بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

مەملەكەتتىك كەڭەس كەڭسەسى «پىكىر» باسىپ تاراتتى

مال شارۋاشىلىعىنىڭ ساپالى دامۋى جەبەلەدى

2020.09.28 14:13     كەلۋ قاينارى : حالىق تورابى

  شينحۋا اگەنتتىگى، 9 - ايدىڭ 27 - كۇنى، بەيجيڭ. مەملەكەتتىك كەڭەس كەڭسەسى بىرنەشە كۇننىڭ الدىندا «مال شارۋاشىلىعىنىڭ ساپالى دامۋىن جەبەۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتتى.

  «پىكىردە» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات تياناقتاندىرىپ، اۋىل - قىستاقتى گۇلدەندىرۋ ستراتەگياسىن جەتەكشى، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن نەگىزگى جەلى ەتىپ، دامۋ تاسىلىندە بۇرىلىس جاساپ، مال شارۋاشىلىعىنىڭ ساپا ونىمدىلىگى مەن باسەكەلىك قۋاتىن ۇزدىكسىز كۇشەيتىپ، ءتۇسىمى جوعارى، ءونىمى حاۋىپسىز، بايلىقتى ۇنەمدەيتىن، ورتاسى جاراسىمدى، تىزگىندەۋى ۇتىمدى ساپالى دامۋ جاڭا جاعدايىن قالىپتاستىرۋ كەرەك.

  «پىكىردە» مىنالار ورتاعا قويىلدى: وسى زامانعى باعىمشىلىق جۇيەسىن جەدەل ورناتىپ، اسىل تۇقىمدى جەتىلدىرۋدى جانە جالپىلاستىرۋدى كۇشەيتىپ، اسىل تۇقىمدى شوشقا تۇقىمىنا قوسىمشا قاراجات بەرۋ جانە مال شارۋاشىلىق رايوندارىنداعى مال شارۋاشىلىق اسىل تۇقىمىنا قوسىمشا قاراجات بەرۋ كەرەك. جەم - شوپپەن قامداۋ جۇيەسىن اقاۋسىزداندىرىپ، جەرگىلىكتى جاعدايعا قاراي استىق ورنىنا جەم - ءشوپ بەرۋدى جولعا قويۋ كەرەك. مال شارۋاشىلىعىن ماشينالاندىرۋ ورەسىن جوعارىلاتىپ، باعىمشىلىق الاڭدارى (وتباسىلارى) ەگىس ماشينالارىن، جابدىقتارىن ساتىپ السا، بەلگىلەمە بويىنشا قوسىمشا قاراجات بەرۋ كولەمىنە ەنگىزۋ كەرەك. لايىقتى كولەمدەگى شارۋاشىلىقتى دامىتىپ، ورتا، شاعىن كولەمدەگى باقتاشىلاردىڭ دامۋىن سۇيەمەلدەۋ كەرەك.

  «پىكىردە» مىنالار دارىپتەلدى: حايۋاناتتاردا بولاتىن ىندەتتەن ساقتانۋ جۇيەسىن ورناتىپ جانە كەمەلدەندىرىپ، حايۋاناتتاردا بولاتىن ىندەتتەن ساقتانۋ تۇلعالىق جاۋاپكەرلىگىن تياناقتاندىرۋ كەرەك. جەرگىلىكتى ءار دارەجەلى حالىق ۇكىمەتتەرىنىڭ ىندەتتەن ساقتانۋ - تىزگىندەۋ جاۋاپكەرلىگىن تياناقتاندىرۋ، حايۋاناتتاردا بولاتىن ىندەت ينفورماتسياسىن مالىمدەۋ ءتۇزىمىن اقاۋسىزداندىرىپ، ىندەت جاعدايىنان مالىمەت بەرۋ قىزمەتىندە بەينەسى كورنەكتى بولعانداردى ماداقتاۋ، مالىمدەمەي جاسىرسا، مالىمدەمەي قالسا، كەشىكتىرىپ مالىمدەسە نەمەسە باسقالاردىڭ ىندەت جاعدايىن مالىمدەۋىنە كەدەرگىلىك جاساسا، زاڭ بويىنشا جازالاۋ كەرەك. ءونىمدى شارالار قولدانىپ، نەگىزگى ساتى ورگان قوسىنىن ورنىقتىرىپ، حايۋاناتتاردا بولاتىن ىندەتتەن ساقتانۋ - تىزگىندەۋ تاجىريبەحاناسى، شەكارالىق باقىلاۋ - تەكسەرۋ پۋنكتى، ولكە ارالىق تاس جول تەكسەرۋ پۋنكتى جانە وڭىرلىك جۋۋ - دەزينفەكسيالاۋ ورتالىعى قاتارلى قۇرىلىستاردى كۇشەيتىپ، ءتىرى شوشقا باعىمشىلىعىنداعى ءىرى اۋدانداردىڭ اۋىل - قالاشىقتارىندا حايۋاناتتاردا بولاتىن ىندەتتەن ساقتانۋ جونىنەن ۇسىنىس ەتۋ جوسپارىن اتقارۋ كەرەك.

  «پىكىردە» مىنالار تالاپ ەتىلدى: وسى زامانعى مانەرلەۋ اينالىم جۇيەسىن جەدەل ورناتىپ، مال، قۇس مانەرلەۋ كاسىبىنىڭ تۇلعالىق دەڭگەيىن جوعارىلاتىپ، مال، قۇس ونىمدەرىن توڭازىتىپ مانەرلەپ جەتكىزۋ جۇيەسىن جەدەل كەمەلدەندىرۋ كەرەك.

  «پىكىردە» مىنالار ورتاعا قويىلدى: مال شارۋاشىلىعىنىڭ جاسىل، اينالمالى دامۋىن ءۇرتىس ىلگەرىلەتىپ، مال قيىن، قۇس ساڭعىرىعىن تۇگەلدەي اتىزعا شاشاتىن باعىمشىلىق الاڭدارىن (وتباسىلارىن) تىزىمگە الىپ باسقارۋ كەرەك، رۇقسات كۋالىگىن ءوتىنىش ەتۋدىڭ قاجەتى جوق. شارۋالار سەلبەستىك كووپەراتيۆى، وتباسىلىق ەگىس الاڭى قاتارلىلاردىڭ ەگىمشىلىك وندىرىسىندە قيدى تىڭايتقىش رەتىندە پايدالانۋىن قولداۋ، ەگىن، مال شارۋاشىلىعىنىڭ اينالمالى دامۋىن جەبەۋ كەرەك.

  «پىكىردە» مىنالار دارىپتەلدى: ولكەلىك (اۆتونوميالى رايوندىق، توتە قاراستى قالالىق) حالىق ۇكىمەتتەرى ءوز جەرلەرىنىڭ مال شارۋاشىلىق ءوندىرىسىن دامىتۋدا، ەت، جۇمىرتقا، ءسۇت بازارىنىڭ قامداۋىن قامتاماسىز ەتۋدە جالپى جاۋاپكەرلىكتى ۇستىنە الادى، نەگىزگى ساتىپ شىعارۋ ولكەلەرىن بايلىق ورتاسى تولەمى، رايون اتتاپ سەلبەسىپ باعىمشىلىق بازاسىن قۇرۋ سياقتى تاسىلدەر ارقىلى نەگىزگى ءوندىرىس ولكەلەرىنىڭ مال، قۇس ءوندىرىسىن دامىتۋىنا قولداۋ كورسەتۋگە شابىتتاندىرۋ، ءوندىرىس رايوندارىنا تولەم بەرۋدىڭ باياندى مەحانيزمىن قالىپتاستىرۋدى جەبەۋ كەرەك. مال شارۋاشىلىعىنىڭ دامۋىندا جەردەن پايدالانۋدى قامتاماسىز ەتۋ، باعىمشىلىق ءوندىرىسى جانە ونىمەن تىكەلەي بايلانىسى بار مال قيىن، قۇس ساڭعىرىعىن ءبىر جاقتى ەتۋ، تەكسەرۋ - كارەنتيندەۋ، تازالاپ دەزينفەكسيالاۋ، اۋىرىپ ولگەن مال، قۇستى زالالسىزداندىرىپ ءبىر جاقتى ەتۋ سياقتى اۋىل شارۋاشىلىق قۇرىلعىلارىنا پايدالانىلاتىن جەردى ادەتتەگى ەگىستىك جەردەن شىعارۋعا بولادى، تولىقتاپ تەپە - تەڭدىكتى ساقتاۋدىڭ قاجەتى جوق. ءتىرى شوشقا، سيىر، قوي ساتىپ شىعارۋداعى ءىرى اۋدانداردى سيلاۋ ساياساتىن ۇزدىكسىز اتقارىپ، ۇكىمەتتىك ساتىپ الۋ، قىزمەت وتەۋ ءتاسىلى ارقىلى حايۋاناتتاردا بولاتىن ىندەتتەن ساقتانۋ جونىنەن قوعامدانعان قىزمەت وتەۋدى قولداۋ كەرەك. ورتالىق قازىنادان اۋدارىپ تولەۋ سياقتى قازىرگى ارنالار ارقىلى شوشقا سويىسىن ولشەمدەندىرۋدەن ۇلگى كورسەتۋ جانە مال، قۇس ونىمدەرىن توڭازىتىپ جەتكىزۋ جۇيەسى قۇرىلىسىن قولداۋدى كۇشەيتۋ كەرەك. بازاردى تىزگىندەۋدى كۇشەيتىپ، ۇكىمەتتىڭ زاپاس قوردى رەتتەۋ مەحانيزمىن كەمەلدەندىرۋ كەرەك. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسى شارالارىن تياناقتاندىرىپ، تەكسەرىپ بەكىتۋ ءتارتىبىن وڭتايلاندىرىپ، «ءبىر تەرەزەلىك ورىندا قابىلداۋدى» ىلگەرىلەتۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار