بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ ازيا – تىنىق مۇحيت ەكونوميكالىق سەلبەستىك ۇيىمى ونەركاسىپ – ساۋدا باسشىلارىنىڭ پىكىرلەسۋ ماجىلىسىندە ارقاۋ لەكسيا جاسادى

2020.11.20 14:28     كەلۋ قاينارى : حالىق تورابى

مەملەكەت ءتوراعاسى شي جينپيڭ 11 – ايدىڭ 19 – كۇنى بەيجيڭدە بەينە ەكران تاسىلىمەن ازيا – تىنىق مۇحيت ەكونوميكالىق سەلبەستىك ۇيىمى ونەركاسىپ – ساۋدا باسشىلارىنىڭ پىكىرلەسۋ ماجىلىسىنە قاتىناستى ءارى «جاڭا دامۋ جاعدايىن قالىپتاستىرىپ، ءوزارا تيىمدىلىك جاساپ، تەڭ يگىلىككە كەنەلۋدى ىسكە اسىرايىق» دەگەن تاقىرىپتا ارقاۋ لەكسيا جاسادى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  ■ دۇنيە ءجۇزى − بولىنبەس تاعدىرلاس ورتاق تۇلعا. ىندەتكە قارسى حالىقارالىق ىنتىماقتاستىقتى جاپپاي تەرەڭدەتىپ، دۇنيە ءجۇزى ەكونوميكاسىنىڭ قالپىنا كەلۋىن جەبەۋ كەرەك. جۇڭگو جاڭا دامۋ جاعدايىن بەلسەندىلىكپەن قالىپتاستىرىپ، سىرتقا ەسىك اشۋدا تاباندى بولىپ، دۇنيە جۇزىندەگى ءار ەلمەن بىرگە ءوزارا تيىمدىلىك جاساپ، تەڭ يگىلىككە كەنەلۋدى ىسكە اسىرىپ، ازيا - تىنىق مۇحيت ءوڭىرى مەن دۇنيە ءجۇزىنىڭ اناعۇرلىم كوركەم بولاشاعىن بىرگە جاراتادى

  ■ جۇڭگو ەكونوميكاسى دامۋىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى جاعدايى وزگەرگەن جوق. ءبىز جاڭا دامۋ كەزەڭىن عىلمي يگەرىپ، جاڭا دامۋ ۇستانىمىن باتىل دايەكتىلەندىرىپ، جاڭا دامۋ جاعدايىن بەلسەندىلىكپەن قالىپتاستىرامىز. ءبىرىنشى، ءبىز ىشكى سۇرانىمدى ۇلعايتۋ ستراتەگيالىق ءتۇيىنىن مىقتى يگەرىپ، حالىق شارۋاشىلىعىنىڭ اينالىسىن ىركىلىسسىزدەندىرەمىز. ەكىنشى، ءبىز عىلىم - تەحنيكادا جاڭالىق جاراتۋدى بار كۇشپەن ىلگەرىلەتىپ، ەكونوميكالىق دامۋدىڭ جاڭا قوزعاۋشى كۇشىن قالىپتاستىرامىز. ءۇشىنشى، ءبىز رەفورمانى ۇزدىكسىز تەرەڭدەتىپ، بازاردىڭ ومىرشەڭدىك كۇشىن تولىق ساۋلەلەندىرەمىز

  ■ جۇڭگو الدەقاشان دۇنيە ءجۇزى ەكونوميكاسىمەن جانە حالىقارالىق جۇيەمەن ىشكەرىلەي توعىسقان. ءبىزدىڭ جاڭا دامۋ جاعدايىن قالىپتاستىرۋىمىز، استە، توماعا - تۇيىق ىشكى جالاڭ اينالىم ەمەس، قايتا اشىق، ءبىرىن – ءبىرى جەبەيتىن ەل ءىشى – حالىقارالىق قوس اينالىم. جاڭا دامۋ جاعدايىندا جۇڭگو بازار كومەسكى كۇشىن تولىق ساۋلەلەندىرىپ، دۇنيە جۇزىندەگى ءارقايسى ەل ءۇشىن اناعۇرلىم كوپ سۇرانىس جاراتادى. جاڭا دامۋ جاعدايىندا جۇڭگونىڭ اشىق ۇستالعان ەسىگى ونان ارى ايقارا اشىلىپ، دۇنيە جۇزىندەگى ءارقايسى ەلمەن بىرگە دامۋ ورايىنان ورتاق يگىلىكتەنەدى. جاڭا دامۋ جاعدايىندا جۇڭگو شەتەلمەن ىنتىماقتاستىقتى ۇزدىكسىز تەرەڭدەتىپ، دۇنيە جۇزىندەگى ءارقايسى ەلمەن بىرگە ءوزارا تيىمدىلىك جاساپ، تەڭ يگىلىككە كەنەلۋدى ىسكە اسىرادى

  شينحۋا اگەنتتىگى، 11 – ايدىڭ 19 – كۇنى، بەيجيڭ. مەملەكەت ءتوراعاسى شي جينپيڭ 11 – ايدىڭ 19 – كۇنى بەيجيڭدە بەينە ەكران تاسىلىمەن ازيا – تىنىق مۇحيت ەكونوميكالىق سەلبەستىك ۇيىمى ونەركاسىپ – ساۋدا باسشىلارىنىڭ پىكىرلەسۋ ماجىلىسىنە قاتىناستى ءارى «جاڭا دامۋ جاعدايىن قالىپتاستىرىپ، ءوزارا تيىمدىلىك جاساپ، تەڭ يگىلىككە كەنەلۋدى ىسكە اسىرايىق» دەگەن تاقىرىپتا ارقاۋ لەكسيا جاساپ، مىنالاردى دارىپتەدى: دۇنيە ءجۇزى − بولىنبەس تاعدىرلاس ورتاق تۇلعا. ىندەتكە قارسى حالىقارالىق ىنتىماقتاستىقتى جاپپاي تەرەڭدەتىپ، دۇنيە ءجۇزى ەكونوميكاسىنىڭ قالپىنا كەلۋىن جەبەۋ كەرەك. جۇڭگو جاڭا دامۋ جاعدايىن بەلسەندىلىكپەن قالىپتاستىرىپ، سىرتقا ەسىك اشۋدا تاباندى بولىپ، دۇنيە جۇزىندەگى ءار ەلمەن بىرگە ءوزارا تيىمدىلىك جاساپ، تەڭ يگىلىككە كەنەلۋدى ىسكە اسىرىپ، ازيا - تىنىق مۇحيت ءوڭىرى مەن دۇنيە ءجۇزىنىڭ اناعۇرلىم كوركەم بولاشاعىن بىرگە جاراتادى.

  شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى ادامزاتتىڭ تاعدىرى ورتاق، ءار ەلدىڭ مۇددەلەرى تىعىز بايلانىستى، دۇنيە ءجۇزى بولىنبەس تاعدىرلاس ورتاق تۇلعا ەكەنىن تاعى دا ۇعىندىردى. ءار ەل ءبىر - بىرىنە كومەكتەسىپ، تار جول، تايعاق كەشۋدەن بىرگە ءوتىپ، سەرىكتەستىك رۋحتى ساۋلەلەندىرىپ، ساياساتتىق پىكىرلەسۋ مەن سايكەسۋدى كۇشەيتىپ، ىندەتكە قارسى اتتانۋدىڭ حالىقارالىق ىنتىماقتاستىعىن جاپپاي تەرەڭدەتىپ، اشىق دۇنيە ءجۇزى ەكونوميكاسىن قۇرۋدا تاباندى بولىپ، ىندەتتى ەرتەرەك جەڭۋگە كۇش سالىپ، دۇنيە ءجۇزى ەكونوميكاسىنىڭ پارمەندى، باياندى، تەپە - تەڭ، سيىسىمدى ارتۋىن قۇلشىنا جۇزەگە اسىرۋى كەرەك.

  شي جينپيڭ مىنالاردى دارىپتەدى: جۇڭگو ەكونوميكاسى دامۋىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى جاعدايى وزگەرگەن جوق. ءبىز جاڭا دامۋ كەزەڭىن عىلمي يگەرىپ، جاڭا دامۋ ۇستانىمىن باتىل دايەكتىلەندىرىپ، جاڭا دامۋ جاعدايىن بەلسەندىلىكپەن قالىپتاستىرامىز.

  ءبىرىنشى، ءبىز ىشكى سۇرانىمدى ۇلعايتۋ ستراتەگيالىق ءتۇيىنىن مىقتى يگەرىپ، حالىق شارۋاشىلىعىنىڭ اينالىسىن ىركىلىسسىزدەندىرەمىز. قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، سۇرانىس ارقىلى قامداۋدى جەتەكتەيتىن، قامداۋ ارقىلى جاڭالىق جاراتۋعا قاجەتتى اناعۇرلىم جوعارى دەڭگەيدەگى اۋقىمدىق تەپە - تەڭدىكتى قالىپتاستىرامىز.

  ەكىنشى، ءبىز عىلىم - تەحنيكادا جاڭالىق جاراتۋدى بار كۇشپەن ىلگەرىلەتىپ، ەكونوميكالىق دامۋدىڭ جاڭا قوزعاۋشى كۇشىن قالىپتاستىرامىز. جاڭالىق جاراتۋ ارقىلى دامۋعا دەم بەرۋ ستراتەگياسىن ىلگەرىلەتىپ، كاسىپ تىزبەگىنىڭ دەڭگەيىن ۇزدىكسىز جوعارىلاتامىز.

  ءۇشىنشى، ءبىز رەفورمانى ۇزدىكسىز تەرەڭدەتىپ، بازاردىڭ ومىرشەڭدىك كۇشىن تولىق ساۋلەلەندىرەمىز. اناعۇرلىم باتىل بولىپ، اناعۇرلىم كوپ شارا قولدانىپ، تەرەڭ قاتپارلى تۇزىلىستىك، مەحانيزمدىك كەدەرگىلەردى جويىپ، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتەمىز.

  شي جينپيڭ مىنالاردى دارىپتەدى: جۇڭگو الدەقاشان دۇنيە ءجۇزى ەكونوميكاسىمەن جانە حالىقارالىق جۇيەمەن ىشكەرىلەي توعىسقان. ءبىزدىڭ جاڭا دامۋ جاعدايىن قالىپتاستىرۋىمىز، استە، توماعا - تۇيىق ىشكى جالاڭ اينالىم ەمەس، قايتا اشىق، ءبىرىن – ءبىرى جەبەيتىن ەل ءىشى – حالىقارالىق قوس اينالىم.

  − جاڭا دامۋ جاعدايىندا جۇڭگو بازار كومەسكى كۇشىن تولىق ساۋلەلەندىرىپ، دۇنيە جۇزىندەگى ءارقايسى ەل ءۇشىن اناعۇرلىم كوپ سۇرانىس جاراتادى. ءبىز كەدەن باجىسى مەن ءتۇزىم سيپاتتى وزىندىك قۇندى ونان ارى تومەندەتىپ، ءبىر توپ يمپورت ساۋداسىنىڭ جاڭالىق جاراتۋدى جەبەۋ ۇلگى كورسەتۋ رايونىن باۋلىپ، ءارقايسى ەلدىڭ ساپالى ونىمدەرى مەن قىزمەت وتەۋ يمپورتىن ارتتىرامىز.

  − جاڭا دامۋ جاعدايىندا جۇڭگونىڭ اشىق ۇستالعان ەسىگى ونان ارى ايقارا اشىلىپ، دۇنيە جۇزىندەگى ءارقايسى ەلمەن بىرگە دامۋ ورايىنان ورتاق يگىلىكتەنەدى. جۇڭگو ساۋدا مەن قارجى قوسۋدى ەركىندەندىرۋ، قولايلىلاندىرۋ ىستەرىن ۇزدىكسىز ىلگەرىلەتىپ، شەتەل ساۋداگەرلەرىنىڭ قارجى قوسىپ بازارعا ەنۋ الدىنداعى ازاماتتىق مامىلەسىنە شەكتەلگەن سالالار تىزىمدىگىن قوسىپ باسقارۋ ءتۇزىمىن كەمەلدەندىرىپ، شەتەل كاسىپورىندارىنىڭ زاڭدى ۇقىق – مۇددەسىن زاڭ بويىنشا قورعاپ، قىزمەت وتەۋ كاسىبىن سىرتقا اشىق ۇستاۋدى تارتىپپەن كەڭەيتىپ، بازارلانعان، زاڭ – تۇزىمدەنگەن، حالىقارالانعان ساۋدا – تيجارات ورتاسىن ۇزدىكسىز جاراتادى. ەركىن ساۋدا سىناق رايونىنا اناعۇرلىم زور رەفورما جاساۋ، ءوزىن ءوزى باسقارۋ ۇقىعى بەرىلەدى. كوپ جاقتى ساۋدا تۇزىلىسىندە ۇزدىكسىز تاباندى بولىپ، دۇنيە ءجۇزى ەكونوميكاسىن جونگە سالۋ جۇيەسى رەفورماسىنا ءتىپتى دە بەلسەندىلىكپەن قاتىناسامىز.

  − جاڭا دامۋ جاعدايىندا جۇڭگو شەتەلمەن ىنتىماقتاستىقتى ۇزدىكسىز تەرەڭدەتىپ، دۇنيە جۇزىندەگى ءارقايسى ەلمەن بىرگە ءوزارا تيىمدىلىك جاساپ، تەڭ يگىلىككە كەنەلۋدى ىسكە اسىرادى. ءبىز حالىقارالىق پايدا بولىسىنە اناعۇرلىم بەلسەندىلىكپەن قاتىناسىپ، دۇنيە جۇزىلىك ءوندىرىس تىزبەگىنە، قامداۋ تىزبەگىنە، باعا تىزبەگىنە اناعۇرلىم ءونىمدى تۇردە قوسىلامىز. جۇڭگومەن سەلبەستىك جاساۋعا پەيىل بىلدىرگەن ەلدەردىڭ، رايونداردىڭ، كاسىپورىنداردىڭ بارلىعىمەن بەلسەندىلىكپەن سەلبەستىك ورىستەتۋگە قۇلشىنامىز. ءبىز كوپ ۇيەكتىلىك پەن بىرگە ساۋدا جاساسۋ، ورتاق قۇرىلىس جۇرگىزۋ، تەڭ يگىلىكتەنۋ پرينسيبىندە ۇزدىكسىز تاباندى بولىپ، «ءبىر بەلدەۋ، ءبىر جولدى» ساپالى قۇرۋدى بىرگە ىلگەرىلەتىپ، جاسىل ءتۇستى دامۋ سەلبەستىگىن كۇشەيتەمىز.

  شي جينپيڭ بىلاي دەپ اتاپ كورسەتتى: ازيا – تىنىق مۇحيت رايونى − ءبىزدىڭ ورتاق اتا مەكەنىمىز. بىلتىر مەن اشىق تا سيىسىمدى بولۋ، جاڭالىق جاراتا دامۋ، ءوزارا بارىس – كەلىس جاساۋ، ىنتىماقتاسا وتىرىپ تەڭ يگىلىككە كەنەلۋ سىندى ازيا – تىنىق مۇحيت رايونى تاعدىرلاس ورتاق تۇلعاسىن قۇرۋدى العا قويدىم. ءبىز تاعدىرلاس ورتاق تۇلعا تانىمىن تەرەڭدەتىپ، وڭىرلىك ەكونوميكانى ءبىر تۇلعالاندىرۋدى ۇزدىكسىز ىلگەرىلەتىپ، جوسپاردى بىرتە - بىرتە ءىس جۇزىندىككە اينالدىرىپ، ازيا – تىنىق مۇحيت رايونى ءۇشىن باقىت جاراتۋعا قۇلشىنۋىمىز كەرەك.

  شي جينپيڭ سوڭىندا مىنانى دارىپتەدى: ىندەت قاشان بولسىن ءوتىپ كەتەدى، جەڭىستى كۇنگە دە جەتەمىز. قول ۇستاسىپ، قيىن كۇندەردى بىرگە باستان كەشىرىپ، ءوزارا كومەكتەسىپ، اشىق ۇستاۋ، سەلبەستىك جاساۋدا تاباندى بولىپ، ىشكى – سىرتقى اينالىمدى ىركىلىسسىزدەندىرىپ، ازيا – تىنىق مۇحيت رايونى مەن دۇنيە ءجۇزىنىڭ اناعۇرلىم كوركەم بولاشاعىن بىرگە جاراتۋعا، ونان تەڭ يگىلىكتەنۋگە قۇلشىنايىق! (لەكسيانىڭ تولىق مازمۇنىن «حالىق گازەتىنىڭ» بۇگىنگى 2 – بەتىنەن وقي الاسىزدار)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار