شي جينپيڭ ب م ۇ - نىڭ باس حاتشىسى گۋتتەرەسپەن كەزدەستى
2020.09.24 14:54 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 23 - كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 23 - كۇنى كەشتە بەيجيڭدە بەينەجازبا تاسىلمەن ب م ۇ - نىڭ باس حاتشىسى گۋتتەرەسپەن كەزدەستى.
شي جينپيڭ مىنالاردى دارىپتەدى: ب م ۇ قۇرىلعان 75 جىلدان بەرى دۇنيە ءجۇزىنىڭ بەيبىتشىلىگى مەن دامۋىنا ماڭىزدى ۇلەس قوستى. حالىقارالىق قوعام ب م ۇ قۇرىلعانىنىڭ 75 جىلدىعىن سالتاناتپەن ەسكە الۋدى وراي ەتىپ، كوپ جاقتىلىقتى باتىل قولداۋدى، ب م ۇ - نىڭ ۋستاۆىنا بەرگەن ايبىندى ۋادەسىن قايتالاي دارىپتەۋى كەرەك. جۇڭگو ب م ۇ حاۋىپسىزدىك القالار كەڭەسىنىڭ تۇراقتى القا ەلى رەتىندە ب م ۇ - نىڭ حالىقارالىق ىستەردە ۇيىتقىلىق رولىن ساۋلەلەندىرۋىن باتىل قولدايدى، ب م ۇ – نىڭ قىزمەتىن باتىل قولدايدى.
شي جينپيڭ مىنالاردى اتاپ كورسەتتى: قازىر جاڭا تيپتى ايدارشا ۆيروس وكپە قابىنۋ ىندەتى بۇكىل دۇنيە جۇزىندە ءورشىپ بارادى، دۇنيە ءجۇزى بويىنشا ىندەتكە قارسى اتتانۋدى بوساڭسىتۋعا بولمايدى. جۇڭگو جاق ءارقايسى جاقپمەن تاجىريبە – ءادىستى بۇكپەسىز بولىسۋگە ءارى قاجەتتى مەملەكەتتەرگە ۇزدىكسىز قولداۋ جانە كومەك كورسەتۋگە پەيىل. جۇڭگو ب م ۇ جۇيەسىنىڭ، اسىرەسە، دۇنيە جۇزىلىك دەنساۋلىق ساقتاۋ ۇيىمىنىڭ ماڭىزدى باسشىلىق رولىن ساۋلەلەندىرۋىن باتىل قولدايدى، حالىقارالىق سەلبەستىك پەن بىرلەسىپ ساقتانۋ، بىرلەسىپ تىزگىندەۋدى كۇشەيتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرادى. جۇڭگو ۋادەسىن ورىنداپ، ۆاكسينانى زەرتتەپ جاساپ قولدانىسقا ەنگىزگەننەن كەيىن ونى دۇنيە جۇزىلىك الەۋمەتتىك ءونىم ەتىپ، ۆاكسينانىڭ دامۋ ۇستىندەگى ەلدەردە جالپىلاسۋىنا جانە قولجەتىمدى بولۋىنا ۇلەس قوسادى.
شي جينپيڭ مىنالاردى اتاپ كورسەتتى: ىندەت كوپتەگەن جاڭا ماسەلەنىڭ تۋىلۋىنا تۇرتكى بولدى، الايدا، سايىپ كەلگەندە، بەيبىتشىلىك پەن دامۋ ماسەلەسىنەن قول ۇزە المايمىز. حاۋىپسىزدىك القالار كەڭەسى كوللەكتيۆ حاۋىپسىزدىك مەحانيزمىنىڭ رولىن ساۋلەلەندىرۋى، تۇراقتى القا ەلدەر ۇلگى بولۋى كەرەك. سىڭار جاقتىلىق پەن باسا بيلەۋشىلىك، ءسوز جوق، جۇرت كوڭىلىنەن ايرىلادى.
شي جينپيڭ مىنالاردى دارىپتەدى: ىندەتتىڭ ەكونوميكا جانە حالىق تۇرمىسىنا بولعان اسەرىن كۇش سالا تومەندەتىپ، بۇكىل دۇنيە ءجۇزىنىڭ بايلىعىن جانە كۇشىن جۇمىلدىرىپ، ءار جاقتىڭ قارىزدى ازايتۋ، كومەكتى كۇشەيتۋ جاقتارىندا ۋاعىندا جانە پارمەندى شارا قولدانۋىن ىلگەرىلەتىپ، دامۋ ۇستىندەگى ەلدەردىڭ دامۋىنا دەم بەرىپ، باي - كەدەيلىك پارقىن ازايتۋ كەرەك.
شي جينپيڭ مىنالاردى دارىپتەدى: دامۋ، ءسوز جوق، باياندى بولۋى كەرەك، مۇندا ادام مەن تابيعاتتىڭ قاتىناسىن ويداعىداي ءبىر جاقتى ەتكەن ءجون. جۇڭگو ءوزىنىڭ ەكولوگيالىق وركەنيەت قۇرىلىسىن كۇشەيتۋمەن بىرگە، كليمات وزگەرىسىنە توتەپ بەرۋدىڭ حالىقارالىق جاۋاپكەرلىگىن ىرىقتىلىقپەن ارقالاپ، ادامزاتتىڭ ورتاق مەكەنىن قۇلشىنا قورعاپ، ءار ەلمەن بىرگە «جاسىل جىبەك جولىن» بەلسەنە قۇرادى.
شي جينپيڭ مىنالاردى اتاپ كورسەتتى: ىندەت دۇنيە ءجۇزىن جونگە سالۋ جۇيەسىندەگى ۇيلەسىمسىزدىك، سايكەسىمسىزدىك ماسەلەسىن دە زورايتتى. ءار جاق ونى قالاي كەمەلدەندىرۋ جونىندە وي جۇگىرتۋى، كەرى كەتىرىپ الىپ، قايتا العا باستىرۋدان ساقتانۋى، بولەكشە جۇمىس تاسىلىنەن اۋلاق بولۋى كەرەك. دۇنيە جۇزىندە ب م ۇ - نى ۇيىتقى ەتكەن ءبىر عانا حالىقارالىق جۇيە بار؛ ب م ۇ – نىڭ ۋستاۆىن نەگىز ەتكەن حالىقارالىق قاتىناستىڭ ءبىر عانا نەگىزگى ولشەمى بار. جۇڭگو ەجەلدەن يدەيالوگيالىق قارسىلاسۋمەن اينالىسىپ كورگەن، ءوز الدىنا كەتۋدى دارىپتەگەن، زورەكەر بولۋدى ويلاپ كورگەن ەمەس. ءبىزدىڭ ەڭ كوپ باس قاتىراتىنىمىز − ءبىر ميلليارد 400 ميلليون جۇڭگو حالقىن اناعۇرلىم جاقسى تۇرمىسقا كەنەلتىپ، ادامزاتقا اناعۇرلىم زور ۇلەس قوسۋ. ءبىراق ءبىز مەملەكەتتىڭ يەلىك ۇقىعىنىڭ، ۇلتتىڭ ار - نامىسىنىڭ، دامۋ كەڭىستىگىنىڭ زيانكەستىككە ۇشىراۋىنا نەمقۇرايدى قارامايمىز، ءوزىمىزدىڭ ورىندى ۇقىق - مۇددەمىزدى باتىل قورعايمىز، حالىقارالىق ادىلدىك پەن ادىلەتتىلىكتى قورعايمىز.
شي جينپيڭ مىنالاردى دارىپتەدى: ءار ەل ءوزارا بايلانىسىپ – تۇتاسىپ وتىر، تاعدىرى ءبىر. مەملەكەتتىڭ، ۇلتتىڭ، مادەنيەتتىڭ، يدەيالوگيانىڭ شەگىنەن اتتاپ ءوتىپ، بۇكىل ادامزاتتى ويلايتىن بيىك تۇرعىدا تۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، تىرشىلىگىمىزدىڭ ارقاۋى سانالاتىن جەر شارى سىندى مەكەنىمىزدى بىرگە كوركەيتۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
