بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ ب م ۇ قۇرىلعانىنىڭ 75 جىلدىعىن ەسكە ءتۇسىرۋ باسشىلار كەڭەسىندە ماڭىزدى ءسوز سويلەدى

2020.09.22 16:29     كەلۋ قاينارى : حالىق تورابى


  ب م ۇ - نىڭ سوڭعى ىندەت مەزگىلىندە ادىلەتتىلىكتىڭ جاقتاۋشىسى بولىپ، زاڭمەن باسقارۋدى قاتاڭ اتقارىپ، سەلبەستىكتى جەبەپ، نازاردى ارەكەتكە شوعىرلاندىرۋىن دارىپتەدى، جۇڭگونىڭ باستان - اياق كوپ جاقتىلىقتىڭ امالياتتا ايگىلەۋشىسى بولاتىنىن، دۇنيە ءجۇزىن جونگە سالۋ جۇيەسىنىڭ رەفورماسى مەن قۇرىلىسىنا بەلسەنە ات سالىساتىنىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەتىنىن قايتالاي دارىپتەدى

  شينحۋا اگەنتتىگى، 9 - ايدىڭ 21 - كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 21 - كۇنى ب م ۇ قۇرىلعانىنىڭ 75 جىلدىعىن ەسكە ءتۇسىرۋ باسشىلار كەڭەسىندە ماڭىزدى ءسوز سويلەدى.

  شي جينپيڭ مىنالاردى اتاپ كورسەتتى: 75 جىلدىڭ الدىندا دۇنيە ءجۇزى حالقى قان كەشىپ شايقاس جاساۋ ارقىلى دۇنيە ءجۇزىنىڭ فاشيزمگە قارسى سوعىسىنىڭ ۇلى جەڭىسىنە قول جەتكىزدى. بۇل − ادىلەتتىلىكتىڭ جەڭىسى، حالىقتىڭ جەڭىسى. وتكەن عاسىردىڭ الدىڭعى جارتىسىندا ادامزات ەكى رەتكى ايانىشتى سوعىس زاردابىن باستان كەشىرگەننەن كەيىن ب م ۇ جاعدايدىڭ قاجەتىنە قاراي قۇرىلدى، سودان بەرى 75 جىلدىق ەرەكشە بارىستى باستان كەشىردى. دۇنيە ءجۇزىنىڭ بەيبىتشىلىگى مەن دامۋىندا تىڭ داستان جازىلدى.

  ب م ۇ - نىڭ 75 جىلى ادامزات قوعامى جەدەل دامىعان 75 جىل بولدى. ءبىز عىلىم - تەحنيكانىڭ دامۋى مەن ونەركاسىپ توڭكەرىسىنىڭ كەڭ اۋقىمدى بارىسىن باستان كەشىردىك، قازىر ءتىپتى دە كەڭ كولەمدەگى، قاتپارى ءتىپتى دە قالىڭ جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسىن قارسى الۋدامىز. دۇنيە ءجۇزى بويىنشا قوعامدىق وندىرگىش كۇشتەر بارىنشا ازات بولدى جانە دامىدى، ادامزاتتىڭ قيىنشىلىقتى جەڭۋ جانە دۇنيەنى وزگەرتۋ قۋاتى بۇرىن بولىپ كورىلمەگەن دارەجەدە جوعارىلادى.

  ب م ۇ - نىڭ 75 جىلى حالىقارالىق جاعدايدا تەرەڭ وزگەرىس تۋىلعان 75 جىل بولدى. دامۋ ۇستىندەگى مەملەكەتتەر ۇلت ازاتتىعىنا جانە مەملەكەتتىڭ تاۋەلسىزدىگىنە قول جەتكىزدى، ءبىر ميللياردتان استام حالىق كەدەيلىكتەن ارىلدى، بىرنەشە ميلليارد حالىق وسىزاماندانۋ ساپارىنا قادام تاستادى، بۇل دۇنيە ءجۇزىنىڭ بەيبىتشىلىگى مەن دامۋ كۇشىن بارىنشا نىعايتىپ، دۇنيە ءجۇزىنىڭ جاعدايىندا تەرەڭ وزگەرىس تۋدىردى.

  ب م ۇ - نىڭ 75 جىلى كوپ جاقتىلىق جەدەل دامىعان 75 جىل بولدى. دۇنيە جۇزىلىك ماسەلەلەر وتە كوپ، وتە زور، دۇنيە جۇزىلىك باسەكە كۇن سايىن كۇشەيىپ كەلەدى، ونى تىلدەسۋ، سەلبەسۋ ارقىلى عانا شەشۋگە بولادى. حالىقاراداعى ىستەردى كوپشىلىك اقىلداسىپ ءبىتىرۋ، ءبىر جاعادان باس، ءبىر جەڭنەن قول شىعارۋ حالىقارالىق قوعامنىڭ كەڭ كولەمدى ورتاق تانىمىنا اينالدى. بوران – شاشىننان كەيىن كەمپىرقوساق كوتەرىلىپ، كۇن شايداي اشىلادى. قات – قابات سىناقتاردى باستان وتكەرگەن ب م ۇ بۇل كۇندە 7 ميللياردتان استام حالىقتىڭ تاماشا تۇرمىسقا تالپىنىسىن ارقالاپ وتىر، ب م ۇ - نىڭ ۋستاۆى ءالى دە دۇنيە ءجۇزىنىڭ بەيبىتشىلىگى مەن دامۋىنىڭ ماڭىزدى كەپىلى سانالادى.

  شي جينپيڭ مىنالاردى دارىپتەدى: قازىر دۇنيە ءجۇزى عاسىردا بولماعان زور وزگەرىستەردى باستان كەشىرۋدە، تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتى بۇكىل دۇنيە ءجۇزى جونىنەن ءبىر رەتكى اۋىر سىناق بولىپ وتىر. ادامزات بايلانىستىرۋ – تۇتاستىرۋدىڭ جاڭا داۋىرىنە قادام تاستادى، ءار ەلدىڭ مۇددەسى، تاعدىرى تىعىز بايلانىستى. دۇنيە جۇزىلىك حاۋىپ – قاتەر مەن سىن - سايىس دۇنيە ءجۇزىنىڭ پارمەندى توتەپ بەرۋىن قاجەت ەتەدى. جاڭا جاعداي، جاڭا سايىس الدىندا ءبىز: دۇنيە ءجۇزى قانداي ب م ۇ - عا مۇقتاج؟ سوڭعى ىندەت مەزگىلىندە ب م ۇ رولىن قالاي ساۋلەلەندىرۋى كەرەك؟ − دەگەن ماسەلەلەر جونىندە قاتاڭ وي جۇگىرتۋىمىز قاجەت.

  شي جينپيڭ وسى جونىندە 4 ءتۇرلى ۇسىنىس قويدى.

  ءبىرىنشى، ادىلەتتىلىكتىڭ جاقتاۋشىسى بولۋ. ەكىنشى، زاڭمەن باسقارۋدى قاتاڭ اتقارۋ. ءۇشىنشى، سەلبەستىكتى جەبەۋ. ءتورتىنشى، نازاردى ارەكەتكە شوعىرلاندىرۋ.

  شي جينپيڭ مىنالاردى دارىپتەدى: جۇڭگو − ب م ۇ – نىڭ ۋستاۆىنا تۇڭعىش رەت قول قويعان مەملەكەت، ب م ۇ - نىڭ ىرگەسىن قالاۋشى مۇشە ەل ءارى حاۋىپسىزدىك القالار كەڭەسىنىڭ تۇراقتى القا ەلدەرى اراسىنداعى بىردەن - ءبىر دامۋ ۇستىندەگى ەل. ءبىز باستان - اياق كوپ جاقتىلىقتىڭ امالياتتا ايگىلەۋشىسى بولامىز، دۇنيە ءجۇزىن جونگە سالۋ جۇيەسىنىڭ رەفورماسى مەن قۇرىلىسىنا بەلسەنە ات سالىسامىز، ب م ۇ - نى ۇيىتقى ەتكەن حالىقارالىق جۇيەنى باتىل قورعايمىز، حالىقارالىق زاڭداردى نەگىز ەتكەن حالىقارالىق ءتارتىپتى، ب م ۇ - نىڭ حالىقارالىق ىستەردەگى ۇيىتقىلىق رولىن باتىل قورعايمىز.

  شي جينپيڭ سوڭىندا مىنالاردى دارىپتەدى: دۇنيە ءجۇزى جاڭا تاريحي باستامادا تۇر. ءبىز كوپ جاقتىلىقتا تاباندى بولۋ جونىندە قايتالاي ۋادە بەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ب م ۇ تۋى استىندا اناعۇرلىم زور ىنتىماق پەن العاباسارلىقتى جۇزەگە اسىرايىق!

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار