جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن اتاپ ءوتۋ بايلانىسىمەن
جاپون شاپقىنشىلارىنا قارسى سوعىس قۇرباندارىنا گۇل شارباق قويۋ سالتى وتكىزىلدى
شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان سالتقا قاتىناستى
2020.09.04 16:27 كەلۋ قاينارى : حالىق تورابى
«حالىق گازەتى»، 9 - ايدىڭ 3 - كۇنى، بەيجيڭ (ءتىلشى جاڭ شو). تاريحتى ەستە بەرىك ساقتاپ، قۇربانداردى ساعىنىشپەن ەسكە الايىق، بەيبىتشىلىكتى قاستەرلەپ، نۇرلى بولاشاق جاراتايىق. 9 - ايدىڭ 3 - كۇنى تۇستەن بۇرىن جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن اتاپ ءوتۋ بايلانىسىمەن جاپون شاپقىنشىلارىنا قارسى سوعىس قۇرباندارىنا گۇل شارباق قويۋ سالتى جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايىندا وتكىزىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان ءار سالا ۋاكىلدەرىمەن بىرگە سالتقا قاتىناستى.
بەيجيڭنىڭ باتىس ىرگەسىندەگى لۋگوۋچياۋ كوپىرىنىڭ جاعاسىنداعى ۋانپيڭ قورعانى ىشىندە جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايى ايبىندانا ەڭسە كوتەرىپ تۇر. ەسكەرتكىش سارايىنىڭ الدىنداعى الاڭدا بەس جۇلدىزدى نارت قىزىل تۋ اسقاق جەلبىرەيدى، «تاۋەلسىزدىك، ەركىندىك وردەنى» ءمۇسىنى ايرىقشا كوز تارتادى. ەسكەرتكىش سارايىنىڭ الدىڭعى قاقپاسىنا «جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسىنىڭ 75 جىلدىعىن ەسكە تۇسىرەمىز» دەگەن جازۋ جازىلعان كەرمە تۋ ىلىنگەن. قاقپانىڭ ەكى جاعىندا ايباتتى 3 ارميانىڭ قۇرمەت قاراۋىلى مىلتىقتارىن سەرت ۇستاپ تۇر.
ساعات 9 دان 57 مينۋت وتكەندە شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار وسى اراعا كەلدى. شي جينپيڭ قاتارلىلار جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايىنىڭ الدىنداعى تەكشەدە قۇرمەت جانارىمەن سالماقتى بەينەدە تۇر. جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەر مەن جاپون شاپقىنشىلارىنا قارسى سوعىس قولباسىلارىنىڭ تۋىس - تۋعاندارىنىڭ ۋاكىلدەرى، جاپون شاپقىنشىلارىنا قارسى سوعىس قۇرباندارىنىڭ ءۇي ىشىندەگىلەردىڭ ۋاكىلدەرى، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى ءۇشىن ۇلەس قوسقان حالىقاراداعى دوستاردىڭ تۋىس - تۋعاندارىنىڭ ۋاكىلدەرى، ازاتتىق ارميا مەن قارۋلى ساقشى بولىمدەرىندەگى كوماندير - جاۋىنگەرلەردىڭ ۋاكىلدەرى، استاناداعى ءار سالا بۇقاراسىنىڭ ۋاكىلدەرى ەسكەرتكىش سارايىنا بەت تۇزەپ قۇرمەت جانارىمەن سالماقتى بەينەدە تۇر.
ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى جانە جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەر، ساقا جولداستار، استاناداعى ءار سالا بۇقاراسى جەكە - جەكە ۇسىنعان 7 گۇل شارباق قاتار ءتىزىلىپ، ەسكەرتكىش سارايىنىڭ الدىڭعى تەكشەسىنە قويىلعان. گۇل شارباقتىڭ قىزىل ءتۇستى لەنتاسىنا «جۇڭگو حالقىنىڭ جاپون شاپقىنشىلارىنا قارسى سوعىسى بارىسىندا ەرلىكپەن كوز جۇمعان قۇرباندار ەسىمىزدە ماڭگى ساقتالادى» دەپ جازىلعان.
ساعات 10 دا جاپون شاپقىنشىلارىنا قارسى سوعىس قۇرباندارىنا گۇل شارباق قويۋ سالتى باستالدى.
جۇڭگو حالىق ازاتتىق ارمياسىنىڭ اسكەري وركەسترى ايبىندى «ارميا مارىشىن» ورىندادى، تۇتاس الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. «قوزعال! قۇل بولعىسى كەلمەگەن جان! جان - تانىمىزبەن سوعايىق جاڭا قورعان...» اسقاق اۋەن لۋگوۋچياۋ كوپىرىنىڭ اۋماعىندا جاڭعىرىعىپ، جۇڭحۋا ۇلتىنىڭ جاپون شاپقىنشىلارىنا قارسى قاجىماي - تالماي، ەرلىكپەن سوعىس جۇرگىزۋ ۇلى رۋحىن قايتادان ەسكە ءتۇسىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
