ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى اڭگىمە ءماجىلىسىن وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن اتاپ ءوتتى، شي جينپيڭ ماڭىزدى ءسوز سويلەپ، مىنانى دارىپتەدى
جاڭا داۋىردە جاپون شاپقىنشىلارىنا قارسى سوعىستىڭ ۇلى رۋحىنا مۇراگەرلىك ەتىپ جانە ونى ساۋلەلەندىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەسەيىك
لي كىچياڭ، لي جانشۋ، ۋاڭ ياڭ قاتىناستى، ۋاڭ حۋنيڭ باسقاردى
2020.09.04 16:24 كەلۋ قاينارى : حالىق تورابى
«حالىق گازەتى»، 9 - ايدىڭ 3 - كۇنى، بەيجيڭ. ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى 9 - ايدىڭ 3 - كۇنى تۇستەن كەيىن حالىق سارايىندا اڭگىمە ءماجىلىسىن وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن اتاپ ءوتتى اتاپ ءوتتى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ مىنالاردى دارىپتەدى: جۇڭگو حالقى جاپون شاپقىنشىلارىنا قارسى سوعىستىڭ ايبىندى ۇردىسىندە جاپون شاپقىنشىلارىنا قارسى سوعىستىڭ ۇلى رۋحىن جەتىلدىرىپ، دۇنيە جۇزىنە مەملەكەت ءىسىنىڭ گۇلدەنۋى مەن ويران بولۋىندا بارلىق ادامنىڭ جاۋاپكەرلىگى بار دەيتىن وتانشىلدىق سۇيىسپەنشىلىكتى، ءولىمدى ەلەڭ قۇرلى كورمەيتىن، باسىنا قاتەر تونسە دە، تىزە بۇكپەيتىن ۇلتتىق قاسيەتتى، زورلىق - زومبىلىقتان قورىقپايتىن، ەڭ سوڭىنا دەيىن قان توگىپ شايقاس جۇرگىزەتىن ەرلىك جىگەردى، قيىنشىلىقتان تايسالمايتىن قايتپاس قايسار رۋحتى، تاباندىلىقپەن جەڭىسكە جەتەتىن سەنىمدى ايگىلەدى. جاپون شاپقىنشىلارىنا قارسى سوعىستىڭ ۇلى رۋحى − جۇڭگو حالقىنىڭ اسا باعالى رۋحاني بايلىعى، ول جۇڭگو حالقىن بارلىق قيىنشىلىقتار مەن حاۋىپ - قاتەردى جەڭىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋگە ماڭگى شابىتتاندىرادى. (ءسوزدىڭ تولىعى «حالىق گازەتىنىڭ» 2 - بەتىندە جاريالاندى)ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ اڭگىمە ماجىلىسىنە قاتىناستى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى ۋاڭ حۋنيڭ اڭگىمە ءماجىلىسىن باسقاردى.
شي جينپيڭ سوزىندە مىنالاردى اتاپ كورسەتتى: بۇگىن، ءبىز بۇل ارادا سالتاناتتى جينالىس وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن اتاپ وتۋدەمىز. 75 جىلدىڭ الدىنداعى بۇگىنگى كۇنى جۇڭگو حالقى دۇنيە ءجۇزى حالقىمەن بىرگە، قايسار جىگەر جانە ەرلىك كۇرەس ارقىلى فاشيزمدى تۇبەگەيلى جەڭىپ، ادىلەتتىڭ سۇرقيالىقتى جەڭۋى، جارىق نۇردىڭ قاراڭعىلىقتى جەڭۋى، العا باسۋدىڭ كەرتارتپالىقتى جەڭۋى سىندى ۇلى جەڭىسكە قول جەتكىزدى. 75 جىلدىڭ الدىنداعى بۇگىنگى كۇنى جۇڭگو حالقى 14 جىل قان كەشىپ قان كەشىپ شايقاس جاساۋ ارقىلى جاۋىز جاپون ميليتاريزمىنىڭ شاپقىنشىلارىن جەڭىپ، جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسىنە قول جەتكىزدى. بۇل − تاياۋ زاماننان بەرگى جۇڭگو حالقىنىڭ سىرتقى جاۋدىڭ شاپقىنشىلىعىنا قارسى تۇرۋ كۇرەسىندە ەڭ ۇزاققا سوزىلعان، كولەمى ەڭ كەڭ، ەڭ كوپ قۇربان بەرگەن ۇلت ازاتتىق كۇرەسى ءارى تۇڭعىش رەت تولىق جەڭىسكە جەتكەن ۇلت ازاتتىق شايقاسى. بۇل ۇلى جەڭىس − جۇڭحۋا ۇلتىنىڭ تاياۋ زاماننان بەرى اۋىر داعدارىستان ۇلى گۇلدەنۋگە بەت العان تاريحي بۇرىلىس ءتۇيىنى، سونداي - اق دۇنيە جۇزىلىك فاشيزمگە قارسى سوعىسى جەڭىسىنىڭ ماڭىزدى قۇرامداس بولەگى، بۇل − جۇڭگو حالقىنىڭ جەڭىسى، ءارى دۇنيە ءجۇزى حالقىنىڭ جەڭىسى. جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى جۇڭحۋا ۇلتىنىڭ تاريحىنا ماڭگى جازىلادى، ادامزاتتىڭ ادىلەتتى ىستەرى تاريحىنا ماڭگى جازىلادى.
شي جينپيڭ ج ك پ ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان بۇكىل ەلدەگى جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەرگە، ساقا جولداستارعا، وتانشىل قايراتكەرلەرگە جانە جاپون شاپقىنشىلارىنا قارسى سوعىسقا قاتىناسقان اسكەري قولباسشىلارعا، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسكە جەتۋىنە تاريحي ۇلەس قوسقان ەل ءىشى - سىرتىنداعى جۇڭحۋا پەرزەنتتەرىنە وسكەلەڭ قۇرمەت ءبىلدىرىپ، جۇڭگو حالقىنىڭ جاپون شاپقىنشىلارىنا قارسى سوعىسىنا قولداۋ كورسەتكەن جانە كومەكتەسكەن شەتەل ۇكىمەتتەرى مەن حالىقاراداعى دوستارعا شىن جۇرەكتەن العىس ايتىپ، جەڭىسكە جەتۋ جولىندا ەرلىكپەن قۇربان بولعان بارلىق ارداگەرلەرگە، شاپقىنشىلاردىڭ قىرعىنىنا ۇشىراپ قازا بولعاندارعا قايعىلى ازا ءبىلدىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
