ۋاڭ ياڭ چيڭحايدا تەكسەرۋ - زەرتتەۋ جۇرگىزگەندە مىنانى دارىپتەدى
ورتالىقتىڭ شيزاڭ قىزمەتى جونىندەگى 7 - رەتكى اڭگىمە ءماجىلىسىنىڭ رۋحىن شىنايى ۇيرەنىپ، جەتە يگەرىپ، ناقتى تياناقتاندىرۋ كەرەك
2020.09.16 16:12 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 15 - كۇنى، شينيڭ (ءتىلشى لين حۇي). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ تاياۋدا چيڭحايدا تەكسەرۋ – زەرتتەۋ جۇرگىزدى. ول مىنالاردى دارىپتەدى: ورتالىقتىڭ شيزاڭ قىزمەتى جونىندەگى 7 - رەتكى اڭگىمە ءماجىلىسى − ەلىمىزدىڭ جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ كەزەڭىندە، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋ تاريحي ساتىندە اشىلعان ماڭىزدى ءماجىلىس، كەلەلى دە تەرەڭ مانگە يە. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنىپ، جەتە ءتۇسىنىپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىنىڭ باي مازمۇنىن يگەرىپ، شيزاڭعا قاتىستى قىزمەتتە ءدوپ كەلگەن جاڭا جاعداي، جاڭا مىندەتتەردى دۇرىس يگەرىپ، قىزمەتتى ءىس جۇزىندىكتى شىعار ءتۇيىن ەتە وتىرىپ جاسامپازدىقپەن ورىستەتىپ، پارتيا ورتالىق كوميتەتىنىڭ ءتۇرلى شەشىم، ورنالاستىرۋلارىنىڭ ناقتى تياناقتانۋىنا كەپىلدىك ەتىپ، شيزاڭ مەن زاڭزۋلار قونىستانعان وبلىس، اۋدانداردىڭ باياندى تىنىشتىعىن ىلگەرىلەتۋ كەرەك.
9 - ايدىڭ 14 - كۇنىنەن 15 - كۇنىنە دەيىن ۋاڭ ياڭ گولو زاڭزۋ اۆتونوميالى وبلىسىنا كەلىپ، ۇلتتىق ورتا مەكتەپتەر، كەدەيلەردى كوشىرىپ قونىستاندىرۋ تۇيىندەرى، ءدىني قيمىل ورىندارى، وبلىستىق راديو - تەلەۆيزيا ستانسياسى سياقتى ورىندارعا بارىپ احۋال ۇعىستى ءارى اڭگىمە ءماجىلىسىن باسقارىپ اشىپ، چيڭحاي ولكەلىك پارتكومنىڭ «7 - رەتكى ءماجىلىستىڭ» رۋحىن ۇيرەنۋ، دايەكتىلەندىرۋ جاعدايى جونىندەگى مالىمەتىن تىڭدادى. ۋاڭ ياڭ تاياۋ جىلداردان بەرى چيڭحايدىڭ زاڭزۋلار قونىستانعان رايوندار قىزمەتىندە قول جەتكىزگەن كورنەكتى تابىسىن تولىق تۇراقتاندىردى. ول مىنالاردى دارىپتەدى: «7 - رەتكى ءماجىلىستىڭ» رۋحىن ۇيرەنۋ، دايەكتىلەندىرۋ − قازىرگى ماڭىزدى ساياسي مىندەت ءارى كەلەسى قادامداعى قىزمەتتى ويداعىداي ىستەۋدىڭ العى شارتى. ارناۋلى ۋاقىت شىعارىپ ىشكەرىلەي ۇيرەنىپ، تالقى جۇرگىزىپ، ءتۇپ نۇسقانى ۇيرەنۋمەن بىرگە، قاعيدانى دا ءتۇسىنىپ، ءماجىلىس رۋحىنىڭ وزەكتى ءمانىن شىنايى ءتۇسىنۋ كەرەك. الۋان فورمالى، باي مازمۇندى ۇگىت - لەكسيا ورىستەتىپ، ءتىل جانە ءتاسىل جاعىندا بۇقارانىڭ ۇناتىپ تىڭدايتىن، تۇسىنە الاتىن بولۋىنا دەن قويىپ، ءماجىلىس رۋحىن نەگىزگى ساتى كادرلارى مەن بۇقارا اراسىندا جۇرت كوڭىلىنە تەرەڭ ۇيالاتۋ كەرەك. پارتيا ورتالىق كوميتەتىنىڭ شەشىم، ورنالاستىرۋلارىنا تۋرالانىپ، ءىس جۇزىندىك جاعدايمەن ۇشتاستىرىپ، ولقىلىقتار مەن ءالسىز تۇستاردى تاۋىپ، قىزمەت مىندەتىن اشالاپ، قىزمەت ەسەپ داپتەرىن ورناتىپ، مەرزىم بويىنشا ەسەپتى سالىستىرىپ، ەسەپتى اداقتاپ، ەسەپتى تولىق ءبىتىرۋ كەرەك. ناقتى قىزمەتتە بايسالدى، ورنىقتى ىلگەرىلەتۋدە تاباندى بولۋ، ساياساتتىڭ ۇلاسپالىلىعىن، ورنىقتىلىعىن ساقتاۋ، شىنىندا رەتتەۋگە ءتيىستى ساياساتتاردى جان - جاقتى دالەلدەۋ، اقىلداسىپ بەلگىلەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
