ج ك پ ورتالىق كوميتەتىنىڭ ساياسي بيۋروسى ءماجىلىس اشتى
«چىڭدۋ - چۇڭچيڭ ءوڭىرىنىڭ قوس قالا ەكونوميكالىق شەڭبەر قۇرىلىسى جوبا باعدارلاماسىن» قارادى
ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
2020.10.19 16:47 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 16 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 10 - ايدىڭ 16 - كۇنى ءماجىلىس اشىپ، «چىڭدۋ - چۇڭچيڭ ءوڭىرىنىڭ قوس قالا ەكونوميكالىق شەڭبەر قۇرىلىسى جوبا باعدارلاماسىن» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنالاردى اتاپ كورسەتتى: قازىر ەلىمىز دامۋىنىڭ ەل ءىشى، حالىقارالىق ورتاسىندا تەرەڭ، كۇردەلى وزگەرىستەر ۇزدىكسىز جارىققا شىعىپ، چىڭدۋ - چۇڭچيڭ رايونى ەكى قالا ەكونوميكالىق شەڭبەرى قۇرىلىسىن ىلگەرىلەتتى، بۇل ابزالدىقتار ارقىلى ءبىرىن - ءبىرى تولىقتايتىن، ساپالى داميتىن وڭىرلىك ەكونوميكانىڭ جايعاسۋىن قالىپتاستىرۋعا ءتيىمدى، بازار كەڭىستىگىن كەڭەيتۋگە، كاسىپ سالاسى تىزبەگىن، قامداۋ تىزبەگىن ساپالىلاندىرۋعا جانە ورنىقتىرۋعا ءتيىمدى، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋداعى كەلەلى شارا.
ءماجىلىس مىنالاردى دارىپتەدى: پارتيا ورتالىق كوميتەتىنىڭ شەشىم، ورنالاستىرۋلارىن جاپپاي تياناقتاندىرىپ، چۇڭچيڭ، چىڭدۋ سىندى ەكى ورتالىق قالانىڭ سايكەسىپ باستاماشىلىق ەتۋىن كورنەكتىلەندىرىپ، وڭىرلىك ابزالدىق پەن ەرەكشەلىكتى ايگىلەۋگە ءمان بەرىپ، چىڭدۋ، چۇڭچيڭ ءوڭىرىنىڭ بۇكىل ەلدە ىقپالى بار ماڭىزدى ەكونوميكالىق ورتالىققا، عىلىم - تەحنيكادا جاڭالىق جاراتۋ ورتالىعىنا، رەفورما جاساۋ، قاقپا اشۋدىڭ جاڭا بيىگىنە، جوعارى ساپالى تۇرمىسقا، جايلى قونىسقا اينالۋىنا مۇمكىندىك جاساپ، بۇكىل ەلدىڭ ساپالى دامۋىنا باستاماشىلىق ەتەتىن ماڭىزدى ارتۋ ۇيەگى مەن جاڭا قوزعاۋشى كۇش قاينارىن قالىپتاستىرۋ كەرەك.
ءماجىلىس مىنالاردى تالاپ ەتتى: چىڭدۋ، چۇڭچيڭ ءوڭىرى ءبىر تۇتاس جۇيە يدەياسى مەن ءبىر تۇلعالانعان دامۋ ۇستانىمىن مىقتاپ ورناتىپ، سەلبەستىك مەحانيزمىن كەمەلدەندىرىپ، وڭىرلىك سەلبەستىكتىڭ جوعارى دەڭگەيلى ۇلگىسىن قالىپتاستىرۋى كەرەك. «قوس قالا ەستەلىگىن» اسقاقتاتا شىرقاپ، ىشكى قۇرلىقتاعى رەفورما جاساۋ، قاقپا اشۋدىڭ بيىگىن قول ۇستاسا قالىپتاستىرىپ، جوعارى ولشەمدى بازار جۇيەسىن بىرگە قۇرىپ، تاڭداۋلى شارۋاشىلىق - ساۋدا ورتاسىن قالىپتاستىرىپ، «ءبىر بەلدەۋ، ءبىر جولدى» بىرگە قۇرۋدى جەتەكشى ەتىپ، باتىس بولىكتەگى قۇرلىق، تەڭىز جاڭا ارناسىن ويداعىداي قۇرىپ، ەل ءىشى، حالىقارالىق ەكونوميكالىق قوس اينالىمىنا بەلسەنە ات سالىسۋ كەرەك. ەكولوگيالىق ورتانى قورعاۋدى بۇلجىماستان ويداعىداي يگەرىپ، ەكولوگيانى الدىڭعى ورىنعا قوياتىن، جاسىل دامۋدىڭ جاڭا جولىنا ءتۇسىپ، ادام مەن تابيعاتتىڭ جاراسىمدى بىرگە ءومىر ءسۇرۋىن ىلگەرىلەتۋ كەرەك. ورتالىق پەن ءوڭىردىڭ قارىم - قاتىناسىن ويداعىداي ءبىر جاقتى ەتىپ، چۇڭچيڭ نەگىزگى قالاسى مەن چىڭدۋدىڭ دامۋ قۋاتى دارەجەسىن جانە جالپىلىق باسەكەلىك قۋاتىن كۇش سالا جوعارىلاتىپ، قالا دامۋىنىڭ سىرتقا قاراي كەڭەيۋدەن ءمان - مازمۇندىق جوعارىلاۋعا قاراي ويىسۋىن ىلگەرىلەتىپ، تۇيىندەر ارقىلى اۋماقتى جەتەكتەپ، بىركەلكى دامىپ، توڭىرەكتەگى قالا، اۋداندارمەن ءبىر تۇلعالانا داميتىن ورتالىق قالا شەڭبەرىن قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
