سۇن چۇنلان: ورەلى وقىتۋشىلاردىڭ ساپالى وقۋ - اعارتۋعا تىرەك بولۋىنا مۇمكىندىك جاراتۋ كەرەك
2020.09.11 15:32 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 10 - كۇنى، بەيجيڭ. بۇگىن − 36 - رەتكى وقىتۋشىلار مەرەكەسى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى سۇن چۇنلان جۇڭگو حالىق ۋنيۆەرسيتەتىنە كەلىپ تەكسەرۋ - زەرتتەۋ جۇرگىزىپ، وقىتۋ، عىلمي زەرتتەۋ قىزمەتىنىڭ جاعدايىن ۇعىسىپ، «حالىق اعارتۋشىسى» گاۋ ميڭشۋان پروفەسسورمەن، «ەڭ تاڭداۋلى وقىتۋشى» ۋاڭ ي پروفەسسورمەن امانداسىپ، ولاردان حال سۇرادى، بۇكىل ەلدەگى قالىڭ وقىتۋشىلار مەن وقۋ - اعارتۋ قىزمەتكەرلەرىنە پارتيا ورتالىق كوميتەتىنىڭ، مەملەكەتتىك كەڭەستىڭ مەرەكەلىك سالەمىن جانە ىقىلاسپەن حال سۇرايتىنىن جەتكىزدى.
سۇن چۇنلان مىنالاردى اتاپ كورسەتتى: وقىتۋشىلار − وقۋ - اعارتۋدى دامىتۋداعى ءبىرىنشى بايلىق. بۇكىل ەل بويىنشا 17 ميلليون 320 مىڭ وقىتۋشى پارتيانىڭ وقۋ - اعارتۋ باعىتىن ىشكەرىلەي دايەكتىلەندىرىپ، قىزمەت ورنىن ءسۇيىپ، ءۇنسىز ەڭبەك ەتىپ، وقۋ - اعارتۋ ىستەرىن حالىق رازى بولاتىنداي ەتىپ ويداعىداي ىستەۋگە ماڭىزدى ۇلەس قوستى. باس شۋجي شي جينپيڭنىڭ قالىڭ وقىتۋشىلارعا جولداعان ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، وقىتۋشىلار قوسىنى قۇرىلىسىن كۇشەيتۋدى ەڭ ماڭىزدى نەگىزدىك قىزمەت رەتىندە يگەرىپ، ءتىپتى دە كوپ تاڭداۋلى وقىتۋشىلاردى وقىتۋشىلىقپەن ۇزاق ۋاقىت شۇعىلدانۋعا، ومىرلىك شۇعىلدانۋعا باۋراپ جانە شابىتتاندىرىپ، ورەلى وقىتۋشىلاردىڭ ساپالى وقۋ - اعارتۋعا تىرەك بولۋىنا مۇمكىندىك جاراتۋ كەرەك.
