بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ ورتالىق كوميتەت ساياسي بيۋروسىنىڭ 24 - رەتكى توپتىق ۇيرەنۋىندە بىلاي دەپ دارىپتەدى

كۆانتتىق عىلىم - تەحنيكانىڭ دامۋىن ىلگەرىلەتۋدىڭ كەلەلى ماڭىزىن جەتە تانىپ، كۆانتتىق عىلىم - تەحنيكانى دامىتۋدى ستراتەگيالىق جوبالاۋدى جانە جۇيەلى ورنالاستىرۋدى كۇشەيتۋ كەرەك

2020.10.19 16:44     كەلۋ قاينارى : حالىق تورابى

  شينحۋا اگەنتتىگى، 10 - ايدىڭ 17 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 10 - ايدىڭ 16 - كۇنى تۇستەن كەيىن كۆانتتىق عىلىم - تەحنيكانى زەرتتەۋ مەن قولدانۋدىڭ كەلەشەگى جونىندە 24 - رەتكى توپتىق ۇيرەنۋ وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ دارىپتەدى: قازىر دۇنيە ءجۇزى عاسىردا بولماعان زور وزگەرىستى باستان كەشىرۋدە، عىلىم - تەحنيكادا جاڭالىق جاراتۋ − مۇنىڭ ىشىندەگى ءبىر شەشۋشى اينىمالى شاما. ءبىز داعدارىس بارىسىندا ۇتىمدى وراي جەتىلدىرىپ، وزگەرىس بارىسىندا جاڭا جاعداي اشىپ، ءسوز جوق، عىلىم - تەحنيكادا جاڭالىق جاراتۋدان جاۋاپ تابۋىمىز كەرەك. كۆانتتىق عىلىم - تەحنيكانىڭ دامۋىن ىلگەرىلەتۋدىڭ ماڭىزدىلىعى مەن كوكەي تەستىلىگىن تولىق تانىپ، كۆانتتىق عىلىم - تەحنيكانى دامىتۋدى ستراتەگيالىق جوبالاۋدى جانە جۇيەلى ورنالاستىرۋدى كۇشەيتىپ، كەلەلى اۋقىمدى يگەرىپ، العاشقى قادامدى جاقسى باسۋىمىز كەرەك.

  چيڭحۋا داشۋەسى مەكتەپ مەڭگەرۋشىسىنىڭ ورىنباسارى، جۇڭگو عىلىم اكادەمياسىنىڭ اكادەميگى شۋە چيكۇن وسى ماسەلە جونىندە تۇسىنىك جاساپ، پىكىر، ۇسىنىستارىن العا قويدى.

  شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: جۋىرداعى جىلداردان بەرى كۆانتتىق عىلىم - تەحنيكانىڭ دامۋى قارىشتاي ىلگەرىلەپ، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ الدىڭعى شەپ سالاسىنا اينالدى. كۆانتتىق عىلىم - تەحنيكانى جەدەل دامىتۋ ساپالى دامۋدى جەبەۋ، مەملەكەتتىڭ حاۋىپسىزدىگىن قامتاماسىز ەتۋ جونىنەن توتەنشە ماڭىزدى رولعا يە. وسى رەتكى توپتىق ۇيرەنۋدى ورنالاستىرۋداعى ماقسات − دۇنيە جۇزىندەگى كۆانتتىق عىلىم - تەحنيكانىڭ دامۋ بەتالىسىن ۇعىنىپ، ەلىمىزدىڭ كۋانتتىق عىلىم - تەحنيكاسىنىڭ دامۋ جاعدايىنا تالداۋ جاساپ، ەلىمىزدىڭ كۆانتتىق عىلىم - تەحنيكاسىنىڭ دامۋىن اناعۇرلىم ويداعىداي ىلگەرىلەتۋ.

  شي جينپيڭ بىلاي دەپ دارىپتەدى: كۆانتتىق مەحانيكا − ادامزاتتىڭ ميكرو دۇنيەنى زەرتتەۋىندەگى كەلەلى تابىس. كۆانتتىق عىلىم - تەحنيكانىڭ دامۋى كەلەلى عىلمي ماڭىزعا جانە ستراتەگيالىق قۇنعا يە، ءداستۇرلى تەحنيكا جۇيەسىنە سوققى اكەلەتىن، قايتا قۇرايتىن كەلەلى تۇبەگەيلى وزگەرىس اكەلەتىن تەحنيكالىق جاسامپازدىق، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ بەتالىسىنا جەتەكشىلىك ەتەدى. ەلىمىزدىڭ عىلىم - تەحنيكا قىزمەتكەرلەرى كۆانتتىق عىلىم - تەحنيكا جاعىندا قايراتتانا العا ۇمتىلىپ، حالىقارالىق ىقپالعا يە ءبىر توپ كەلەلى جاسامپازدىق تابىسىنا قول جەتكىزدى. جالپى جاقتان العاندا، ەلىمىز كۆانتتىق عىلىم - تەحنيكا سالاسىندا عىلىم - تەحنيكالىق ناقتى قۋات پەن جاڭالىق جاراتۋ قابىلەتىن ازىرلەپ بولدى. سونىمەن بىرگە، ەلىمىزدىڭ كۆانتتىق عىلىم - تەحنيكاسىنىڭ دامۋىندا كوپتەگەن ولقىلىق ورىن تەۋىپ، دامۋدىڭ كوپ قاباتتى سىن - سايىسقا ءدوپ كەلگەنىن دە كورە ءبىلۋىمىز كەرەك. ءبىز، ءسوز جوق، دەربەس جاڭالىق جاراتۋ جولىمەن مىزعىماستان ءجۇرىپ، سەنىمدى بەكەمدەپ، قاجىرلىلىقپەن ىستەپ، شەشۋشى وزەكتى تەحنيكادان قامال الىپ، شەشۋشى سالادا دەربەس مەڭگەرىمدى بولۋدى جۇزەگە اسىرۋعا قۇلشىنىپ، كاسىپ تىزبەگىنىڭ، قامداۋ تىزبەگىنىڭ حاۋىپسىزدىگىن قامتاماسىز ەتىپ، ەلىمىز عىلىم - تەحنيكاسىنىڭ حالىقارالىق حاۋىپ - قاتەر مەن سىن - سايىسقا توتەپ بەرۋ قابىلەتىن كۇشەيتۋىمىز كەرەك.شي جينپيڭ بىلاي دەپ اتاپ كورسەتتى: ەلىمىز كۆانتتىق عىلىم - تەحنيكا دامۋىنىڭ ءساتتى تاجىريبەلەرىن جۇيەلى قورىتىندىلاپ، شەتەلدىڭ پايدالى ءادىس - امالدارىنان ۇلگى الىپ، كۆانتتىق عىلىم - تەحنيكا دامۋىنىڭ ۇلكەن اۋقىمىنا ىشكەرىلەي تالداۋ، تۇجىرىم جاساپ، ەلىمىز كۆانتتىق عىلىم - تەحنيكاسىنىڭ دامۋىنىڭ كىرىسۋ ءتۇيىنى مەن تىڭ سەرپىلىس تەتىگىن ءداپ باسىپ تاۋىپ، نەگىزدىك زەرتتەۋدى، الدىڭعى قاتارلى تەحنيكانى، ينجەنەريالىق تەحنيكانى زەرتتەپ اشۋدى ءبىر تۇتاس جوسپارلاپ، كۆانتتىق حابارلاسۋ سياقتى ستراتەگيالىق جاڭادان گۇلدەنگەن كاسىپ سالالارىن جەتىلدىرىپ، كۆانتتىق عىلىم - تەحنيكاداعى حالىقارالىق باسەكەنىڭ بيىك تۇرعىسىن الدىمەن يەلەپ، دامۋدىڭ جاڭا ابزالدىعىن قالىپتاستىرۋى كەرەك.

  شي جينپيڭ بىلاي دەپ دارىپتەدى: جوعارى دەڭگەيدە جوبالاۋدى جانە كورەگەندىكپەن ورنالاستىرۋدى كۇشەيتۋ كەرەك. ستراتەگيالىق تۇجىرىمداۋدى كۇشەيتىپ، جاڭالىق جاراتۋدا وزىنە سەنۋدە تاباندى بولىپ، ماشاقاتتى تۇيىندەردى باتىلدىقپەن شەشىپ، ۇزاق پەريودتى كەلەلى نىسانداردى ۇيىمداستىرىپ اتقارۋ بارىسىندا جوعارى دەڭگەيدە جوبالاۋدى جانە كورەگەندىكپەن ورنالاستىرۋدى كۇشەيتىپ، كوپ ءپاننىڭ ايقاسپالى توعىسۋىن جانە كوپ تەحنيكا سالاسىن شوعىرلاندىرىپ جاڭالىق جاراتۋدى كۇشەيتىپ، ەلىمىز كۆانتتىق عىلىم - تەحنيكاسىنىڭ دامۋىنىڭ جۇيەلىلەنگەن قۋاتىن قالىپتاستىرۋ كەرەك.

  شي جينپيڭ بىلاي دەپ اتاپ كورسەتتى: ساياساتتىق قولداۋ جۇيەسىن اقاۋسىزداندىرۋ كەرەك. كۆانتتىق عىلىم - تەحنيكانىڭ دامۋىن ىلگەرىلەتۋدىڭ تاماشا ساياساتتىق ورتاسىن جەدەل ازىرلەپ، اناعۇرلىم پارمەندى ساياساتتىق قولداۋ قالىپتاستىرۋ كەرەك. كۆانتتىق عىلىم - تەحنيكا سالاسىنا قاراتىلعان قارجى ۇسىنىلىمىنا كەپىلدىك ەتۋمەن بىرگە، جەرگىلىكتى ورىنداردىڭ، كاسىپورىنداردىڭ، قوعامنىڭ ۇسىنىلىم تەبىنىن ارتتىرۋىن جەبەۋ كەرەك. عىلمي زەرتتەۋ قۇرىلىمدارى مەن جوعارى مەكتەپتەردىڭ كۆانتتىق عىلىم - تەحنيكا بويىنشا نەگىزدىك زەرتتەۋ جۇرگىزۋىنە ۇسىنىلىمدى ارتتىرىپ، مەملەكەتتىڭ ستراتەگيالىق عىلىم - تەحنيكا قۋاتىن ءبىر تۇتاس جوسپارلاپ قۇرۋدى كۇشەيتىپ، عىلمي زەرتتەۋدى باسقارۋدى جانە ۇيىمدىق مەحانيزمدى كەمەلدەندىرۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار