لي كىچياڭ حىناندا قىزمەت تەكسەرگەندە مىنانى دارىپتەدى
جاڭا دامۋ ۇستانىمىن دايەكتىلەندىرىپ، حالىق تۇرمىسىن قامتاماسىزداندىرىپ جانە جاقسارتىپ، ونەركاسىپتەندىرۋدى، قالا – قالاشىقتاندىرۋدى، اۋىل شارۋاشىلىعىن وسىزامانداندىرۋدى ۇزدىكسىز ىلگەرىلەتۋ كەرەك
2020.11.05 15:50 كەلۋ قاينارى : حالىق تورابى
شينحۋا اگەنتتىگى، 11 – ايدىڭ 4 - كۇنى، جىڭجوۋ (ءتىلشى ليۋ جىڭ). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ حىنان ولكەلىك پارتكومنىڭ شۋجيى ۋاڭ گوشىڭنىڭ، ولكە باستىعى يىن حۇڭنىڭ جولسەرىك بولۋىندا 11 - ايدىڭ 3 - كۇنىنەن 4 - كۇنىنە دەيىن حىنان ولكەسىنىڭ انياڭ، جىڭجوۋ قالالارىندا قىزمەت تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جاپپاي دايەكتىلەندىرىپ، جاڭا دامۋ ۇستانىمىن تياناقتاندىرىپ، جاڭا دامۋ جۇلگەسىن ورناتۋ قۋاتى مەن دەڭگەيىن جوعارىلاتىپ، ساپالى دامۋدى ىلگەرىلەتۋ كەرەك.
انياڭ شىعىس جولى قىستاعىنىڭ كۇزدىك ءبيداي اتىزىندا لي كىچياڭ توپىراقتىڭ ىلعالدىق جاعدايىن تەكسەرىپ، ەگىنشىلەرمەن، تەحنيكتەرمەن پىكىر الماستىرىپ، ءونىم، كىرىس جاعدايىن ۇعىستى. استىق ەگەتىن ءىرى وتباسىلار زۇڭليگە كولەمدى تيجارات فورماسى نەگىزىندە استىق ەگۋ ارقىلى دا جاقسى كىرىس كىرگىزۋگە بولاتىنىن ايتتى. لي كىچياڭ بىلاي دەدى: ەلىمىز استىقتان بيىل دا مول ءونىم الدى، ءتۇسىمدى جوعارىلاتۋمەن بىرگە، استىق سورتىن ساپالىلاندىرىپ، ءونىم ساپاسىن جوعارىلاتۋ، اۋىل شارۋاشىلىعىن وسىزامانداندىرۋدى بەلسەندىلىكپەن ىلگەرىلەتۋ كەرەك. شارت - جاعدايى بار جەرلەر الۋان ءتۇرلى فورماداعى لايىقتى كولەمدەگى شارۋاشىلىقتى دامىتۋدا، ءسوز جوق، ەگىنشىلەردىڭ تىلەگىنە قۇرمەت ەتىپ، بەلسەندىلىكپەن، ورنىقتى ىلگەرىلەتۋى كەرەك. لي كىچياڭ قىستاق تۇرعىندارىمەن اڭگىمەلەسىپ، اۋرۋ كورسەتۋ، قارتتاردى كۇتىمدەۋ، بالا وقىتۋ جانە اۋىل – قىستاق وقىتۋشىلارىنىڭ ەڭبەكاقىسىن تاراتۋ سياقتى جاعدايلاردى ۇعىستى. كوپشىلىك جۇمىس بولسا ىستەۋگە ءازىر ەكەندەرىن، ءوزارا سەلبەسىپ جۇمىس ىستەپ جاتقاندارىن اڭىس ەتتى. لي كىچياڭ بىلاي دەدى: قازىر سىرتقا شىعىپ جۇمىس ىستەۋگە دە، جەرگىلىكتى ورىننان جۇمىس تاۋىپ ىستەۋگە دە بولادى، كوپشىلىك يكەمدى جۇمىستانۋ فورمالارىن قاراستىرىپ، قۇلشىنا ىستەسە، تۇرمىس ءتىپتى دە جاقسارادى.
لي كىچياڭ انشينيۋان شاعىن رايونىنىڭ قامتاماسىزداندىرۋ سيپاتىنداعى تۇرعىن ۇيلەرىن ارالاپ، تۇرعىنداردىڭ قونىس جاعدايىن ۇعىستى. ول بىلاي دەدى: قامتاماسىزداندىرۋ سيپاتىنداعى ءۇي قۇرىلىسىن كۇشەيتۋ − جاڭاشا قالا - قالاشىقتاندىرۋدى ىلگەرىلەتۋدەگى ماڭىزدى مىندەت، قۇرىلىس سالۋ، مايعا بەرۋ، ساتۋ ۇلگىلەرىندە جەر جاعدايىنا قاراي بەلسەندىلىكپە ىزدەنىس جاساۋ، ءۇي ساپاسىنا كەپىلدىك ەتۋ كەرەك. لي كىچياڭ شاعىن رايونداعى تۇرعىنداردان قانداي قيىنشىلىقتارى جانە قانداي ۇسىنىس - پىكىرلەرى بار ەكەنىن سۇراپ، مىنانى قاداعالاپ ەسكەرتتى: بۇقارانىڭ مۇڭ - مۇقتاجىن كوكەيدە ساقتاۋ كەرەك، بۇقارا اڭىس ەتكەن كەيبىر كىشى - گىرىم ىستەر ولار جونىنەن العاندا كەلەلى ءىس بولۋى مۇمكىن، پارتكوم مەن ۇكىمەت شاماعا قاراي كۇش سالىپ، امالىن تاۋىپ ۇيلەسىمدى شەشۋگە كومەكتەسۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
