مەملەكەتتىك كەڭەس كەڭسەسى «سىرتقى ساۋدانى جاڭالىق جاراتۋ نەگىزىندە ىلگەرىلەتۋ جونىندەگى اتقارۋ پىكىرىن» باسىپ تاراتتى
2020.11.10 15:50 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 9 - كۇنى، بەيجيڭ. مەملەكەتتىك كەڭەس كەڭسەسى بىرنەشە كۇننىڭ الدىندا «سىرتقى ساۋدانى جاڭالىق جاراتۋ نەگىزىندە ىلگەرىلەتۋ جونىندەگى اتقارۋ پىكىرىن» (تومەندە قىسقاشا «پىكىر» دەلىنەدى) باسىپ تاراتتى.
«پىكىردە» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ ۇستانىمىندا، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدە تاباندى بولىپ، سىرتقا ەسىك اشۋدى تاباندىلىقپەن كەڭەيتىپ، سىرتقى ساۋدانىڭ، شەتەل قارجىسىنىڭ نەگىزگى جاعدايىن ورنىقتىرىپ، كاسىپ تىزبەگى مەن قامداۋ تىزبەگىن ورنىقتىرىپ، عىلىم - تەحنيكادا، تۇزىمدە، ۇلگىدە جانە كاسىپ كۇيىندە جاڭالىق جاراتۋدى اناعۇرلىم تەرەڭدەتۋ كەرەك. جاڭا دامۋ جۇيەسىن قۇرۋدى وزەك ەتىپ، حالىقارالىق بازاردىڭ ورنالاسۋى، ەل ىشىندەگى وڭىرلەردىڭ ورنالاسۋى، تيجارات تۇلعاسى، تاۋار قۇرىلىمى، ساۋدا ءتاسىلى سىندى «بەستى ساپالىلاندىرۋدى» جانە سىرتقى ساۋدانىڭ تيبىن وزگەرتىپ، دارەجەسىن جوعارىلاتۋ بازاسى، ساۋدانى جەبەۋ تەكشەسى، حالىقارالىق تيجارات - ساۋدا جۇيەسى سىندى «ءۇش ءتۇرلى قۇرىلىستى» جەدەل ىلگەرىلەتىپ، جاڭا جاعدايدا حالىقارالىق سەلبەستىك پەن باسەكەگە قاتىناسۋدىڭ جاڭا ابزالدىعىن جەتىلدىرىپ، سىرتقى ساۋدادا جاڭالىق جاراتا دامۋدى جۇزەگە اسىرۋ كەرەك. «پىكىردە» سىرتقى ساۋدانى جاڭالىق جاراتا دامىتۋدى ىلگەرىلەتۋدىڭ ناقتى شارالارى ورتاعا قويىلدى:
ءبىرىنشى، ءورىس اشۋ تاسىلىندە جاڭالىق جاراتىپ، حالىقارالىق بازاردىڭ ورنالاسۋىن ساپالىلاندىرۋ. دۇنيە جۇزىلىك ساۋدا ۇيىمىن ۇيىتقى ەتكەن كوپ جاقتى ساۋدا ءتۇزىلىسىن باتىل قورعاپ، اناعۇرلىم كوپ جوعارى ولشەمدى ەركىن ساۋدا كەلىسىمى مەن وڭىرلىك ساۋدا كەلىسىمىنە بەلسەندىلىكپەن قول قويۋ كەرەك. ساۋدانى ىركىلىسسىزدەندىرۋ قىزمەت مەحانيزمى قۇرىلىسىن ىلگەرىلەتىپ، جاڭا تەحنيكا، جاڭا ارنادان پايدالانىپ حالىقارالىق بازار اشىپ، الەۋمەتتىك قىزمەت وتەۋ دەڭگەيىن جوعارىلاتۋ كەرەك. ەكىنشى، سالىستىرمالى ابزالدىقتى ساۋلەلەندىرىپ، ەل ىشىندەگى وڭىرلىك ورنالاستىرۋدى ساپالىلاندىرۋ. شىعىس بولەك رايونداردىڭ ساۋدا ساپاسىن جوعارىلاتۋ، ورتا، باتىس بولەك رايونداردىڭ ساۋدا ارا سالماعىن جوعارىلاتۋ، شىعىس سولتۇستىك رايونداردىڭ سىرتقا ەسىك اشۋىن كەڭەيتىپ، وڭىرلەر ارا سىرتقى ساۋدا سەلبەستىگى مەحانيزمىندە جاڭالىق جاراتۋ كەرەك. ءۇشىنشى، تۇرگە ءبولىپ جەتەكشىلىك ەتۋدى كۇشەيتىپ، تيجارات تۇلعالارىن ساپالىلاندىرۋ. دۇنيە جۇزىلىك باسەكەلىك قۋاتقا يە دارىندىلاردى جەتىلدىرىپ، ورتا، شاعىن كاسىپورىنداردىڭ ساۋدا باسەكەلىك قۋاتىن ارتتىرۋ، سايكەستى دامۋ ورەسىن جوعارىلاتىپ، كاسىپورىندارعا ىرىقتىلىقپەن قىزمەت وتەۋ كەرەك. ءتورتىنشى، ماڭىزدى فاكتورلار ۇسىنىلىمىنا جاڭالىق ەنگىزىپ، تاۋار قۇرىلىمىن ساپالىلاندىرۋ. كاسىپ تىزبەگى مەن قامداۋ تىزبەگىن قورعاپ جانە دامىتىپ، كاسىپ تيبىن وزگەرتىپ، دارەجەسىن جوعارىلاتۋدى ىلگەرىلەتىپ، ەكسپورت ونىمدەرىنىڭ قۇرىلىمىن ساپالىلاندىرىپ، ەكسپورت ونىمدەرىنىڭ ساپاسىن جوعارىلاتىپ، يمپورت قۇرىلىمىن ساپالىلاندىرۋ كەرەك. بەسىنشى، دامۋ ۇلگىسىندە جاڭالىق جاراتىپ، ساۋدا ءتاسىلىن ساپالىلاندىرۋ. ادەتتەگى ساۋدانى كۇشەيتىپ، مانەرلەۋ ساۋداسىن جوعارىلاتىپ، باسقا ساۋدانى دامىتىپ، ىشكى - سىرتقى ساۋدانىڭ ءبىر تۇلعالانۋىن جەبەۋ كەرەك. التىنشى، اينالىم تاسىلىندە جاڭالىق جاراتىپ، مەملەكەتتىڭ سىرتقى ساۋدانىڭ تيبىن وزگەرتىپ، دارەجەسىن جوعارىلاتۋ بازاسى قۇرىلىسىن ىلگەرىلەتۋ. ءتۇرلى كاسىپ شوعىرلانعان رايوندارعا سۇيەنىپ، كاسىپ تىزبەگىن زورايتىپ، كۇشەيتىپ، سايكەستى تىرەكتىك كاسىپ تىزبەگىن كەمەلدەندىرىپ، ۇيىمدىق باسقارۋدى اقاۋسىزداندىرىپ، الەۋمەتتىك قىزمەت وتەۋ تەكشەسىن قۇرۋ كەرەك. جەتىنشى، قىزمەت وتەۋ ۇلگىسىندە جاڭالىق جاراتىپ، ساۋدانى جەبەۋ تەكشەسى قۇرىلىسىن ىلگەرىلەتۋ. يمپورت كورمەسى، گۋاڭجوۋ جارمەنكەسى سياقتى ءبىر توپ جالپىلىق كورمەلەردى ويداعىداي وتكىزىپ، اتاعى جەر جارعان، ىقپالى زور حالىقارالىق كورمەلەردى سومداۋ كەرەك. يمپورت ساۋداسىندا جاڭالىق جاراتۋدى جەبەۋدەن ۇلگى كورسەتۋ رايونىن جەتىلدىرۋ كەرەك. سەگىزىنشى، قىزمەت وتەۋ ارناسىندا جاڭالىق جاراتىپ، حالىقارالىق تيجارات جۇيەسى قۇرىلىسىن ىلگەرىلەتۋ. حالىقارالىق تيجارات - ساۋدا جۇيەسىن جەدەل ورناتىپ، تيجارات - ساتۋ جانە قىزمەت وتەۋدى قامتاماسىزداندىرۋ جۇيەسىن كەمەلدەندىرۋ كەرەك. حالىقارالىق تيجارات - ساتۋ الەۋمەتتىك تەكشەسى قۇرىلىسىن ىلگەرىلەتىپ، كاسىپورىنداردىڭ حالىقارالىق بازار اشۋىنا دەم بەرۋ كەرەك. توعىزىنشى، كاسىپ فورماسى مەن ۇلگىسىن جاڭالاپ، سىرتقى ساۋدانىڭ جاڭا قوزعاۋشى كۇشىن جەتىلدىرۋ. شەكارا اتتاعان ەلەكتروندىق ساۋدا سياقتى جاڭا كاسىپ كۇيىنىڭ دامۋىن جەبەپ، بازاردىڭ ساتىپ الۋ ساۋداسى ءتاسىلىن تۇيىندە سىناق ەتۋ قۇرىلىسىن ىلگەرىلەتۋ كەرەك. وتكەرمەلى اۆتوموبيل ەكسپورتىن بەلسەنە ىلگەرىلەتىپ، جاڭادان گۇلدەنگەن قىزمەت وتەۋ ساۋداسىن جەدەل دامىتىپ، ساۋدانىڭ سيفرلانىپ دامۋىن جەدەلدەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
