جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جالپى بەتتىك دايەكتىلەندىرىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋ كەرەك

لي كىچياڭ باسقاردى، لي جانشۋ، ۋاڭ حۋنيڭ، جاۋ لىجي، حان جىڭ قاتىناستى، ۋاڭ ياڭ ءسوز سويلەدى

2020.08.31 14:22 كەلۋ قاينارى : شينجياڭ گازەتى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگىنىڭ 8 - ايدىڭ 29 - كۇنى بەيجيڭنەن بەرگەن حابارى. ورتالىقتىڭ شيزاڭ قىزمەتى جونىندەگى 7 - رەتكى اڭگىمە ءماجىلىسى 8 - ايدىڭ 28 - كۇنىنەن 29 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: جاڭا جاعداي، جاڭا مىندەت الدىندا، ءسوز جوق، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جالپى بەتتىك دايەكتىلەندىرىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋگە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتىپ، دامۋ ساپاسىن جوعارىلاتىپ، حالىق تۇرمىسىن قامتاماسىز ەتىپ جانە جاقسارتىپ، ەكولوگيالىق وركەنيەت قۇرىلىسىن ىلگەرىلەتىپ، پارتيانىڭ ۇيىمدىق جانە بيلىك قۇرىلىسىن نىعايتىپ، مەملەكەتتىڭ حاۋىپسىزدىگىنە جانە باياندى تىنىشتىعىنا شىنايى كەپىلدىك ەتىپ، حالىقتىڭ تۇرمىس دەڭگەيىنىڭ ۇزدىكسىز جوعارىلاۋىنا شىنايى كەپىلدىك ەتىپ، ەكولوگيالىق ورتانىڭ جاقسى بولۋىنا شىنايى كەپىلدىك ەتىپ، شەكارا قورعانىسىنىڭ بەكەم جانە شەكارانىڭ حاۋىپسىز بولۋىنا شىنايى كەپىلدىك ەتىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋعا قۇلشىنۋ كەرەك.

　　لي كىچياڭ ءماجىلىستى باسقاردى. لي جانشۋ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى، ۋاڭ ياڭ قورىتىندى ءسوز سويلەدى.

　　شي جينپيڭ سوزىندە بىلاي دەپ اتاپ كورسەتتى: ورتالىقتىڭ شيزاڭ قىزمەتى جونىندەگى 6 - رەتكى اڭگىمە ماجىلىسىنەن بەرى، پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ زور كۇشپەن قولداۋىندا شيزاڭداعى ءار ۇلت كادر - بۇقاراسى ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزىپ، ۇزاقتان بەرى شەشۋدى ويلاسا دا شەشىلمەي كەلە جاتقان ءبىرتالاي قيىن ماسەلەنى شەشىپ، ىلگەرى ىستەۋدى ويلاسا دا ىستەي الماعان ءبىرسىپىرا ءىرى ىستەردى تىندىرىپ، ءتۇرلى ىستەردە جان - جاقتى ىلگەرىلەۋشىلىككە، تاريحي جەتىستىككە قول جەتكىزدى. اماليات پارتيا ورتالىق كوميتەتىنىڭ شيزاڭ قىزمەتى جونىندەگى باعىت - ساياساتىنىڭ بۇكىلدەي دۇرىس ەكەندىگىن، شيزاڭنىڭ باياندى ورنىقتىلىق پەن جەدەل دامۋدى جۇزەگە اسىرۋى پارتيا مەن مەملەكەت قىزمەتىنىڭ كەلەلى جاعدايى ءۇشىن قوسىلعان ماڭىزدى ۇلەس ەكەندىگىن تولىق دالەلدەدى. شي جينپيڭ پارتيا ورتالىق كوميتەتى اتىنان، قارلى ۇستىرتتە كۇرەس جۇرگىزىپ جاتقان بارشا جولداستارعا، اسىرەسە، ءبىرىنشى شەپتەن تاپجىلماي، ءبىرىنشى شەپتە قىزمەت وتەپ جاتقان قالىڭ كادر - بۇقاراعا شىن جۇرەكتەن سالەم جولدادى.

　　شي جينپيڭ بىلاي دەپ باسا دارىپتەدى: پارتيا ورتالىق كوميتەتى شيزاڭ قىزمەتىنە ەجەلدەن ايرىقشا ءمان بەرىپ كەلەدى، رەفورما جاساعاننان، ەسىك اشقاننان بەرى شيزاڭ قىزمەتى جونىندە ىركەس - تىركەس 6 رەت اڭگىمە ءماجىلىس اشتى، ءار جولعى اڭگىمە ءماجىلىستىڭ بارلىعىندا ءىس جۇزىندىك جاعدايعا نەگىزدەلە وتىرىپ كەلەلى شەشىمدەر، ورنالاستىرۋلار جاسادى. پارتيا 18 - قۇرىلتايىنان بەرى، شيزاڭ قىزمەتى ءدوپ كەلگەن جاعداي مەن مىندەتتە تەرەڭ وزگەرىس تۋىلدى، ءبىز شيزاڭ قىزمەتىنىڭ زاڭدىلىعى تۋرالى تانىمدى تەرەڭدەتىپ، پارتيا حالىققا باسشىلىق ەتىپ شيزاڭدى جونگە سالۋدىڭ، شيزاڭدى ورنىقتىرۋدىڭ، شيزاڭدى كوركەيتۋدىڭ تابىستى تاجىريبەسىن قورىتىندىلاپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن قالىپتاستىردىق. شيزاڭ قىزمەتىن ويداعىداي ىستەۋدە، ءسوز جوق، جۇڭگو كوممۋنيستىك پارتياسىنىڭ باسشىلىعىنا، جۇڭگوشا سوتسياليزم تۇزىمىنە، ۇلتتىق وڭىرلىك اۆتونوميا تۇزىمىنە تاباندى بولىپ، ءسوز جوق، مەملەكەتتى جونگە سالۋدا، ءسوز جوق، شەكارا ءوڭىردى جونگە سالۋ، شەكارا ءوڭىردى جونگە سالۋدا الدىمەن شيزاڭدى ورنىقتىرۋ سىندى ستراتەگيالىق يدەياعا تاباندى بولىپ، ءسوز جوق، وتاننىڭ تۇتاستىعىن قورعاۋدى، ۇلتتار ىنتىماعىن كۇشەيتۋدى شيزاڭ قىزمەتىنىڭ كوزدەۋ ءتۇيىنى جانە كۇش سالۋ ءتۇيىنى ەتۋگە تاباندى بولىپ، ءسوز جوق، شيزاڭدى زاڭمەن جونگە سالۋ، حالىقتى بايىتىپ، شيزاڭدى وركەندەتۋ، شيزاڭدى ۇزاق ۋاقىت كوركەيتۋ، حالىق تىلەگىن توعىستىرۋ، نەگىزدى بەكەمدەۋ سىندى ماڭىزدى پرينسيپكە تاباندى بولىپ، ءسوز جوق، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ءسوز جوق، حالىق تۇرمىسىن جاقسارتۋدى، حالىق تىلەگىن توعىستىرۋدى ەكونوميكالىق، قوعامدىق دامۋدىڭ شىعار ءتۇيىنى جانە تياناعى ەتىپ، ءسوز جوق، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءسوز جوق، ەلىمىزدىڭ ءدىندى جۇڭگوشالاندىرۋ بەتالىسىنا، ءدىن ىستەرىن زاڭ بويىنشا باسقارۋعا تاباندى بولىپ، ءسوز جوق، ەكولوگيانى قورعاۋدى ءبىرىنشى ورىنعا قويۋعا تاباندى بولىپ، ءسوز جوق، پارتيا قۇرىلىسىن، اسىرەسە، ساياسي قۇرىلىستى كۇشەيتۋ كەرەك. جاڭا داۋىردەگى پارتيانىڭ شيزاڭدى جونگە سالۋ جالپى جوباسى − شيزاڭ قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى، وعان، ءسوز جوق، ۇزاق ۋاقىت تاباندى بولۋ، ونى جالپى بەتتىك تياناقتاندىرۋ كەرەك.

　　شي جينپيڭ بىلاي دەپ اتاپ كورسەتتى: شيزاڭ قىزمەتىندە، ءسوز جوق، وتاننىڭ تۇتاستىعىن قورعاۋدى، ۇلتتار ىنتىماعىن كۇشەيتۋدى كوزدەۋ ءتۇيىنى جانە كۇش سالۋ ءتۇيىنى ەتۋگە تاباندى بولۋ كەرەك. بۇقارانى تاربيەلەۋدى، جەتەكتەۋدى كۇشەيتىپ، بولشەكتەۋشىلىككە قارسى كۇرەسكە ات سالىسۋعا بۇقارانى كەڭىنەن جۇمىلدىرىپ، ورنىقتىلىقتى قورعاۋدىڭ قۇرىش قورعانىن تۇرعىزۋ كەرەك. پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى تاربيەسىن ىشكەرىلەي ورىستەتىپ، شيزاڭ ءوڭىرىنىڭ وتانمەن قارىم - قاتىناسى تاريحى تاربيەسىن ىشكەرىلەي ورىستەتىپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكتەۋ كەرەك. مەكتەپتەردەگى يدەيا - ساياسي تاربيەگە ءمان بەرىپ جانە ونى كۇشەيتىپ، وتانشىلدىق رۋحتى ءار دارەجەلى، ءتۇرلى مەكتەپ تاربيەسىنىڭ جالپى بارىسىنا ءسىڭىرىپ، جۇڭحۋانى ءسۇيۋدىڭ تۇقىمىن ءاربىر جاستىڭ، ورەننىڭ جۇرەك تۇكپىرىنە سەبۋ كەرەك. سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن ۇزدىكسىز نىعايتۋ كەرەك. شيزاڭنىڭ ەجەلدەن بەرى ءار ۇلت ارالاسقان، ىشتەسكەن، توعىسقان تاريحي شىندىقتى اشىپ، رەتتەپ، ۇگىتتەپ، ءار ۇلت بۇقاراسىن ۇلتتىڭ بەتالىسى مەن بولاشاعىن كورۋگە، جۇڭحۋا ۇلتىنىڭ تاعدىرلاس ورتاق تۇلعا ەكەندىگىن تەرەڭ تانۋعا جەتەكتەپ، ءار ۇلتتىڭ ارالاسۋىن، ىشتەسۋىن، توعىسۋىن جەبەۋ كەرەك. تيبەت بۋددا ءدىنىن سوتسياليستىك قوعامعا ۇيلەسۋگە بەلسەنە جەتەكتەپ، تيبەت بۋددا ءدىنىن جۇڭگوشالاندىرۋدى ىلگەرىلەتۋ كەرەك.

　　شي جينپيڭ بىلاي دەپ باسا دارىپتەدى: جاڭا دامۋ ۇستانىمىن دايەكتىلەندىرىپ، نازاردى دامۋدىڭ بىركەلكى بولماۋ، تولىق بولماۋ ماسەلەسىنە شوعىرلاندىرىپ، دامۋ ارناسىن ساپالىلاندىرۋدى كىرىسۋ ءتۇيىنى، فاكتور مەن قۇرىلعى قۇرىلىسىن تىرەك، تۇزىمدىك مەحانيزمدى قامتاماسىزدىق ەتىپ، ءبىر تۇتاس جوسپارلاپ، تۇرلەر بويىنشا شارا قولدانىپ، دالمە - ءدال كۇش سالىپ، جوعارى ساپالى دامۋدى جەدەل ىلگەرىلەتۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ جاعىنا اناعۇرلىم زور كۇش سالىپ، اناعۇرلىم كوپ ءادىس - امال قاراستىرىپ، كەيىنگى كومەكتەسۋ، سۇيەمەلدەۋ، قولداۋ ءىسىن اناعۇرلىم جاقسى ىستەپ، اۋىل - قىستاقتى گۇلدەندىرۋمەن ءونىمدى تۇردە ۇشتاستىرۋ، اسىرەسە، كۇندەلىكتى تۇرمىسپەن تىعىز بايلانىستى قاتىناس قۇرىلعىلارى، ەمدەلۋ، وقۋعا ءتۇسۋ، زەينەتكەرلىك، قوعامدىق قامتاماسىزداندىرۋ سياقتىلارمەن جاپپاي قامتۋ كەرەك. سىچۋان - شيزاڭ تەمىر جول قۇرىلىسى سياقتى نىسانداردى ارقاۋ ەتىپ، ەلەۋلى نەگىزدىك قۇرىلعىلاردان، الەۋمەتتىك قىزمەت وتەۋ قۇرىلعىلارىنان ءبىر توبىن سالۋدى ىلگەرىلەتىپ، اناعۇرلىم كوپ ىنتىماق جەلىسىن، باقىت جولىن سالۋ كەرەك. جۇمىستانۋدى سۇيەمەلدەۋ، جۇمىستانۋعا تارتۋ قابىلەتىن جەتىلدىرىپ، اناعۇرلىم كوپ جۇمىستانۋ ورايىن ازىرلەپ، اناعۇرلىم كوپ ارنامەن بازارلاردا جۇمىستانۋدى ىلگەرىلەتۋ كەرەك. جاراتىلىستىق عىلىم، ونەركاسىپ، اۋىل شارۋاشىلىعى، مەديتسينا سياقتى جاقتارداعى تاپشى دارىندىلاردى كوبىرەك باۋلىپ، ەكونوميكالىق، قوعامدىق دامۋ مەن بولاشاقتاعى بازار سۇرانىسىن كوزدەي وتىرىپ كاسىپتىك وقۋ - اعارتۋدى ويداعىداي جۇرگىزىپ، پاندەردى عىلمي ورنالاستىرىپ، دەڭگەيى مەن ورەسىن جوعارىلاتىپ، اناعۇرلىم كوپ كاسىبي، شەبەر قولدانىلمالى مامانداردى باۋلۋ كەرەك.

　　شي جينپيڭ بىلاي دەپ اتاپ كورسەتتى: چيڭحاي - شيزاڭ ءۇستىرتىنىڭ ەكولوگياسىن ويداعىداي قورعاۋ − جۇڭحۋا ۇلتىنىڭ ءومىر ءسۇرۋى مەن دامۋىنا قوسىلعان ەڭ ۇلكەن ۇلەس. تۇنىق سۋ، جاسىل تاۋ − باعالى بايلىق ۇستانىمىن مىقتاپ ورناتىپ، تاريحقا جاۋاپتى بولۋ، حالىققا جاۋاپتى بولۋ، دۇنيە جۇزىنە جاۋاپتى بولۋ پوزيتسياسىنا تاباندى بولىپ، ەكولوگيالىق وركەنيەت قۇرىلىسىن اناعۇرلىم كورنەكتى ورىنعا قويىپ، ءۇستىرتتىڭ جان - جانۋارىن، ءشوبى مەن اعاشىن، سۋى مەن تاۋىن ويداعىداي قورعاپ، چيڭحاي - شيزاڭ ءۇستىرتىن بۇكىل ەلدەگى، ءتىپتى، حالىقارانىڭ ەكولوگيالىق وركەنيەت بيىگى ەتىپ تۇلعالاۋ كەرەك. چيڭحاي - شيزاڭ ءۇستىرتىن عىلمي تەكسەرۋ قىزمەتىن ىشكەرىلەي ىلگەرىلەتىپ، قورشاعان ورتانىڭ وزگەرىس مەحانيزمىن اشىپ كورسەتىپ، جەر شارى كليمات وزگەرىسىنىڭ جانە ادامزات قيمىلىنىڭ چيڭحاي - شيزاڭ ۇستىرتىنە ىقپالىن ءدال يگەرىپ، قورعاۋدىڭ، قالپىنا كەلتىرۋدىڭ، جونگە سالۋدىڭ جۇيەلى جوباسى مەن ينجەنەريالىق شارالارىن زەرتتەپ العا قويۋ كەرەك. تولەم بەرۋ ءتاسىلىن كەمەلدەندىرىپ، ەكولوگيانى قورعاۋدىڭ حالىق تۇرمىسىنىڭ جاقسارۋىمەن ۇشتاسۋىن جەبەپ، ءار جاقتىڭ بەلسەندىلىگىن ءتىپتى جاقسى جۇمىلدىرىپ، تاماشا ەكولوگيانى بىرگە قۇراتىن، كوركەم تۇرمىستان تەڭ يگىلىكتەنەتىن ۇتىمدى اينالىستاعى باياندى مەحانيزم قالىپتاستىرۋ كەرەك. شەكارا ءوڭىر قۇرىلىسىن كۇشەيتىپ، ەرەكشە قولداۋ ساياساتىن قولدانىپ، شەكاراداعى بۇقارانىڭ ءوندىرىس، تۇرمىس شارت - جاعدايىن جاقسارتۋىنا، قام - قايعىدان ارىلۋىنا كومەكتەسۋ كەرەك.

　　شي جينپيڭ بىلاي دەپ باسا دارىپتەدى: پارتيانى قاتاڭ باسقارۋ، قاتاڭ جونگە سالۋدىڭ تەرەڭدەۋىن، ناقتىلانۋىن ىلگەرىلەتىپ، ءار دارەجەلى باسشىلىق القا، كادر - دارىندىلار قوسىنى، نەگىزگى ساتى ۇيىمدىق قۇرىلىسىن جاپپاي كۇشەيتىپ، ءار دارەجەلى پارتيا ۇيىمى مەن قالىڭ پارتيا مۇشەلەرىنىڭ، كادرلاردىڭ ءار ۇلت بۇقاراسىن باستاپ تولقىندى داۋىلدىڭ سىناعىنا توتەپ بەرۋدەگى، قيىنشىلىقتار مەن سىن - سايىستاردى جەڭۋدەگى، بۇكىل ىنتا - پەيىلىمەن حالىق ءۇشىن قىزمەت ىستەۋدەگى پارمەندى ساياسي كۇشكە اينالۋىنا شىنايى كەپىلدىك ەتۋ كەرەك. پارتيانىڭ ساياسي قۇرىلىسىن كۇشەيتىپ، جاڭا ءداۋىر جۇڭگوشا سوتسياليزم يدەياسىمەن پارتيا مۇشەلەرىنىڭ، كادرلاردىڭ وي - ساناسىن قارۋلاندىرۋعا تاباندى بولىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ تابىستارىن تەرەڭدەتىپ، ساياسي ءتارتىپ پەن ساياسي قاعيدانى قاتاڭ ساقتاپ، پارتيا ستيلى، پاكتىك قۇرىلىسىنىڭ جانە شىرىكتەسۋگە قارسى تۇرۋ قىزمەتىنىڭ سەرپىنىن ارتتىرىپ، ءار دارەجەلى پارتيا ۇيىمى مەن پارتيا مۇشەلەرىنىڭ، كادرلاردىڭ ەلەۋلى كۇرەسكە توتەپ بەرۋ، ەلەۋلى حاۋىپ - قاتەردەن قورعانۋ - ساقتانۋ قابىلەتىن جوعارىلاتىپ، ستيلى پاك، سالتى دۇرىس ساياسي ەكولوگيانى قالىپتاستىرۋ كەرەك.

　　شي جينپيڭ بىلاي دەپ اتاپ كورسەتتى: قالىڭ كادرلار، اسىرەسە، شيزاڭداعى كادرلار ”كونە شيزاڭ رۋحىن“ ساۋلەلەندىرىپ، وتتەگى تاپشى بولسا دا، رۋحتى كەمىتپەي، جاپا - ماشاقاتتى بولسا دا، جاپا تارتۋدان قورىقپاي، جەر تەڭىز دەڭگەيىنەن ەرەكشە بيىك بولسا دا، ورەنى ودان دا بيىك كوتەرىپ، قىزمەتتە جاۋاپكەرشىلىك سەزىمدى، بورىشتىلىق سەزىمدى ۇزدىكسىز كۇشەيتۋ، قابىلەتتى كۇشەيتۋ، ستيلدى شىڭداۋ كەرەك. شيزاڭداعى كادرلار مەن جۇمىسشى - قىزمەتكەرلەرگە كوڭىل ءبولىپ، ولاردى ايالاپ، ەڭبەكاقى كىرىسى، تۇرعىن ءۇي، ەمدەلۋ، پەرزەنتتەرىنىڭ وقۋى، زەينەتتەگىلەردى ورنالاستىرۋ سياقتى جاقتارداعى قولداۋ ساياساتتارىن ويداعىداي كەمەلدەندىرىپ، ويداعىداي تياناقتاندىرىپ، ولاردى قام - قايعىدان ارىلتۋ كەرەك. سالاماتتىقتى قامتاماسىز ەتۋ قىزمەتىنە ءمان بەرىپ، تەڭىز دەڭگەيىنەن ەرەكشە بيىك وڭىرلەرگە ۇيلەسەتىن ەمدەۋ - كۇتىمدەۋ جاڭا جابدىقتارىن، جاڭا تەحنيكالارىن زەرتتەپ - اشىپ ءارى جالپىلاستىرىپ، ولاردىڭ سالاماتتىق دەڭگەيىن ۇزدىكسىز جوعارىلاتۋ كەرەك.

