مەملەكەتتىك ساياسي كەڭەس كەدەيلىكتەن ارىلتۋدان قامال الۋ شايقاسىنىڭ جەتىستىكتەرىن بەكەمدەۋ جاعىنداعى ءتۇيىندى ۇسىنىس جوبالاردى بىتىرۋگە قۋزاۋ سالۋ جونىندە ءماسليحات ءماجىلىسىن اشتى
ۋاڭ ياڭ ءماجىلىستى باسقاردى ءارى ءسوز سويلەدى
2020.08.21 14:47 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لين حۇيدىڭ 8 – ايدىڭ 20 – كۇنى لانجوۋدان بەرگەن حابارى. مەملەكەتتىك ساياسي كەڭەس 8 – ايدىڭ 19 – كۇنى گانسۋ ولكەسىنىڭ لينشيا حۇيزۋ اۆتونوميالى وبلىسىندا «‹14 – بەسجىلدىق› مەزگىلىندە ەلىمىزدىڭ باتىس بولىگىندەگى كەدەيلىكتەن ارىلتۋ جەتىستىكتەرىن بەكەمدەۋ» جاعىنداعى ءتۇيىندى ۇسىنىس جوبالاردى بىتىرۋگە قۋزاۋ سالۋ جونىندە ءماسليحات كەڭەسىن اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى ءارى ءسوز سويلەدى. ول مىنانى باسا دارىپتەدى: باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى ماڭىزدى بايانداۋلارىن ىشكەرىلەي تياناقتاندىرىپ، كەدەيلىكتەن ارىلتۋدان قامال الۋ شايقاسىندا بەلگىلەنگەن مەرزىمدە جوعارى ساپالى جەڭىسكە جەتۋگە كەپىلدىك ەتۋ نەگىزىندە، كەدەيلىكتەن ارىلتۋ جەتىستىكتەرىن بەكەمدەۋدەگى ساياسات اياسى مەن قىزمەت مەحانيزمىن ويداعىداي جوسپارلاۋدى مىقتى ۇستاپ، اۋىل – قىستاقتى جاپپاي كوركەيتۋدى ىلگەرىلەتىپ، قالا مەن اۋىلدىڭ دامۋ پارقىن بىرتىندەپ ازايتۋعا شارت – جاعداي ازىرلەپ، بۇكىل حالىقتى ورتاق بايىتۋ باعىتىنا قاراي ورنىقتى ىلگەرىلەتىپ، پارتيانىڭ ءتۇبىرلى ماقساتىن جانە سوتسياليستىك ءتۇزىمىنىڭ ابزالدىلىعىن ايگىلەۋگە مۇمكىندىك جاراتۋ كەرەك.
ماجىلىستەن بۇرىن، ۋاڭ ياڭ ىلگەرىندى – كەيىندى دۇڭشياڭ اۆتونوميالى اۋدانى، لينشيا اۋدانى، كاڭلى اۋدانى قاتارلى جەرلەرگە بارىپ، كەدەيلەردى سىرت جەرگە كوشىرىپ قونىستاندىرىپ سۇيەمەلدەۋ قىزمەتىندەگى ورنالاستىرۋ تۇيىنىندە، كەدەيلەردى سۇيەمەلدەۋ سەحىندا، ەگىمشىلىك بازالارىندا، باعىمشىلىق الاڭىندا قىزمەتتى كوزدەن كەشىرىپ، كەدەيلىكتەن ارىلعان وتباسىلارعا بارىپ ءمان – جايىن ۇعىستى ءارى ولكە، قالا، اۋدان، اۋىل، قىستاق سىندى بەس دارەجەلى ورىندارداعى كەدەيلەردى سۇيەمەلدەۋ قىزمەتىنە جاۋاپتى كادرلارمەن اڭگىمە ءماجىلىسىن وتكىزىپ، كەدەيلىكتەن ارىلتۋدان قامال الۋ ناتيجەلەرىن بەكەمدەۋدى اۋىل – قىستاقتى كوركەيتۋمەن ءونىمدى ۇشتاستىرۋ جونىندەگى ۇسىنىس – پىكىرلەردى تىڭدادى. ۇسىنىس جوبالارىن بىتىرۋگە قۋزاۋ سالۋ ءماسليحات ماجىلىسىندە، ۋاڭ ياڭ مىنانى باسا دارىپتەدى: كەدەيلىكتەن ارىلتۋ جەتىستىكتەرىن بەكەمدەۋدە پارتيانىڭ باسشىلىعىنا تاباندى بولىپ، كەدەيلەردى سۇيەمەلدەۋ مەن كوركەيتۋدىڭ جۇڭگوشا جولىمەن جۇرۋگە تاباندى بولىپ، دامۋ جاعىندا كەنجە قالعان وڭىرلەر مەن اۋىل – قىستاقتارداعى كىرىسى تومەن جان سانىن اۋقاتتاندىرۋداعى ىشكى قوزعاۋشى كۇشتى ءونىمدى تۇردە قاۋلاتۋ كەرەك. ساياساتتى دالمە – ءدال اتقارىپ، جاعدايعا قاراي ىستەۋدە ۇزدىكسىز تاباندى بولۋ قاجەت، وتە – موتە، كەدەيلەردى سۇيەمەلدەۋدە مال – مۇلىك اينالىمىنىڭ ورنىقتىلىعىن، كەدەيلەردى سۇيەمەلدەۋ جاعىنداعى سەلبەستىك مەحانيزمىنىڭ بازارداعى حاۋىپ – قاتەرلەرگە توتەپ بەرۋىنىڭ ونىمدىلىگىن، كەدەيلەردى سۇيەمەلدەۋ بايلىق قاينارىنان پايدالانۋدىڭ ۇلاسپالىلىعىن، كەدەيلەردى سۇيەمەلدەۋ ساياساتىن اتقارۋدىڭ كەمەلدىلىگىن قالىپتاندىرۋعا ءمان بەرۋ كەرەك. قازىرگى كەدەيلىكتەن ارىلتۋ ساياساتتارىن كەدەيلىكتەن ارىلتۋ جەتىستىكتەرىن بەكەمدەۋ تالابىنا سايكەستىرۋ، ساياساتتى اناعۇرلىم كەمەلدەندىرۋ، ساپالىلاندىرۋ جانە ودان جاڭالىق جاراتۋ، جەر – جەردى جەرگىلىكتى جاعدايعا قاراي وتىرىپ، كەدەيلىكتەن ارىلتۋ جەتىستىكتەرىن بەكەمدەۋ جاعىندا ىزدەنىس جاساۋعا شابىتتاندىرۋ كەرەك.
مەملەكەتتىك 13 – كەزەكتى ساياسي كەڭەس ۇسىنىس جوبا بەرۋ قىزمەتىنە بارىنشا ءمان بەرىپ، ۇسىنىس جوبالاردى بىتىرۋگە قۋزاۋ سالۋ تاسىلىندە جاڭالىق جاراتىپ، بىتىرۋگە قۋزاۋ سالۋ ءماسليحات ەرەجەلەرىن كەمەلدەندىرىپ، بىتىرۋگە قۋزاۋ سالۋدىڭ ساپاسى مەن جەتەكشىلىك رولىن كۇشەيتتى. كەدەيلىكتەن ارىلتۋدان قامال الۋدىڭ ەڭ سوڭعى جىلىندا، باتىس بولەكتەگى 9 ولكە، اۆتونوميالى رايونداعى ساياسي كەڭەس ءتوراعالارىن قامتىعان مەملەكەتتىك كەڭەستىڭ 17 مۇشەسى بۇل ۇسىنىس جوبانى بىرگە بەرىپ، قاتىستى جاقتاردىڭ بارىنشا ءمان بەرۋىنە يە بولدى. لي جىيۇڭ، گو گىڭماۋ، لان تيانلي، وۋياڭ جيان، چىن يىن، جاڭ گۇيپيڭ، حۋاڭ باۋرۇڭ قاتارلى 7 مۇشە گرۋپپالارعا ءبولىنىپ ىشكەرىلەي تەكسەرۋ – زەرتتەۋ جۇرگىزدى ءارى بىتىرۋگە قۋزاۋ سالۋ ءماسليحات ماجىلىسىندە ءسوز سويلەدى. كوپشىلىك ەلىمىزدىڭ كەدەيلىكتەن ارىلتۋدان قامال الۋ جاعىندا قول جەتكىزگەن شەشۋشى ناتيجەلەرى مەن باتىس بولىكتەگى بارشا اۋىل – قىستاقتاردا تۋىلعان تاريحي سيپاتتى وراسان زور وزگەرىستەردى تولىق تۇراقتاندىرىپ، كەدەيلىكتەن ارىلتۋ جەتىستىكتەرىن بەكەمدەۋگە تاماشا نەگىز قالاندى ، الايدا، ءىشىنارا جەرلەردە كەدەيلىكتەن ارىلتۋدىڭ ورنىقتىلىعى دەرلىكتەي مىعىم ەمەس، «14 – بەسجىلدىق» مەزگىلىندە باتىس بولىكتەگى كەدەيلىكتەن ارىلىپ، كەدەيلىك قالپاعىن الىپ تاستاعان وڭىرلەر ءالى دە كەدەيلىكتەن ارىلتۋ جەتىستىكتەرىن اۋىل – قىستاقتى كوركەيتۋدىڭ باستى ءتۇيىنى ەتۋى كەرەك دەپ قارادى.
(بەلگى: وسى ارادان الدىڭعى ابزاتسقا قوسىلادى) كەدەيلەردى سۇيەمەلدەۋ قاراجاتىن پايدالانۋ جولدارىن بىرتىندەپ رەتكە سالىپ، ساپالىلاندىرۋ كەرەك، الايدا، تەبىنىن باسەڭدەتۋگە بولمايدى، نەگىزگى ساتىلارداعى كەدەيلەردى سۇيەمەلدەۋ كۇشتەرىنە ۇيلەسىمدى تۇردە رەتتەۋگە بولادى، الايدا، بىردەن كۇشىنەن قالدىرا سالۋعا بولمايدى. ەل ىشىندەگى ءىرى اينالىمدى نەگىزگى تۇلعا ەتىپ، ەل ءىشى مەن حالىقارالىق قوس اينالىم ءوزارا ىلگەرىلەتۋدەن قالىپتاسقان تىڭ دامۋ جاعدايى جاراتقان ماڭىزدى ورايدى مىقتى ۇستاپ، باتىس بولىكتەگى نەگىزگى قۇرىلعىلار قۇرىلىسىن كۇشەيتىپ، ەرەكشەلىككە يە، باسىمدىلىققا يە كاسىپ سالالارىن كۇش سالا جەتىلدىرىپ، كوشباسشى كاسىپورىنداردىڭ دامۋىنا قولداۋ كورسەتىپ، حالىق باسقارۋىنداعى كاسىپورىنداردىڭ كەدەيلەردى سۇيەمەلدەۋگە ىشكەرىلەي ارالاسۋ ىنتاسىن وياتۋ كەرەك. قايتا كەدەيلەسۋدەن ساقتانۋ ىرىدەرەكتەرىن باقىلاۋ – تەكسەرۋ تەكشەسىن قۇرىپ، تاراۋلار اراسىنداعى سەلبەستىك پەن ساندى دەرەكتەردى ورتاق پايدالانۋدى كۇشەيتىپ، كەدەيلەسۋى وڭاي، قايتادان كەدەيلەسۋى وڭاي بولعان جان سانىنا دەر كەزىندە كومەكتەسۋ شارالارىن اتقارۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
