بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ ورتالىقتىڭ شينجياڭ قىزمەتى جونىندەگى 3 - رەتكى اڭگىمە ماجىلىسىندە مىنانى دارىپتەدى

شينجياڭدى زاڭمەن جونگە سالۋدا، شينجياڭدى ىنتىماقتاسا ورنىقتىرۋدا، شينجياڭدى مادەنيەتپەن نارلەندىرۋدە، حالىقتى اۋقاتتاندىرىپ، شينجياڭدى كوركەيتۋدە، شينجياڭدى ۇزاق ۋاقىت گۇلدەندىرۋدە تاباندى بولىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك

لي كىچياڭ ءماجىلىستى باسقاردى، لي جانشۋ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى، ۋاڭ ياڭ ءسوز سويلەدى

2020.09.27 16:25     كەلۋ قاينارى : حالىق تورابى


  شينحۋا اگەنتتىگى، 9 - ايدىڭ 26 - كۇنى، بەيجيڭ. ورتالىقتىڭ شينجياڭ قىزمەتى جونىندەگى 3 - رەتكى اڭگىمە ءماجىلىسى 9 - ايدىڭ 25 – كۇنىنەن 26 - كۇنىنە دەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. شي جينپيڭ مىنالاردى دارىپتەدى: قازىر جانە بۇدان كەيىنگى ءبىر مەزگىلدە شينجياڭ قىزمەتىن جاقسى ىستەۋدە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى اۋقاتتاندىرىپ، شينجياڭدى كوركەيتىپ، شينجياڭدى ۇزاق ۋاقىت گۇلدەندىرۋ، جونگە سالۋ جۇيەسى مەن جونگە سالۋ قۋاتىنىڭ وسىزاماندانۋىن ىلگەرىلەتۋدى قامتاماسىز ەتىپ، ۇزاق بولاشاقتى كوزدەپ، نەگىزدى بەكەمدەۋ شارالارىن كوبىرەك اتقارىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

  لي كىچياڭ ءماجىلىستى باسقاردى. لي جانشۋ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى. ۋاڭ ياڭ قورىتىندى ءسوزىن سويلەدى.

  شي جينپيڭ سوزىندە مىنالاردى اتاپ كورسەتتى: ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى ءار جاقتىڭ قاجىرلى قۇلشىنىسىنىڭ ارقاسىندا شينجياڭ قىزمەتىندە كەلەلى تابىستارعا قول جەتتى. شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋدا بۇرىن بولماعان تابىستارعا قول جەتتى، ءار ۇلت بۇقاراسىنىڭ تابىس، باقىت، حاۋىپسىزدىك سەزىمى ۇزدىكسىز كۇشەيدى. ءبىرىنشى، ەكونوميكانىڭ دامۋى ۇزدىكسىز جاقساردى. 2014 - جىلدان 2019 - جىلعا دەيىن شينجياڭ ءوڭىرىنىڭ جالپى ءونىم قۇنى 919 ميلليارد 590 ميلليون يۋاننان ءبىر تريلليون 359 ميلليارد 710 ميلليون يۋانعا جەتىپ، جىلىنا ورتا ەسەپپەن %7.2 ارتتى. جاي الەۋمەتتىك مەجە ەسەپ كىرىسى 128 ميلليارد 230 ميلليون يۋاننان 157 ميلليارد 760 ميلليون يۋانعا جەتىپ، جىلىنا ورتا ەسەپپەن %5.7 ارتتى. نەگىزدىك قۇرىلعىلار ۇزدىكسىز كەمەلدەنىپ، بارلىق ايماق، وبلىس، قالالار جوعارى قارقىندىق تاس جول داۋىرىنە قادام تاستادى. ەكىنشى، حالىق تۇرمىسى كورنەكتى جاقساردى. 2014 - جىلدان 2019 - جىلعا دەيىن شينجياڭ تۇرعىندارىنىڭ يگەرىلمەلى ورتاشا كىرىسى جىلىنا ورتا ەسەپپەن %9.1 ارتتى. اۋىل - قىستاق بەيقۇت ءۇي ينجەنەرياسى بويىنشا ءبىر ميلليون 690 مىڭنان استام ءۇي، قالا - قالاشىق بەيقۇت ءۇي ينجەنەرياسى بويىنشا ءبىر ميلليون 560 مىڭنان استام سالىندى، 10 ميلليوننان استام تۇرعىن جاڭا ۇيگە كوشىپ كىردى. قالا - اۋىلداردىڭ نەگىزگى الەۋمەتتىك قىزمەت وتەۋ ورەسى ۇزدىكسىز جوعارىلاپ، قوعامدىق قامتاماسىزداندىرۋ جۇيەسى كۇن سايىن كەمەلدەندى، جالپى حالىقتىڭ دەنساۋلىعى اقىسىز تەكسەرىلىپ، ەگىن، مال شارۋاشىلىق رايوندارىنداعى ەمدەۋ قۇرىلعىلارىنىڭ شارت – جاعدايى كورنەكتى جاقساردى، اۋىل - قالاشىق ەمحانالارى مەن قىستاق ەمدەۋ ۇيلەرىنىڭ ولشەمدەنۋ شاماسى %100 كە، تۇرعىنداردىڭ نەگىزگى ەمدەلۋدى قامسىزداندىرۋعا قاتىناسۋ شاماسى %99.7 كە جەتتى. ءۇشىنشى، كەدەيلىكتەن ارىلتۋدان قامال الۋدا شەشۋشى تابىستارعا قول جەتتى. 2014 - جىلى شينجياڭدا ارحيۆ تۇرعىزىلىپ، كارتوچكا بەرىلگەن كەدەي حالىق سانى 779 مىڭ وتباسى، 3 ميلليون 89 مىڭ جان، كەدەي قىستاق 3 مىڭ 666، كەدەي اۋدان 32 بولاتىن. 2019 - جىلعا دەيىن شينجياڭ بويىنشا 2 ميلليون 923 مىڭ 200 ادام كەدەيلىكتەن ارىلدى، 3 مىڭ 107 كەدەي قىستاق كەدەيلىكتەن شەگىنىپ شىقتى، 22 كەدەي اۋدان قالپاقتى الىپ تاستادى، كەدەيلىكتىڭ تۋىنداۋ شاماسى 2014 - جىلعى %19.4 تەن %1.24 كە تومەندەدى. مۇنىڭ ىشىندە وڭتۇستىك شينجياڭداعى 4 ايماق، وبلىستا جالپى 2 ميلليون 511 مىڭ 600 ادام كەدەيلىكتەن ارىلدى، 2 مىڭ 683 كەدەي قىستاق كەدەيلىكتەن شەگىنىپ شىقتى، 16 كەدەي اۋدان قالپاقتى الىپ تاستادى، كەدەيلىكتىڭ تۋىنداۋ شاماسى 2014 - جىلعى %29.1 تەن %2.21 كە تومەندەدى. «ەكىدەن تارىقتىرماۋ، ءۇشتى قامتاماسىز ەتۋدەگى» كورنەكتى ماسەلەلەر نەگىزىنەن شەشىلدى، كەدەي وتباسىلاردىڭ مىندەتتى وقۋ - اعارتۋ باسقىشىنداعى بالالارىنىڭ كەدەيلىك سەبەبىنەن وقۋدان قول ءۇزۋى اۋقىمدىق تۇرعىدان تولىق اداقتالدى، كەدەيلەردىڭ نەگىزگى ەمدەلۋ قامسىزداندىرۋىنا، سالماقتى ناۋقاستاردى قامسىزداندىرۋعا قاتىناسۋ شاماسى %100 كە جەتتى، كەدەيلەردى قونىس جاڭالاپ سۇيەمەلدەۋ مىندەتى تولىق ورىندالىپ، كەدەي بۇقارانىڭ ءوندىرىس، تۇرمىس شارت - جاعدايى زور دارەجەدە جاقساردى. ءتورتىنشى، ورتالىقتىڭ قولداۋى مەن بۇكىل ەلدىڭ شينجياڭعا باعىتتامالى كومەكتەسۋ تەبىنى ۇزدىكسىز ارتتى. 2014 - جىلدان 2019 - جىلعا دەيىن ورتالىق قازىنانىڭ شينجياڭ اۆتونوميالى رايونى مەن بيڭتۋانعا اۋدارىپ تولەگەن اقشاسى 263 ميلليارد 690 ميلليون يۋاننان 422 ميلليارد 480 ميلليون يۋانعا جەتىپ، جىلىنا ورتا ەسەپپەن %10.4 ارتتى، 6 جىلدا شينجياڭعا جيىنى 2 تريلليون يۋاننان استام قولداۋ كورسەتىلدى. شينجياڭعا كومەكتەسەتىن 19 ولكە، قالا جان - جاقتى باعىتتامالى كومەكتەسۋدى جاپپاي كۇشەيتتى، شينجياڭعا باعىتتامالى كومەكتەسۋ قارجىسى (بيڭتۋاندى قامتيدى) 96 ميلليارد 400 ميلليون يۋان بولىپ، 10 مىڭنان استام شينجياڭعا باعىتتامالى كومەكتەسۋ نىسانى اتقارىلدى، ولكە، قالالاردىڭ شينجياڭعا كومەكتەسەتىن كاسىپورىندارىنان ەنگىزىلىپ تياناقتانعان قارجى ءبىر تريلليون 684 ميلليارد يۋان بولدى، ورتالىق كاسىپورىندارىنىڭ قوسقان قارجىسى 700 ميلليارد يۋاننان استى. جالپى العاندا، شينجياڭدا قوعام ورنىققان، حالىق الاڭسىز تىرشىلىك ەتەتىن تاماشا جاعداي جارىققا شىعىپ، باياندى تىنىشتىققا قادام تاستاۋعا بەرىك نەگىز قالاندى. اماليات ەلىمىزدىڭ ۇلت قىزمەتىنىڭ تابىستى بولعانىن تولىق دالەلدەدى. بۇل ناتيجەلەردىڭ قولعا كەلۋى − پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ەل حالقىنىڭ بىرگە كۇرەس جۇرگىزۋىنىڭ ناتيجەسى، مۇندا ءارى شينجياڭداعى 25 ميلليوننان استام ءار ۇلت پەرزەنتتەرىنىڭ اقىل - پاراساتى شوعىرلانىپ، قان - تەرى سىڭگەن. شي جينپيڭ پارتيا ورتالىق كوميتەتى اتىنان شينجياڭ قىزمەتىنە ات سالىسقان جانە قولداۋ كورسەتكەن ءار سالا، ءار شەپتەگى جولداستاردان، شينجياڭداعى ءار ۇلت جۇرتشىلىعىنان، نەگىزگى ساتىنىڭ ءبىرىنشى شەبىندە قاجىرلىلىقپەن قىزمەت ىستەپ جاتقان قالىڭ كادرلار مەن جۇمىسشى - قىزمەتكەرلەردەن شىنايى حال سۇرادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار