بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ عالىمدار اڭگىمە ءماجىلىسىن باسقارىپ اشقاندا بىلاي دەپ دارىپتەدى

دۇنيە ءجۇزى عىلىم - تەحنيكاسىنىڭ الدىڭعى لەگىن، ەكونوميكانىڭ نەگىزگى شايقاس مايدانىن، مەملەكەتتىڭ ماڭىزدى قاجەتىن، حالىقتىڭ سالاماتتىعىن بەتكە الىپ، عىلىم - تەحنيكانى كەڭ اۋقىمدى دامىتۋعا تىنباي شەرۋ تارتۋ كەرەك

ۋاڭ حۋنيڭ، حان جىڭ قاتىناستى

2020.09.14 16:39     كەلۋ قاينارى : حالىق تورابى


  شينحۋا اگەنتتىگى، 9 - ايدىڭ 11 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 11 - كۇنى تۇستەن كەيىن بەيجيڭدە عالىمدار اڭگىمە ءماجىلىسىن باسقارىپ اشتى ءارى ماڭىزدى ءسوز سويلەپ، «14 - بەس جىلدىق» مەزگىلىندەگى ەلىمىزدىڭ عىلىم - تەحنيكا ىستەرىنىڭ دامۋى جونىندەگى پىكىرلەرىن تىڭدادى. ول بىلاي دەپ دارىپتەدى: ەلىمىزدىڭ ەكونوميكالىق، قوعامدىق دامۋى جانە حالىق تۇرمىسىنىڭ جاقسارۋى عىلىم - تەحنيكالىق شەشۋ جوباسىن بۇرىنعى ءارقانداي مەزگىلدەگىدەن دە نەعۇرلىم قاجەت ەتەدى، جاڭالىق جاراتۋ سىندى ءبىرىنشى قوزعاۋشى كۇشتى كۇشەيتۋدى ءتىپتى دە قاجەت ەتەدى. ەلىمىزدەگى قالىڭ عالىمدار مەن عىلىم - تەحنيكا قىزمەتكەرلەرىنىڭ عىلىم شىڭىنا شىعۋعا سەنىمى، ەرىك - جىگەرى، قابىلەتى بار. قالىڭ عالىمدار مەن عىلىم - تەحنيكا قىزمەتكەرلەرىنىڭ تاريحي جاۋاپكەرلىك ارقالاپ، دۇنيە ءجۇزى عىلىم - تەحنيكاسىنىڭ الدىڭعى لەگىن، ەكونوميكانىڭ نەگىزگى شايقاس مايدانىن، مەملەكەتتىڭ ماڭىزدى قاجەتىن، حالىقتىڭ سالاماتتىعىن بەتكە الۋدان جازباي، عىلىم - تەحنيكانى كەڭ اۋقىمدى دامىتۋعا تىنباي شەرۋ تارتۋىن ءۇمىت ەتەمىن.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ اڭگىمە ماجىلىسىنە قاتىناستى.

  اڭگىمە ماجىلىسىندە جۇڭگو ينجەنەريا اكادەمياسىنىڭ اكادەميگى شۇي كۋاڭدي، چيڭحۋا داشۋەسى ايقاسپالى ينفورماتسيا زەرتتەۋ ورنىنىڭ باستىعى، جۇڭگو عىلىم اكادەمياسىنىڭ اكادەميگى ياۋ چيجى، شيحۋ داشۋەسىنىڭ باستىعى، جۇڭگو عىلىم اكادەمياسىنىڭ اكادەميگى شى ي - گۇڭ، جۇڭگو ينجەنەريا اكادەمياسى باستىعىنىڭ ورىنباسارى، جۇڭگو ينجەنەريا اكادەمياسىنىڭ اكادەميگى چىن زونيڭ، اليبابا توبى تەحنيكالىق كوميتەتىنىڭ ءتوراعاسى، جۇڭگو ينجەنەريا اكادەمياسىنىڭ اكادەميگى ۋاڭ جيان، جۇڭگو عىلىم اكادەمياسى ەجەلگى ومىرتقالى جانۋارلار جانە ەجەلگى ادامزات زەرتتەۋ ورنىنىڭ زەرتتەۋشىسى فۋ چياۋمەي، بەيجيڭ حيميا ونەركاسىبى داشۋەسىنىڭ ۇسىنىس ەتىلگەن پروفەسسورى داي ۋي قاتارلى عالىمداردىڭ 7 ۋاكىلى ىلگەرىندى - كەيىندى ءسوز سويلەپ، عىلىم - تەحنيكا ءتۇزىلىسى رەفورماسىن تەرەڭدەتۋ، عىلىم - تەحنيكادا جاڭالىق جاراتۋ مەن دامۋدى ىلگەرىلەتۋ سياقتى ماسەلەلەر جونىندە پىكىر - ۇسىنىس قويدى. شي جينپيڭ ءسوز سويلەگەن ءاربىر عالىممەن پىكىر اۋىستىرىپ، كەيبىر كەلەلى عىلىم - تەحنيكالىق ماسەلەلەردى جانە عىلىم - تەحنيكا ءتۇزىلىسى رەفورماسىندا جاڭالىق جاراتۋ ماسەلەسىن ىشكەرىلەي تالقىلادى.

  كوپشىلىكتىڭ ءسوزىن مۇقيات تىڭداعان سوڭ شي جينپيڭ ماڭىزدى ءسوز سويلەدى. ول مىنانى ءبىلدىردى: كوپشىلىك وتە جاقسى سويلەدى، وزدەرىنىڭ زەرتتەۋ سالاسىمەن ۇشتاستىرا وتىرىپ كوپتەگەن قۇندى پىكىرلەر مەن ۇسىنىستاردى قويدى، مۇنى قاتىستى جاقتار مۇقيات زەرتتەپ قابىلداسىن.

  شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى ءبىز عىلىم - تەحنيكادا جاڭالىق جاراتۋ قىزمەتىنە ايرىقشا ءمان بەردىك، جاڭالىق جاراتۋدى دامۋعا جەتەكشىلىك ەتۋدىڭ ءبىرىنشى قوزعاۋشى كۇشى ەتۋدە تاباندى بولدىق. بۇكىل قوعامنىڭ بىرگە قۇلشىنۋىنىڭ ارقاسىندا ەلىمىزدىڭ عىلىم - تەحنيكا ىستەرىندە تاريحي تابىسقا قول جەتتى، تاريحي وزگەرىستەر جارىققا شىقتى. كەلەلى جاڭالىق جاراتۋ تابىستارى ارت - ارتىنان جارىققا شىعىپ، ءىشىنارا العى سالالار قاتار ءجۇرۋ، الدا ءجۇرۋ كەزەڭىنە وتە باستادى، عىلىم - تەحنيكالىق ناقتى كۇش ساندىق توپتالۋدان ساپالىق سەكىرۋگە، تۇيىندەردە ناتيجە شىعارۋدان جۇيەلىك قۋاتتىڭ جوعارىلاۋىنا قاراي ارشىندى قادام تاستاۋدا. وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا قالىڭ عىلىم - تەحنيكا قىزمەتكەرلەرى ەمدەۋ، ۆاكسينا زەرتتەۋ - اشۋ، ساقتانۋ - تىزگىندەۋ سياقتى كوپتەگەن ماڭىزدى سالادا عىلىم - تەحنيكالىق زەرتتەۋدەن قامال الىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋگە پارمەندى تىرەك ازىرلەپ، ماڭىزدى ۇلەس قوستى. وسى ورايدا مەن قالىڭ عىلىم - تەحنيكا قىزمەتكەرلەرىنە شىن جۇرەكتەن العىس ايتامىن!

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار