بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

«جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسى» تۋرالى تۇسىنىك

شي جينپيڭ

2020.11.05 14:24     كەلۋ قاينارى : شينجياڭ گازەتى

  ورتالىق كوميتەت ساياسي بيۋروسىنىڭ تاپسىرۋىمەن، مەن «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىنىڭ» دايىندالۋىنا قاتىستى جاعدايلار جونىندە جالپى ماجىلىسكە تۇسىنىك جاسايمىن.

  ءبىرىنشى، ۇسىنىس نۇسقاسىنىڭ دايىندالۋ بارىسى

  ”14 - بەسجىلدىق“ مەزگىلى − ەلىمىز جاپپاي دوڭگەلەك داۋلەتتى قوعام ورناتقان، ءبىرىنشى 100 جىلدىق كۇرەس نىساناسىن جۇزەگە اسىرعان سوڭ، قولايلى جاعدايدان ۇتىمدى پايدالانىپ، جاپپاي سوتسياليستىك وسىزاماندانعان مەملەكەت قۇرىپ شىعۋدىڭ جاڭا ساپارىن باستايتىن، ەكىنشى 100 جىلدىق كۇرەس نىساناسىنا قاراي جورىق جاسايتىن العاشقى 5 جىل.

  بيىل 3 - ايدا ورتالىق كوميتەت ساياسي بيۋروسى پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ”14 - بەسجىلدىق“ جوبا ۇسىنىسىن قاراۋدى، حۇجات جازۋ گرۋپپاسىن قۇرىپ، وعان مەن گرۋپپا باستىعى، لي كىچياڭ جولداس، ۋاڭ حۋنيڭ جولداس، حان جىڭ جولداس ورىنباسار گرۋپپا باستىعى بولۋدى، قاتىستى تاراۋلار مەن جەرگىلىكتى ورىندارداعى جاۋاپتى جولداستار قاتىناسۋدى، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا ۇسىنىستى جازۋ قىزمەتىن ارقالاۋدى ۇيعاردى.

  3 - ايدىڭ 30 - كۇنى پارتيا ورتالىق كوميتەتى «پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە اقىلداساتىن ”14 - بەسجىلدىق“ جوبا ۇسىنىسىنا پىكىر الۋ جونىندەگى حابارلاندىرۋدى» شىعارىپ، پارتيا ءىشى - سىرتىنان بەلگىلى كولەمدە پىكىر الدى. 4 - ايدىڭ 13 - كۇنى حۇجات جازۋ گرۋپپاسى 1 - رەتكى جالپى ءماجىلىسىن اشىپ، ۇسىنىس نۇسقاسىن جازۋ قىزمەتىن رەسمي باستادى.

  ءار جاقتان كەلىپ تۇسكەن پىكىرلەردەن الىپ قاراعاندا، كوپشىلىك ءبىر اۋىزدان بىلاي دەپ قاراعان: ”قوس 100 جىلدىقتىڭ“ تاريحي توعىسۋ تۇيىنىندە، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ ”14 - بەسجىلدىق“ جوبا ماسەلەسىن ءتۇيىندى تۇردە زەرتتەپ جانە ۇسىنىس ورتاعا قويىپ، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانانى ءبىر تۇتاس جوسپارلاپ ويلاستىرۋى بۇكىل پارتيانى، بۇكىل ەلدەگى ءار ۇلت حالقىن جۇمىلدىرىپ جانە ىنتالاندىرىپ، العا باسۋ جولىنداعى ءتۇرلى حاۋىپ - قاتەرلەر مەن سىن - سايىستاردى جەڭىپ، جاپپاي سوتسياليستىك وسىزاماندانعان مەملەكەتتى قۇرۋدىڭ باستاماسىن جاقسى باستاۋدا، العاشقى قادامدى جاقسى تاستاۋدا ايرىقشا ماڭىزدى مانگە يە.

  كوپشىلىك بىلاي دەپ قارادى: ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇر، دەسەدە ءدوپ كەلگەن ەل ءىشى - سىرتى ورتاسىندا تەرەڭ، كۇردەلى وزگەرىستەر تۋىلۋدا. ەلىمىزدە وزگەشە ساياسي ابزالدىلىق، تۇزىمدىك ابزالدىلىق، دامۋ ابزالدىلىعى جانە وراي ابزالدىلىعى بار، ەكونوميكالىق، قوعامدىق دامۋدا ءالى دە كوپتەگەن ءتيىمدى شارت - جاعدايلار بار، ”ەكى ۇلكەن كەرەمەتتىڭ“ تىڭ تاراۋىن جازىپ شىعۋدا بىزدە تولىق سەنىم، نەگىز، قابىلەت بار. كوپشىلىك جاپپاي مىنانى ءۇمىت ەتتى: ۇسىنىستى جاساۋ ارقىلى ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نەگىزگى وي جەلىسىن، باستى نىسانالارىن جانە 2035 - جىلعا دەيىنگى بولاشاقتىق نىسانانى ايقىنداپ، جاڭا دامۋ ۇستانىمىنىڭ جەتەكشىلىك رولىن كورنەكتىلەندىرىپ، نىشاندىق سيپاتقا يە ءبىر توپ كەلەلى ستراتەگيالاردى ورتاعا قويىپ، بولجامپازدىق، جالپى جاعدايلىق، نەگىزدىك، باعىتتامالىلىق سيپاتقا باي ەلەۋلى شارالار اتقارىپ، ماڭىزدى سالالارداعى جالعاسپالى رەفورمالاردى ءبىر تۇتاس ويداعىداي جوسپارلاپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن مىعىم نەگىز قالاۋ كەرەك.

  وسى رەتكى ۇسىنىس نۇسقاسىنىڭ دايىندالۋىنىڭ ءبىر ماڭىزدى ەرەكشەلىگى دەموكراتيانى ساۋلەلەندىرۋگە، اشىق كەڭەس الۋعا، كوپ پاراساتىن ساۋلەلەندىرۋگە تاباندى بولۋ بولدى. مەن ”14 - بەسجىلدىق“ جوبانىڭ جاسالۋى جونىندە ايقىن تۇردە ءبىرسىپىرا تالاپتار قويىپ، جوعارى دەڭگەيلى جوبالاۋدى كۇشەيتۋ مەن حالىقتان اقىل - كەڭەس الۋعا تاباندى بولۋدى بىرلەستىرۋدى، قالىڭ حالىق بۇقاراسى مەن قوعامنىڭ ءار سالاسىن ءتۇرلى تاسىلدەرمەن ”14 - بەسجىلدىق“ جوبا تۋرالى اقىل - كەڭەس بەرۋگە ىنتالاندىرۋدى باسا دارىپتەدىم. 7 - ايدىڭ سوڭعى شەنىنەن 9 - ايدىڭ سوڭعى شەنىنە دەيىن، مەن ىلگەرىندى - كەيىندى كاسىپكەرلەر اڭگىمە ءماجىلىسىن، چاڭجياڭ اتىراۋىن ءبىر تۇلعالاندىرا دامىتۋدى تىڭعىلىقتى ىلگەرىلەتۋ اڭگىمە ءماجىلىسىن، ەكونوميكا، قوعام سالاسىنداعى ماماندار اڭگىمە ءماجىلىسىن، عالىمدار اڭگىمە ءماجىلىسىن، نەگىزگى ساتى ۋاكىلدەرى اڭگىمە ءماجىلىسىن، وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالاسىنداعى مامانداردىڭ ۋاكىلدەرى اڭگىمە ءماجىلىسىن باسقارىپ اشىپ، ءار جاقتىڭ ”14 - بەسجىلدىق“ جوبانى جاساۋ جونىندەگى پىكىرلەرى مەن ۇسىنىستارىن بەتپە - بەت تىڭدادىم. 8 - ايدىڭ 16 - كۇنىنەن 29 - كۇنىنە دەيىن، ”14 - بەسجىلدىق“ جوبانى جاساۋ قىزمەتى جونىندە ينتەرنەتتە پىكىر الۋ ورىستەتىلدى. قالىڭ حالىق بۇقاراسى بەلسەنە ات سالىسىپ، ءبىر ميلليوننان استام لەبىز قالدىردى، قاتىستى جاقتار بۇلاردىڭ ىشىنەن 1000نان استام ۇسىنىستى رەتتەپ شىقتى.

  حۇجات جازۋ گرۋپپاسى ءار جاقتىڭ پىكىرى مەن ۇسىنىسىن كەڭىنەن تىڭداپ، قايتا - قايتا تالقىلاپ، وزگەرىس ەنگىزىپ، ۇسىنىس نۇسقاسىن جازۋ قىزمەتىن مۇقيات، ويداعىداي ىستەدى.

  ورتالىق كوميتەت ساياسي بيۋروسى ءماجىلىسىنىڭ ۇيعارىمىنا ساي، 8 - ايدىڭ 10 - كۇنى ۇسىنىس نۇسقاسى پارتيا ىشىندە بەلگىلى كولەمدە تاراتىلىپ، پىكىر الىندى، مۇندا پارتيا ىشىندەگى ءبىر ءبولىم قارت جولداستاردان دا پىكىر الىندى، سونداي - اق ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرى ارنايى تىڭدالدى.

  پىكىر الۋ جاعدايىنان الىپ قاراعاندا، وڭىرلەر، تاراۋلار ۇسىنىس نۇسقاسىن تولىق تۇراقتاندىرعان. كوپشىلىك ءبىر اۋىزدان بىلاي دەپ قارادى: ۇسىنىس نۇسقاسىنىڭ جاعدايدى تۇجىرىمداۋى عىلمي، ايقىن، نىسانا - تالاپتارى ورەلى دە ناقتى، جەتەكشى باعىتىنىڭ تۋى ايقىن، مىندەت ورنالاستىرۋلارىنىڭ باعدارى انىق بولىپ، ”14 - بەسجىلدىق“ جوبا «باعدارلاماسىن» جاساۋعا ايقىن العا باسۋ بەتالىسىن كورسەتىپ، ماڭىزدى بويسۇنۋ ولشەمىن ازىرلەدى. ۇسىنىس نۇسقاسى ەل ءىشىن تياناق ەتۋ مەن الەمدىك كوز ايانى ءبىر تۇتاس ەسكەرۋگە تاباندى بولىپ، ماسەلەنى باعدار ەتۋ مەن نىسانانى باعدار ەتۋدىڭ بىرلىگىنە تاباندى بولىپ، ورتا، ۇزاق مەرزىمدىك نىسانا مەن قىسقا مەرزىمدىك نىسانانىڭ ساباقتاسۋىنا تاباندى بولىپ، جالپى بەتتىك جوبالاۋ مەن ماڭىزدى ءتۇيىندى كورنەكتىلەندىرۋدىڭ سايكەسىمدى بولۋىنا تاباندى بولىپ، نازاردى ەلەۋلى ماسەلەلەر مەن كورنەكتى ولقىلىقتارعا شوعىرلاندىرىپ، حالىق بۇقاراسىنىڭ تالاپ - تىلەگى مەن ۇمىتىنە جاۋاپ قايتاردى، بۇل ”14 - بەسجىلدىق“ جوبانى ويداعىداي جاساۋعا، ويداعىداي اتقارۋعا ءتيىمدى.

  پىكىر الۋ بارىسىندا، ءار جاق كوپتەگەن جاقسى پىكىرلەر مەن ۇسىنىستاردى ورتاعا قويدى، ولار، باستىسى، مىنا بىرنەشە جاقتى قامتىدى. ءبىرىنشى، تاجىريبەلەردى تولىق قورىتىندىلاپ، پارتيانى جاپپاي قاتاڭ جونگە سالۋ، اۋىل شارۋاشىلىعىن دامىتۋ، مادەنيەت قۇرىلىسى، مەملەكەت حاۋىپسىزدىگى سياقتى جاقتارداعى مازمۇنداردى تولىقتاۋ. ەكىنشى، جاعدايعا، ورتاعا تالداۋ جاساۋدى تەرەڭدەتىپ، رەفورما مىندەتىنىڭ ءالى دە ماشاقاتتى، ءوز ءىسىمىزدى ويداعىداي ىستەۋ، تومەنگى شەكتە ويلاۋ جۇيەسىن قالىپتاستىرۋ سياقتى جاقتارداعى مازمۇنداردى تولىقتاۋ. ءۇشىنشى، جەتەكشى يدەيا مەن پرينسيپتى بايىتىپ، حالىقتى وزەك ەتۋ، سىرتقا ەسىك اشۋدى كەڭەيتۋ، مەملەكەتتى جاپپاي زاڭمەن جونگە سالۋ، دامۋ مەن حاۋىپسىزدىكتى ءبىر تۇتاس جوسپارلاۋ سياقتى جاقتارداعى مازمۇنداردى كۇشەيتۋ. ءتورتىنشى، ”14 - بەسجىلدىق“ دامۋ نىسانالارى مەن 2035 - جىلعا دەيىنگى بولاشاقتىق نىسانانى كەمەلدەندىرىپ، دامۋ پارىقتارىن ازايتۋ، بىرگە بايۋدى جەبەۋ سياقتى جاقتارداعى مازمۇنداردى تولىقتاۋ. بەسىنشى، جاڭالىق اشۋ ارقىلى دامۋعا دەم بەرۋدى ىلگەرىلەتۋگە قاتىستى كەلەلى شارالاردى كۇشەيتىپ، مەملەكەتتىڭ جاڭالىق اشۋ جۇيەسىن كەمەلدەندىرۋ، مەملەكەتتىڭ ستراتەگيالىق عىلىم - تەحنيكا كۇشتەرىن نىعايتۋ، جاڭالىق اشۋعا ىنتالاندىرۋ مەحانيزمىن اقاۋسىزداندىرۋ جانە عىلىم - تەحنيكا تۇزىلىسىنە رەفورما جاساۋ سياقتى جاقتارداعى مازمۇنداردى تولىقتىرۋ. التىنشى، ناقتى ەكونوميكانىڭ حالىق شارۋاشىلىعىنداعى ماڭىزدى ورنىن ونان ارى كورنەكتىلەندىرىپ، وسىزاماندانعان ەكونوميكا جۇيەسىن جەدەل قۇرۋ، جاڭا دامۋ ارناسىن جەدەل قالىپتاستىرۋ سياقتى جاقتارداعى مازمۇنداردى تولىقتىرۋ. جەتىنشى، سوتسياليستىك نەگىزگى ەكونوميكالىق تۇزىمگە اناعۇرلىم ويداعىداي تاباندى بولىپ جانە ونى كەمەلدەندىرىپ، ءتۇرلى مەنشىكتەگى ەكونوميكالاردىڭ بىرگە دامۋىن جەبەۋ، ماڭىزدى قازىنا، سالىق، فينانس تۇزىمدەرىن كەمەلدەندىرۋ سياقتى جاقتارداعى مازمۇنداردى تولىقتىرۋ. سەگىزىنشى، جاڭاشا قالا - قاشىقتاندىرۋ ستراتەگياسىن كەمەلدەندىرىپ، قالا جوباسى قۇرىلىسىن باسقارۋ سياقتى جاقتارداعى مازمۇنداردى تولىقتىرۋ. توعىزىنشى، ادامنىڭ جان - جاقتى دامۋىن جانە قوعامنىڭ جالپى بەتتىك العا باسۋىن جەبەۋگە اناعۇرلىم ءمان بەرىپ، جوعارى ساپالى وقۋ - اعارتۋ جۇيەسىن ورناتۋ، قوعامدىق قامتاماسىز ەتۋ جۇيەسىن اقاۋسىزداندىرۋ، سالاماتتى جۇڭگو قۇرىلىسىن جالپى بەتتىك ىلگەرىلەتۋ سياقتى جاقتارداعى مازمۇنداردى كۇشەيتۋ. ونىنشى، مەملەكەت حاۋىپسىزدىگىن قورعاۋدى اناعۇرلىم كورنەكتى ورىنعا قويىپ، مەملەكەت حاۋىپسىزدىگى قالتقىسىن بەكەمدەپ، مەملەكەتتىڭ ەكونوميكالىق حاۋىپسىزدىگىن قامتاماسىز ەتۋ، قوعام ورنىقتىلىعىن جانە حاۋىپسىزدىكتى قورعاۋ سياقتى جاقتارداعى مازمۇنداردى تولىقتىرۋ.

  حۇجات جازۋ گرۋپپاسى ءار جاقتىڭ پىكىرلەرى مەن ۇسىنىستارىنا ءبىر - بىرلەپ تالداۋ جاساپ، قابىلداۋعا بولاتىندارىن مۇمكىندىگىنشە قابىلداپ، ۇسىنىس نۇسقاسىنىڭ 366 جەرىندە مازمۇن قوسىپ، وزگەرتىپ جازىپ، ءسوز - سويلەمدەرىن ىقشامداپ، ءار جاقتىڭ 546 پىكىرى مەن ۇسىنىسىن قامتىدى. بۇل ەلىمىزدىڭ پارتيا ىشىندەگى دەموكراتيا مەن سوتسياليستىك دەموكراتياسىنىڭ جاندى امالياتى بولىپ تابىلادى.

  ۇسىنىس نۇسقاسىن جازۋ كەزىندە، ورتالىق كوميتەت ساياسي بيۋروسىنىڭ تۇراقتى كوميتەتى 3 رەت ءماجىلىس اشىپ، ورتالىق كوميتەت ساياسي بيۋروسى 2 رەت ءماجىلىس اشىپ، جەكە - جەكە قاراپ، وسى رەتكى جالپى ماجىلىسكە تاپسىرىلاتىن ۇسىنىس نۇسقاسىن قالىپتاستىردى.

  ەكىنشى، ۇسىنىس نۇسقاسىنىڭ باستى ويلارى جانە نەگىزگى جۇلگەسى

  ۇسىنىس نۇسقاسىن جازۋداعى جالپى وي: پارتيا 19 - قۇرىلتايىنىڭ ەكىنشى 100 جىلدىق كۇرەس نىساناسىن جۇزەگە اسىرۋ جونىندە جاساعان 2 كەزەڭگە ءبولىپ ىلگەرىلەتۋ ستراتەگيالىق ورنالاستىرۋى بويىنشا، الداعى ءبىر مەزگىلدەگى ەل ءىشى - سىرتىنىڭ دامۋ اۋقىمى مەن ەلىمىزدىڭ دامۋ شارت - جاعدايىن جالپىلاي ويلاستىرىپ، ەلىمىز قوعامىنداعى باستى قايشىلىقتى مىقتاپ يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، ”14 - بەسجىلدىق“ مەزگىلىندەگى ەلىمىزدىڭ دامۋى جونىندە جۇيەلى جوبا جانە ستراتەگيالىق ورنالاستىرۋ جاساۋ.

  ۇسىنىس نۇسقاسىن جازۋ بارىسىندا، مىنا پرينسيپتەردى يگەرۋگە ءمان بەرىلدى. ءبىرىنشى، جالعاستىرۋ مەن جاڭالىق اشۋدىڭ قاتىناسىن ويداعىداي ءبىر جاقتى ەتىپ، ”قوس 100 جىلدىق“ كۇرەس نىساناسىن ورگانيكالى ۇشتاستىرۋ. ەكىنشى، ۇكىمەت پەن بازاردىڭ قاتىناسىن ويداعىداي ءبىر جاقتى ەتىپ، ەلىمىزدىڭ تۇزىمدىك ابزالدىلىعىن اناعۇرلىم ويداعىداي ساۋلەلەندىرۋ. ءۇشىنشى، ەسىك اشۋ مەن ءوز كۇشىنە سۇيەنۋدىڭ قاتىناسىن ويداعىداي ءبىر جاقتى ەتىپ، ەل ءىشى، حالىقارا سىندى 2 كەلەلى جاعدايدى اناعۇرلىم ويداعىداي ءبىر تۇتاس جوسپارلاۋ. ءتورتىنشى، دامۋ مەن حاۋىپسىزدىكتىڭ قاتىناسىن ويداعىداي ءبىر جاقتى ەتىپ، وسىزامانداندىرۋ ۇردىسىنە ىقپال جاساۋ مۇمكىندىگى بار جۇيەلىك حاۋىپ - قاتەرلەردەن ءونىمدى تۇردە ساقتانۋ جانە وعان توتەپ بەرۋ. بەسىنشى، ستراتەگيا مەن تاكتيكانىڭ قاتىناسىن ويداعىداي ءبىر جاقتى ەتىپ، بيىكتە تۇرىپ الىستى بولجايتىن، ناقتى، جارامدى جوبا ۇسىنىسىن جاساپ شىعۋ.

  ۇسىنىس نۇسقاسى 15 بولىمنەن قۇرالىپ، 3 ۇلكەن بولىككە ءبولىندى. 1 - بولىك جالپى بايانعا ءبىرىنشى، ەكىنشى 2 ءبولىم قامتىلىپ، باستىسى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىندە قول جەتكىزگەن شەشۋشى جەتىستىكتەر، ەلىمىزدىڭ دامۋ ورتاسى ءدوپ كەلىپ وتىرعان تەرەڭ، كۇردەلى وزگەرىستەر، 2035 - جىلعا جەتكەندە سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ بولاشاقتىق نىساناسى، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسى، ءسوز جوق، بويسۇناتىن پرينسيپتەر مەن باستى نىسانالار بايىمدالدى. 2 - بولىك سالالىق بايان بولىپ، جالپى جاقتان ايتقاندا جاڭا دامۋ ۇستانىمنىڭ مازمۇنىنا قاراي ۇيىمداستىرىلىپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋ مەن رەفورما جاساۋ، ەسىك اشۋدىڭ ءتۇيىندى مىندەتتەرى سالالارعا ءبولىنىپ بايىمدالىپ، 12 ءبولىم ورنالاستىرىلىپ، عىلىم - تەحنيكادا جاڭالىق اشۋ، كاسىپ سالالارىن دامىتۋ، ەل ءىشى بازارى، رەفورمانى تەرەڭدەتۋ، اۋىل - قىستاقتى گۇلدەندىرۋ، وڭىرلەردىڭ دامۋىنان مادەنيەت قۇرىلىسى، جاسىل دامۋ، سىرتقا ەسىك اشۋ، قوعامدىق قۇرىلىس، حاۋىپسىز دامۋ، مەملەكەت قورعانىسى قۇرىلىسى سياقتى ءتۇيىندى سالالاردىڭ وي جەلىسى مەن ءتۇيىندى قىزمەتتەرى ايقىندالىپ، قىزمەتتىك ورنالاستىرۋلار جاسالدى. 3 - بولىك سوڭعى بولىگى بولىپ، وندا 15 - ءبولىم مەن اياقتاۋ ءسوزى قامتىلىپ، باستىسى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ، سوتسياليستىك ساياسي قۇرىلىستى ىلگەرىلەتۋ، جوبا جاساۋ جانە تياناقتاندىرۋ مەحانيزمىن اقاۋسىزداندىرۋ سياقتى مازمۇندار بايىمدالدى.

  ءۇشىنشى، تۇسىنىك جاساۋعا ءتيىستى بىرنەشە ءتۇيىندى ماسەلە

  ۇسىنىس نۇسقاسىندا كەيبىر ماڭىزدى كوزقاراستار مەن بايىمداۋلار ورتاعا قويىلدى. بۇل ارادا ونىڭ ىشىندەگى بىرنەشە تۇيىنگە قىسقاشا تۇسىنىك جاساي كەتەيىن.

  ءبىرىنشى، جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋ جونىندە. ۇسىنىس نۇسقاسىندا ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدا جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋ كەرەكتىگى ورتاعا قويىلدى، بۇل ەلىمىزدىڭ دامۋ كەزەڭىنىڭ، دامۋ ورتاسىنىڭ، دامۋ شارت - جاعدايىنىڭ وزگەرىسىنە نەگىزدەلە وتىرىپ جاسالعان عىلمي تۇجىرىم. ەلىمىز سوتسياليزمنىڭ العاشقى ساتىسىندا تۇر ءارى ۇزاق ۋاقىت تۇرا بەرەدى، ەلىمىز ءالى دە دۇنيە جۇزىندەگى ەڭ ۇلكەن وركەندەپ كەلە جاتقان مەملەكەت، دامۋ ءالى دە پارتيامىزدىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى. ءسوزسىز، مىنانى باسا دارىپتەگەن ءجون، جاڭا داۋىردەگى، جاڭا كەزەڭدەگى دامۋدا، ءسوز جوق، جاڭا دامۋ ۇستانىمىن دايەكتىلەندىرۋ، ول، ءسوز جوق، جوعارى ساپالى دامۋ بولۋ كەرەك. كەزەكتە ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتى مەن بىركەلكى بولماعان، تولىق بولماعان دامۋ اراسىنداعى قايشىلىققا وزگەردى، دامۋداعى قايشىلىقتار مەن ماسەلەلەر دامۋدىڭ ساپاسىندا شوعىرلى بەينەلەنىپ وتىر. بۇل بىزدەن، ءسوز جوق، دامۋدىڭ ساپاسىن اناعۇرلىم كورنەكتى ورىنعا قويۋدى، دامۋدىڭ ساپاسى مەن ونىمدىلىگىن كۇش سالا جوعارىلاتۋدى تالاپ ەتەدى.

  قازىر دۇنيە ءجۇزى 100 جىلدا بولىپ كورمەگەن زور وزگەرىستى باستان كەشىرۋدە، ەلىمىز دامۋىنىڭ سىرتقى ورتاسى كۇن سايىن كۇردەلىلەسۋدە. ءتۇرلى حاۋىپ - قاتەرلەر مەن كومەسكى كىناراتتاردان ساقتانىپ جانە ولاردى جويىپ، سىرتقى ورتانىڭ وزگەرىسى الا كەلگەن سوققىلار مەن سىن - سايىستارعا بەلسەندىلىكپەن توتەپ بەرۋدىڭ تەتىگى − ءوز ءىسىمىزدى ويداعىداي ىستەپ، دامۋ ساپاسىن جوعارىلاتىپ، حالىقارالىق باسەكەلىك قۋاتتى جوعارىلاتىپ، مەملەكەتتىڭ جالپىلىق ناقتى قۋاتى مەن حاۋىپ - قاتەرگە توتەپ بەرۋ قابىلەتىن كۇشەيتىپ، مەملەكەت حاۋىپسىزدىگىن ءونىمدى قورعاپ، ەكونوميكانىڭ ورنىقتى، باياندى دامۋىن، قوعامنىڭ جاراسىمدىلىعىن، تىنىشتىعىن جۇزەگە اسىرۋدا. ەكونوميكا، قوعام، مادەنيەت، ەكولوگيا سياقتى سالالاردىڭ بارلىعى جوعارى ساپالى دامۋ تالابىن ايگىلەۋ كەرەك.

  جوعارى ساپالى دامۋدى ىلگەرىلەتۋدى نەگىزگى تاقىرىپ ەتىپ، ءسوز جوق، جاڭا دامۋ ۇستانىمىن تاباندىلىقپەن دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى ەتىپ، ساپانى ءبىرىنشى ورىنعا، ونىمدىلىكتى ماڭداي الدى ورىنعا قويۋعا تاباندى بولىپ، دامۋ تاسىلىندە شىن مانىندە بۇرىلىس جاساپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ، جالپى حالىقتى دامۋ جەتىستىكتەرىنەن اناعۇرلىم جاقسى يگىلىكتەندىرىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋ كەرەك.

  ەكىنشى، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋ جونىندە. جاڭا دامۋ ارناسىن قالىپتاستىرۋ − ەلىمىزدىڭ ەكونوميكالىق دامۋ دەڭگەيىن داۋىرمەن بىرگە ىلگەرىلەتۋدەگى، جوعارىلاتۋداعى ستراتەگيالىق تالعام ءارى ەلىمىزدىڭ حالىقارالىق ەكونوميكالىق سەلبەستىك پەن باسەكەدەگى جاڭا باسىمدىعىن تۇلعالاۋداعى ستراتەگيالىق تالعام. رەفورما جاساپ، ەسىك اشقاننان بەرى، اسىرەسە، دۇنيە جۇزىلىك ساۋدا ۇيىمىنا كىرگەننەن كەيىن، ەلىمىز حالىقارالىق ۇلكەن اينالىمعا كىرىپ، بازار مەن بايلىق ”ەكەۋى دە سىرتتا بولىپ “، ”دۇنيە ءجۇزى زاۆودى“ دامۋ ۇلگىسىن قالىپتاستىردى، بۇل ەلىمىزدىڭ ەكونوميكالىق ناقتى قۋاتىن تەز جوعارىلاتۋىندا، حالىقتىڭ تۇرمىسىن جاقسارتۋىندا ماڭىزدى رول اتقاردى. جۋىرداعى جىلداردا الەمدىك ساياسي، ەكونوميكالىق ورتانىڭ وزگەرۋىنە ىلەسە، جاھاندانۋعا كەرەعار اۋقىم كۇشەيىپ، كەيبىر ەلدەر سىڭار جاقتىلىقتى، قورعامپازدىقتى بارىنشا جولعا قويىپ، ءداستۇرلى حالىقارالىق اينالىم كورنەكتى السىرەدى. وسىنداي جاعدايدا، ءسوز جوق، دامۋدىڭ تياناعىن ەل ىشىنە قويىپ، كوبىنەسە ەل ءىشى بازارىنا سۇيەنىپ ەكونوميكالىق دامۋدى جۇزەگە اسىرۋ كەرەك. ەلىمىزدە ءبىر ميلليارد 400 ميلليون جان سانى بار، جان باسىندىق ىشكى ءوندىرىس جالپى ءونىم قۇنى 10 مىڭ دوللارلىق وتكەلدەن ءوتتى، بۇكىل جەر شارىنداعى ەڭ ۇلكەن جانە ەڭ زور كومەسكى كۇشكە يە تۇتىنۋ بازارى، وراسان كەڭ ارتۋ ءورىسى بار. ءبىز رەفورما جاساپ، ەسىك اشقاننان بەرى، سىرتقى حاۋىپ - قاتەردىڭ سوققىسىنا وتە كوپ ۇشىرادىق، ەڭ سوڭىندا بارلىعىنان امان - ەسەن قۇتىلدىق، مۇندا ءوز ءىسىمىزدى جاقسى ىستەپ، دامۋدىڭ تياناعىن ەل ىشىنە قويۋعا سۇيەندىك.

  جاڭا دامۋ ارناسىن قالىپتاستىرۋدا ىشكى سۇرانىستى كەڭەيتۋ سىندى ستراتەگيالىق تۇيىنگە تاباندى بولىپ، وندىرىستە، بولىستە، اينالىمدا، تۇتىنۋدا كوبىرەك ەل ءىشى بازارىن تايانىش ەتۋگە تاباندى بولىپ، حالىق شارۋاشىلىعىنىڭ ءتيىمدى اينالىمىن قالىپتاستىرۋ كەرەك. قامداۋ جاعىنداعى قۇرىلىمدىق رەفورمانىڭ ستراتەگيالىق بەتالىسىنا تاباندى بولىپ، قامداۋ جۇيەسىنىڭ ەل ءىشى سۇرانىسىنا ۇيلەسىمدىلىگىن جوعارىلاتىپ، ەكونوميكالىق اينالىمداعى بوگەتتى تۇيىندەردى اشىپ، كاسىپ سالاسى تىزبەگىنىڭ، قامداۋ تىزبەگىنىڭ كەمەلدىلىگىن جوعارىلاتىپ، ەل ءىشى بازارىن ەڭ سوڭعى سۇرانىستىڭ نەگىزگى قاينارى ەتىپ، سۇرانىس قامداۋدى جەتەكتەيتىن، قامداۋ سۇرانىس جاراتاتىن اناعۇرلىم جوعارى دەڭگەيلى قوزعالىستىق تەپە - تەڭدىك قالىپتاستىرۋ كەرەك. جاڭا دامۋ ارناسى استە توماعا - تۇيىق ەل ءىشى اينالىمى ەمەس، قايتا اشىق ەل ءىشى، حالىقارا سىندى قوس اينالىم. كەسەك تە ىركىلىسسىز ەل ءىشى ەكونوميكالىق اينالىمىنىڭ قالىپتاسۋىن ىلگەرىلەتكەندە الەمدىك بايلىق فاكتورلارىن اناعۇرلىم ويداعىداي باۋراپ، ەل ىشىندەگى سۇرانىستى قاناعاتتاندىرۋمەن قوسا، ەلىمىزدىڭ كاسىپ سالاسىنىڭ تەحنيكالىق دامۋ دەڭگەيىن جوعارىلاتىپ، حالىقارالىق ەكونوميكالىق سەلبەستىك پەن باسەكەگە قاتىناسۋداعى جاڭا باسىمدىقتى قالىپتاستىرۋعا بولادى.

  ءۇشىنشى، ”14 - بەسجىلدىق“ جانە 2035 - جىلعا دەيىنگى ەكونوميكالىق دامۋ نىساناسى جونىندە. پىكىر الۋ بارىسىندا، كەيبىر وڭىرلەر مەن تاراۋلار ”14 - بەسجىلدىق“ ەكونوميكانىڭ ارتۋ قارقىنى نىساناسىن ايقىن ورتاعا قويۋدى، 2035 - جىلعا جەتكەندە جۇزەگە اسىرىلاتىن ەكونوميكانىڭ جالپى مولشەرىن نەمەسە جان باسىندىق كىرىستى ءبىر قاتتاۋ نىساناسىن ايقىن ورتاعا قويۋدى ۇسىنىس ەتتى. حۇجات جازۋ گرۋپپاسى مۇقيات زەرتتەۋ جانە ەسەپتەۋ ارقىلى، ەكونوميكالىق دامۋ قابىلەتى مەن شارت - جاعدايىنان قاراعاندا ەلىمىز ەكونوميكاسىنىڭ ۇزاق ۋاقىت ورنىقتى دامۋدى ساقتاۋىنان ءۇمىت بار، كومەسكى كۇش بار، ”14 - بەسجىلدىقتىڭ“ سوڭىنا بارعاندا قازىرگى جوعارى كىرىستى مەملەكەت ولشەمىنە جەتۋ، 2035 - جىلعا جەتكەندە ەكونوميكانىڭ جالپى مولشەرىن نەمەسە جان باسىندىق كىرىستى ءبىر قاتتاۋ ابدەن مۇمكىن دەپ قارادى. سونىمەن بىرگە، بولاشاقتاعى ءبىر مەزگىلدەگى سىرتقى ورتاداعى ورنىقسىزدىق، تۇراقسىزدىق فاكتورلارى ءبىرشاما مول، ەل ءىشى ەكونوميكاسىنىڭ دامۋىنا سوققى جاسايتىن كوپتەگەن حاۋىپ - قاتەرلەر مەن كومەسكى قاتەرلەردىڭ ءومىر ءسۇرىپ وتىرعاندىعىن، جاڭا تيپتى ايدارشا ۆيرۋس وكپە قابىنۋ ىندەتىنىڭ الەمدە كەڭ جايىلۋ ىقپالىنىڭ زور ەكەندىگىن ويلاستىرعاندا، دۇنيە ءجۇزى ەكونوميكاسى ۇزدىكسىز تۇرالاۋى مۇمكىن، ورتا، ۇزاق مەرزىمدىك جوبا نىسانالارىندا ەكونوميكالىق قۇرىلىمدى جاقسارتۋعا اناعۇرلىم ءمان بەرىپ، ءار جاقتاردى قىزمەتتىڭ ءتۇيىنىن دامۋدىڭ ساپاسى مەن ونىمدىلىگىن جوعارىلاتۋعا قويۋعا جەتەكتەۋ كەرەك.

  پارتيا ورتالىق كوميتەتىنىڭ ۇسىنىسىندا، باستىسى، ۇلكەن بەتالىس مەڭگەرىلىپ، ءىرى ستراتەگيا تۇراقتاندىرىلدى. ءار جاقتارداعى فاكتورلاردى جالپى بەتتىك ويلاستىرا كەلە، ۇسىنىس جوباسىندا ”14 - بەسجىلدىق“ پەن 2035 - جىلعا دەيىنگى ەكونوميكالىق دامۋ نىساناسىنا سيپاتتىق بايانداۋدى نەگىز ەتۋ، شامانى قامتۋ ءتاسىلى قولدانىلدى. جوبا «باعدارلاماسىن» جاساعاندا مۇقيات ەسەپتەۋ نەگىزىندە سايكەستى ناقتى نىسانانى العا قويۋعا بولادى.

  ءتورتىنشى، جالپى حالىقتىڭ بىرگە بايۋىن جەبەۋ جونىندە. بىرگە بايۋ − سوتسياليزمنىڭ ماندىك تالابى، حالىق بۇقاراسىنىڭ ورتاق ءۇمىت - تىلەگى. ءبىزدىڭ ەكونوميكالىق، قوعامدىق دامۋدى ىلگەرىلەتۋىمىز، تۇپتەپ كەلگەندە، جالپى حالىقتىڭ بىرگە بايۋىن جۇزەگە اسىرۋ ءۇشىن. جاڭا جۇڭگو قۇرىلعاننان، اسىرەسە، رەفورما جاساپ، ەسىك اشقاننان بەرى، پارتيامىز حالىقتى ىنتىماقتاستىرا باستاپ، بىرگە بايۋ نىساناسىن بەتكە الىپ تىنباي قۇلشىنىپ، حالىقتىڭ تۇرمىس دەڭگەيىن ۇزدىكسىز جوعارىلاتتى. پارتيا 18 - قۇرىلتايىنان بەرى، ءبىز كەدەيلىكتەن ارىلتۋدان قامال الۋدى ماڭىزدىنىڭ ماڭىزدىسى ەتىپ، قازىرگى ولشەمدەگى اۋىل - قىستاقتاعى كەدەي حالىقتى تۇگەلدەي كەدەيلىكتەن ارىلتۋىمىز جالپى حالىقتىڭ بىرگە بايۋىن جەبەۋدەگى ءبىر كەلەلى شارا. قازىر ەلىمىزدە دامۋدىڭ بىركەلكى بولماۋى، تولىق بولماۋى ماسەلەسى ءالى دە كورنەكتى، قالا مەن اۋىلدىڭ وڭىرلىك دامۋىنىڭ جانە كىرىس ءبولىسىنىڭ پارقى ءبىرشاما زور، جالپى حالىقتىڭ بىرگە بايۋىن جەبەۋ ۇزاق ۋاقىتتىق مىندەت، دەسەدە، ەلىمىزدىڭ جاپپاي دوڭگەلەك داۋلەتتى قوعام ورناتۋىنا، جاپپاي سوتسياليستىك وسىزاماندانعان مەملەكەتتى قۇرۋدىڭ جاڭا ساپارىن باستاۋىنا ىلەسە، ءبىز، ءسوز جوق، جالپى حالىقتىڭ بىرگە بايۋىن جەبەۋدى اناعۇرلىم ماڭىزدى ورىنعا قويىپ، تاباندىلىقپەن، ۇزاق ۋاقىت ەڭبەك ەتىپ، وسى نىسانانى بەتكە الىپ اناعۇرلىم بەلسەندىلىكپەن قۇلشىنۋىمىز كەرەك. وسى ءۇشىن، ۇسىنىس جوباسىندا 2035 - جىلعا جەتكەندە سوتسياليستىك وسىزامانداندىرۋدى نەگىزىنەن جۇزەگە اسىرۋ بولاشاقتىق نىساناسىندا ”جالپى حالىقتىڭ بىرگە بايۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ“ العا قويىلىپ، حالىقتىڭ تۇرمىس ساپاسىن جاقسارتۋ بولىمىندە ”بىرگە بايۋدى تىڭعىلىقتى ىلگەرىلەتۋ“ كورنەكتىلەندىرە باسا دارىپتەلىپ، ماڭىزدى تالاپتار مەن كەلەلى شارالار العا قويىلدى. مۇنداي بايانداۋ پارتيانىڭ جالپى ماجىلىستەرىنىڭ حۇجاتتارىندا تۇڭعىش رەت بولىپ وتىر، وندا العا ىلگەرىلەۋ بەتالىسى مەن كۇرەس نىساناسى ايقىن كورسەتىلۋمەن بىرگە، شىندىق ءىس جۇزىنەن ىزدەلىپ، دامۋ زاڭدىلىعىنا دا ۇيلەستىرىلىپ، قاجەت پەن مۇمكىندىك بىردەي ويلاستىرىلدى، بۇل قىزمەت بارىسىندا بەلسەندىلىكپەن ورنىقتى يگەرىپ، جالپى حالىقتىڭ بىرگە بايۋىن جەبەۋ جولىندا ۇزدىكسىز العا باسۋعا ءتيىمدى.

  بەسىنشى، دامۋ مەن حاۋىپسىزدىكتى ءبىر تۇتاس جوسپارلاۋ جونىندە. ءبىز حاۋىپسىزدىك دامۋدىڭ العى شارتى، دامۋ حاۋىپسىزدىكتىڭ قامتاماسىزدىعى ەكەنىن بارعان سايىن تەرەڭ تانىپ جەتتىك. كەزەكتەگى جانە مۇنان كەيىنگى ءبىر مەزگىل ەلىمىزدەگى ءتۇرلى قايشىلىقتار مەن حاۋىپ - قاتەرلەردىڭ وڭاي تۋىلاتىن مەزگىلى، شامالاۋعا بولاتىن جانە شامالاۋ قيىن بولعان ءتۇرلى حاۋىپ - قاتەر فاكتورلارى كورنەكتى كوبەيەدى. ءبىز، ءسوز جوق، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، وراي تانىمى مەن حاۋىپ - قاتەر تانىمىن كۇشەيتىپ، تومەنگى شەكتە ويلاۋعا داعدىلانىپ، قيىنشىلىقتى اناعۇرلىم تولىعىراق مولشەرلەپ، حاۋىپ - قاتەردى اناعۇرلىم تەرەڭىرەك ويلاستىرىپ، ولقىلىقتاردى تولىقتاۋعا، ءالسىز تۇستاردى كۇشەيتۋگە ءمان بەرىپ، ويداعىداي اتويشى بولىپ، ىرىقتى شايقاستى ويداعىداي جۇرگىزىپ، ءتۇرلى حاۋىپ - قاتەرلەر مەن سىن - سايىستاردان ءونىمدى ساقتانىپ جانە ولاردى جويىپ، سوتسياليستىك وسىزامانداندىرۋ ىستەرىنىڭ ءساتتى ىلگەرىلەۋىنە شىنايى كەپىلدىك ەتۋىمىز كەرەك.

  جوعارىداعى تانىم نەگىزىندە، ۇسىنىس نۇسقاسىندا ارنايى تاراۋلار اشىلىپ، دامۋ مەن حاۋىپسىزدىكتى ءبىر تۇتاس جوسپارلاۋ، مەملەكەت قورعانىسىن جانە ارميانى وسىزامانداندىرۋدى جەدەلدەتۋ سياقتىلارعا ستراتەگيالىق ورنالاستىرۋ جاسالىپ، جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، مەملەكەت حاۋىپسىزدىگى جۇيەسى جانە قابىلەتى قۇرىلىسىن كۇشەيتىپ، مەملەكەت حاۋىپسىزدىگى قالتقىسىن بەكەمدەۋ كەرەكتىگى باس دارىپتەلدى.

  التىنشى، جۇيە كوزقاراسىنا تاباندى بولۋ جونىندە. ۇسىنىس نۇسقاسىندا ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدا، ءسوز جوق، جۇيە كوزقاراسىنا تاباندى بولۋ پرينسيبىنە بويسۇنۋ كەرەكتىگى العا قويىلدى. پارتيا 18 - قۇرىلتايىنان بەرى، پارتيا ورتالىق كوميتەتى پارتيا مەن مەملەكەت ىستەرىن جۇيەلى جوسپارلاۋعا، ءبىر تۇتاس جوسپارلاپ ىلگەرىلەتۋگە تاباندى بولىپ، جاڭا امالي قاجەتكە نەگىزدەلىپ، ءبىر قىدىرۋ جاڭا ورنالاستىرۋلار مەن جاڭا جالپى نۇسقالاردى قالىپتاستىرىپ، بۇكىل پارتيانى، بۇكىل ەلدەگى ءار ۇلت حالقىن باستاپ تاريحي جەتىستىكتەرگە قول جەتكىزدى. وسى بارىستا جۇيە كوزقاراسى نەگىزدىك سيپاتقا يە يدەيا جانە قىزمەت ءادىسى سانالدى.

  جاپپاي دوڭگەلەك داۋلەتتى قوعام ورناعاننان كەيىن، ءبىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايمىز، ەلىمىز دامۋىنىڭ ورتاسى تەرەڭ دە كۇردەلى وزگەرىسكە ءدوپ كەلدى، دامۋدىڭ بىركەلكى بولماۋ، تولىق بولماۋ ماسەلەسى ءالى دە كورنەكتى، ەكونوميكالىق، قوعامدىق دامۋداعى قايشىلىقتار شىرما - شاتۋ كۇردەلى، مۇنى، ءسوز جوق، جۇيە كوزقاراسىن شىعار ءتۇيىن ەتە وتىرىپ جوسپارلاپ جانە شەشىپ، ءار سالاداعى قىزمەتتەردى جانە سوتسياليستىك وسىزامانداندىرۋ قۇرىلىسىن جالپى بەتتىك سايكەستىرىپ ىلگەرىلەتۋ كەرەك.

  جەتىنشى، جاپپاي دوڭگەلەك داۋلەتتى قوعام ورناتۋدىڭ ورىندالۋ جاعدايى جانە جاريالاۋ ءساتى. پارتيا قۇرىلعاندىعىنىڭ 100 جىلدىعى بولعان كەزدە ميللياردتان استام جان سانىن يگىلىككە كەنەلتەتىن اناعۇرلىم جوعارى دەڭگەيدەگى دوڭگەلەك داۋلەتتى قوعامدى جاپپاي قۇرۋ پارتيامىز جاڭا عاسىرعا وتكەننەن كەيىنگى، دوڭگەلەك داۋلەتتى قوعامدى نەگىزىنەن ورناتۋ نەگىزىندە العا قويعان كۇرەس نىساناسى، حالىققا بەرگەن ايبىندى ۋادە. رەفورما جاساپ، ەسىك اشۋدىڭ باستاپقى مەزگىلىندە پارتيا ورتالىق كوميتەتى دوڭگەلەك داۋلەتتى قوعام ستراتەگيالىق تولعامىن العا قويعاننان بەرى، ءبىز حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، نەشە ۇرپاق بويى ۇزبەي جالعاستىرىپ، ۇزدىكسىز كۇرەس جاسادىق. ”13 - بەسجىلدىق“ مەزگىلى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ كەزەڭى، ءبىز ماڭىزدى ءتۇيىندى يگەرۋدى، ولقىلىقتى تولىقتاۋدى، ءالسىز تۇستاردى كۇشەيتۋدى كورنەكتىلەندىرىپ، ەلەۋلى حاۋىپ - قاتەرلەردەن ساقتانۋ جانە ونى جويۋ، كەدەيلىكتەن دالمە - ءدال ارىلتۋ، لاستانۋدان ساقتانۋ جانە ونى جونگە سالۋدان قامال الۋ شايقاستارىن باتىلدىقپەن ويداعىداي جۇرگىزىپ، ءبىر قىدىرۋ تىڭ دا كەلەلى جەتىستىكتەرگە قول جەتكىزدىك. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى ەلىمىزدىڭ ەكونوميكالىق، قوعامدىق دامۋىنا وتە زور ءتيىمسىز ىقپال الا كەلدى. پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ تىزە قوسا قۇلشىنۋىندا، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كەلەلى ستراتەگيالىق تابىسقا قول جەتكىزىپ، ەلىمىز ەكونوميكانى، قوعامدى قالپىنا كەلتىرۋدە الەمنىڭ الدىڭعى لەگىندە ءجۇرىپ، نەگىزگى ەكونوميكالىق كورسەتكىشتەر جاقسارىپ، قوعامدىق حالىق تۇرمىسى ءونىمدى قامتاماسىز ەتىلدى. بيىل ەلىمىزدىڭ ىشكى ءوندىرىس جالپى ءونىم قۇنى 10 تريلليون يۋان حالىق اقشاسىنان اسىپ، حالىقتىڭ تۇرمىس دەڭگەيى كورنەكتى جوعارىلاپ، قازىرگى ولشەمدەگى اۋىل - قىستاقتاعى كەدەي حالىق تۇگەلدەي كەدەيلىكتەن ارىلىپ، ”13 - بەسجىلدىق“ جوبادا تۇراقتاندىرىلعان دامۋ نىساناسى ۋاعىندا ورىندالادى، جاپپاي دوڭگەلەك داۋلەتتى قوعام ورناتۋ نىساناسى ۋاعىندا جۇزەگە اسادى دەپ مەجەلەنىپ وتىر.

  قازىر ءالى دە جاپپاي دوڭگەلەك داۋلەتتى قوعام ورناتۋ جۇرگىزىلىپ جاتقاندىعىن ويلاستىرىپ، ۇسىنىس نۇسقادا ”جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە شەشۋشى سيپاتتى جەتىستىككە جەتۋ“ دەپ ورتاعا قويىلدى. كەلەر جىلدىڭ الدىڭعى جارتىسىندا پارتيا ورتالىق كوميتەتى جاپپاي دوڭگەلەك داۋلەتتى قوعام ورناتۋعا جۇيەلى باعالاۋ جانە قورىتىندى جاسايدى، سونان كەيىن ەلىمىزدە جاپپاي دوڭگەلەك داۋلەتتى قوعام ورناتىلعاندىعىن رەسمي جاريالايدى.

  جولداستار! ”14 - بەسجىلدىق“ جوبانىڭ جانە 2035 - جىلعا دەيىنگى بولاشاقتىق نىسانانىڭ ۇسىنىسىن قاراپ ماقۇلداۋ وسى رەتكى جالپى ءماجىلىستىڭ باستى مىندەتى. كوپشىلىك مۇقيات وي جۇگىرتىپ، تەرەڭ تالقىلاپ، سىندارلى پىكىر جانە ۇسىنىستاردى العا قويىپ، جوعارى دەڭگەيلى جوبا ۇسىنىسىن جاساپ شىققايسىزدار. ءبىر نيەتپەن كۇش قوسىپ، كوپ پاراساتىن ساۋلەلەندىرىپ، وسى رەتكى جالپى ءماجىلىستى بىرگە جاقسى اشايىق!

  (شينحۋا اگەنتتىگىنىڭ 11 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار