«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
مىعىم الەۋمەتتىك دەنساۋلىق ساقتاۋ جۇيەسىن ورناتىپ، حالىقتىڭ دەنساۋلىعىن قورعاۋدى پارمەندى قامتاماسىزداندىرۋ كەرەك
2020.09.16 16:11 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 15 - كۇنى، بەيجيڭ. 9 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 8 - سانى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «مىعىم الەۋمەتتىك دەنساۋلىق ساقتاۋ جۇيەسىن ورناتىپ، حالىقتىڭ دەنساۋلىعىن قورعاۋدى پارمەندى قامتاماسىزداندىرۋ كەرەك» اتتى ماڭىزدى ماقالاسىن جاريالايدى.
ماقالادا مىنالار دارىپتەلدى: حالىقتىڭ حاۋىپسىزدىگى − مەملەكەت حاۋىپسىزدىگىنىڭ ىرگە تاسى. ءبىز تومەنگى شەكتە ويلاۋدى كۇشەيتىپ، حاۋىپ - قاتەر تانىمىن نىعايتىپ، دەنساۋلىق ساقتاۋ، سالاماتتىق سالاسىنداعى ەلەۋلى حاۋىپ - قاتەردەن قاي - قاشان دا ساقتانۋىمىز كەرەك. مىعىم الەۋمەتتىك دەنساۋلىق ساقتاۋ جۇيەسىن ورناتىپ، ساقتىق سيگنالىنا ءۇن قوسۋ مەحانيزمىن كەمەلدەندىرىپ، ساقتانۋ - قۇتقارۋ قۋاتىن جالپى بەتتىك جوعارىلاتىپ، قورعانىس تورىن بەرىك توقىپ، قورعانىس داۋالىن بەرىك تۇرعىزعاندا عانا حالىقتىڭ دەنساۋلىعىن قورعاۋدى پارمەندى كەپىلدەندىرۋگە بولادى.
ماقالادا مىنالار اتاپ كورسەتىلدى: اۋرۋدان ساقتانۋ - تىزگىندەۋ جۇيەسىن رەفورما نەگىزىندە كەمەلدەندىرۋ كەرەك. اۋرۋدان ساقتانۋ - تىزگىندەۋ جۇيەسى − حالىقتىڭ دەنساۋلىعىن قورعاۋدىڭ، الەۋمەتتىك دەنساۋلىق ساقتاۋ حاۋىپسىزدىگىن قامتاماسىز ەتۋدىڭ، ەكونوميكانىڭ، قوعامنىڭ ورنىقتىلىعىن قورعاۋدىڭ ماڭىزدى كەپىلى. اناعۇرلىم دالمە - ءدال، اناعۇرلىم ءونىمدى ساقتانۋدى تياناق ەتىپ، ءتۇزىلىس، مەحانيزمدى جاقسارتۋ، فۋنكتسيالىق ورىندى ايقىنداۋ، كاسىپتىك قۋاتتى جوعارىلاتۋ سياقتى جاقتاردا رەفورما تەبىنىن ارتتىرۋ كەرەك. الەۋمەتتىك دەنساۋلىق ساقتاۋ ىستەرىنە ورنىقتى قارجى قوسۋ مەحانيزمىن ورناتىپ، اۋرۋدان ساقتانۋ - تىزگىندەۋدىڭ نەگىزدىك شارت - جاعدايىن جاقسارتىپ، الەۋمەتتىك دەنساۋلىق ساقتاۋعا قىزمەت وتەۋ نىساندارىن كەمەلدەندىرىپ، اۋرۋدان ساقتانۋ - تىزگىندەۋ قۇرىلىمدارىنىڭ فۋنكتسيالىق ورنالاسۋىن ساپالىلاندىرىپ جانە جاقسارتىپ، مەملەكەت دارەجەلى اۋرۋدان ساقتانۋ - تىزگىندەۋ قۇرىلىمدارىنىڭ قۋات قۇرىلىسىن كۇشەيتىپ، اۋرۋدى تىزگىندەۋ قۇرىلىمى مەن قالا، اۋىل، الەۋمەتتىك اۋماقتاردىڭ ىقپالداستىق قىزمەت مەحانيزمىن اقاۋسىزداندىرىپ، ەمدەۋ مەن ساقتانۋدى سايكەستىرۋ مەحانيزمىندە جاڭالىق جاراتىپ، اۋرۋدى تىزگىندەۋ دارىندىلار قوسىنى قۇرىلىسىن كۇشەيتىپ، ءبىر توپ جوعارى دەڭگەيدەگى الەۋمەتتىك دەنساۋلىق ساقتاۋ شۋەيۋانىن قۇرۋ كەرەك.
