بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

جۇڭگو مەن كۋبانىڭ ديپلوماتيالىق قاتىناس ورناتقانىنىڭ 60 جىلدىعى بايلانىسىمەن

شي جينپيڭ مەن كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى راۋل كاسترو، كۋبانىڭ مەملەكەت ءتوراعاسى دياس كانەل ءوزارا قۇتتىقتاۋ تەلەگرامماسىن جولدادى

لي كىچياڭ مەن كۋبانىڭ پرەمەر مينيسترى مارەلو ءوزارا قۇتتىقتاۋ تەلەگرامماسىن جولدادى

2020.09.29 14:18     كەلۋ قاينارى : حالىق تورابى

  شينحۋا اگەنتتىگى، 9 - ايدىڭ 28 - كۇنى، بەيجيڭ. 9 - ايدىڭ 28 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى راۋل كاسترو، كۋبانىڭ مەملەكەت ءتوراعاسى دياس كانەل ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 60 جىلدىعىن قىزۋ قۇتتىقتادى.

  شي جينپيڭ راۋل كاستروعا جولداعان قۇتتىقتاۋ تەلەگرامماسىندا بىلاي دەپ اتاپ كورسەتتى: كۋبا − لاتىن امەريكاسىنان جاڭا جۇڭگومەن تۇڭعىش رەت ديپلوماتيالىق قاتىناس ورناتقان مەملەكەت. ديپلوماتيالىق قاتىناس ورناتقان 60 جىلدان بەرى جۇڭگو - كۋبا قاتىناسى حالىقارالىق سىناقتىڭ سىنىنان ءوتىپ، ۋاقىت وتكەن سايىن بەكەمدەلە ءتۇستى. جۇڭگو مەن كۋبانىڭ ساياسيداعى ءوزارا سەنىمدىلىگى ۇزدىكسىز تەرەڭدەپ، ناقتى سەلبەستىكتە قوماقتى تابىسقا قول جەتتى. ەكى ەل ءبىر جاعادان باس، ءبىر جەڭنەن قول شىعارىپ، ءوزارا كومەكتەسىپ، جاڭا تيپتى ايدارشا ۆيرۋس وكپە قابىنۋ ىندەتىنە قول ۇستاسا قارسى اتتاندى، ەكى ەلدىڭ ءداستۇرلى دوستىعى بەكەمدەلە ءتۇستى. مەن جۇڭگو مەن كۋبانىڭ ەرەكشە دوستىق قاتىناسىن قاستەرلەيمىن، سىزبەن تىعىز بايلانىستى ساقتاپ، ەكى ەلدىڭ ديپلوماتيالىق قاتىناس ورناتقانىنىڭ 60 جىلدىعىن وراي ەتىپ، جۇڭگو مەن كۋبانىڭ ماڭگىلىك ابزال دوس، جاقسى جولداس، تاتۋ باۋىرلاس بولۋىن ىلگەرىلەتۋگە پەيىلمىن.

  شي جينپيڭ دياس كانەلگە جولداعان قۇتتىقتاۋ تەلەگرامماسىندا مىنالاردى اتاپ كورسەتتى: ديپلوماتيالىق قاتىناس ورناتقان 60 جىلدان بەرى جۇڭگو مەن كۋبا ءوزارا ءتۇسىنىسىپ، ءوزارا سەنىم ارتىپ، تەرەڭ دوستىق ورناتتى. تاياۋ جىلداردان بەرى جۇڭگو مەن كۋبا دوستىق سەلبەستىكتى جالپى بەتتىك ىشكەرىلەي دامىتىپ، «ءبىر بەلدەۋ، ءبىر جولدى» بەلسەندىلىكپەن بىرگە قۇرىپ، ەكى ەل حالىقتارىنا ناقتى پايدا جەتكىزدى. جۇڭگو مەن كۋبا جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسى بارىسىندا ءبىر جاعادان باس، ءبىر جەڭنەن قول شىعارىپ، ءوزارا كومەكتەسىپ، ەكى ەل حالىقتارى دوستىعىنىڭ تىڭ داستانىن جازدى. مەن جۇڭگو - كۋبا قاتىناسىنىڭ دامۋىنا باسا ءمان بەرەمىن، سىزبەن بىرگە قۇلشىنىپ، ساياسي جاقتاعى ءوزارا سەنىمدىلىكتى ۇزدىكسىز تەرەڭدەتىپ، ءار سالاداعى ناقتى سەلبەستىكتى كەڭەيتىپ، ەكى ەلگە جانە ەكى ەل حالىقتارىنا ءتىپتى دە زور باقىت جاراتۋعا پەيىلمىن.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار