بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ «14 - بەسجىلدىق» جوسپاردى جاساۋ قىزمەتىنە توراپتا پىكىر الۋ قيمىلى جونىندە ماڭىزدى نۇسقاۋ بەرىپ بىلاي دەپ دارىپتەدى

ينتەرنەتتىڭ حالىقتىڭ ۇنىنە قۇلاق اسۋ، حالىقتىڭ اقىل - پاراساتىن ۇيىستىرۋ جاعىنداعى رولىن اناعۇرلىم ويداعىداي ساۋلەلەندىرۋ كەرەك

2020.09.27 16:31     كەلۋ قاينارى : حالىق تورابى

  شينحۋا اگەنتتىگى، 9 - ايدىڭ 25 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا «14 - بەسجىلدىق» جوسپاردى جاساۋ قىزمەتىنە ينتەرنەتتە پىكىر الۋ قيمىلى جونىندە ماڭىزدى نۇسقاۋ بەرىپ بىلاي دەپ دارىپتەدى: ينتەرنەت ارقىلى «14 - بەسجىلدىق» جوسپاردى جاساۋ جونىندە تۇتاس قوعامنان پىكىر جانە ۇسىنىس الۋ ەلىمىزدىڭ 5 جىلدىق جوسپاردى جاساۋ تاريحىندا تۇڭعىش رەت بولىپ وتىر. وسى رەتكى قيمىلدىڭ ونىمدىلىگى وتە جاقسى، قوعامنىڭ ات سالىسۋ دەڭگەيى وتە جوعارى بولىپ، كوپتەگەن سىندارلى ۇسىنىستار مەن پىكىرلەردى ورتاعا قويدى. قاتىستى تاراۋلار دەر كەزىندە سالالاپ، تالداۋ جاساۋ، مۇقيات قابىلداۋى كەرەك. قالىڭ حالىق بۇقاراسى العا قويعان پىكىرلەر مەن ۇسىنىستار جان - جاقتى ءارى ناقتى بولىپ، تاماشا تۇرمىسقا دەگەن جاڭا تىلەگىن تولىق بەينەلەدى. حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز، حالىقتىڭ سەنىم ارتۋى مەن قولداۋى − ەلىمىزدىڭ ەكپىندەي ىلگەرىلەۋىنىڭ كۇش - قۋاتى. وسى رەتكى قيمىلدىڭ تاجىريبەلەرى مەن ادىستەرىن قورىتىندىلاپ، الداعى قىزمەتتەردە توراپتىڭ حالىقتىڭ ۇنىنە قۇلاق اسۋ، حالىقتىڭ اقىل - پاراساتىن ۇيىستىرۋ جاعىنداعى رولىن اناعۇرلىم ويداعىداي ساۋلەلەندىرىپ، كوپتىڭ پاراساتىن اناعۇرلىم ويداعىداي ساۋلەلەندىرۋ، زەيىن - زەردە، كۇش - قۋاتتى اناعۇرلىم ويداعىداي ۇيىستىرۋ كەرەك.

  باس شۋجي شي جينپيڭنىڭ «14 - بەسجىلدىق» جوسپاردى جاساۋ قىزمەتىندە اشىق كەڭەس الىپ، كوپتىڭ پاراساتىن ساۋلەلەندىرىپ، جوعارى دەڭگەيدە جوبالاۋدى كۇشەيتۋ مەن حالىقتان كەڭەس الۋدا تاباندى بولۋدى بىرلىككە كەلتىرىپ، ءبىر جاعادان باس، ءبىر جەڭنەن قول شىعارا وتىرىپ «14 -بەسجىلدىق» جوسپاردى ويداعىداي جاساۋ جونىندەگى ماڭىزدى نۇسقاۋىنىڭ رۋحىن دايەكتىلەندىرۋ، تياناقتاندىرۋ ءۇشىن، بيىل 8 - ايدىڭ 16 - كۇنىنەن 29 - كۇنىنە دەيىن «14 - بەسجىلدىق» جوسپاردى جاساۋ قىزمەتى جونىندە ينتەرنەت پىكىر الۋ قيمىلىن ورىستەتىلدى، حالىق گازەتىنە، شينحۋا اگەنتتىگىنە، ورتالىق راديو - تەلەۆيزيا باس ستانسياسىنا قاراستى رەسمي توراپ بەكەتتەرىندە، اقپارات كليەنتتەرىندە، سونداي - اق «ۇيرەنۋدە قۋاتتى ەل بولۋ» ۇيرەنۋ تەكشەسىندە «14 - بەسجىلدىق» جوسپارعا ۇسىنىس قويۋ ايدارى اشىلىپ، تۇتاس قوعامنىڭ پىكىرلەرى مەن ۇسىنىستارى تىڭدالدى. قيمىل ءتارتىپتى ۇيىمداستىرىلدى، قوعامدىق اڭىس كۇشتى بولدى، توراپكەرلەردەن جالپى ءبىر ميلليون 18 مىڭنان استام ۇسىنىس قابىلدانىپ، «14 - بەسجىلدىق» جوسپاردى جاساۋ قىزمەتىن ويداعىداي ىستەۋگە ءتيىمدى پايدالانۋ ماتەريالى ازىرلەندى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار