بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ سىچۋان ولكەلىك توڭكەرىستىك مۇگەدەك اسكەريلەر ساناتورياسىنداعى بارلىق جولداسقا جاۋاپ حات جازىپ مىنانى دارىپتەدى

بۇكىل پارتيا، بۇكىل قوعام قاھارمانداردى قاستەرلەپ، قاھارمانداردان ۇيرەنىپ، قاھارمانداردى ايالاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا مىعىم كۇش قۋات ۇيىستىرۋى كەرەك

2020.10.22 16:18     كەلۋ قاينارى : حالىق تورابى

  شينحۋا اگەنتتىگى، 10 ايدىڭ 21 كۇنى، بەيجيڭ. جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەنىنىڭ 70 جىلدىعى بايلانىسىمەن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا سىچۋان ولكەسىندەگى توڭكەرىستىك مۇگەدەك اسكەريلەر ساناتورياسىنداعى بارلىق جولداسقا جاۋاپ حات جازىپ، ولارعا شىنايى سالەم جولدادى.

  شي جينپيڭ جاۋاپ حاتىندا مىنانى ءبىلدىردى: امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىندا جۇڭگو حالىق ەرىكتىلەر ارمياسى ۇلى وتانشىلدىق رۋح پەن توڭكەرىستىك قاھارماندىق رۋحتى ساۋلەلەندىرىپ، ەرلىكپەن العا باسىپ، قان كەشىپ شايقاس جاساپ، اتا مەكەندى، وتاندى قورعاۋعا ماڭىزدى ۇلەس قوستى. ەرىكتىلەر ارمياسىنىڭ قولباسشىلارىنىڭ، جاۋىنگەرلەرىنىڭ جانە قاھارمان ۇلگىلەردىڭ ەڭبەگىن پارتيا مەن حالىق ماڭگى ۇمىتپايدى.

  شي جينپيڭ مىنالاردى اتاپ كورسەتتى: 60 نەشە جىلدان بەرى سىزدەر پارتيانى سۇيۋدەن، پارتياعا سەنۋدەن، پارتياعا ىلەسۋدەن جازباي، وتانشىلدىق تاربيەسى مەن قورعانىس تاربيەسى قيمىلىنا بەلسەنە قاتىناسىپ، پارتيا مەن حالىق ءۇشىن كۇشتەرىڭىزدى ۇزدىكسىز ارناپ، اۋەلگى ماقساتتان اينىماۋ، تىنباي كۇرەس جاساۋ رۋحىن ايگىلەدىڭىزدەر.

  شي جينپيڭ مىنالاردى دارىپتەدى: جۇڭحۋا ۇلتى − قاھارماندار توپ توبىمەن شىققان ۇلت، جاڭا ءداۋىر − قاھارمانداردى تابىسقا جەتكىزەتىن ءداۋىر. بۇكىل پارتيا، بۇكىل قوعام قاھارمانداردى قاستەرلەپ، قاھارمانداردان ۇيرەنىپ، قاھارمانداردى ايالاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا مىعىم كۇش قۋات ۇيىستىرۋى كەرەك.

  سىچۋان ولكەلىك توڭكەرىستىك مۇگەدەك اسكەريلەر ساناتورياسى 1951 - جىلى قۇرىلعان، ىلگەرىندى - كەيىندى 2 مىڭ 800 دەن استام مۇگەدەك اسكەريدى شوعىرلى باعىپ - قاقتى، مۇنىڭ ىشىندە شامامەن 2 مىڭ 200 ادام امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنا قاتىناسقان. 60 نەشە جىلدان بەرى بۇل ساناتورياداعى مۇگەدەك اسكەرلەر ءتورت مۇشەسى ساۋ ادامداردىڭ وي - ساناسىنا دا كىرمەيتىن قيىنشىلىقتاردى جەڭىپ، وتاندى گۇلدەندىرۋ قۇرىلىسىنا شامالارىنىڭ جەتىسىنشە ۇلەس قوستى، مىندەتتى تۇردە ءداستۇر تاربيەسى بويىنشا ون مىڭ رەتكە جۋىق بايانداما جاسادى، مۇنى 3 ميلليوننان استام ادام - رەت تىڭداپ، بەلسەندى قوعامدىق ىقپال تۋدىردى. 2019 – جىلى بۇل ساناتوريا « قوسىننان شەگىنگەن اسكەريلەر قىزمەتىندەگى مەملەكەتتىك ۇلگىلى ورىن» بولىپ ماداقتالدى. تاياۋدا وسى ساناتورياداعى ەرىكتىلەر ارمياسىنىڭ قارت جاۋىنگەرى تۋ بو - ي بارلىق مۇگەدەك اسكەر اتىنان ءتوراعا شي جينپيڭگە حات جازىپ، قىزمەت جانە تۇرمىس احۋالدارىن مالىمدەپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، وزىندىك قاسيەتتەن جازباي، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن ۇزدىكسىز كەرپىش بولىپ قالانۋ بەكىمدەرىن بىلدىرگەن بولاتىن.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار