بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

جۇڭگو مەن ەكۆاتور گۆينەياسىنىڭ ديپلوماتيالىق قاتىناس ورناتقانىنىڭ 50 جىلدىعى بايلانىسىمەن

شي جينپيڭ مەن ەكۆاتور گۆينەياسىنىڭ زۇڭتۇڭى وبيون ءبىر - بىرىنە قۇتتىقتاۋ تەلەگرامماسىن جولدادى

2020.10.16 14:56     كەلۋ قاينارى : حالىق تورابى

  شينحۋا اگەنتتىگى، 10 - ايدىڭ 15 - كۇنى، بەيجيڭ. مەملەكەت ءتوراعاسى شي جينپيڭ مەن ەكۆاتور گۆينەياسىنىڭ زۇڭتۇڭى وبيون 10 - ايدىڭ 15 - كۇنى ءبىر - بىرىنە قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن ەكۆاتور گۆينەياسىنىڭ ءداستۇرلى دوستىعىنىڭ تامىرى تەرەڭدە، ديپلوماتيالىق قاتىناس ورناتقان 50 جىلدان بەرى حالىقارالىق جاعداي مەيلى قالاي بولسا دا، ەكى جاق باستان - اياق شىنايى دوستىق ورناتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىر - ءبىرىن باتىل قولداپ، ناقتى سەلبەستىك ناتيجەسى قوماقتى بولىپ، ەكى ەل حالىقتارىن شىنايى يگىلىككە كەنەلتتى. جاڭا تيپتى ايدارشا ۆيرۋس وكپە قابىنۋ ىندەتى تارالعاننان بەرى جۇڭگو ەكۆاتور گۆينەياسىن ءوز ىشىنە العان افريكا ەلدەرىمەن ىنتىماقتاسىپ، ءوزارا كومەكتەسىپ، ىندەتكە سەلبەسە توتەپ بەرىپ، حالىقتىڭ ءومىرى مەن حاۋىپسىزدىگىن بار كۇشپەن قورعاپ، جۇڭگو - افريكا دوستىعىنا تىڭ مازمۇن قوستى. مەن جۇڭگو - ەكۆاتور گۆينەياسى قاتىناسىنىڭ دامۋىنا باسا ءمان بەرەمىن، زۇڭتۇڭ وبيونمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، ساياسيداعى ءوزارا سەنىمدىلىكتى بەكەمدەپ، «ءبىر بەلدەۋ، ءبىر جولدى» بىرلەسىپ قۇرۋ جانە جۇڭگو - افريكا سەلبەستىك فورۋمى جۇلگەسىندەگى ناقتى سەلبەستىكتى تەرەڭدەتىپ، جۇڭگو مەن ەكۆاتور گۆينەياسى قاتىناسىنىڭ ۇزدىكسىز تىڭ ساتىعا كوتەرىلۋىن جەبەپ، ەكى ەلگە جانە ەكى ەل حالىقتارىنا باقىت جاراتۋدى قالايمىن.

  وبيون قۇتتىقتاۋ تەلەگرامماسىندا مىنانى ءبىلدىردى: ديپلوماتيالىق قاتىناس ورناتقان 50 جىلدان بەرى ەكى ەل قول ۇستاسا ىلگەرىلەپ، باستان - اياق ءوزارا ءتۇسىنىسىپ، سەلبەسىپ، ءبىر - بىرىنە كومەكتەسىپ، سان - سالالى سەلبەستىكتە قوماقتى تابىستارعا قول جەتكىزدى. ەكۆاتور گۆينەياسىنىڭ جۇڭگومەن ۇقساستاۋ تاريحي كەشىرمەسى بار. قازىر حالىقارالىق قوعام زور سايىسقا ءدوپ كەلگەن كەزەڭدە ەكى ەل ورتاق مايدان ۇستانىپ، كوپ جاقتىلىق، سۇحپاتتاسۋ جانە باسقا ەلدەردىڭ ىشكى ىسىنە كيلىكپەۋ پرينسيبى بويىنشا ورتاق مۇددەنى قورعاپ وتىر. ەكۆاتور گۆينەياسى ەكى ەل قاتىناسىنىڭ دامۋىنا ءدان ريزا، جۇڭگومەن بىرگە قۇلشىنىپ، سەلبەستىك ارناسىن ۇزدىكسىز كەڭەيتىپ، ەكى ەلدىڭ دوستىق قاتىناسىن ىشكەرىلەي بەكەمدەۋدى قالايدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار