شي جينپيڭ 2020 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى دۇنيە جۇزىلىك قىزمەت وتەۋ ساۋداسى باسشىلار باس قوسۋىندا ءسوز سويلەدى
2020.09.07 15:53 كەلۋ قاينارى : حالىق تورابى
ءار ەلدىڭ اشىق، سيىسىمدى سەلبەستىك ورتاسىن بىرگە قالىپتاستىرۋ، جاسامپازدىقپەن جەتەكشىلىك ەتۋدىڭ سەلبەستىك قوزعاۋشى قۋاتىن بىرگە قاۋلاتۋ، ءوزارا تيىمدىلىك جەتكىزىپ، بىرگە يگىلىككە كەنەلەتىن سەلبەستىك جاعدايىن بىرگە اشۋ كەرەكتىگىن، جۇڭگونىڭ سىرتقا قاقپا اشۋدى مىزعىماي كەڭەيتىپ، قىزمەت وتەۋ كاسىبىندەگى بازارعا كىرۋگە رۇقسات ەتۋدى ۇزدىكسىز كەڭەيتىپ، قىزمەت وتەۋ ساۋداسىنىڭ جاڭا كاسىپ كۇيىن، جاڭا ۇلگىسىن دامىتىپ، دۇنيە جۇزىلىك قىزمەت وتەۋ ساۋدا بىرلەستىگىن قۇرۋعا قولداۋ كورسەتىپ، بەيجيڭنىڭ مەملەكەتتىك قىزمەت وتەۋ كاسىبىندە قاقپا اشۋدى كەڭەيتۋ كەشەندى ۇلگى كورسەتۋ اۋماعىن قۇرۋىنا قولداۋ كورسەتىپ، اناعۇرلىم جوعارى ساتىلى رەفورما جاساۋ، قاقپا اشۋ جاڭا جاعدايىن قالىپتاستىرۋدى جەبەيتىنىن دارىپتەدى
شينحۋا اگەنتتىگى، 9 - ايدىڭ 4 - كۇنى، بەيجيڭ (تىلشىلەر ياڭ ي - جۇن، جي نيڭ). مەملەكەت ءتوراعاسى شي جينپيڭ 9 - ايدىڭ 4 - كۇنى 2020 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى دۇنيە جۇزىلىك قىزمەت وتەۋ ساۋداسى باسشىلار باس قوسۋىندا ءسوز سويلەدى.
شي جينپيڭ سوزىندە بىلاي دەپ اتاپ كورسەتتى: وتكەن بىرنەشە ايدا جۇڭگو حالقى ءار ەل حالقىمەن بىرگە ءوزارا قولداۋ كورسەتىپ، ءوزارا كومەكتەسىپ، جاڭا تيپتى ايدارشا ۆيرۋس وكپە قابىنۋ ىندەتىنە بىرگە قارسى اتتانىپ، ىندەت اكەلگەن دۇنيە جۇزىلىك سىن - سايىسقا توتەپ بەرۋ جولىندا جاپالى قۇلشىنىستار جاسادى. قازىر بۇكىل دۇنيە ءجۇزى كولەمىندە ىندەت ءالى دە جالپى بەتتىك تىزگىندەلە قويعان جوق، ءار ەل ىندەتكە قارسى اتتانۋدىڭ، ەكونوميكانى ورنىقتىرۋدىڭ، حالىق تۇرمىسىن قامتاماسىزداندىرۋدىڭ اسا جاپالى مىندەتىنە ءدوپ كەلۋدە. وسىنداي جاعدايدا جۇڭگونىڭ قات - قابات قيىنشىلىقتاردى جەڭىپ، وسىنداي ءبىر رەتكى ەلەۋلى حالىقارالىق ەكونوميكا - ساۋدا قيمىلىن وتكىزۋى كوپشىلىكپەن قول ۇستاسا قۇلشىنىپ، ۋاقىتتىق قيىنشىلىقتاردى بىرگە جەڭىپ، دۇنيە جۇزىلىك قىزمەت وتەۋ ساۋداسىنىڭ دامۋىن، گۇلدەنۋىن بىرگە جەبەپ، دۇنيە ءجۇزى ەكونوميكاسىنىڭ تەزىرەك جاندانۋىن ىلگەرىلەتۋ ءۇشىن بولىپ وتىر. وسىنى وراي ەتىپ، تەكشە جانە دانەكەر ورناتىپ، ءار ەل حالىقتارىنىڭ قىزمەت وتەۋ ساۋداسى سالاسىنداعى جاڭا دامۋشىلىقتارىن، جاڭا ناتيجەلەرىن تولىق كورسەتىپ، ادامزات قوعامى دامۋىنىڭ، العاباسۋىنىڭ جاڭا تەحنيكالارىنان، جاڭا تابىستارىنان بىرگە يگىلىكتەنۋگە مۇمكىندىك جاراتۋدى ءۇمىت ەتەمىن.
شي جينپيڭ بىلاي دەپ دارىپتەدى: قازىر دۇنيە ءجۇزى عاسىردا بولماعان زور وزگەرىستى باستان كەشۋدە. جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل دۇنيە جۇزىندە كەڭ كولەمدە تارالۋى بۇل زور وزگەرىستى جەدەلدەتىپ، ەكونوميكانىڭ جاھاندانۋى كەرەعارلىققا ۇشىراپ، قورعانىمپازدىق، سىڭار جاقتىلىق بەلەڭ الىپ، دۇنيە ءجۇزى ەكونوميكاسى تۇرالاپ، حالىقارالىق ساۋدا جانە قارجى قوسۋ زور مولشەردە تارايىپ، ادامزاتتىڭ ءوندىرىسى مەن تۇرمىسىنا بۇرىن بولىپ كورمەگەن سايىس جانە سىناق اكەلدى. سونىمەن بىرگە، ءبىز مىنانى دا كورىپ وتىرمىز: جۋىقتاعى جىلداردان بەرى جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى تۋىنداپ، كوركەيىپ، سيفرلى تەحنيكانىڭ سەرپىندى كۇشەيۋىنە باستاماشىلىق ەتىپ، كاسىپ سالاسىنىڭ تەرەڭدەي توعىسۋىن جەبەپ، قىزمەت وتەۋ شارۋاشىلىعىنىڭ قارىشتاپ دامۋىن جەتەكتەدى. وسى رەتكى ىندەت بۇكىل دۇنيە جۇزىندە كەڭ كولەمدە تارالعان كەزدە الىس ارالىقتان ەمدەۋ، ينتەرنەت جەلىسىندە وقىتۋ، بىرگە يگىلىكتەنۋ تەكشەسى، سەلبەسىپ جۇمىس ىستەۋ، شەكارا اتتاعان ەلەكتروندى ساۋدا سياقتى قىزمەت وتەۋ كەڭ كولەمدە قولدانىلىپ، ءار ەل ەكونوميكاسىنىڭ ورنىقتىلىعىن جەبەپ، حالىقارانىڭ ىندەتكە قارسى اتتانۋ سەلبەستىگىن ىلگەرىلەتۋدە ماڭىزدى رول اتقاردى. كەلەشەككە كوز جىبەرسەك، قىزمەت وتەۋ كاسىبىندەگى اشىق سەلبەستىك دامۋدى جەبەۋدەگى ماڭىزدى كۇشكە اينالا بەرەتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