تەكسەرۋ - زەرتتەۋ اياقتاعاننان كەيىن سۇن چۇنلان اڭگىمە ءماجىلىسىن باسقارىپ اشىپ، وقۋ - اعارتۋ مينيسترلىگىنە توتە قاراستى 6 پەداگوگيكالىق مەكتەپ پەن قاتىستى تاراۋلارداعى جاۋاپتى جولداستاردىڭ وقىتۋشىلار تاربيەسى قىزمەتىن كۇشەيتۋ جونىندەگى پىكىر - ۇسىنىستارىن تىڭدادى. ول مىنالاردى دارىپتەدى: پەداگوگيكالىق وقۋ - اعارتۋ، باستىسى، وقىتۋشىلاردى تاربيەلەيدى، وقۋ - اعارتۋدىڭ نەگىزى جانە تەتىگى. پەداگوگيكالىق مەكتەپتەر «پەداگوگيكانى نەگىز ەتۋ» سىندى مەكتەپ اشۋ ورنىندا تاباندى بولۋى، جوعارى دەڭگەيلى جالپىلىق داشۋەلەر دە وقىتۋشىلار تاربيەسىنە بەلسەنە ات سالىسۋى كەرەك، سوندا عانا ەلىمىزدىڭ وقىتۋشىلار وقۋ - اعارتۋىنىڭ جالپى تۇلعالىق ورەسىن جاپپاي جوعارىلاتۋعا بولادى. پەداگوگيكالىق مەكتەپتەر دە وزگەشە جولمەن دامۋدان جازباۋى كەرەك. ءار دارەجەلى، ءار ءتۇرلى وقىتۋشىلار وقىتۋىنا قاراتىلعان ساياسات جاقتان قولداۋ تەبىنىن ارتتىرىپ، مەكتەپ باسقارۋ دەڭگەيىن كوتەرىپ، تاربيەلەۋ ساپاسىن جوعارىلاتىپ، ءتىلاشار اعارتۋى، كاسىپتىك اعارتۋ، مۋزىكا، دەنە تاربيە، ەستەتيكا وقىتۋشىلارى جاعىنداعى جانە اۋىل - قىستاق وقىتۋشىلارىنداعى قۇرىلىمدىق ولقىلىقتى كۇش سالا تولىقتاپ، ۇزدىك مەكتەپ مەڭگەرۋشىلەرىن تاربيەلەۋدى، باۋلۋدى كۇشەيتىپ، سانى جەتكىلىكتى ورەلى وقىتۋشىلاردى جەتىلدىرۋ كەرەك. پەداگوگيكالىق مەكتەپتەر وقىتۋشىلىق ءمورال، ۇستازدىق ستيل قۇرىلىسىن ءتىپتى دە كۇشەيتۋى، ءارى وقىتۋشىلاردىڭ يدەيالىق - ساياسي تاربيەسىن كۇشەيتىپ، ءارى پەداگوگيكا وقۋشىلارىنىڭ سوتسياليستىك وزەكتى قۇن كوزقاراسى تاربيەسىن، سۇيىسپەنشىلىك تاربيەسىن اناعۇرلىم شىنايى، ويداعىداي يگەرىپ، قالىڭ پەداگوگيكا وقۋشىلارىنىڭ مورالمەن ادام تاربيەلەۋ اۋەلگى ماقساتىن ۇمىتپاي، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ بورىشىن ەستە بەرىك ساقتاپ، ءبىلىم بەرىپ، ادام تاربيەلەۋ قابىلەتىن جوعارىلاتىپ، وقىتۋشىلىق ورىنعا بارعاننان كەيىن سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ سىندى اۋىر مىندەتتى شىنايى ارقالاي الۋىنا مۇمكىندىك جاراتۋ كەرەك. جەر - جەر، قاتىستى تاراۋلار وقىتۋشىلاردى تاربيەلەۋ قىزمەتىنە ءتىپتى دە كوڭىل ءبولۋى جانە قولداۋ كورسەتۋى، پەداگوگيكا مەكتەپتەرىنە ۇسىنىلىمدى ارتتىرىپ، پەداگوگيكا وقۋشىلارىنىڭ مەكتەپ بىتىرگەننەن كەيىنگى وقىتۋشىلىق تولىمدىلىعىن تۇراقتاندىرۋعا قاتىستى ساياساتتاردىڭ تياناقتانۋىن ىلگەرىلەتىپ، وقىتۋشىلاردىڭ وقىتۋشىلىقپەن شۇعىلدانۋىنا كەپىلدىك ەتۋ، شابىتتاندىرۋ مەحانيزمىن اقاۋسىزداندىرىپ، وقىتۋشىلىقتىڭ قوعام بارىنشا قۇرمەتتەيتىن جانە ادامدى ەڭ باۋرايتىن كاسىپكە اينالۋىنا مۇمكىندىك جاراتۋى كەرەك. نەگىزگى ساتىداعى وقىتۋشىلارعا ءتىپتى دە كوڭىل ءبولۋ، ساياساتتى تياناقتاندىرۋ، مامىلەنى جوعارىلاتۋ، ولاردىڭ وقىتۋشىلىقپەن الاڭسىز شۇعىلدانۋىنا مۇمكىندىك جاراتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
