى، باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋى جانە ادامزاتتى كەدەيلىكتەن ارىلتۋ ىستەرى سىندى تاريحى بيىك تۇرعىدان، جۇڭگونىڭ كەدەيلىكتەن دالمە – ءدال ارىلتۋ قىزمەتىن زەيىن سالا جوسپارلاپ، جاپپاي دوڭگەلەك داۋلەتتى قوعام قۇرۋدى ىلگەرىلەتۋ، ءبىرىنشى ءجۇز جىلدىق كۇرەس نىساناسىن ورىنداۋ جونىندە ستراتەگيالىق نۇسقاۋ جاسادى ءارى ونىڭ ءامالياتىنا ءوزى تىكەلەي ارالاستى.
«ناعىز كەدەيلىكتى كورۋ، ناعىز كەدەيلەردى سۇيەمەلدەۋ، كەدەيلەردى شىنايى سۇيەمەلدەۋدى» ورتاعا قويۋدان تارتىپ، «كەدەيلىكتىڭ ‹تامىرىن› ءدال تابۋ، نىسانانى ايقىنداۋعا» دەيىن ... باس شۋجيدىڭ كەدەيلەردى سۇيەمەلدەۋ يدەياسىن ايقىن پارىقتاۋعا بولادى. جاڭا ءداۋىر ۇيرەنۋ قىزمەتى كەڭسەسى شي جينپيڭنىڭ كەدەيلىكتەن ارىلتۋدان قامال الۋ جونىندەگى جۇرەك جاردى سوزدەرىن ارنايى رەتتەپ شىعىپ، وقىرماندارعا ۇسىنىپ وتىر.
ناعىز كەدەيلىكتى كورۋ —
«ەلىمىزدەگى قازىرگى كەدەيلىك كۇيى مەن ءىس جۇزىندىك جاعدايدى ۇعىنۋ ءۇشىن وسى اراعا كوپشىلىكپەن جۇزدەسۋگە ارنايى كەلىپ وتىرمىن. سىزدەر ماعان شىنايى جاعدايدى كورسەتىڭىزدەر، شىنايى بولماعان جاعدايدى كورمەيمىز. سوندىقتان، مەيلى، جول الىس بولسا دا، مەيلى، كورگەنىمىز از بولسا دا، شىنايى بولسىن، سوندا عانا قۇندى بولادى!»
— 2012 – جىلى 12 – ايدىڭ 29 – كۇنىنەن 30 – كۇنىنە دەيىن، شي جينپيڭ حىبەي ولكەسى فۋپيڭ اۋدانى لوتوۋان قىستاعىنا بارىپ، قيىنشىلىعى بار جۇرتشىلىقپەن جۇزدەستى ءارى ولاردان حال سۇرادى
پارتيا 18 – قۇرىلتايىنان كەيىن، مەن ءىشىنارا كەدەي وڭىرلەرگە بارىپ، ناعىز كەدەيلىكتى كوردىم، مىسالى، حىبەي ولكەسىنىڭ فۋپيڭ اۋدانى، حۋنان ولكەسىنىڭ حۋايۋان اۋدانى، گانسۋ ولكەسىنىڭ دۇڭشياڭ اۋدانى، بۇلاردىڭ بارلىعى كەدەي جەرلەر.
— 2017 – جىلى 2 – ايدىڭ 24 – كۇنى حالىق گازەتى «باس شۋجي شي جينپيڭنىڭ كەدەيلەردى سۇيەمەلدەۋگە دەگەن ىقىلاسى»
ناعىز كەدەيلىكتى كورۋ، ناعىز كەدەيلەردى سۇيەمەلدەۋ، كەدەيلەردى شىنايى سۇيەمەلدەۋ، ساۋلەتتى كورىنىستەرمەن اينالىسپاي، قالىڭ كەدەيلەرگە پايدالى ناقتى ىستەردى كوبىرەك ىستەۋ كەرەك.
— 2015- جىلى 3 - ايدىڭ 8 - كۇنى مەملەكەتتىك 12 - كەزەكتى حالىق قۇرىلتايى 3 - ماجىلىسىندە گۋاڭشي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن سوزىنەن
مەنىڭ بۇل جەرلەرگە بارىپ، تەكسەرۋ – زەرتتەۋ جۇرگىزۋىمنىڭ سەبەبى تەك بىرەۋ عانا، ناعىز كەدەيلىكتى كورۋ، ناعىز كەدەيلەردى سۇيەمەلدەۋ، كەدەيلەردى شىنايى سۇيەمەلدەۋ. اۋىل – قىستاقتىڭ جاعدايىن بىلمەسەك، كەدەي وڭىرلەردىڭ جاعدايىن بىلمەسەك، ديقانداردىڭ، وتە – موتە، كەدەي ديقانداردىڭ جاعدايىن بىلمەسەك، جۇڭگونىڭ جاعدايىن شىنايى بىلدىك دەي المايمىز، جۇڭگونى شىنايى تۇسىندىك دەي المايمىز، جۇڭگونى ويداعىداي باسقارۋىمىز تىپتەن مۇمكىن ەمەس.
— 2014 – جىلى 3 – ايدىڭ 7 – كۇنى مەملەكەتتىك 12 – كەزەكتى حالىق قۇرىلتايى 2 – ماجىلىسىندە گۇيجوۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن سوزىنەن
ناعىز كەدەيلەردى سۇيەمەلدەۋ —
«قايسى وتباسىنىڭ جاعدايى قانداي ەكەنى جونىندە كوڭىلىمىزدە سان بولۋى كەرەك»
«جاعدايدى انىق بىلگەندە عانا، قىزمەتتى ويداعىداي ىستەۋگە، تىندىرىمدى ىستەۋگە بولادى. كەدەي اۋىلداستاردىڭ كەدەيلىكتەن ارىلىپ، اۋقاتتانۋىنا كومەكتەسۋدە باعىتتامالى شارا قولدانۋ، ءاربىر وتباسىنىڭ جاعدايىن ۇعىسۋ قاجەت، قايسى وتباسىنىڭ جاعدايى قانداي ەكەنى جونىندە كوڭىلىمىزدە سان بولۋى كەرەك».
— 2012 – جىلى 12 – ايدىڭ 29 – كۇنىنەن 30 – كۇنىنە دەيىن شي جينپيڭ حىبەي ولكەسى فۋپيڭ اۋدانى لوتوۋان قىستاعىندا قيىنشىلىعى بار جۇرتشىلىقپەن جۇزدەستى ءارى ولاردان حال سۇرادى
كوپ سۋمەن كولدەتىپ سۋارۋعا، «بۇرگەنى بومبىمەن پارتىلاتۋعا» بوي ۇرماۋ كەرەك، قىستاقتىڭ، كەدەي وتباسىلاردىڭ، كەدەي جان سانىنىڭ جاعدايىنا قاراي ساياسات اتقارىپ، جاعدايعا قاراي ىستەۋ، كەدەيلەردى دالمە – ءدال تاۋىپ، نىسانالى تۇردە سۇيەمەلدەۋ، كەدەيلەردى قاجەتتى تۇيىندە ءدال سۇيەمەلدەۋ، ءتۇپ قاينارىنان باستاپ سۇيەمەلدەۋ كەرەك.
— 2018 – جىلى 2 – ايدىڭ 12 – كۇنى كەدەيلىكتەن ارىلتۋدان قامال الۋ شايقاسىن دالمە – ءدال، ويداعىداي اتقارۋ جونىندەگى اڭگىمە ماجىلىسىندە سويلەنگەن ءسوز
كەدەيلەردى سۇيەمەلدەۋ شارالارى، ءسوزسىز، شىنايى بولۋى، جەرگىلىكتى جاعدايعا قاراي، ادامعا، وتباسىنا قاراي ساياسات اتقارۋ، تەتىگىن ءدال تاۋىپ، ناقتى جاعدايعا قاراي ىستەپ، «كەدەيلىكتى ءتۇپ تامىرىنان باستاپ» جويۋ كەرەك.
— 2016 – جىلى 7 – ايدىڭ 20 – كۇنى، شىعىس – باتىس بولىكتىڭ كەدەيلەردى سۇيەمەلدەۋ قىزمەتىن سايكەستىرۋ اڭگىمە ماجىلىسىندە سويلەنگەن ءسوز
كەدەيلەردى سۇيەمەلدەۋ ءۇشىن، ءسوزسىز، الدىمەن كەدەيلەردى ناق تانۋ كەرەك. ارحيۆ تۇرعىزىپ، كارتۋچكا ءبىتىرۋ، بەلگىلى دەڭگەيدەن ايتقاندا، كەدەي جان سانىنىڭ نەگىزگى مولشەرىن انىقتايدى، الايدا، بۇل قىزمەتتى اناعۇرلىم شىنايى، اناعۇرلىم ناقتى ىستەۋ ارقىلى ناعىز كەدەي جان سانىن انىق بىلۋگە كەپىلدىك ەتۋ كەرەك.
— 2015 – جىلى 11 – ايدىڭ 27 – كۇنى، ورتالىقتىڭ كەدەيلەردى سۇيەمەلدەۋ – كوركەيتۋ قىزمەتى ماجىلىسىندە سويلەنگەن ءسوز
كەدەيلەردى شىنايى سۇيەمەلدەۋ —
«ەڭ كەمىندە تاماعىن تاۋىپ جەيتىن قابىلەتى بولسا، كۇندەرى كەدەيلىكپەن وتە بەرمەيدى»
«مەن كەيبىر كەدەي جەرلەرگە بارعانىمدا، كەي بالالاردىڭ جەتى، سەگىز جاسقا كەلسە دە، ءالى ۇيدە وتىرعانىن، وقۋعا بارماعانىن كوردىم. كەدەي وڭىرلەردە وقۋ – اعارتۋدى، ءسوزسىز، جاقسارتۋ كەرەك، بالالار باستالۋ سىزىعىنان شىقپاي تۇرىپ ۇتىلىپ قالماۋى كەرەك، ولارعا وقۋ – اعارتۋدان يگىلىكتەنە الاتىن وراي جاراتۋ، داشۋە وقي الاتىن وراي جاراتۋ، تاعى ءبىر سەگىز دە ون جىلدا اۋقاتتانۋدىڭ شەبەرىنە اينالۋىنا وراي جاراتۋ كەرەك، ەڭ بولماعاندا تاماعىن تاۋىپ جەيتىن قابىلەتى بولسا، كۇندەرى تاعى دا كەدەيلىكپەن وتە بەرمەيتىن بولادى».
— 2020 – جىلى 5 – ايدىڭ 19 – كۇنى شينحۋا اگەنتتىگى «شي جينپيڭنىڭ كەدەيلەردى سۇيەمەلدەۋ حيكاياسى»
فورماشىلدىق، تورەشىلدىك ماسەلەلەرى كورنەكتى بولۋدا، مىسالى، اقشا جۇمساپ، تامدى اعارتقانمەن، ونى ءيا جەۋگە كەلمەيدى، ءيا كيۋگە كەلمەيدى، مۇنداي تۇككە پايداسى جوق ىستەردى ىستەۋ، مەملەكەتتىڭ اقشاسىن ىسىراپ ەتكەندىك! ءماجىلىس كوپ، تەكسەرۋ كوپ، كەستە تولتىرۋ كوپ بولعاندىقتان، نەگىزگى ساتىداعى كادرلار وسىعان توتەپ بەرۋمەن شارشاپ ءجۇر.
— 2019 – جىلى 4 – ايدىڭ 16 – كۇنى، «ەكىدەن تارىقتىرماۋ، ءۇشتى قامتاماسىزداندىرۋ» جاعىنداعى كورنەكتى ماسەلەلەردى شەشۋ جونىندەگى اڭگىمە ماجىلىسىندە سويلەنگەن ءسوز
مەن فۋجياننىڭ نيڭدى قالاسىندا قىزمەت ىستەگەن كەزدە «شابان ۇيرەك بۇرىن ۇشادى» دەگەن ءسوزدى ايتقان ەدىم، بىلايشا ايتقاندا، كەدەي رايونداردا، كەدەي جۇرتشىلىقتا ەڭ الدىمەن «ۇشۋ» تانىمى مەن «الدىمەن ۇشۋ» ارەكەتى بولۋى كەرەك. ىشكى قوزعاۋشى كۇش بولماسا، تەك سىرتقى جاقتا سۇيەمەلدەۋگە عانا سۇيەنگەنمەن، قانشا سۇيەمەلدەگەنمەن دە، ءوزىڭ «ۇشۋدى» قالاماساڭ، ماسەلەنى تۇبىرىنەن شەشۋ مۇمكىن ەمەس.
— 2017 – جىلى 6 – ايدىڭ 23 – كۇنى، توتەنشە كەدەي وڭىرلەردى كەدەيلىكتەن ارىلتۋدان قامال الۋ جونىندەگى اڭگىمە ماجىلىسىندە سويلەنگەن ءسوز
كەدەيلەردى سۇيەمەلدەيتىن كادرلار شىن مانىندە تومەنگە ءتۇسىپ، ىشتەي ارالاسىپ، قىستاققا بارىپ جۇمىس ىستەۋى، جۇرتشىلىقپەن بىرگە جۇمىس ىستەۋى كەرەك، جۇمىستى ات ءۇستى ىستەمەۋى، بويكۇيەزدىككە سالىنباۋى، جىلجىرتپالاپ ءوتىپ كەتپەۋى كەرەك.
— 2017 – جىلى 6 – ايدىڭ 23 – كۇنى، ەرەكشە كەدەي وڭىرلەردە كەدەيلىكتەن ارىلتۋدان قامال الۋ جونىندەگى اڭگىمە ماجىلىسىندە سويلەنگەن ءسوز
كەدەيلىكتەن شىنايى ارىلتۋ —
«كەدەي اۋدانداردىڭ اۋداندىق پارتكوم شۋجيلارى، اۋدان اكىمدەرى سول ورنىنان قوزعالماۋى، جاۋاپكەرشىلىكتى سوڭىنا دەيىن ارقالاۋى كەرەك»
«شىنايى شارا قولدانۋ كەرەك، كەدەي اۋداندارداعى اۋداندىق پارتكوم شۋجيلارى مەن اۋدان اكىمدەرى سول ارادان قوزعالماۋى، جاۋاپكەرشىلىكتى سوڭىنا دەيىن ارقالاۋى كەرەك، كەدەيلىكتەن ارىلتپاسا ‹كەتۋىنە بولمايدى›، ءاركىم ءوز ورنىنان تابىلۋى قاجەت، سوڭىنا شىقپاي تۇرىپ ناتيجەنى كورۋگە بولمايدى. وسىنداي شارا قولدانباساق، بارلىعى دا ءوز جونىمەن كەتە بەرسە، بۇل ۇلاسپالى قوناعاسىعا اينالىپ كەتەدى».
— 2020 – جىلى 5 – ايدىڭ 19 – كۇنى شينحۋا اگەنتتىگى «شي جينپيڭنىڭ كەدەيلەردى سۇيەمەلدەۋ حيكاياسى»
كەدەيلىكتەن ارىلتۋدا سانعا دا قاراۋ كەرەك، ساپاعا ءتىپتى دە ءمان بەرۋ كەرەك، كەزى كەلگەندە كەدەيلىكتەن ارىلتۋ مىندەتىن ورىنداپ بولدىق دەگەنمەن، ءبىر – ەكى جىل وتكەن سوڭ كەڭ كولەمدە قايتا كەدەيلەسۋ جاعدايى تۋىلسا بولمايدى.
— 2019 – جىلى 4 – ايدىڭ 16 – كۇنى، «ەكىدەن تارىقتىرماۋ، ءۇشتى قامتاماسىزداندىرۋ» جاعىنداعى كورنەكتى ماسەلەلەردى شەشىم ەتۋ جونىندەگى تالقى ماجىلىسىندە سويلەنگەن ءسوز
كەيبىرەۋلەر مەجەلى كىرىستى سول جىلداعى ءىس جۇزىندىك كىرىس ورنىندا ساناپ ءجۇر، ءالى تاۋارعا اينالماعان ونىمنەن كىرەتىن كىرىستى ەبىن تاۋىپ ناق اقشا كىرىسىنە ەسەپتەپ ءجۇر، وسىلايشا كىرىس مولشەرىن جوعارى كوتەرىپ، «ەسەپ جاساۋ فورماسىنداعى» كەدەيلىكتەن ارىلتۋعا بوي ۇرۋدا. كەيبىرەۋلەر كەدەيلىكتەن ارىلتۋدان قامال الۋدىڭ جىلدىق مىندەتىن ساتىلارعا ءبولىپ، جىل سوڭىنداعى كەدەيلىكتەن ارىلعانداردى تىزىمدىكتەن ءوشىرۋ بارىسىندا «تاپالداردىڭ اراسىنان ۇزىنتۇرا» ىزدەۋدە، ءىشىنارا كەدەي وتباسىلارعا كەدەيلىك قالپاعىن كيگەن جىلدىڭ وزىندە كەدەيلىك قالپاعىن الىپ تاستاۋ تالابىن قويىپ، «كورسەتكىش فورماسىندا» كەدەيلىكتەن ارىلتۋعا بوي ۇرۋدا.
— 2018 – جىلى 2 – ايدىڭ 12 – كۇنى، كەدەيلىكتەن دالمە – ءدال ارىلتۋدا قامال الۋ شايقاسى جونىندەگى اڭگىمە ماجىلىسىندە سويلەنگەن ءسوز
كەدەيلەردى سۇيەمەلدەۋ قىزمەتى، ءسوزسىز، ناقتى ىستەلۋى، كەدەيلىكتەن ارىلتۋ بارىسى، ءسوزسىز، تىڭعىلىقتى ىستەلۋى قاجەت، ناعىز كەدەيلەردى سۇيەمەلدەۋ، كەدەيلەردى شىنايى سۇيەمەلدەۋ قاجەت، كەدەيلىكتەن ارىلتۋدىڭ ناتيجەسى، ءسوزسىز، شىنايى بولۋى كەرەك، كەدەيلىكتەن ارىلتۋدان قامال الۋدىڭ ناتيجەسى جۇرتشىلىقتىڭ شىنايى قۇپتاۋىنا يە بولۋى، ءاماليات پەن تاريحتىڭ سىناعىنان وتە الاتىن بولۋى كەرەك، اككىلىك ىستەۋگە، قۇر ساۋلەتكە سالىنۋعا، مۇلدە، بولمايدى.
— 2017 – جىلى 2 – ايدىڭ 21 – كۇنى، ج ك پ 18 – كەزەكتى ورتالىق كوميتەت ساياسي بيۋروسىنىڭ 39 – رەتكى توپتىق ۇيرەنۋىندە سويلەنگەن ءسوز
پايدالانعان ماتەريالداردىڭ كەلۋ قاينارى: حالىق گازەتى، شينحۋا اگەنتتىگى
رەتتەگەن چاڭ شۋەمەي، لۇي تىڭلۇڭ
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
