شي جينپيڭ جۇڭگو حالىق ساقشىلارى قوسىنىنا تۋ تاپسىردى ءارى ءتالىم بەرىپ، مىنانى دارىپتەدى
پارتياعا ادال بولىپ، حالىققا قىزمەت ەتىپ، زاڭدى ءادىل اتقارىپ، ءتارتىپتى قاتايتىپ، پارتيا مەن حالىق جۇكتەگەن بورىش پەن مىندەتتى باتىل ورىنداۋ كەرەك
ۋاڭ حۋنيڭ، حان جىڭ ماجىلىسكە قاتىناستى
2020.08.27 16:39 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 26 - كۇنى، بەيجيڭ. جۇڭگو حالىق ساقشىلارىنىڭ ساقشى تۋىن تۋ تاپسىرۋ سالتى 8 - ايدىڭ 26 - كۇنى حالىق سارايىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىق ساقشىلارى قوسىنىنا تۋ تاپسىردى ءارى ءتالىم بەردى، پارتيا ورتالىق كوميتەتى اتىنان حالىق ساقشىلارىن قىزۋ قۇتتىقتادى. ول مىنالاردى دارىپتەدى: ەلىمىزدىڭ حالىق ساقشىلارى − مەملەكەتتىڭ اماندىق باسقارۋعا قاتىستى ماڭىزدى اكىمشىلىك جانە قىلمىستىق ىستەر ءادىليالىق كۇشى، ونىڭ باستى مىندەتى − مەملەكەتتىڭ حاۋىپسىزدىگىن قورعاۋ، قوعام اماندىعى ءتارتىبىن، ازاماتتاردىڭ باس اماندىعىن، باس بوستاندىعىن، زاڭدى مال - مۇلكىن قورعاۋ، الەۋمەتتىك مال - مۇلىكتى قورعاۋ، زاڭعا قايشى قىلمىستىق ارەكەتتەردەن ساقتانۋ، ونى تەجەۋ، جازالاۋ. جاڭا تاريحي شارت - جاعدايدا ەلىمىزدىڭ حالىق ساقشىلارى پارتياعا ادال بولۋ، حالىققا قىزمەت وتەۋ، زاڭدى ءادىل اتقارۋ، ءتارتىپتى قاتايتۋ، بۇكىل ىنتا - پەيىلىمەن حالىق بۇقاراسىنىڭ تابىس، باقىت، حاۋىپسىزدىك سەزىمىن كۇشەيتۋ جولىندا قۇلشىنا قىزمەت ىستەپ، پارتيا مەن حالىق جۇكتەگەن بورىش پەن مىندەتتى باتىل ورىنداۋى كەرەك.
حالىق سارايىنىڭ سولتۇستىك زالى سالتاناتتى دا دۋماندى بەينەگە شومدى. قىزىل ءتۇستى ارتقى كورىنىس تاقتاسىنا جازىلعان «جۇڭگو حالىق ساقشىلارىنىڭ ساقشى تۋىن تاپسىرۋ سالتى» دەگەن جازۋ ەرەكشە كوز تارتادى. ساقشى قۇرمەت كيىمىن، ەرەكشە ساقشى اسكەري جاتتىعۋ كيىمىن كيگەن 300 دەن استام حالىق ساقشىسى دەنەلەرىن تىك ۇستاپ اسقاق، كوتەرىڭكى رۋحپەن رەتتى ساپ تۇزەپ تۇر.
ساعات 10 نان 30 مينۋت وتكەندە تۋ تاپسىرۋ سالتى باستالدى. تۇتاس الاڭداعىلار مەملەكەت ءانىن اسقاقتاتا شىرقادى.
قۇرمەت قاراۋىلدارى جۇڭگو حالىق ساقشىلارىنىڭ ساقشى تۋىن قورعاپ، مارىش قاداممەن ءتوراعالار مىنبەسىنىڭ الدىنا كەلدى. شي جينپيڭ قوعام حاۋىپسىزدىگى مينيسترلىگىنىڭ مينيسترى، باس ساقشى باقىلاۋشىسى جاۋ كىجىعا، مەملەكەت حاۋىپسىزدىگى مينيسترلىگىنىڭ مينيسترى، باس ساقشى باقىلاۋشىسى چىن ۋىنچيڭگە جەكە ـ جەكە تۋ تاپسىردى. جاۋ كىجى، چىن ۋىنچيڭ شي جينپيڭگە قۇرمەت ءبىلدىرىپ، شي جينپيڭنىڭ قولىنان جۇڭگو حالىق ساقشىلارىنىڭ ساقشى تۋىن الىپ، تۇتاس الاڭعا تۋدى بۇلعاپ كورسەتتى. بۇكىل الاڭداعى حالىق ساقشىلارى ساقشى تۋىنا سالتاناتتى قۇرمەت ءبىلدىردى.
وسىدان كەيىن شي جينپيڭ ءتالىم بەردى. ول مىنالاردى اتاپ كورسەتتى: ۇزاق ۋاقىتتان بەرى پارتيانىڭ باسشىلىعىندا، ەلىمىزدىڭ حالىق ساقشىلارى نەگىزگى ماقسات پەن بورىشتى ەستە بەرىك ساقتاپ، مىندەتىن ادالدىقپەن وتەپ، باتىلدىقپەن جاۋاپكەرلىك ارقالاپ، ىسكەرلىك كورسەتىپ، قۇربان بەرۋدەن تايسالماي، ۇلەس قوسىپ، مەملەكەتتىڭ حاۋىپسىزدىگىن، قوعامنىڭ ورنىقتىلىعىن، حالىقتىڭ مۇددەسىن قورعاۋ جولىندا ۇلەس قوستى. اماليات ەلىمىزدىڭ حالىق ساقشىلارىنىڭ پارتيا مەن حالىق بۇكىلدەي سەنەتىن، بەرىك جاۋىنگەرلىك قۋاتقا يە قوسىن ەكەنىن دالەلدەدى.
تۋ تاپسىرۋ سالتىندا ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ «ج ك پ ورتالىق كوميتەتىنىڭ جۇڭگو حالىق ساقشىلارى قوسىنىنا ‹جۇڭگو حالىق ساقشىلارىنىڭ ساقشى تۋىن› تاپسىرۋ جونىندەگى قاۋلىسىن» وقىدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ سالتقا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
