لي كىچياڭ ەكونوميكالىق جاعداي جونىندە ماماندار مەن كاسىپورىنشىلاردىڭ اڭگىمە ءماجىلىسىن باسقارىپ اشقاندا مىنانى دارىپتەدى
جاعدايعا ىشكەرىلەي تالداۋ جاساپ، ساياساتتى عىلمي يگەرىپ، ەكونوميكانىڭ ورنىقتى قالپىنا كەلۋى مەن باياندى دامۋىن ىلگەرىلەتۋ كەرەك
حان جىڭ ماجىلىسكە قاتىناستى
2020.11.18 16:00 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 17 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 11 - ايدىڭ 16 - كۇنى ەكونوميكالىق جاعداي جونىندە ماماندار مەن كاسىپورىنشىلاردىڭ اڭگىمە ءماجىلىسىن باسقارىپ اشىپ، قازىرگى ەكونوميكالىق جاعدايعا تالداۋ جاسادى، كەلەسى قادامداعى ەكونوميكالىق قىزمەتتى ويداعىداي ىستەۋ جونىندەگى پىكىر، ۇسىنىس تىڭدادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ ماجىلىسكە قاتىناستى.
اڭگىمە ماجىلىسىندە ۋاڭ چاڭلين، شۇي سىتاۋ قاتارلى ماماندار مەن جىڭتاي توبىنىڭ، ليانيىڭ ەمدەۋ عىلىم - تەحنيكاسى سەرىكتەستىگىنىڭ، يۇڭحۇي ەرەن بازارىنىڭ جاۋاپتىلارى ءسوز سويلەدى. كوپشىلىك ەكونوميكالىق جاعداي جانە سىرتقى ورتا جونىندە كوزقاراس ءبىلدىرىپ، بىلاي دەپ قارادى: مەملەكەتتىڭ باجىنى، اقىنى تومەندەتۋ ساياساتىنىڭ ءونىمى جاقسى بولدى، بۇل ناقتى ەكونوميكانىڭ، اسىرەسە، ورتا، شاعىن، ۇساق كاسىپورىنداردىڭ قيىنشىلىقتان ارىلۋى جونىنەن توتەنشە ماڭىزدى. كوپشىلىك تاعى ماكرولىق ساياسات، جاڭالىق جاراتۋعا جانە قامداۋ تىزبەگى قۇرىلىسىنا قولداۋ كورسەتۋ جونىندە ۇسىنىس قويدى.
لي كىچياڭ بىلاي دەدى: بيىلعى ەكونوميكالىق دامۋدىڭ قيىنشىلىعى ەرەكشە، ناتيجەنىڭ قولعا كەلۋى توتەنشە وڭاي ەمەس. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن دايەكتىلەندىرىپ، «التىنى ورنىقتىرۋ» قىزمەتىن تىڭعىلىقتى جاقسى ىستەپ، «التىنى قامتاماسىز ەتۋ» مىندەتىن جاپپاي تياناقتاندىردى، ماكرولىق تىزگىندەۋ مەن ميكرولىق سۇرانىستى تىعىز ۇشتاستىرىپ، بازار تۇلعالارىن، وتە - موتە ورتا، شاعىن، ۇساق كاسىپورىنداردى، جەكە ونەركاسىپشىلەر مەن ساۋداگەرلەردى ارقاۋ ەتۋدى كورنەكتىلەندىرىپ، تىكەلەي جەتكىزۋ مەحانيزمىندە جاڭالىق جاراتىپ، كاسىپورىنداردى قيىنشىلىقتان قۇتقارۋعا جانە بازار تۇلعالارىنىڭ ومىرشەڭدىك كۇشىن تاسقىنداتۋعا بىردەي ءمان بەردى، ماكرولىق ساياسات پارمەندى، ءونىمدى بولىپ، دەر كەزىندە ۇيلەسىمدى اتقارىلدى، ءجۇز ميلليوننان استام بازار تۇلعاسى دا سەرپىمدىلىك قۋاتتارىن ايگىلەدى، حالىق بۇقاراسى شوگەلدىكپەن ناقتى ىستەدى، ءار جاق قيىنشىلىقتاردى بىرگە جەڭىپ، ەكونوميكا جانە جۇمىستاندىرۋ نەگىزگى جاعدايىن بەكەمدەدى. قازىر ەل ءىشى - سىرتىنداعى جاعداي ءالى كۇردەلى دە اۋىر، مۇندا ءارى سەنىمدى بەكەمدەۋ، ءارى قيىنشىلىق پەن سىن - سايىسقا توتەپ بەرۋدىڭ دايىندىعىن جان – جاقتى، ويداعىداي ىستەۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى مەن ورنالاستىرۋىن تياناقتاندىرىپ، جاڭا دامۋ ۇستانىمىن ىشكەرىلەي دايەكتىلەندىرىپ، سىن - سايىسقا ەرلىكپەن دايىندالىپ، ىندەتتەن ساقتانۋ – تىزگىندەۋدىڭ ۇدايىلانعان شارالارىن دالمە - ءدال جاقسى اتقارىپ، ەكونوميكانىڭ قالپىنا كەلۋ سيپاتىنداعى ارتۋ جاعدايىن بەكەمدەپ، ەكونوميكالىق اينالىمنىڭ ۇيلەسىمدى ارالىق بويىنشا قالپىنا كەلۋىن جەبەپ، ساپالى دامۋدى ىلگەرىلەتىپ، جاڭا دامۋ جاعدايىن قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
