وسى زامانعى اينالىم جۇيەسى قۇرىلىسىن ءبىر تۇتاس جوسپارلاپ ىلگەرىلەتىپ، جاڭا دامۋ جاعدايىن ورناتۋعا پارمەندى تىرەك ازىرلەۋ كەرەك

لي كىچياڭ، ۋاڭ حۋنيڭ، حان جىڭ ماجىلىسكە قاتىناستى

2020.09.10 14:28 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 9 - ايدىڭ 9 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنا - ەكونوميكا كوميتەتىنىڭ مەڭگەرۋشىسى شي جينپيڭ 9 - ايدىڭ 9- كۇنى تۇستەن كەيىن ورتالىق قازىنا - ەكونوميكا كوميتەتىنىڭ 8 - ءماجىلىسىن باسقارىپ اشتى. ماجىلىستە حالىق شارۋاشىلىعىنىڭ اينالىمى مەن وسىزامانعى اينالىم جۇيەسى قۇرىلىسىن ىركىلىسسىزدەندىرۋ ماسەلەسى زەرتتەلدى، پارتيا 19 - قۇرىلتايىنان بەرگى ورتالىق قازىنا - ەكونوميكا كوميتەتى ءماجىلىسىنىڭ شەشىم، ورنالاستىرۋلارىنىڭ تياناقتانۋ جاعدايى زەرتتەلدى. شي جينپيڭ ماجىلىستە ماڭىزدى ءسوز سويلەپ، مىنالاردى دارىپتەدى: اينالىم جۇيەسى حالىق شارۋاشىلىعىندا نەگىزدىك رولىن ساۋلەلەندىرىپ، جاڭا دامۋ جۇيەسىن ورناتىپ كەلەدى، وسىزامانعى اينالىم جۇيەسىن قۇرۋدى ماڭىزدى ستراتەگيالىق مىندەت رەتىندە يگەرۋ كەرەك. جاڭا دامۋ ۇستانىمىن دايەكتىلەندىرىپ، ساپالى دامۋدى ىلگەرىلەتىپ، قامداۋ جاعىنداعى قۇرىلىمدىق رەفورمانى تەرەڭدەتىپ، بازاردىڭ بايلىقتى ورنالاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن ءتىپتى دە جاقسى ساۋلەلەندىرىپ، وسىزامانعى اينالىم جۇيەسى مەن جۇمساق بولشەك قۇرىلىسىن ءبىر تۇتاس جوسپارلاپ ىلگەرىلەتىپ، اينالىمنىڭ جاڭا تەحنيكاسى مەن جاڭا قالىبىن، جاڭا ۇلگىسىن دامىتىپ، اينالىم سالاسىنداعى ءتۇزىم قالىبى مەن ولشەمىن كەمەلدەندىرىپ، حالىقارالىق باسەكەلىك قۋاتقا يە وسىزامانعى زات اينالىمى كاسىپورىندارىن جەتىلدىرىپ جانە نىعايتىپ، ەل ىشىندەگى ءىرى اينالىستى نەگىزگى تۇلعا ەتكەن، ەل ىشىندەگى جانە حالىقاراداعى قوس اينالىم ءبىرىن - ءبىرى جەبەيتىن جاڭا دامۋ جاعدايىن ورناتۋعا پارمەندى تىرەك ازىرلەۋ كەرەك.

　　ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنا - ەكونوميكا كوميتەتى مەڭگەرۋشىسىنىڭ ورىنباسارى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق قازىنا - ەكونوميكا كوميتەتىنىڭ مۇشەسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى، ورتالىق قازىنا - ەكونوميكا كوميتەتىنىڭ مۇشەسى حان جىڭ ماجىلىسكە قاتىناستى.

　　ماجىلىستە مەملەكەتتىك دامۋ - رەفورما كوميتەتىنىڭ، قاتىناس - تاسىمال مينيسترلىگىنىڭ، ساۋدا مينيسترلىگىنىڭ، جۇڭگو حالىق بانكەسىنىڭ حالىق شارۋاشىلىعىنىڭ اينالىمى مەن وسى زامانعى اينالىم جۇيەسى قۇرىلىسىن ىركىلىسسىزدەندىرۋ جونىندەگى مالىمەتى تىڭدالدى، مەملەكەتتىك دامۋ جانە رەفورما كوميتەتى، عىلىم - تەحنيكا مينيسترلىگى، ونەركاسىپ جانە ينفورماتسيالاندىرۋ مينيسترلىگى، ەكولوگيالىق ورتا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى، جۇڭگو حالىق بانكەسى قاتارلى تاراۋلاردىڭ پارتيا 19 - قۇرىلتايىنان بەرگى ورتالىق قازىنا - ەكونوميكا كوميتەتى ءماجىلىسىنىڭ شەشىم، ورنالاستىرۋلارىنىڭ تياناقتانۋ جاعدايى جونىندەگى مالىمەتى تىڭدالدى.

　　ماجىلىستە مىنالار اتاپ كورسەتىلدى: وسى زامانعى اينالىم جۇيەسىن قۇرۋ جاڭا دامۋ جاعدايىن ورناتۋدا كەلەلى مانگە يە. قوعامدىق ۇدايى ءوندىرىس بارىسىندا اينالىم ونىمدىلىگى مەن ءوندىرىس ونىمدىلىگى بىردەي ماڭىزدى، بۇلار − حالىق شارۋاشىلىعىنىڭ جالپى اينالىم ونىمدىلىگىن جوعارىلاتۋدىڭ ماڭىزدى جاعى. جوعارى ءونىمدى اينالىم جۇيەسى ءوندىرىس پەن تۇتىنۋدى ءتىپتى دە زور كولەمدە بايلانىستىرا الادى، ساۋدا كولەمىن كەڭەيتىپ، جۇمىس ءبولىسىنىڭ تەرەڭدەۋىن ىلگەرىلەتىپ، ءوندىرىس ونىمدىلىگىن جوعارىلاتىپ، بايلىق جاراتۋدى جەبەيدى. ىشكى اينالىم مەن حالىقارالىق اينالىم جوعارى ءونىمدى وسى زامانعى اينالىم جۇيەسىنەن قول ۇزە المايدى.

　　ماجىلىستە مىنالار دارىپتەلدى: پارتيانىڭ 18 - قۇرىلتايىنان بەرى ەلىمىزدىڭ اينالىم جۇيەسى قۇرىلىسىندا كورنەكتى ىلگەرىلەۋشىلىككە قول جەتتى. مەملەكەتتىڭ تىرەكتى اينالىم تورابى بىرتىندەپ كەمەلدەنىپ، اينالىم سالاسىنداعى جاڭا كاسىپ فورماسى، جاڭا ۇلگى ۇزدىكسىز جارىققا شىقتى، بۇكىل ەل بويىنشا بىرلىككە كەلگەن ءىرى بازار قۇرىلىسى تەزدەتىلىپ، تاۋار جانە فاكتور اينالىم ءتۇزىمى ورتاسى كورنەكتى جاقساردى. جاڭا تيپتى ايدارشا ۆيرۋس وكپە قابىنۋ ىندەتى بارىسىندا اينالىم كاسىبى ماڭىزدى رول اتقاردى. سونىمەن بىرگە، ەلىمىزدىڭ اينالىم جۇيەسىنىڭ وسىزاماندانۋ دارەجەسى ءالى دە جوعارى ەمەس، ءالى دە كوپتەگەن بوگەتتەردى اشۋعا تۋرا كەلەدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved