بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

ورتالىق ۇگىت ءبولىمى ىندەتكە قارسى اتتانۋدىڭ الدىڭعى شەبىندەگى ەمدەۋ قىزمەتكەرلەرىنىڭ 10 قاھارمان توبىنا «ءداۋىر ۇلگىسى» اتاعىن توپتىق بەردى

حۋاڭ كۇنميڭ جاريالاۋ سالتىنا قاتىناستى

2020.09.24 15:00     كەلۋ قاينارى : حالىق تورابى

  شينحۋا اگەنتتىگى، 9 - ايدىڭ 23 - كۇنى، بەيجيڭ. باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، ىندەتكە قارسى اتتانۋ ۇلى رۋحىن زور كۇشپەن ساۋلەلەندىرۋ ءۇشىن، 9 - ايدىڭ 23 – كۇنى ورتالىق ۇگىت ءبولىمى بۇكىل قوعامعا مەملەكەتتىك حۋبەيگە كومەك بەرىپ، ىندەتكە قارسى اتتانۋ ەمدەۋ اترەتى قاتارلى ىندەتكە قارسى اتتانۋدىڭ الدىڭعى شەبىندەگى ەمدەۋ قىزمەتكەرلەرىنىڭ 10 قاھارمان توبىنىڭ ىزگى ىستەرىن جاريالاپ، ولارعا «ءداۋىر ۇلگىسى» اتاعىن بەردى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى حۋاڭ كۇنميڭ جاريالاۋ سالتىنا قاتىناستى ءارى مەدال جانە كۋالىك تاراتتى. ول بىلاي دەدى: قالىڭ ەمدەۋ قىزمەتكەرلەرى ىندەتكە قارسى اتتانۋ كۇرەسىندە قورعانىش كيىمىن كيىپ، ۋاقىتپەن جارىسا جورىق جاساپ، ناۋقاستاردى قۇتقارۋعا جان اياماي كىرىسپ، ەمدەۋ قىزمەتكەرلەرىنىڭ قايىرىمدىلىعى مەن قالتقىسىز سۇيىسپەنشىلىگىن اڭعارتتى. ولاردىڭ اسەرلى ىستەرى مەن وسكەلەڭ قاسيەتتەرىنەن جاقسى ۇيرەنىپ، جاقسى ۇگىتتەپ، ىندەتكە قارسى اتتانۋ ۇلى رۋحىمەن كادرلار مەن بۇقارانى ءبىر نيەتپەن ىنتىماقتاسىپ، قايسارلىقپەن كۇرەس جۇرگىزىپ، جاڭا تاريحي ناتيجەلەر جاراتۋعا شابىتتاندىرۋىمىز كەرەك.

  وسى رەت «ءداۋىر ۇلگىسى» اتاعىن العان 10 قاھارمان توپ مىنالاردى قامتيدى: مەملەكەتتىك حۋبەيگە كومەك بەرىپ، ىندەتكە قارسى اتتانۋ ەمدەۋ اترەتى (بەيجيڭ شيپاحاناسى، بەيجيڭ شيەحى شيپاحاناسى، جۇڭگو - جاپونيا دوستىق شيپاحاناسى، بەيجيڭ ۋنيۆەرسيتەتىنىڭ 1 - شيپاحاناسى، بەيجيڭ ۋنيۆەرسيتەتى حالىق شيپاحاناسى، بەيجيڭ ۋنيۆەرسيتەتىنىڭ 3 - شيپاحاناسى)، ارميانىڭ حۋبەيگە كومەك بەرۋ ەمدەۋ اترەتى، ورتا جۇڭگو عىلىم - تەحنيكا ۋنيۆەرسيتەتى تۇڭجي مەديتسينا ينستيتۋتىنا قاراستى تۇڭجي شيپاحاناسىنىڭ «وتكىر قايشى ليانى»، ورتا بولەك سوعىس رايونى باس شيپاحاناسىنىڭ ىندەتكە قارسى اتتانعان ەكپىندى پارتيا مۇشەلەرى اترەتى، لياۋنيڭ، شاڭحاي، گۋاڭدۇڭنىڭ ليشىنشان شيپاحاناسىنا كومەككە بارعان ەمدەۋ اترەتى، جياڭسۋ ولكەلىك حالىق شيپاحاناسىنىڭ ۋحانداعى سالماقتى ناۋقاستاردى ەمدەۋگە كومەك بەرۋ اترەتى، سىچۋان ۋنيۆەرسيتەتى حۋاشي شيپاحاناسىنىڭ حۋبەيدەگى سالماقتى ناۋقاستاردى ەمدەۋگە كومەك بەرۋ اترەتى، جۇڭگو جۇڭگوشا شيپاگەرلىك عىلىم اكادەمياسى مەملەكەتتىك حۋبەيگە كومەك بەرىپ، ىندەتكە قارسى اتتانۋ ەمدەۋ اترەتى، تيانجين قالاسىنىڭ ىنشى وبلىسىنىڭ اۋرۋدى تىزگىندەۋىنە كومەك بەرۋ قىزمەت اترەتى، اسكەري ىستەر عىلىم اكادەمياسىنىڭ اسكەري مەديتسينا ماماندارى گرۋپپاسى. قاتىستى تاراۋلارداعى جاۋاپتى جولداستار، مەملەكەتتىك وردەن جانە مەملەكەتتىك قۇرمەت اتاعىنىڭ ءبىر ءبولىم يەگەرلەرى، قاھارمان ۇلگىلەردىڭ ۋاكىلدەرى سالتقا قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار