لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2020.11.19 14:43 كەلۋ قاينارى : حالىق تورابى
وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىن تياناقتى اتقارۋداعى ەل ىشىندەگى قاتىستى قىزمەتتەردى ۋاقىت كەستەسى بويىنشا مىقتى يگەرىپ، ويداعىداي ىستەۋدى تالاپ ەتتى؛ كوپشىلىك قولدى تاۋارلار تۇتىنۋىن، ءتۇيىندى تاۋارلار تۇتىنۋىن سەرپىلتۋدى جانە اۋىل - قىستاق تۇتىنۋىنداعى كومەسكى كۇشتىڭ اشىلۋىن جەبەۋدى ورنالاستىردى؛ تۇتىنۋدىڭ دارەجەسىن جوعارىلاتۋ قاجەتىنە ۇيلەسەتىن، «ينتەرنەت + ساياحات» ۇلگىسىن دامىتۋعا قولداۋ كورسەتۋ شارالارىن بەلگىلەدى؛ قاتەرلى سۋ قويمالارىن حاۋىپ - قاتەردەن ارىلتۋ، بەكەمدەۋ جاعدايى جونىندەگى مالىمەتتى تىڭداپ، ۇتىمدى قارجى قوسۋدى بەلسەنە كەڭەيتىپ، اپاتتان ساقتانۋ جانە سۋمەن قامداۋدى قامتاماسىزداندىرۋ قۋاتىن جوعارىلاتۋدى تالاپ ەتتى
شينحۋا اگەنتتىگى، 11 - ايدىڭ 18 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 11 - ايدىڭ 18 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىن تياناقتى اتقارۋداعى ەل ىشىندەگى قاتىستى قىزمەتتەردى ۋاقىت كەستەسى بويىنشا مىقتى يگەرىپ، ويداعىداي ىستەۋدى تالاپ ەتتى؛ كوپشىلىك قولدى تاۋارلار تۇتىنۋىن، ءتۇيىندى تاۋارلار تۇتىنۋىن سەرپىلتۋدى جانە اۋىل - قىستاق تۇتىنۋىنداعى كومەسكى كۇشتىڭ اشىلۋىن جەبەۋدى ورنالاستىردى؛ تۇتىنۋدىڭ دارەجەسىن جوعارىلاتۋ قاجەتىنە ۇيلەسەتىن، «ينتەرنەت + ساياحات» ۇلگىسىن دامىتۋعا قولداۋ كورسەتۋ شارالارىن بەلگىلەدى؛ قاتەرلى سۋ قويمالارىن حاۋىپ - قاتەردەن ارىلتۋ، بەكەمدەۋ جاعدايى جونىندەگى مالىمەتتى تىڭداپ، ۇتىمدى قارجى قوسۋدى بەلسەنە كەڭەيتىپ، اپاتتان ساقتانۋ جانە سۋمەن قامداۋدى قامتاماسىزداندىرۋ قۋاتىن جوعارىلاتۋدى تالاپ ەتتى.
ءماجىلىس مىنالاردى اتاپ كورسەتتى: ورەلى تۇزىمدىك ەسىك اشۋدى ىشكەرىلەي ىلگەرىلەتۋ كەرەك. بىرنەشە كۇننىڭ الدىندا قول قويىلعان وڭىرلىك جان - جاقتى ەكونوميكالىق سەرىكتەستىك قاتىناس كەلىسىمى ازيا - تىنىق مۇحيت وڭىرىندەگى ەلدەردىڭ كوپ جاقتىلىقتى جانە ەركىن ساۋدانى قورعاۋ ورتاق تىلەگىن ايگىلەدى. دۇنيە ءجۇزى بويىنشا ەڭ ۇلكەن وسى ەركىن ساۋدا رايونىن قۇرۋ كاسىپ تىزبەگى مەن قامداۋ تىزبەگىن ورنىقتىرۋعا ءتيىمدى، قاتىستى ەلدەردەگى حالىقتارعا باقىت جاراتادى. ءماجىلىس قاتىستى تاراۋلاردان كەلىسىم بويىنشا بەلگىلەنگەن ۋاقىت كەستەسىنە ساي تياناقتاندىرۋدى جەدەلدەتىپ، رەفورمانى تەرەڭدەتۋدى مىقتى يگەرىپ، كەلىسىمنىڭ تياناقتانۋىن ىلگەرىلەتۋدەگى ەل ىشىندەگى قاتىستى قىزمەتتەردى جاقسى ىستەپ، ۋادەنى ەرتەرەك ورىنداپ، ەسىك اشۋدى ءوزارا كەڭەيتۋ بارىسىندا ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋدى تالاپ ەتتى.
ءماجىلىس مىنالاردى اتاپ كورسەتتى: تۇتىنۋ − ەكونوميكالىق ارتۋدىڭ نەگىزگى قوزعاۋشى كۇشى. بيىل تۇتىنۋ ىندەتتىڭ اۋىر سوققىسىنا ۇشىراپ، قالىپتى ارتۋدى قالپىنا كەلتىرۋ جاعىندا كوپتەگەن قيىنشىلىق تۋىلدى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋى بويىنشا، ىشكى سۇرانىمدى كەڭەيتۋ ستراتەگياسىن باتىل اتقارىپ، كوپشىلىك قولدى تاۋارلار تۇتىنۋىن، ءتۇيىندى تاۋارلار تۇتىنۋىن سەرپىلتۋدى جانە اۋىل - قىستاق تۇتىنۋىنداعى كومەسكى كۇشتىڭ بارىنشا اشىلۋىن جەبەۋ كەرەك. بىرىنشىدەن، اۆتوموبيل تۇتىنۋىن ورنىقتىرۋ جانە كەڭەيتۋ كەرەك. جەر - جەردى شەكتى ساتىپ الۋ شارالارىن رەتتەۋگە، ساپالىلاندىرۋعا شابىتتاندىرىپ، ءنومىر تاقتاسى كورسەتكىشىن مولايتۋ كەرەك. جاڭا كەزەكتى اۆتوموبيلدەردى اۋىلعا جەتكىزۋ جانە كونەسىن جاڭاعا الماستىرۋ ىستەرىن ورىستەتۋ، شارت - جاعدايى جار بەرەتىن رايونداردى اۋىل - قىستاق تۇرعىندارى كوتەرىمدىلىگى 3.5 توننا جانە ودان تومەن جۇك اۆتوموبيلىن، ىعىستىرۋ مولشەرى 1.6 ليتر جانە ودان تومەن ءمىنىس اۆتوموبيلىن ساتىپ العاندا، تۇرعىندار مەملەكەتتىڭ 3 - ساتىداعى موتورلى كولىكتەردىڭ لاس زاتتاردى شىعارۋ ولشەمىندەگى جانە ونان تومەن ولشەمدەگى اۆتوموبيلدى كەرەكتەن شىعارىپ، جاڭا اۆتوموبيل ساتىپ العاندا قوسىمشا قاراجات بەرۋگە شابىتتاندىرۋ كەرەك. ماشينا توقتاتۋ الاڭى، زاريادتاۋ باعاناسى سياقتى قۇرىلعى قۇرىلىستارىن كۇشەيتۋ كەرەك. ەكىنشى، ءۇي ەلەكتر جابدىقتارى، ءۇي جيھازدارى، ءۇي اشەكەيلەتۋ تۇتىنۋىن جەبەۋ كەرەك. شارت - جاعدايى جار بەرەتىن رايونداردى كونە ءۇي ەلەكتر جابدىقتارىن، ءۇي جيھازدارىن قاتاردان قالدىرىپ، جاسىل، زەردەلى ءۇي ەلەكتر جابدىقتارىن، ورتانى قورعايتىن ءۇي جيھازدارىن ساتىپ الۋعا قوسىمشا قاراجات بەرۋگە شابىتتاندىرۋ كەرەك. ءۇشىنشى، اس - سۋ تۇتىنۋىن سەرپىلتۋ كەرەك. ازىق - تۇلىك كاسىپورىندارىن تاعام تۇرلەرىن مولىقتىرىپ، ساپاسىن جوعارىلاتىپ، جەلىدەگى جانە جەلىدەن تىس تيجارات ۇلگىسىندە جاڭالىق جاراتۋعا شابىتتاندىرۋ كەرەك. اس – سۋ قىزمەت وتەۋى ولشەمىن كەمەلدەندىرىپ، ساپالى، ەرەكشە تاعامداردى بازارلاندىرۋ تاسىلىمەن شىعارۋعا قولداۋ كورسەتۋ كەرەك. ءتورتىنشى، اۋدان وڭىرىندەگى، اۋىل - قالاشىقتاعى تۇتىنۋدى كەڭەيتۋدى تۇتقا ەتىپ، اۋىل - قىستاق تۇتىنۋىن جەبەۋ كەرەك. اۋدان كولەمىندەگى، اۋىل - قالاشىقتاعى ساۋدا قۇرىلعىلارى مەن قىستاققا زات جەتكىزۋ پۋنكتتەرى قۇرىلىسىن كۇشەيتۋ كەرەك. اۋىل - قىستاقتى تياناق ەتكەن، شارۋالاردىڭ تۇرمىسىنا جاناسىمدى تۇتىنۋ، قىزمەت وتەۋ جالپىلىق تۇلعاسىن قۇرۋعا قولداۋ كورسەتۋ كەرەك. جالعان، جاراقسىز تاۋارلارعا زاڭ بويىنشا سوققى بەرىپ، اۋىل - قىستاقتىڭ تۇتىنۋ ورتاسىن جاقسارتۋ كەرەك.
ءماجىلىس مىنالاردى اتاپ كورسەتتى: ساياحات تۇتىنۋىنىڭ كومەسكى كۇشى زور. ىندەتتەن ساقتانۋ – تىزگىندەۋدىڭ ۇنەمىلىك جاعدايىندا ساياحات كاسىبىنىڭ اقاۋسىز دامۋىن جەبەۋ ءۇشىن، ءماجىلىس «ينتەرنەت + ساياحات» ۇلگىسىن دامىتۋعا قولداۋ كورسەتۋ شارالارىن بەلگىلەدى. ءبىرىنشى، زەردەلى ساياحات كورىنىس رايونىن قۇرۋعا قولداۋ كورسەتۋ، ەلەكتروندى كارتا، دىبىستىق جول نۇسقاۋ سياقتى قىزمەت وتەۋدى جالپىلاستىرۋ، ەرەكشە كورىنىس رايونى سيفرلى كورمە سارايى سياقتىلاردى قۇرۋ، جول، ساياحات دارەتحاناسى سياقتى سيفرلانعان قۇرىلىستاردى ىلگەرىلەتۋ كەرەك. ەكىنشى، كورىنىس رايوندارىنىڭ لەنيادا ساتۋ تەبىنىن ارتتىرۋىنا شابىت بەرۋ، بۇلتتىق ساياحات سياقتى جاڭا كاسىپ كۇيىنىڭ دامۋىنا جەتەكشىلىك ەتۋ، ينتەرنەت + ساياحات حالىقتىق تۇسەلحاناسىن جۇيەلى دامىتۋ شارالارىن شىعارۋ كەرەك. قارتتار قاتارلى ەرەكشە قاۋىم ءۇشىن جەلىدەن تىس قىزمەت وتەۋدى ساقتاپ قالۋ كەرەك. ءۇشىنشى، سيىسىمدى باقىلاۋ - باسقارۋدى كەمەلدەندىرۋ، ساياحات حاۋىپسىزدىگىن باقىلاۋ - تەكسەرۋدى جانە جەلىدەگى ارىز - شاعىمدى ءبىر جاقتى ەتۋدى كۇشەيتۋ، الدامشىلىق ارەكەتتەرىنە سوققى بەرۋ كەرەك.
سۋ قويمالارى تاسقىننان ساقتانۋ، اپات زيانىن ازايتۋ، سۋمەن قامداۋدى قامتاماسىزداندىرۋ جانە ەگىنجايلاردى سۋارۋ جاقتارىندا توتەنشە ماڭىزدى رول اتقارادى. تاياۋ جىلداردان بەرى ەلىمىز 72 مىڭعا جۋىق قاتەرلى سۋ قويماسىن حاۋىپتەن ارىلتۋ، بەكەمدەۋ جۇمىسىن جۇرگىزدى. ءماجىلىس مىنالاردى تالاپ ەتتى: جەرگىلىكتى ورىنداعى قاراستى جەر باسقارۋ جانە تاراۋلار باقىلاۋ، جەتەكشىلىك ەتۋ جاۋاپكەرلىگىن تياناقتاندىرىپ، ورتالىقتىڭ كومەك قاراجاتىنان ويداعىداي پايدالانىپ، جەرگىلىكتى قاراجات پەن حالىق اراسىنداعى قارجى قوسۋعا تۇرتكىلىك ەتىپ، ءونىمدى قارجى قوسۋ كولەمىن كەڭەيتىپ، قازىرگى كىناراتى بار سۋ قويمالارىن 2025 - جىلدىڭ سوڭىنان بۇرىن حاۋىپ - قاتەردەن ارىلتۋ مىندەتىن تولىق ورىنداپ بولۋ ءارى جاڭادان بايقالعان قاتەرلى سۋ قويمالارىن دەر كەزىندە حاۋىپتەن ارىلتۋ، بەكەمدەۋ كەرەك. سونىمەن بىرگە، باقىلاۋ، ساقتاندىرۋ قۇرىلعىلارىن قۇرۋدى مىقتى يگەرىپ، ۇدايىلانعان باسقارۋ، قورعاۋ مەحانيزمىن اقاۋسىزداندىرىپ، سۋ قويمالارىنىڭ حاۋىپسىز اينالىمىنا كەپىلدىك ەتىپ، حالىققا باقىت جاراتۋ كەرەك.
ءماجىلىس باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
