لي كىچياڭ 4 – رەتكى وڭىرلىك جالپى بەتتىك ەكونوميكالىق ارىپتەستىك قاتىناس كەلىسىمى باسشىلار ماجىلىسىنە قاتىناستى
ءارقايسى جاق وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنە رەسمي قول قويدى
2020.11.16 16:10 كەلۋ قاينارى : حالىق تورابى
«حالىق گازەتى»، 11 - ايدىڭ 15 - كۇنى، بەيجيڭ (ءتىلشى باي ياڭ). مەملەكەتتىك كەڭەستىڭ زۇڭليى لي كىچياڭ 11 - ايدىڭ 15 - كۇنى تۇستەن بۇرىن حالىق سارايىندا 4 - رەتكى وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمى (RCEP) باسشىلار ماجىلىسىنە قاتىناستى. شىعىس وڭتۇستىك ازيا وداعىنداعى 10 ەل جانە كورەيا، جاپونيا، اۆستراليا، جاڭا زەللانديا قاتارلى ەلدەردىڭ باسشىلارى ماجىلىسكە قاتىناستى. ءماجىلىس بەينە ەكران فورماسىندا اشىلدى.
لي كىچياڭ سوزىندە مىنالاردى ءبىلدىردى: بۇگىن − بەلەستىك مانگە يە كۇن، 15 ەلدىڭ باسشىلارى RCEP گە قول قويۋعا كۋا بولدىق. دۇنيە جۇزىندە قاتىناسقان حالىق سانى ەڭ كوپ، مۇشە قۇرىلىمى ەڭ كوپ، دامۋ كومەسكى كۇشى ەڭ زور ەركىن ساۋدا رايونى رەتىندە، بۇل شىعىس ازيا ءوڭىرى سەلبەستىگىندەگى اسا زور بوگەنايلىق مانگە يە توتەنشە ماڭىزدى تابىس قانا ەمەس، ونان دا ماڭىزدىسى، كوپ جاقتىلىقتىڭ جانە ەركىن ساۋدانىڭ جەڭىسى. RCEP وڭىردەگى ءار ەل اراسىنداعى زات ساۋداسىن، قىزمەت وتەۋ ساۋداسىن جانە قارجى قوسۋدى جوعارى دەڭگەيدە اشىق ۇستاۋدى جۇزەگە اسىرادى، وڭىرلىك ساۋداعا قارجى قوسۋدىڭ ەركىن، قولايلى بولۋ دەڭگەيىن بارىنشا جوعارىلاتادى، ءوڭىردىڭ باۋراۋ قۋاتى مەن باسەكەلىك قۋاتىن جوعارىلاتادى، وڭىرلىك ەكونوميكانىڭ جالپى تۇلعالىق قالپىنا كەلۋ اياق الىسىن پارمەندى ىلگەرىلەتۋمەن بىرگە، وڭىرلىك دامۋدى، گۇلدەنۋدى جەبەۋگە جاڭا قوزعاۋشى كۇش قوسادى، سونداي - اق دۇنيە ءجۇزى ەكونوميكاسىنىڭ ارتۋىن جەبەيتىن ماڭىزدى قوزعالتقىشقا اينالادى.
لي كىچياڭ مىنالاردى اتاپ كورسەتتى: قازىر جاڭا تيپتى ايدارشا ۆيروس وكپە قابىنۋ ىندەتى بۇكىل دۇنيە جۇزىندە تارالىپ، دۇنيە ءجۇزى ەكونوميكاسى اۋىر دارەجەدە توقىرادى. حالىقارالىق ساۋدا، قارجى قوسۋ كەرى كەتىپ، قورعانىمپازدىق، سىڭار جاقتىلىق كۇشەيدى. RCEP جونىندە 8 جىل كەلىسسوز وتكىزىپ، قازىرگى جاعدايدا قول قويىلۋى ادامدارعا بۇلىڭعىر تۇماننان جارىق پەن ءۇمىتتى كورسەتتى، وسىنىڭ ءوزى كوپ جاقتىلىق پەن ەركىن ساۋدانىڭ داڭعىل جول، دۇرىس جول ەكەنىن، ادامدارعا سايىس الدىندا قاقتىعىسۋ - قارسىلاسۋ نەمەسە كورشىسىن جولاتپاۋ ەمەس، قايتا بەرەكە - بىرلىكپەن سەلبەسىپ، ءوزارا قارايلاسۋ كەرەكتىگىن، دۇنيە جۇزىنە ەسىكتى ايقارا اشۋ مەن سەلبەستىكتىڭ ءار ەلدىڭ ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋداعى ءسوزسىز باسىپ وتەتىن جولى ەكەنىن اڭعارتتى. العا باسۋ جولى قاشان دا داڭعىل بولا بەرمەيدى، سەنىمدى بەكەمدەپ، قول ۇستاسا سەلبەسسەك بولعانى، شىعىس ازيانىڭ، ءتىپتى ادامزاتتىڭ اناعۇرلىم كوركەم بولاشاعىن، ءسوز جوق، جاراتا الامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
