شي جينپيڭ مييۇن سۋ قويماسىن سالعان جانە قورعاپ وتىرعان اۋىلداستارعا جاۋاپ حات جازىپ، مىنانى دارىپتەدى
مييۇن سۋ قويماسىن ۇزدىكسىز ويداعىداي قورعاپ، كورىكتى بەيجيڭ قۇرۋعا تىڭ ۇلەس قوسۋ كەرەك
2020.09.01 16:17 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 31 - كۇنى، بەيجيڭ. مييۇن سۋ قويماسىنىڭ سالىنعانىنا 60 جىل تولۋ ساتىندە، اتاپ ايتقاندا، 8 - ايدىڭ 30 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مييۇن سۋ قويماسىن سالعان جانە قورعاپ وتىرعان اۋىلداستارعا جاۋاپ حات جازىپ، ولارعا ىقىلاستى سالەم جولدادى جانە شابىت بەردى ءارى شىن ىقىلاسپەن زور ءۇمىت ارتتى.
شي جينپيڭ جاۋاپ حاتىندا بىلاي دەدى: 60 جىلدىڭ الدىندا سىزدەر پارتيا ورتالىق كوميتەتىنىڭ ۇندەۋىنە ءۇن قوسىپ، مييۇن سۋ قويماسىن سالۋ شايقاسىنا بەلسەنە قاتىناستىڭىزدار. 60 جىلدان بەرى سىزدەر سۋ قويماسىن قورعاۋ ءۇشىن زاۆودتاردى، كەندەردى جاۋىپ، استانانىڭ ەكولوگيالىق ورتاسىن جاقسارتۋعا ماڭىزدى ۇلەس قوستىڭىزدار. ەندى، مىنە كورىكتى تاۋ - سۋلاردىڭ ارتىقشىلىعىن ساۋلەلەندىرىپ، تۇرمىستارىڭىزدىڭ بارعان سايىن جاقسارعانىن ءبىلىپ قاتتى قۋانىپ وتىرمىن.
شي جينپيڭ مىنالاردى اتاپ كورسەتتى: ەكولوگيالىق ورتانى قورعاۋدا بۇگىنگىلەر ماڭداي تەرىن توگىپ، ۇرپاقتار يگىلىگىن كورەدى. بەيجيڭدەگى ون مىڭ شارشى كيلومەتردەن استام تاۋلى رايون − استانانىڭ ماڭىزدى ەكولوگيالىق قالتقىسى جانە سۋ قاينارى قورعالاتىن جەر، ورنى توتەنشە ماڭىزدى. مەن مييۇن سۋ قويماسىن ەسىمنەن شىعارعان ەمەسپىن. سول كەزدە مييۇن سۋ قويماسىن جاساۋ تاسقىننان ساقتانۋ ءۇشىن ەدى. قازىر ول بەيجيڭنىڭ جەر بەتىندەگى ماڭىزدى اۋىز سۋ قاينارى، سۋ بايلىعى ستراتەگيالىق زاپاس بازاسى رەتىندە باعا جەتپەس اسىلعا اينالدى. سىزدەردىڭ كۇش ۇستىنە كۇش قوسىپ، ىزگى نيەتپەن ىستەپ، مييۇن سۋ قويماسىن ءۇرتىس ويداعىداي قورعاپ، كورىكتى بەيجيڭ قۇرۋعا تىڭ ۇلەس قوسۋلارىڭىزدى ءۇمىت ەتەمىن.
شي جينپيڭ مىنالاردى دارىپتەدى: ءار دارەجەلى پارتكومدار مەن ۇكىمەتتەر ەكولوگيالىق وركەنيەت يدەياسىن ىشكەرىلەي دايەكتىلەندىرىپ، ەكولوگيالىق وركەنيەت قۇرىلىسىن ستراتەگيالىق مىندەت رەتىندە يگەرىپ، ەكولوگيانى الدىمەن ەسكەرۋدە، جاسىل دامۋدا تاباندى بولىپ، ەكولوگيانى قورعاۋ رايونى قۇرىلىسىن كۇشەيتىپ، ەكولوگيالىق تولەم بەرۋ مەحانيزمىن اقاۋسىزداندىرىپ، وتاننىڭ تۇنىق سۋ، جاسىل تاۋلارىن بىرگە ويداعىداي قورعاۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