ماقالادا مىنالار اتاپ كورسەتىلدى: باقىلاۋ - تەكسەرۋ، ساقتاندىرۋ جانە شۇعىل جاعدايعا توتەپ بەرۋ قۋاتىن كۇشەيتۋ كەرەك. ەرتە مەزگىلدەگى باقىلاۋ ساقتاندىرۋ قۋاتىن كۇشەيتۋدى الەۋمەتتىك دەنساۋلىق ساقتاۋ جۇيەسىن كەمەلدەندىرۋدىڭ شۇعىل مىندەتى ەتىپ، ىندەت مەن توسىن تۋىلعان الەۋمەتتىك دەنساۋلىق ساقتاۋ وقيعالارىن باقىلاۋ - تەكسەرۋ جۇيەسىن كەمەلدەندىرىپ، لابوراتوريالىق تەكسەرۋ تورابى قۇرىلىسىن كۇشەيتىپ، الەۋمەتتىك دەنساۋلىق ساقتاۋ قۇرىلىمدارى مەن ەمدەۋ قۇرىلىمدارىنىڭ سەلبەسىپ باقىلاۋ مەحانيزمىن ورناتىپ، الەۋمەتتىك دەنساۋلىق ساقتاۋعا قاتىستى توسىن وقيعالارعا توتەپ بەرۋ جوباسى جۇيەسىن اقاۋسىزداندىرىپ، نەگىزگى ساتىداعى دەنساۋلىق ساقتاۋ قىزمەتكەرلەرىن تاربيەلەۋدى كۇشەيتىپ، دەنساۋلىق ساقتاۋعا شۇعىل توتەپ بەرۋ بىلىمدەرىن ۇگىتتەۋدى ىشكەرىلەي ورىستەتۋ كەرەك. ءار دارەجەلى پارتكومدار مەن ۇكىمەتتەر اۋىر ىندەتتەن ساقتانۋ - تىزگىندەۋ سياقتى دەنساۋلىق ساقتاۋ، سالاماتتىق قىزمەت مەحانيزمىن مەرزىم بويىنشا ورناتۋى كەرەك.
ماقالادا مىنالار اتاپ كورسەتىلدى: سالماقتى ىندەتكە قاراتىلعان قۇتقارۋ جۇيەسىن كەمەلدەندىرۋ كەرەك. ۇكىمەت باسقارۋىنداعى شيپاحانالاردىڭ جۇقپالى اۋرۋلاردى ەمدەۋ قۋاتى قۇرىلىسىن جالپى بەتتىك كۇشەيتىپ، جالپىلىق شيپاحانالاردىڭ ىندەتتەن ساقتانۋ - تىزگىندەۋ قۇرىلعىلارى قۇرىلىسىنىڭ ولشەمىن كەمەلدەندىرىپ، شۇعىل جاعدايعا توتەپ بەرۋ، ەمدەۋ، قۇتقارۋ، زاپاس ساقتاۋ قۋاتىن جوعارىلاتۋ كەرەك. ەمدەۋ بايلىعىن ۇيلەسىمدى، ساپالى ورنالاستىرىپ، شۇعىل جاعدايعا توتەپ بەرۋ جاعدايىندا ەمدەۋ، دەنساۋلىق ساقتاۋ قۇرىلىمدارىنىڭ جۇمىلۋىن، وڭىرلەر ارا بىرلەسىپ قيمىلداۋدى، قىزمەتكەرلەردى رەتتەپ - شوعىرلاندىرۋدى ءبىرتۇتاس جوسپارلاپ، جۇقپالى اۋرۋ سياقتى اۋىر ىندەتتىڭ دارەجەگە، ساتىعا، توپقا بولىنگەن ەمدەۋ - قۇتقارۋ مەحانيزمىن ورناتىپ جانە اقاۋسىزداندىرىپ، قالا، اۋىل ءۇش دارەجەلى ەمدەۋ قىزمەت وتەۋ تورابىن كەمەلدەندىرىپ، مەملەكەتتىك مەديتسينا ورتالىعى، وڭىرلىك ەمدەۋ ورتالىعى سياقتى بازا قۇرىلىسىن كۇشەيتىپ، سالماقتى جۇقپالى اۋرۋلارعا بايلانىستى ەمدەۋ - قۇتقارۋ قۋاتىن جوعارىلاتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
