بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

2020.08.27 16:43     كەلۋ قاينارى : حالىق تورابى

  تاسقىننان ساقتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتى، اپاتقا ۇشىراعان رايونداردىڭ ءوندىرىستى قالپىنا كەلتىرىپ، حالىق تۇرمىسىن قامتاماسىزداندىرۋىنا قولداۋ كورسەتۋ قىزمەتى ورنالاستىرىلدى؛ بازار تۇلعالارىن قورعاۋدى ارقاۋ ەتىپ، ومىرشەڭدىك كۇشتى قاۋلاتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورما شارالارىن تەرەڭدەتۋ بەلگىلەندى

  شينحۋا اگەنتتىگى، 8 - ايدىڭ 26 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 8 - ايدىڭ 26 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە تاسقىننان ساقتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتى، اپاتقا ۇشىراعان رايونداردىڭ ءوندىرىستى قالپىنا كەلتىرىپ، حالىق تۇرمىسىن قامتاماسىزداندىرۋىنا قولداۋ كورسەتۋ قىزمەتى ورنالاستىرىلدى؛ بازار تۇلعالارىن قورعاۋدى ارقاۋ ەتىپ، ومىرشەڭدىك كۇشتى قاۋلاتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورما شارالارىن تەرەڭدەتۋ بەلگىلەندى.

  ماجىلىستە مىنالار اتاپ كورسەتىلدى: بيىل ەلىمىزدە كوپ جىلداردان بەرى سيرەك كەزدەسەتىن جاۋىن - شاشىن جاعدايى، تاسقىن جاعدايى جارىققا شىقتى، چاڭجياڭ، حۋايحى وزەندەرى قاتارلى اعارلاردا اۋىر تاسقىن اپاتى تۋىلدى، اپات كولەمى كەڭ، ەكونوميكالىق زيانى زور بولىپ، تاريحتاعى ءبىرشاما اۋىر جىل سانالدى. قاتىستى جەرلەر مەن تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىن دايەكتىلەندىرىپ، تاسقىننان ساقتانۋدى عىلمي رەتتەۋ، قاتەردەن اراشالاۋدى دەر كەزىندە ۇيىمداستىرۋ سياقتى تاسقىننان ساقتانۋ، اپاتتان قۇتقارۋ قىزمەتتەرىن پارمەندى، ءتارتىپتى، ءونىمدى جۇرگىزدى، ءولىم - ءجىتىم بۇرىنعى جىلدارداعىدان كوپ ازايدى. وسى كەزدە تاسقىننان ساقتانۋ، اپاتتان قۇتقارۋ قىزمەتىن تيتتەي دە بوساڭسىتپاي مىقتى يگەرىپ، وڭتۇستىك پەن سولتۇستىكتىڭ تاسقىننان ساقتانۋ، تايفىڭ داۋىلىنان ساقتانۋ قىزمەتتەرىن ءبىر تۇتاس جوسپارلاپ ويداعىداي ىستەۋ كەرەك. اپاتقا ۇشىراعان بۇقارانى ورنالاستىرۋ، قۇتقارۋ، اپات تۋىلعان رايوندا ىندەتتەن ساقتانۋ قىزمەتىن شىنايى ويداعىداي ىستەۋ، مەكتەپتەردىڭ قالىپتى وقۋ باستاۋىنا كەپىلدىك ەتۋ كەرەك. ورتالىقتىڭ قىس پەن كوكتەمدەگى اپاتتان قۇتقارۋ قارجىسىن اپاتقا ۇشىراعان جانە اۋىر كەدەي وڭىرلەرگە بەيىمدەپ قولداۋ كورسەتۋ كەرەك. مەملەكەتتىڭ تاسقىن سۋ جينالاتىن، بوگەلەتىن رايوندارداعى تاسىمالداپ شىعارۋ تولىقتاماسىن جوعارى شەگى بويىنشا تەز ارادا تياناقتاندىرۋ كەرەك. سونىمەن بىرگە، جەرگىلىكتى ورىنداردىڭ نەگىزگى تۇلعالىق جاۋاپكەرلىگىن تياناقتاندىرىپ، اپاتتان كەيىنگى قالپىنا كەلتىرۋ، قايتا قۇرۋ قىزمەتىن ورايدى قولدان بەرمەي ورىستەتۋ كەرەك. ءبىرىنشى، ورتالىق قازىنادان اپات اۋىر بولعان ولكەلەردەگى (اۆتونوميالى رايون، توتە قاراستى قالا) قۇلاعان جانە اۋىر دارەجەدە بۇلىنگەن تۇرعىنداردىڭ ۇيلەرىنە قاراتا قازىرگى ءار وتباسىعا 20 مىڭ يۋان كومەك قاراجات بەرۋ ولشەمى نەگىزىندە تاعى دا 5 مىڭ يۋان تولىقتاپ بەرۋ كەرەك. ەكىنشى، اپاتقا ۇشىراعان اتىزدار مەن لاپاس، قورا - قالتقى قاتارلى قۇرىلعىلى اۋىل شارۋاشىلىعىن قالپىنا كەلتىرۋگە قولداۋ كورسەتىپ، تۇقىم سياقتىلاردى قامداۋدى ويداعىداي ىستەپ، داقىل وزگەرتىپ ەگۋدى، تولىقتاپ ەگۋدى مىقتى يگەرىپ، كۇزگى استىقتان تاعى دا مول ءونىم الۋعا كەپىلدىك ەتۋ كەرەك. اپاتقا ۇشىراعان ساۋداگەرلەردىڭ شارۋاشىلىقتى قالپىنا كەلتىرۋىنە قولداۋ كورسەتۋ كەرەك. ءۇشىنشى، سۋ اپاتى ينجەنەريا قۇرىلىسىن مىقتى يگەرىپ ىلگەرىلەتۋ، جەرگىلىكتى ورىنداردىڭ جول، كوپىر، ورتا، شاعىن سۋ يگىلىگى سياقتى قۇرىلعىلاردى شۇعىل جوندەۋىن قولداپ، قالانىڭ تاسقىننان ساقتانۋ، تاسقىن ىعىستىرۋ قۇرىلعىلارى قۇرىلىسىن ىلگەرىلەتۋ، ۇتىمدى قارجىلاندىرۋدى كەڭەيتۋ كەرەك. جىلۋ ورنىنا جۇمىس ىستەتۋ تەبىنىن ارتتىرىپ، شارۋا جۇمىسكەرلەردىڭ ءوز جەرىندە جۇمىستانۋىنا جەتەكشىلىك ەتۋ كەرەك. ءتورتىنشى، ۇزاق بولاشاققا ساياتىن كەلەلى سۋ يگىلىگى ينجەنەرياسىن بەلسەنە جوسپارلاۋ جانە ىلگەرىلەتۋ كەرەك. ماجىلىستە مىنالار بەلگىلەندى: الدىڭعى مەرزىمدە ورتالىق بوساتقان قارجى نەگىزىندە بيىل جانە كەلەر جىلى جوعارى ولشەمدى ەگىنجاي قۇرىلىسىنا 16 ميلليارد يۋان كومەك قارجى ورنالاستىرىپ، اپاتقا ۇشىراعان رايوندارعا بەيىمدەپ پايدالانۋ كەرەك. بيىل جاراتىلىستىق اپاتتان ساقتانۋ - جونگە سالۋعا 10 ميلليارد يۋان قارجى ورنالاستىرىپ، قاتىستى ولكەلەردىڭ (اۆتونوميالى رايون، توتە قاراستى قالا) قالپىنا كەلتىرۋىنە، قايتا قۇرۋىنا قولداۋ كورسەتۋ، 10 ميلليارد يۋان اۆتوكولىك ساتىپ الۋ باجىسى قارجىسىن ورنالاستىرىپ، اۋىر اپاتقا ۇشىراعان اۋىر ولكەلەردىڭ (اۆتونوميالى رايون، توتە قاراستى قالا) تاس جول سياقتى قۇرىلىستارىنا قولداۋ كورسەتۋ كەرەك. ورتالىقتىڭ مەجە ەسەبى ىشىندە قارجى قوسۋدا دا قايتا قۇرۋ نىساندارىن قولداۋ تەبىنىن ارتتىرۋ كەرەك. جەرگىلىكتى جەرلەردىڭ ىندەتكە قارسى اتتانۋ ەرەكشە زايومىن، جەرگىلىكتى ۇكىمەتتەردىڭ قارىزىن، ەرەكشە اۋدارىپ تولەۋ قارجىسىن قالپىنا كەلتىرۋگە، قايتا قۇرۋعا جۇمساۋىنا رۇقسات بەرۋ كەرەك. قاجەتكە قاراي ورتالىقتىڭ زاپاس قاراجاتىنان 15 ميلليارد يۋان شىعارۋ كەرەك. ءار ءتۇرلى ارنالار ارقىلى ورتالىق پەن جەرگىلىكتى قازىنانىڭ اپاتتان كەيىنگى قالپىنا كەلتىرۋ، قايتا قۇرۋعا جۇمسالاتىن قارجى كولەمىن شامامەن 100 ميلليارد يۋانعا تۋرالاۋ ءارى قارجىنى اپات تۋىلعان رايوندار مەن نىساندارعا تىكەلەي جەتكىزۋ مەحانيزمىن ورناتۋ كەرەك. جەردەن پايدالانۋدى قامتاماسىزداندىرۋدى كۇشەيتۋ كەرەك. ناقتى شارالار شىعارىپ، مەملەكەت مەنشىگىندەگى فينانس قۇرىلىمدارى مەن اۋىل شارۋاشىلىق امانات - قارىز كوپەراتيۆتەرىن قۇرىلعىلى اۋىل شارۋاشىلىعىنداعى اپاتتان كەيىنگى قالپىنا كەلتىرۋگە قولداۋ كورسەتۋگە باستاۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار