3 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەنگەن ارقاۋ ءسوز
2020.11.06 16:25 كەلۋ قاينارى : شينجياڭ گازەتى
(2020 - جىلى 11 - ايدىڭ 4 - كۇنى، بەيجيڭ)
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
قۇرمەتتى مەملەكەت باسشىلارى، ۇكىمەت جەتەكشىلەرى،
قۇرمەتتى حالىقارالىق ۇيىمداردىڭ جاۋاپتىلارى،
قۇرمەتتى ۋاكىلدەر ۇيىرمەلەرىنىڭ باستىقتارى،
قوناقتار،
حانىمدار، مىرزالار، دوستار:
ءار جاقتىڭ تىزە قوسا قۇلشىنۋىندا، 3 - كەزەكتى جۇڭگو حالىقارالىق يمپورت كورمەسى اشىلدى! ەڭ الدىمەن، مەن جۇڭگو ۇكىمەتى مەن حالقى اتىنان ءارى ءوز اتىمنان، قۇرمەتتى قوناقتاردى قىزۋ قارسى الامىن! جاڭا، كونە دوستارعا شىنايى سالەم جولدايمىن!
وسى كەزەكتى يمپورت كورمەسى ەرەكشە مەزگىلدە وتكىزىلدى. تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتى ءارقايسى ەلدەرگە اۋىر سوققى اكەلدى، دۇنيە ءجۇزى ەكونوميكاسىن دا اۋىر دارەجەدە ويسىراتتى. جۇڭگو ىندەتتەن ساقتانۋ حاۋىپسىزدىگىنە شىنايى كەپىلدىك ەتۋ العى شارتىندا، وسى ءبىر الەمدىك ساۋدا سالتاناتىن ءدال ۋاعىندا وتكىزىپ، جۇڭگونىڭ دۇنيە جۇزىمەن بازار ورايىنان بىرگە يگىلىكتەنەتىن، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتەتىن ىزگى تىلەگىن بەينەلەدى.
3 جىلدىق دامۋ ارقىلى يمپورت كورمەسى كورمە بۇيىمدارىن تاۋارعا، كورمەگە قاتىناسقان ساۋداگەرلەردى قارجى قوسۋشى ساۋداگەرگە اينالدىرىپ، جاسامپازدىق پەن ۇستانىم اۋىس - كۇيىسىن جاساسىپ، جۇڭگو مەن دۇنيە ءجۇزىن ۇلاستىرىپ، حالىقارالىق ساتىپ الۋ، قارجى قوسۋدى جەبەۋ، گۋمانيتارلىق اۋىس - كۇيىس، ەسىك اشىپ سەلبەسۋ سىندى 4 ۇلكەن تۇعىرعا، بۇكىل الەم بىرگە يگىلىكتەنەتىن حالىقارالىق الەۋمەتتىك ونىمگە اينالدى.
وسى كەزەكتى يمپورت كورمەسىنە ءار ەل كاسىپورىندارى بەلسەنە قاتىناستى، كورمەنىڭ اۋدانى تاعى دا 30 مىڭ شارشى مەترگە تاياۋ كەڭەيتىلدى. تەك جاڭادان قۇرىلعان الەۋمەتتىك دەنساۋلىق ساقتاۋ، كارانتين ارنايى اۋماعىنىڭ وزىندە، كوپتەگەن دۇنيە جۇزىلىك 500 قۋاتتى جانە سالالىق باستاماشى كاسىپورىندار جايعاستى.
وسى رەت ينتەرنەت جەلىسىندە جانە ينتەرنەت جەلىسىنەن تىس ۇشتاسۋ ءتاسىلى قولدانىلدى، ءار جاقتاردان مۇقيات ورنالاستىرۋ جاسالدى، ءسوز جوق، حاۋىپسىز، تاماشا، تابىسى مول كورمە ەتىپ وتكىزە الاتىندىعىمىزعا سەنەمىن.
حانىمدار، مىرزالار، دوستار!
ىندەتتىڭ ىقپالىنا ۇشىراعان بولسا دا، بيىل جۇڭگونىڭ ەسىك اشۋدى كەڭەيتۋ قادامى جەدەلدەي ءتۇستى. مەن 2 - كەزەكتى جۇڭگو حالىقارالىق يمپورت كورمەسىندە جاريالاعان سىرتقا ەسىك اشۋدى كەڭەيتۋ جەلىلەس شارالارى جاپپاي تياناقتاندىرىلدى. جۇڭگو يمپورتتى ۇزدىكسىز كەڭەيتتى، ءبىر جىلدان بەرى جۇڭگونىڭ تاۋار جانە قىزمەت وتەۋ يمپورت سوماسىنىڭ ارتۋ قارقىنى الەمدىك ورتاشا دەڭگەيدەن كورنەكتى جوعارى بولدى. بۇكىل ەلدە شەتەل ساۋداگەرلەرىنىڭ قارجى قوسۋىنا رۇقسات ەتۋدەگى ۇنامسىز تىزىمدىگى 40تان 33كە ازايىپ، ەركىن ساۋدا سىناق اۋماعى 18دەن 21گە كوبەيىپ، حاينان ەركىن ساۋدا پورتى قۇرىلىسىنىڭ جالپى تۇلعالىق جوباسى، شىنجىننىڭ رەفورما جاساۋ، ەسىك اشۋدى ونان ارى كەڭەيتۋدى اتقارۋ جوباسى جاريالانىپ اتقارىلدى، جوعارى ولشەمدى ەركىن ساۋدا كەلىسىمىن كەڭەسىپ جاساۋ، يمپورت ساۋداسىندا جاڭالىق اشۋدى جەبەۋدەن ۇلگى كورسەتۋ اۋماعىن جەتىلدىرۋ، ءبىلىم مەنشىك ۇقىعىن قورعاۋ، ”ءبىر بەلدەۋ، ءبىر جولدى“ جوعارى ساپادا بىرگە قۇرۋ سياقتى شارالار تۇگەلدەي بەلسەندى ىلگەرىلەۋشىلىكتەرگە قول جەتكىزدى.
حانىمدار، مىرزالار، دوستار!
جاڭا تيپتى ايدارشا ۆيرۋس وكپە قابىنۋ ىندەتى دۇنيە ءجۇزى ەكونوميكاسىنىڭ ورنىقسىز، تۇراقسىز فاكتورلارىن كوبەيتتى. تاريحتان الىپ قاراساق، مەيلى قانداي حاۋىپ - قاتەرگە، قانداي اپاتقا، قانداي كەراعارلىققا ۇشىراسا دا، ادامزات قوعامى قاشاندا العا ىلگەرىلەپ وتىردى، ونىڭ ۇستىنە، ءسوزسىز، ۇزدىكسىز العا ىلگەرىلەيدى.
ءارقايسى ەلدەردىڭ ەسىك اشۋعا بەتتەۋ، سەلبەستىككە بەتتەۋ ۇلكەن اۋقىمى وزگەرگەن جوق. ءبىز قول ۇستاسا وتىرىپ، حاۋىپ - قاتەر، سىن - سايىستارعا بىرگە توتەپ بەرىپ، سەلبەسۋدى، پىكىرلەسۋدى بىرگە كۇشەيتىپ، سىرتقا ەسىك اشۋدى بىرگە كەڭەيتۋىمىز كەرەك.
− ءبىز سەلبەسىپ تەڭ يگىلىككە كەنەلەتىن بىرگە ەسىك اشۋدى ىلگەرىلەتۋگە كۇش سالۋىمىز كەرەك. وسى رەتكى ىندەت بىزگە ءار ەلدىڭ بەينەت پەن زەينەتتى بىرگە وتكەرەتىن تاعدىرلاس ورتاق تۇلعا ەكەندىگىن، ەلەۋلى داعدارىس الدىندا ەشكىمنىڭ دە ءوز باسىنىڭ عانا قامىن ويلاۋىنا بولمايتىندىعىن، ىنتىماقتاسىپ سەلبەسۋ سىن - سايىسقا توتەپ بەرۋدىڭ قاجەتتى تالعامى ەكەندىگىن ەسكەرتتى. ءبىز سەلبەسىپ بىرگە يگىلىككە كەنەلۋ ۇستانىمىنا تاباندى بولۋىمىز، كۇدىكتەنۋدەن گورى سەنىم ارتۋىمىز، جۇدىرىق سىلتەۋدەن گورى قول ۇستاسۋىمىز، بالاعاتتاۋدان گورى كەڭەسۋىمىز كەرەك، ءار ەلدىڭ ورتاق مۇددەسىن ماڭىزدى ورىنعا قويىپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، بىركەلكى، بىرگە يگىلىكتەنەتىن بەتالىسقا قاراي دامۋىن ىلگەرىلەتۋىمىز كەرەك.
− ءبىز سەلبەسىپ جاۋاپكەرشىلىكتى تەڭ ارقالايتىن بىرگە ەسىك اشۋدى ىلگەرىلەتۋگە كۇش سالۋىمىز كەرەك. تاريح پەن اماليات حاۋىپ - قاتەر، سىن - سايىس الدىندا ءار ەلدىڭ قيىندىقتى بىلەك بىرىكتىرە جەڭىپ، ءارقايسىسى ءوز جاۋاپكەرشىلىگىن ادا ەتۋى، وزىمنەن اسار ەشكىم جوق دەمەۋى، ءوزىن دە، وزگەنى دە زيانداماۋى ءتيىس ەكەندىگىن دالەلدەدى. ءىرى ەلدەر الدىمەن ۇلگى كورسەتۋى، نەگىزگى ەكونوميكالىق تۇلعالار وزدەرى ونەگە بولۋى، وركەندەپ كەلە جاتقان ەلدەر بەلسەندىلىكپەن ىسكەرلىك كورسەتىپ، بىرگە ەسىك اشۋ، جاۋاپكەرشىلىكتى تەڭ ارقالاۋ ارقىلى دۇنيە ءجۇزىنىڭ بىرگە دامۋىن ىلگەرىلەتۋى كەرەك.
− ءبىز سەلبەسىپ تەڭ جونگە سالاتىن بىرگە ەسىك اشۋدى ىلگەرىلەتۋگە كۇش سالۋىمىز كەرەك. ەكونوميكانىڭ جاھاندانۋى الا كەلگەن سىن - سايىس الدىندا، سىڭار جاقتىلىقتىڭ، قورعامپازدىقتىڭ حالىقارالىق ءتارتىپ پەن حالىقارالىق قاعيدالاردى بۇلدىرۋىنە جول بەرمەۋ، قايتا ورەلى بەينەمەن الەمدىك ەكونوميكانى جونگە سالۋ جۇيەسىنە رەفورما جاساپ، تيىمدىلىكتەردى تولىق ساۋلەلەندىرىپ، تيىمسىزدىكتەردەن اۋلاق بولۋ كەرەك. بىرگە اقىلداساتىن، بىرگە قۇراتىن، بىرگە يگىلىكتەنەتىن الەمدىك جونگە سالۋ كوزقاراسىنا تاباندى بولىپ، دۇنيە جۇزىلىك ساۋدا ۇيىمىن نەگىز ەتكەن كوپ جاقتى ساۋدا ءتۇزىلىسىن قورعاپ، الەمدىك ەكونوميكانى جونگە سالۋ قاعيداسىن كەمەلدەندىرىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋ كەرەك.
حانىمدار، مىرزالار، دوستار!
جۋىقتا عانا جابىلعان جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جۇڭگونىڭ ”14 - بەسجىلدىق“ مەزگىلىندەگى دامۋىنا جالپى بەتتىك جوبا جاسادى. جۇڭگونىڭ جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ نىساناسى جۋىق ارادا جۇزەگە اسادى، كەلەر جىلدان باستاپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالىپ، جۇڭگو جاڭا ءبىر دامۋ كەزەڭىنە قادام تاستايدى. جاڭا جاعدايعا، جاڭا تالاپقا ۇيلەسۋ ءۇشىن، ءبىز ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋدى العا قويدىق. بۇل استە توماعا - تۇيىق ەل ءىشى اينالىمى ەمەس، قايتا اناعۇرلىم ەسىك اشقان ەل ىشىندىك، حالىقارالىق قوس اينالىم، جۇڭگونىڭ ءوزىنىڭ دامۋ قاجەتى بولىپ قانا قويماي، ءار ەل حالقىن اناعۇرلىم ويداعىداي باقىتقا كەنەلتەدى.
جۇڭگودا ءبىر ميلليارد 400 ميلليون جان سانى بار، ورتاشا كىرىستى قاۋىم 400 ميلليوننان اسادى، الەمدەگى كومەسكى كۇشى ەڭ زور ءىرى بازار. مەجە بويىنشا بولاشاق 10 جىلداعى تاۋار يمپورت سوماسى جيىنى 22 تريلليون دوللاردان اسۋىنان ءۇمىت بار. جۇڭگونىڭ جاساۋى الەمدىك كاسىپ سالاسى تىزبەگىنىڭ، قامداۋ تىزبەگىنىڭ ماڭىزدى قۇرامداس بولىگىنە اينالىپ، بەلسەندى ۇلەس قوستى. جۇڭگونىڭ كەڭ ىشكى قاجەتسىنۋ بازارى جاڭالىق اشۋ كومەسكى كۇشىن ۇزدىكسىز، توقتاۋسىز قاۋلاتادى.
حانىمدار، مىرزالار، دوستار!
جاڭا تيپتى ايدارشا ۆيرۋس وكپە قابىنۋ ىندەتى ءار ەل جونىنەن ءبىر رەتكى ۇلكەن سىناق بولدى. جۇڭگو حالقى اسا جاپالى قۇلشىنىس ارقىلى ىندەتتەن ساقتانۋ - تىزگىندەۋدە كەلەلى ستراتەگيالىق تابىسقا قول جەتكىزدى. جۇڭگو ەكونوميكاسىندا ورنىقتى جاقسارۋ كۇيى جارىققا شىقتى، الدىڭعى 3 توقساندا وڭ ارتۋ جۇزەگە استى، مۇنىڭ ىشىندە سىرتقى ساۋدا سوماسى ％0.7 ارتىپ، ءىس جۇزىندە پايدالانىلعان شەتەل قارجىسى ％5.2 ارتىپ، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتۋدە بەلسەندى رول اتقاردى. ءار ەلدىڭ ىندەتكە قارسى اتتانۋىن قولداۋ ءۇشىن، جۇڭگو حالقى ءار جاقپەن تاجىريبەلەردى بۇكپەسىز ورتاقتاسىپ، حالىقارالىق قوعامعا مۇمكىندىگىنىڭ جەتىسىنشە كومەك بەردى، 10 - ايدىڭ 20 - كۇنىنە دەيىن، 150 مەملەكەت پەن 7 حالىقارالىق ۇيىمعا ىندەتكە قارسى اتتانۋ كومەگىن بەرىپ، 179 ميلليارد دانادان استام ماسكى، ءبىر ميلليارد 730 ميلليون قورعانۋ كيىمىن، 543 ميلليون ادامعا（نۇسقا）تەكسەرۋ سىناق قوراپشاسىن ەكسپورت ەتىپ، جۇڭگونىڭ جاۋاپكەرشىلىك ارقالايتىندىعىن ايگىلەدى.
ەندىگى قادامدا، جۇڭگو ەسىك اشۋ، سەلبەسۋ، ىنتىماقتاسۋ، بىرگە يگىلىككە كەنەلۋ سەنىمىن بەرىك ۇستانىپ، ەسىك اشۋدى تاباندىلىقپەن جالپى بەتتىك كەڭەيتىپ، ىشكى - سىرتقى بازارلاردى ۇلاستىرۋدى، فاكتور بايلىعىن ورتاقتاسۋدى اناعۇرلىم ءونىمدى جۇزەگە اسىرىپ، جۇڭگونىڭ بازارىن دۇنيە ءجۇزىنىڭ بازارىنا، بىرگە يگىلىكتەنەتىن بازارعا، كوپشىلىكتىڭ بازارىنا اينالدىرىپ، حالىقارالىق قوعامعا اناعۇرلىم كوپ وڭ ەنەرگيا ۇستەيدى.
ءبىرىنشى، ەسىك اشۋدىڭ جاڭا بيىك بەلەسىن تۇلعالايدى. وتكەن 7 جىلدان بەرى، جۇڭگونىڭ ءارقايسى ەركىن ساۋدا سىناق رايوندارى قاجىرلىلىقپەن ىلگەرىلەپ، جۇرەكتىلىكپەن ىزدەنىس جاساپ، كورنەكتى ونىمدىلىكتەرگە قول جەتكىزدى. حاينان ەركىن ساۋدا پورتى قۇرىلىسى ءساتتى باستالدى. جۇڭگو ەركىن ساۋدا سىناق رايونىنىڭ، ەركىن ساۋدا پورتىنىڭ جەتەكتەۋ رولىن ءونىمدى تۇردە ساۋلەلەندىرىپ، شەكارا اتتاعان قىزمەت وتەۋ ساۋداسىنىڭ ۇنامسىز ءتىزىمىن جاريالاپ، سيفرلى ەكونوميكا، ينتەرنەت سياقتى سالالاردا ەسىك اشۋدى ۇزدىكسىز كەڭەيتىپ، ساۋدا مەن قارجى قوسۋدى ەركىندەستىرۋ، قولايلىلاستىرۋ بويىنشا رەفورما جاساۋدى، جاڭالىق اشۋدى ىشكەرىلەي ورىستەتىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرۋدى ىلگەرىلەتەدى.
ەكىنشى، سىرتقى ساۋدانىڭ جاڭالىق اشا دامۋىن جەبەيدى. جۇڭگو يمپورت كورمەسى سياقتى اشىق تۇعىرلار ارقىلى ءار ەل كاسىپورىندارىنىڭ جۇڭگوداعى ساۋدا ورايىن كەڭەيتۋىنە ۇزدىكسىز قولداۋ كورسەتەدى. جۇڭگو سىرتقى ساۋدانى ارتتىرۋدىڭ كومەسكى كۇشىن اشىپ، حالىقارالىق ساۋدانىڭ ارتۋىن، دۇنيە ءجۇزى ەكونوميكاسىنىڭ دامۋىن ىلگەرىلەتۋ ءۇشىن بەلسەندى ۇلەس قوسادى. جۇڭگو شەكارا اتتاعان ەلەكتروندى ساۋدا سياقتى جاڭا كاسىپ كۇيىنىڭ، جاڭا ۇلگىلەردىڭ جەدەل دامۋىن ىلگەرىلەتىپ، سىرتقى ساۋدانىڭ جاڭا قوزعاۋشى قۋاتىن جەتىلدىرەدى. جۇڭگو «جۇڭگونىڭ يمپورت ەتۋگە تيىم سالىناتىن، يمپورت ەتۋگە شەك قويىلاتىن تەحنيكالار ءتىزىمىن» ىقشامداپ، تەحنيكالىق فاكتورلاردىڭ شەكارا اتتاپ، ەركىن اينالىمعا ءتۇسۋى ءۇشىن تاماشا ورتا ازىرلەيدى.
ءۇشىنشى، شارۋاشىلىق - ساۋدا ورتاسىن ۇزدىكسىز ساپالىلاندىرادى. جۇڭگونىڭ ىندەتتەن كەيىن جاريالاعان قيىنشىلىقتان قۇتقارىپ، كاسىپورىندارعا تيىمدىلىك جاساۋ ساياساتتارى جۇڭگو شەكاراسى ىشىندە تىركەلگەن كاسىپورىنداردىڭ بارىنە بىردەي قاراتىلادى. بيىل جۇڭگو شەتەلدىك ساۋداگەرلەردىڭ قارجى قوسۋ زاڭى مەن قاتىستى سايكەستى زاڭ ەرەجەلەردى اتقارىپ، شەتەلدىك ساۋداگەرلەردىڭ قارجى قوسۋىنا رۇقسات ەتۋ ۇنامسىز ءتىزىمىن ونان ارى قىسقارتادى. جۇڭگو شەتەلگە قاتىستى اشىق، جاريا زاڭ جۇيەسىن ۇزدىكسىز كەمەلدەندىرىپ، ءبىلىم مەنشىك ۇقىعىن قورعاۋدى كۇشەيتىپ، شەتەل قارجى قوسقان كاسىپورىنداردىڭ زاڭدى ۇقىق - مۇددەسىن قورعاپ، ساپالى قىزمەت وتەۋ ارقىلى اناعۇرلىم تاماشا ورتا ازىرلەيدى.
ءتورتىنشى، ەكى جاقتى، كوپ جاقتى، وڭىرلىك سەلبەستىكتى تەرەڭدەتەدى. جۇڭگو اناعۇرلىم كوپ ەلمەن جوعارى ولشەمدى ەركىن ساۋدا كەلىسىمىن كەڭەسىپ جاساپ، وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمىنە تەزىرەك قول قويۋدى ىلگەرىلەتىپ، جۇڭگو - ەۆروپا قارجى قوسۋ كەلىسىمى، جۇڭگو - جاپونيا - كورەيا، ت. ب ەركىن ساۋدا كەلىسىمى كەلىسسوزى اياق الىسىن جەدەلدەتىپ، دۇنيە جۇزىمەن جوعارى ولشەمدى ەركىن ساۋدا رايونى جونىندە ءوزارا اۋىس - كۇيىستى، ءوزارا ۇلگى الۋدى كۇشەيتۋدى قالايدى. جۇڭگو دۇنيە جۇزىلىك ساۋدا ۇيىمى رەفورماسىنا بەلسەنە قاتىناسادى، بىرلەسكەن مەملەكەتتەر ۇيىمى، 20 ەل توبى، ازيا - تىنىق مۇحيت ەكونوميكالىق سەلبەستىك ۇيىمى، بريكس ەلدەر سياقتى مەحانيزمدەردىڭ سەلبەستىگىنە بەلسەنە قاتىناسادى. جۇڭگو قاتىستى ەلدەرمەن بىرگە ”ءبىر بەلدەۋ، ءبىر جولدى“ جوعارى ساپادا بىرگە قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.
حانىمدار، مىرزالار، دوستار!
جۇڭگولىقتار: ”جەتپەسەك ۇلى قورعانعا ەمەسپىز ەر“دەگەندى ۇنەمى ايتادى. كەزەكتە دۇنيە ءجۇزى ەكونوميكاسىنىڭ دامۋى قاتاڭ سىن - سايىستارعا ءدوپ كەلدى، ءبىز سەنىمدى بەكەمدەۋىمىز، باتىلدىقتى ارتتىرۋىمىز، ۋاقىتتىق قيىنشىلىقتى بىرگە جەڭۋىمىز كەرەك. جۇڭگو ءارقايسى ەلدەرمەن بىرگە، ەسىك اشۋ بارىسىندا وراي ازىرلەپ، سەلبەستىك بارىسىندا قيىن ماسەلەلەردى شەشىپ، ادامزاتتىڭ اناعۇرلىم كوركەم بولاشاعىن قول ۇستاسا اشۋدى قالايدى!
كوپشىلىككە راقىمەت.
(شينحۋا اگەنتتىگىنىڭ 11 - ايدىڭ 4 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
