شي جينپيڭ گەرمانيانىڭ، ەۆروپا وداعىنىڭ باسشىلارىمەن كەزدەسۋ وتكىزدى
2020.09.15 15:48 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 14 - كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 14 - كۇنى كەشتە گەرمانيانىڭ زۇڭليى مەركەلمەن، ەۆروپا القالار كەڭەسىنىڭ ءتوراعاسى ميچەلمەن، ەۆروپا وداعى كوميتەتىنىڭ ءتوراعاسى ۆون دەر لاينمەن كەزدەسۋ وتكىزدى، كەزدەسۋ بەينە ەكران فورماسىندا وتكىزىلدى. كەزدەسۋ بەينە ەكران فورماسىندا وتكىزىلدى. جۇڭگو، گەرمانيا، ەۆروپا باسشىلارى جۇڭگو - ەۆروپا قاتىناسى تۋراسىندا ىشكەرىلەي پىكىر الماستىرىپ، كەلەسى ساتىداعى جۇڭگو - ەۆروپا قاتىناسىنىڭ باعىتىن جوسپارلاپ، ءتۇيىندى سالالاردى تۇراقتاندىرىپ، سايكەستىكپەن سەلبەسۋدى كۇشەيتىپ، الداعى جەردە جۇڭگو مەن ەۆروپا اراسىنداعى ءبىرقىدىرۋ كەلەلى ساياسي كۇن تارتىپتەردىڭ تابىستى بولۋىنا كەپىلدىك ەتىپ، ءوزارا سەنىمدىلىكتى تەرەڭدەتىپ، ءوزارا تيىمدىلىك جەتكىزە ورتاق يگىلىكتەنۋدى جۇزەگە اسىرىپ، كوپ جاقتىلىقتى قورعاۋدا تاباندى بولىپ، دۇنيە جۇزىلىك سايىستارعا ورتاق توتەپ بەرىپ، جۇڭگو - ەۆروپا قاتىناسىنىڭ اناعۇرلىم جوعارى دەڭگەيدە دامۋىن جەبۋگە ءبىر اۋىزدان قوسىلدى. جۇڭگو - ەۆروپا ەكى جاق « جۇڭگو - ەۆروپا جاعراپيالىق بەلگى كەلىسىمىنە» قول قويعاندارىن جاريالادى، جۇڭگو-ەۆروپا قارجى قوسۋ كەلىسىمى كەلىسسوزىن جەدەلدەتىپ، كەلىسسوز نىساناسىن وسى جىل ىشىندە ورىنداۋدى تۇراقتاندىردى. جۇڭگو - ەۆروپا ورتا جانە كىليمات جوعارى جىكتەگىلەر سۇحپاتىن جانە سيفرلى سالاداعى جوعارى جىكتەگىلەر سۇحپاتىن ورناتىپ، جۇڭگو - ەۆروپا جاسىل سەلبەستىك سەرىكتەستىك، سيفرلى سالاداعى سەلبەستىك سەرىكتەستىك قاتىناسىن ورناتۋدى بەلگىلەدى.
شي جينپيڭ بىلاي دەپ اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل دۇنيە جۇزىندە كەڭ تارالۋى عاسىردا بولماعان زور وزگەرىستى تەزدەتتى. ادامزات كوپتەگەن ورتاق سايىسقا ءدوپ كەلدى، قازىر جاڭا جول ايرىعىندا تۇر. جۇڭگو مەن ەۆروپا دۇنيە جۇزىندەگى ەكى ءىرى كۇش، ەكى ءىرى بازار، ەكى ءىرى مادەنيەت تۇلعاسى رەتىندە وسىنداي جاعدايعا ءدوپ كەلگەن سايىن جالپى باعىتتى مىقتى يگەرىپ، جۇڭگو مەن ەۆروپانىڭ جالپى بەتتىك ستراتەگيالىق سەرىكتەستىك قاتىناسىنىڭ اقاۋسىز، ورنىقتى دامۋىن تاباندىلىقپەن ىلگەرىلەتىپ، حالىقارالىق قوعامنىڭ ىندەتكە قارسى اتتانۋىنا، ەكونوميكانى قالپىنا كەلتىرۋگە، ادىلەتتىلىكتى قورعاۋعا اناعۇرلىم كوپ وڭ ەنەرگيا قوسۋى كەرەك.شي جينپيڭ مىنالاردى دارىپتەدى: جۇڭگو مەن ەۆروپا «تورتتە تاباندى بولۋدى» ورىنداۋى كەرەك.
ءبىرىنشى، بەيبىت قاتار تۇرۋدا تاباندى بولۋ. دۇنيە جۇزىندە بۇكىلدەي ۇقساپ كەتەتىن ساياسي ءتۇزىم ۇلگىسى جوق، تۇرلىشە وركەنيەت، مادەنيەتتىڭ كوپ نەگىزدىلىگى عانا قالىپتى جاعداي سانالادى. جۇڭگو مەن ەۆروپانىڭ بەيبىت قاتار تۇرۋ كۇشى قانشالىق بەرىك بولسا، دۇنيە ءجۇزىنىڭ بەيبىتشىلىگى مەن گۇلدەنىپ - كوركەيۋى سونشالىق مىعىم قامتاماسىز ەتىلەدى.
ەكىنشى، قاقپا اشۋ سەلبەستىگىندە تاباندى بولۋ. جۇڭگو ەل ىشىندەگى زور اينالىمدى نەگىزگى تۇلعا ەتكەن، ەل ىشىندەگى جانە حالىقاراداعى قوس اينالىم ءبىرىن - ءبىرى جەبەيتىن جاڭا دامۋ جاعدايىن بىرتىندەپ قالىپتاستىرۋعا كۇش سالۋدا. جۇڭگو ىشكى سۇرانىمنىڭ كومەسكى كۇشىن ۇزدىكسىز اشۋ ارقىلى جۇڭگو مەن ەۆروپانىڭ ەكى ۇلكەن بازارىنىڭ، ەكى جاقتىڭ بايلىعىنىڭ اناعۇرلىم جاقسى تۇتاسۋىن، اناعۇرلىم زور ونىمدىلىگىن جۇزەگە اسىرىپ، جۇڭگو مەن ەۆروپانىڭ ورتاق دامۋىنىڭ اناعۇرلىم پارمەندى، اناعۇرلىم باياندى بولۋىن جەبەيدى.
ءۇشىنشى، كوپ جاقتىلىقتا تاباندى بولۋ. جۇڭگو ەۆروپامەن ەكى جاقتى، وڭىرلىك، دۇنيە جۇزىلىك دەڭگەيدە سۇحپاتتاسۋ جانە سەلبەسۋدى كۇشەيتۋدى قالايدى. ورتاق اقىلداسۋ، ورتاق قۇرۋ، ورتاق يگىلىكتەنۋ سىندى دۇنيە ءجۇزىن جونگە سالۋ تانىمىندا تاباندى بولادى، ب م ۇ - نى وزەك ەتكەن حالىقارالىق ءتارتىپ پەن حالىقارالىق جۇيەنى قورعاپ، حالىقارالىق جانە وڭىرلىك ماسەلەلەردى ساياسي جولمەن شەشۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.
ءتورتىنشى، سۇحپاتتاسۋدا، كەڭەسۋدە تاباندى بولۋ. جۇڭگو مەن ەۆروپا جۇڭگو - ەۆروپا قاتىناسىنىڭ سەلبەسىپ دامۋ نەگىزگى اعىمىن مىقتى يگەرۋى، قاتە تۇسىنىكتەردى سۇحپاتتاسۋ ارقىلى باسەيتۋى، دامۋ ارقىلى قيىن ماسەلەلەردى شەشىپ، الاۋىزدىقتى ۇيلەسىمدى تىزگىندەۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