　　شي جينپيڭ بىلاي دەپ باسا دارىپتەدى: ورتالىقتىڭ شيزاڭدى قولداۋى، بۇكىل ەلدىڭ شيزاڭعا كومەكتەسۋى − پارتيا ورتالىق كوميتەتىنىڭ دايەكتى ساياساتى، وعان، ءسوز جوق، ۇزاق ۋاقىت تاباندى بولىپ، تاجىريبەلەردى مۇقيات قورىتىندىلاپ، شيزاڭعا كومەكتەسۋ قىزمەتىنىڭ جاڭا جاعدايىن اشۋ كەرەك. سىچۋان، يۇننان، گانسۋ، چيڭحاي − 4 ولكە پارتكومدارى شيزاڭعا قاتىستى قىزمەتتەرگە وسكەلەڭ ءمان بەرىپ، تۇلعالىق جاۋاپكەرشىلىكتى ۇستىنە الىپ، شيزاڭ اۆتونوميالى رايونىمەن سايكەسۋدى، سەلبەسۋدى كۇشەيتۋى كەرەك. ورتالىق 4 ولكەنىڭ شيزاڭعا قاتىستى قىزمەتىنە قولداۋ سەرپىنىن ۇزدىكسىز كۇشەيتىپ، شيزاڭعا قاتىستى وبلىستاردىڭ، اۋدانداردىڭ نەگىزدىك قۇرىلعىلاردى جاقسارتۋىنا، ەكولوگيانى قورعاۋدى كۇشەيتۋىنە، حالىق تۇرمىسىن قامتاماسىز ەتۋىنە جانە جاقسارتۋىنا، ەرەكشە كاسىپ سالالارىن دامىتۋىنا كومەكتەسىپ، بۇقارانىڭ اناعۇرلىم تاماشا تۇرمىس كەشىرۋىنە مۇمكىندىك جاساۋ كەرەك.

　　لي كىچياڭ ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزىندە ورتالىقتىڭ شيزاڭ قىزمەتى جونىندەگى 6 - رەتكى اڭگىمە ماجىلىسىنەن بەرگى قىزمەت ناتيجەلەرى مەن تاجىريبەلەرى جاپپاي قورىتىندىلانىپ، كەزەكتەگى شيزاڭ قىزمەتىندە ءدوپ كەلگەن جاعدايلارعا ىشكەرىلەي تالداۋ جاسالىپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسى مەن شيزاڭ قىزمەتىن جاقسى ىستەۋدىڭ جەتەكشى يدەياسى بايىمدالىپ، كەزەكتەگى جانە مۇنان بىلايعى ءبىر مەزگىلدەگى شيزاڭ قىزمەتىنىڭ نىسانالارى مەن مىندەتتەرى، باعىت - ساياساتتارى، ستراتەگيالىق شارالارى ايقىندالدى، سونىمەن بىرگە سىچۋان، يۇننان، گانسۋ، چيڭحاي ولكەلەرىنىڭ شيزاڭعا قاتىستى قىزمەتتەرى جونىندە ورنالاستىرۋ جاسالدى، ساياسي سيپاتى، يدەيالىق سيپاتى، نازاريالىق سيپاتى اسا كۇشتى، جاڭا داۋىردەگى شيزاڭ قىزمەتىنە جەتەكشىلىك ەتەتىن تۇعىرنامالىق حۇجات. كوپشىلىك مۇقيات ۇيرەنىپ، ۇعىنىپ، قىزمەتتىڭ ءىس جۇزىندىك جاعدايىمەن ۇشتاستىرا ىشكەرىلەي وي جۇگىرتىپ، ونان ارى يدەيانى بىرلىككە كەلتىرىپ، تانىمدى تەرەڭدەتىپ، دايەكتىلەندىرۋ، تياناقتاندىرۋ شاراسىن زەرتتەۋى كەرەك. يدەيا مەن ارەكەتتى پارتيا ورتالىق كوميتەتىنىڭ شيزاڭ قىزمەتى جونىندەگى ستراتەگيالىق ورنالاستىرۋىمەن شىن مانىندە بىرلىككە كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءتۇرلى مىندەتتەردىڭ تياناقتانۋىن بار كۇشپەن ويداعىداي يگەرىپ، جاڭا داۋىردەگى شيزاڭنىڭ باياندى تىنىشتىعى مەن جوعارى ساپالى دامۋىن ىلگەرىلەتۋ كەرەك.

　　ۋاڭ ياڭ قورىتىندى سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزىندە اۋقىم باعامدالىپ، جالپى جاعداي يگەرىلگەن، يدەياسى تەرەڭ، مازمۇنى باي، نازاريالىق سيپاتى، جەتەكشىلىك سيپاتى، باعىتتامالىلىق سيپاتى اسا كۇشتى، ماركسيزم اقيقاتىنىڭ نۇر شۇعىلاسىن شاشىپ تۇرعان تۇعىرنامالىق حۇجات، جاڭا داۋىردەگى شيزاڭ قىزمەتىن جاقسى ىستەۋگە ءتۇبىرلى بويسۇنۋ ولشەمىن ازىرلەپ بەردى. باس شۋجي شي جينپيڭنىڭ ماڭىزدى ءسوزىنىڭ رۋحىن تەرەڭ ۇيرەنىپ، جەتە ءتۇسىنۋدى ماڭىزدى ساياسي مىندەت ەتىپ، وزەكتى مازمۇنى مەن رۋحاني ءمانىن يگەرىپ، ونى قىزمەتتەردى ىلگەرىلەتۋدىڭ قۇدىرەتتى قوزعاۋشى كۇشىنە اينالدىرۋ كەرەك. جاڭا داۋىردەگى پارتيانىڭ شيزاڭدى جونگە سالۋ جالپى جوباسىن تولىق ءتۇسىنىپ، جالپى بەتتىك دايەكتىلەندىرىپ، وسى جالپى جوبانىڭ شيزاڭ قىزمەتىن جاقسى ىستەۋدىڭ ارقاۋى مەن جانى ەكەندىگىن تەرەڭ تانۋ كەرەك، ءتۇرلى قىزمەتتەردە وسىنى باعدارناما جانە ولشەم ەتىپ، ءىس جۇزىندىك جاعدايمەن ۇشتاستىرا مۇقيات تياناقتاندىرۋ كەرەك. شيزاڭ قىزمەتىنىڭ جاڭا جاعدايىن، جاڭا مىندەتىن ءدال يگەرىپ، باياندى شارا قاراستىرىپ، نەگىزدى بەكەمدەۋ شاراسىن قولدانىپ، باياندى دامۋعا ىقپال جەتكىزەتىن تەرەڭ قاباتتاعى قايشىلىقتار مەن ماسەلەلەردى كوبىرەك شەشۋ كەرەك. قاتىستى وڭىرلەر مەن تاراۋلار ءماجىلىس رۋحىن دايەكتىلەندىرۋدىڭ، تياناقتاندىرۋدىڭ اتقارۋ پىكىرىن بەلگىلەۋدى مىقتى يگەرىپ، ماجىلىستە بەلگىلەنگەن مىندەت ورنالاستىرۋلارىن تارماقتار، تۇرلەر بويىنشا ەگجەي - تەگجەيلى جىكتەپ، ستراتەگيالىق ورنالاستىرۋدى ناقتى قىزمەت ورنالاستىرۋىنا اينالدىرۋ كەرەك. ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن قاتايتىپ، تىعىز سايكەسىپ، سەلبەسىپ، قۋزاۋ - تەكسەرۋدى ويداعىداي جۇرگىزىپ، فورماشىلدىقتى، تورەشىلدىكتى باتىل تيىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانۋىنا شىنايى كەپىلدىك ەتۋ كەرەك. باي مازمۇندى، الۋان ءتۇرلى ۇگىت - لەكسيا قيمىلدارىن ۇيىمداستىرىپ، ورىستەتىپ، ءماجىلىس رۋحىن جۇرت جۇرەگىنە تەرەڭ ۇيالاتۋ كەرەك.

　　بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار قاتارلىلار ماجىلىسكە قاتىناستى.

　　شيزاڭ اۆتونوميالى رايونىنىڭ پارتيا، ۇكىمەت ورىندارىنداعى جاۋاپتى جولداستار جانە ايماق، قالالاردىڭ پارتيا، ۇكىمەت ورىندارىنداعى نەگىزگى جاۋاپتى جولداستار، سىچۋان، يۇننان، گانسۋ، چيڭحاي ولكەلەرىنىڭ پارتيا، ۇكىمەت ورىندارىنداعى جاۋاپتى جولداستار جانە زاڭزۋ اۆتونوميالى وبلىستارىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار، باسقا ولكە، رايون، قالالارداعى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى حالىقتىق ۇيىمدارداعى، فينانس قۇرىلىمدارىنداعى، مەملەكەت مەنشىگىندەگى كاسىپورىندارداعى جاۋاپتى جولداستار، ارميانىڭ قاتىستى ورىندارىنداعى جاۋاپتى جولداستار قاتارلىلار ماجىلىسكە قاتىناستى.

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved