جۇڭگو حالىق ەرىكتىلەر ارمياسىنىڭ امەريكا جيانگەرلىگىنە قارسى تۇرىپ، چاۋشيانعا كومەك بەرۋ سوعىسىنا قاتىناسقانىنىڭ 70 جىلدىعىن ەسكە ءتۇسىرۋ نەگىزگى تاقىرىپتىق كورمەسى بەيجيڭدە اشىلدى
ۋاڭ حۋنيڭ اشىلۋ سالتىنا قاتىناستى ءارى ءسوز سويلەدى
2020.10.20 16:12 كەلۋ قاينارى : حالىق تورابى
«حالىق گازەتى»، 10 - ايدىڭ 19 - كۇنى، بەيجيڭ (ءتىلشى لي چاڭيۇي). «ۇلى جەڭىستى ەستە بەرىك ساقتاپ، بەيبىتشىلىك پەن ادىلدىكتى قورعاۋ − جۇڭگو حالىق ەرىكتىلەر ارمياسىنىڭ امەريكا جيانگەرلىگىنە قارسى تۇرىپ، چاۋشيانعا كومەك بەرۋ سوعىسىنا قاتىناسقانىنىڭ 70 جىلدىعىن ەسكە ءتۇسىرۋ نەگىزگى تاقىرىپتىق كورمەسىنىڭ» اشىلۋ سالتى 10 - ايدىڭ 19 – كۇنى تۇستەن بۇرىن جۇڭگو حالىق توڭكەرىستىك اسكەري ىستەر مۇراجايىندا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ءسوز سويلەدى ءارى كورمەنىڭ اشىلعانىن جاريالادى.
تۇستەن بۇرىن ساعات 10 دا اشىلۋ سالتى باستالدى. بۇكىل الاڭداعىلار جۇڭحۋا حالىق رەسپۋبليكاسىنىڭ ءانىن اسقاقتاتا شىرقادى، وسىدان كەيىن امەريكا جيانگەرلىگىنە قارسى تۇرىپ، چاۋشيانعا كومەك بەرۋ سوعىسىندا ەرلىكپەن قۇربان بولعان قۇرباندارعا ازا ءبىلدىردى.
ۋاڭ حۋنيڭ سوزىندە مىنالاردى ءبىلدىردى: امەريكا جيانگەرلىگىنە قارسى تۇرىپ، چاۋشيانعا كومەك بەرۋ سوعىسى − بەيبىتشىلىكتى قورعاپ، شاپقىنشىلىققا قارسى تۇرۋداعى ادىلەتتى سوعىس. قاھارمان جۇڭگو حالىق ەرىكتىلەر ارمياسىنىڭ قولباسشىلارى مەن جاۋىنگەرلەرى چاۋشيان حالقىمەن جانە ارمياسىمەن بىرگە جانقيارلىقپەن قان كەشىپ شايقاس جاساپ، امەريكا جيانگەرلىگىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسىنە قول جەتكىزدى.
ۋاڭ حۋنيڭ مىنالاردى ءبىلدىردى: نەگىزگى تاقىرىپتىق كورمەنى وتكىزۋدەگى ماقسات امەريكا جيانگەرلىگىنە قارسى تۇرىپ، چاۋشيانعا كومەك بەرۋ سوعىسىنىڭ شۇعىلالى بارىسى مەن باعالى تاجىريبەلەرىن جان - جاقتى ەسكە الىپ، جۇڭگو حالىق ەرىكتىلەر ارمياسىنىڭ قاھارماندىق ىستەرى مەن توڭكەرىستىك رۋحىن جاندى تۇردە ايگىلەپ، بۇكىل ەلدەگى ءار ۇلت حالقىنىڭ جۇدىرىقتاي جۇمىلىپ، جۇرت تىلەگىنەن قامال ورناتقان وتانشىلدىق سۇيىسپەنشىلىگىن شوعىرلى ايگىلەپ، جۇڭحۋا ۇلتىنىڭ زورلىق - زومبىلىقتان تايسالمايتىن، بەيبىتشىلىكتى جاقتايتىن بەرىك بەكىمىن تولىق ايگىلەپ، ءبىزدى جاڭا داۋىردەگى مەملەكەتتى قۇدىرەتتەندىرۋ، ارميانى قۇدىرەتتەندىرۋ ۇلى ىسىنە قۇلشىنا ات سالىسۋعا شابىتتاندىرۋ ءۇشىن بولىپ وتىر. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، امەريكا جيانگەرلىگىنە قارسى تۇرىپ، چاۋشيانعا كومەك بەرۋ ۇلى رۋحىن زور كۇشپەن اسقاقتاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
