شي جينپيڭ نەگىزگى ساتى ۋاكىلدەرى اڭگىمە ماجىلىسىندە بىلاي دەپ دارىپتەدى
جوعارى دەڭگەيدە جوبالاۋدى كۇشەيتۋ مەن حالىقتان كەڭەس الۋدا تاباندى بولۋدى بىرلىككە كەلتىرىپ، «14 - بەسجىلدىق» جوسپاردى جاساۋدىڭ حالىقتىڭ ارمان - تىلەگىنە ۇيلەسۋىن ىلگەرىلەتۋ كەرەك
2020.09.21 15:31 كەلۋ قاينارى : حالىق تورابى
«حالىق گازەتى»، 9 - ايدىڭ 19 - كۇنى، چاڭشا. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 17 - كۇنى تۇستەن بۇرىن حۋنان ولكەسىنىڭ چاڭشا قالاسىندا نەگىزگى ساتى ۋاكىلدەرىنىڭ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى، نەگىزگى ساتى كادر - بۇقاراسىنىڭ «14 - بەسجىلدىق» جوسپاردى جاساۋ جونىندەگى پىكىرلەرىن جانە ۇسىنىستارىن تىڭدادى. ول بىلاي دەپ دارىپتەدى: حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز. بەس جىلدىق جوسپاردى جاساۋ ەكونوميكالىق، قوعامدىق دامۋدىڭ بارلىق جاقتارىنا سايادى، حالىق بۇقاراسىنىڭ وندىرىسىمەن، تۇرمىسىمەن تىعىز بايلانىستى، جوعارى دەڭگەيدە جوبالاۋدى كۇشەيتۋ مەن حالىقتان كەڭەس الۋدا تاباندى بولۋدى بىرلىككە كەلتىرۋ قاجەت، قالىڭ حالىق بۇقاراسى مەن قوعامداعى ءار سالانى ءتۇرلى تاسىلدەرمەن اقىل - كەڭەس بەرۋگە ىنتالاندىرىپ، «14 - بەسجىلدىق» جوسپاردى جاساۋدىڭ حالىقتىڭ تىلەگىنە ساي كەلۋىن، حالىقتىڭ ارمان - تىلەگىنە ۇيلەسۋىن ىلگەرىلەتۋ كەرەك.
شي جينپيڭ حۋناندا تەكسەرۋ - زەرتتەۋ جۇرگىزگەن كەزدە وسى رەتكى اڭگىمە ءماجىلىسىن ارنايى اشتى. اڭگىمە ماجىلىسىندە حىڭياڭ قالاسى چاڭنيڭ قالاسى تاشان ياۋزۋ ۇلتتىق اۋىلى سەنترلى باستاۋىش مەكتەبى مەڭگەرۋشىسىنىڭ ورىنباسارى پان جيۋرىن، شاۋياڭ قالاسى لۇڭحۇي اۋداندىق پارتكومنىڭ شۋجيى ۋاڭ يۇڭحۇڭ، چاڭشا قالاسى ۋاڭچىڭ رايونى گۋاڭيۋان ەگىمشىلىك كاسىپتىك سەلبەستىك كووپەراتيۆىنىڭ القا باستىعى شياۋ ديڭ، جۇڭگو قۇرىلىس 5 - مەكەمەسى باس كوتەرمەگە الۋ سەرىكتەستىگىنىڭ ساپا باسقارۋشىسى زوۋ لين، چاڭدى قالاسى تاۋيۋان اۋدانىنداعى جەكە جۇك تاسىمال شوفەرى لۇڭ بيڭ، حۋنان رۇيتۋ زەردەلى عىلىم - تەحنيكا شەكتى سەرىكتەستىگىنىڭ باس ديرەكتورى جوۋ بوۋىن، شياڭشي وبلىسى فىڭحۋاڭ اۋدانى لياۋجياچياۋ قالاشىعى چاڭپۋتاڭ قىستاعى پارتكومىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جوۋ زۋحۇي، حۋنان چيچي عىلىم - تەحنيكا جارنا شەكتى سەرىكتەستىگىنىڭ باسالقاسى ياڭ شۋتيڭ، چاڭشا قالاسى يۋەلۋ رايونى شيانجياحۋ رۇنزى باقشاسى جياڭحان يۇنيۇن اسحاناسىنىڭ قوجايىنى ليۋ چۋان، حۋنان جۇڭچۋ ادۆوكاتتار ءىس ورنىنىڭ كۋالىكتى ادۆوكاتى يىن حاۋميڭ سىندى 10 نەگىزگى ساتى ۋاكىلى ىلگەرىندى - كەيىندى ءسوز سويلەپ، اۋىل - قىستاقتىڭ وقۋ - اعارتۋ ىستەرىن ويداعىداي جۇرگىزۋ، كاسىپ سالاسى ارقىلى كەدەيلەردى سۇيەمەلدەۋ تەبىنىن ارتتىرۋ، شاعىن، ۇساق كاسىپورىنداردىڭ دامۋىن قولداۋ، اۋىل - قىستاقتى گۇلدەندىرۋ ستراتەگياسىن اتقارۋ سياقتىلار جونىندە پىكىر بەرىپ، ۇسىنىس قويدى. شي جينپيڭ ءبىر - بىردەن باعا بەرىپ جانە جاۋاپ قايتارىپ، كوپشىلىكپەن ىشكەرىلەي پىكىرلەستى، ناق مايدان قىزۋ دا جالىندى بەينەگە شومدى.
كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول مىنالاردى ءبىلدىردى: بۇگىن ماجىلىسكە قاتىناسقان نەگىزگى ساتىداعى كادرلار مەن بۇقارانىڭ ۋاكىلدەرى ءارى اۋىل - قىستاق، الەۋمەتتىك اۋماق، كاسىپورىن سياقتى جاقتاردان، ءارى وقۋ - اعارتۋ، عىلىم - تەحنيكا، دەنساۋلىق ساقتاۋ، ساياسي - زاڭ سياقتى شەپتەن كەلىپ وتىر؛ ءارى ءار دارەجەلى پارتيا قۇرىلتايى ۋاكىلدەرى، حالىق قۇرىلتايىنىڭ ۋاكىلدەرى، ساياسي كەڭەستىڭ مۇشەلەرى، ەڭبەك وزاتتارى، كەدەيلەردى سۇيەمەلدەۋ كادرلارى بار، ءارى جاڭا قوعامدىق جىكتەردىڭ قايراتكەرلەرى، شارۋا جۇمىسكەرلەر، جەدەل جەتكىزۋشىلەر، توراپ دۇكەنىنىڭ قوجايىندارى قاتارلىلار دا بار. كوپشىلىكتىڭ ءبارى رەفورمانىڭ، دامۋدىڭ جانە ءوندىرىستىڭ ءبىرىنشى شەبىندە تۇرىپ، ەكونوميكالىق، قوعامدىق تۇرمىسقا ەڭ تىكە ات سالىسىپ، بۇقارامەن ۇنەمى بايلانىس جاساعان، پارتيانىڭ لۋشيان، باعىت - ساياساتىنىڭ تياناقتانىپ، ونىمدىلىك كورسەتكەنىن ەڭ شىنايى سەزىنگەن، قويعان پىكىرلەر جانە ۇسىنىستارى نەگىزگى ساتىنىڭ ءىس جۇزىندىگىنە اناعۇرلىم جاناسادى، بۇقارانىڭ جۇرەك ءۇنىن جەتكىزدى. كوپشىلىكتىڭ قويعان پىكىر جانە ۇسىنىستارىن قاتىستى جاقتار مۇقيات زەرتتەپ، تولىق قابىلداۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
