بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

2020.08.18 16:42     كەلۋ قاينارى : حالىق تورابى

  شينحۋا اگەنتتىگى، 8 - ايدىڭ 17 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 8 - ايدىڭ 17 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە جاڭادان ارتقان قازىنالىق قارجىمەن تىكەلەي كاسىپورىندارعا تيىمدىلىك جاساۋ، حالىققا پايدا جەتكىزۋ قىزمەتىن ىشكەرىلەي ويداعىداي ىستەپ، ەكونوميكانىڭ قالپىنا كەلۋ سيپاتىنداعى ارتۋ نەگىزىن بەكەمدەۋ جونىندە ورنالاستىرۋ جاسالدى؛ فينانس جاعىنان ناقتى ەكونوميكانى قولداۋداعى ساياساتتىق شارالاردى اناعۇرلىم تياناقتاندىرىپ، بازار تۇلعالارىنىڭ قيىنشىلىق قىسپاعىنان ارىلىپ، دامۋىنا دەم بەرۋ تالاپ ەتىلدى؛ پەداگوگيكالىق مەكتەپ بىتىرگەن وقۋشىلاردىڭ تولىمدىلىعىن تانۋ رەفورماسىن ىلگەرىلەتىپ، پەداگوگيكالىق مەكتەپ بىتىرگەن وقۋشىلاردىڭ وقىتۋشىلىقپەن شۇعىلدانۋىن جەبەۋ ۇيعارىلدى.

  ماجىلىستە مىنالار اتاپ كورسەتىلدى: ەرەكشە اۋدارىپ تولەۋ مەحانيزمىن ورناتۋ كەرەك، ورتالىقتىڭ تىڭنان ارتقان قازىنالىق قارجىسىن قالا، اۋدانداردىڭ نەگىزگى ساتىلارىنا توتە جەتكىزىپ، تىكەلەي كاسىپورىندارعا تيىمدىلىك جاساۋ، حالىققا پايدا جەتكىزۋ − «التىنى ورنىقتىرۋ» قىزمەتىن تىڭعىلىقتى جاقسى ىستەۋدىڭ، «التىنى قامتاماسىز ەتۋ» مىندەتىن تياناقتاندىرۋدىڭ ماڭىزدى مازمۇنى. 8 - ايدىڭ باس شەنىنە دەيىن بيىل تىڭنان ارتقان 2 تريلليون يۋان قازىنا قارجىسىنىڭ ىشىندە 300 ميلليارد يۋاننىڭ باسىم كوبى باجىنى، اقىنى تومەندەتۋگە جۇمسالدى؛ تىكەلەي جەتكىزىپ باسقارۋ جولعا قويىلعان ءبىر تريلليون 700 ميلليارد يۋان قارجىنىڭ (بەلگىلەنگەن سالىستىرما بويىنشا الىپ قالىنعان ىندەتكە قارسى اتتانۋ ەرەكشە زايوم قارجىسىنان سىرت) %97.8 ى قالا، اۋداندارعا ءبولىپ بەرىلدى. ساياساتتىڭ اتقارىلۋى باجىنى، اقىنى تومەندەتۋ شارالارىنىڭ تياناقتانۋىن پارمەندى ىلگەرىلەتتى، نەگىزگى ساتىنىڭ قازىنا قۋاتىن ايتارلىقتاي ارتتىرىپ، بازار تۇلعالارىنا كومەكتەسۋ، جۇمىستانۋدى ورنىقتىرۋ، حالىق تۇرمىسىنا كەپىلدىك ەتۋ سياقتى اسەرلەرى بىرتىندەپ كورنەكتىلەندى، ەكونوميكانىڭ قالپىنا كەلۋ سيپاتتى ارتۋى جەبەلدى. كەلەسى قادامدا، ءبىرىنشى، قالا، اۋدانداردىڭ تۇسىرگەن قارجىنى بازار تۇلعالارى مەن حالىق تۇرمىسىنا جەدەل جۇمساۋىنا جەتەكشىلىك ەتىپ، ءبولىس باياۋ بولۋ، قارجىنى جۇمساماي قويىپ قويۋ ماسەلەلەرىنە قاراتا قاجەتتى شارالاردى قولدانىپ، رەتتەۋ - تۇزەتۋگە قۋزاۋ كەرەك. ەكىنشى، قاراجات ءبولۋ ، تولەۋ، ىستەتۋ احۋالىن وكشەلەي وتىرىپ اۋقىمدىق باقىلاپ، تىكەلەي تۇسىرىلگەن قارجىعا بايلانىستى ارناۋلى قازىنالىق قوردى سالىستىرۋ مەحانيزمىن ورناتىپ، ەسەپ - قيساپ انىق، باعدارى ايقىن، ەسەپ پەن ناقتى جۇمسالۋ ورنىنىڭ سايكەستى بولۋىن جۇزەگە اسىرۋ كەرەك. ءۇشىنشى، قازىنا - ەكونوميكا ءتارتىبىن قاتايتىپ، جالعان مالىمدەگەندەردى، باسقالاي ات جامىلىپ الىپ قالعانداردى، باسقاعا جۇمساعانداردى بايقالا سالىسىمەن شەتىنەن ءبىر جاقتى ەتۋ كەرەك. ماجىلىستە مىنالار تالاپ ەتىلدى: ماكرولىق ساياساتتىڭ باعىتتامالىلىعىن اناعۇرلىم كۇشەيتىپ، سۋ جىبەرىپ بالىق باعىپ، بازار تۇلعالارىن قورعاپ جانە جەتىلدىرىپ، رەفورمانى اناعۇرلىم زور تەبىنمەن ىلگەرىلەتىپ، دامۋ سەنىمىن بەكەمدەپ، قايراتتانا ناقتى ىستەپ، تۇتاس جىلداعى ەكونوميكالىق، قوعامدىق دامۋدىڭ نىسانا، مىندەتتەرىن قۇلشىنا ورىنداۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار