مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى سالتاناتپەن وتكىزىلدى
2020.11.25 15:57 كەلۋ قاينارى : حالىق تورابى
 |
11 - ايدىڭ 24 - كۇنى مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن
|
مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى سالتاناتپەن وتكىزىلدى
شي جينپيڭ ماڭىزدى ءسوز سويلەپ، مىنالاردى دارىپتەدى: جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتۋدە، ءسوز جوق، جۇمىسشى تابىنا جانە قالىڭ ەڭبەكشى بۇقاراعا سۇيەنۋ كەرەك. جۇمىسشى تابى مەن قالىڭ ەڭبەكشى بۇقارا پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قۇلشىنا جاڭالىق جاراتىپ، باتىلدىقپەن كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا جاڭا ءداۋىردىڭ شۇعىلالى تابىستارىن جاراتۋعا، جاڭا تاريحي ۇلى ىستەردى تىندىرۋعا قۇلشىنۋى كەرەك
لي كىچياڭ جينالىستى باسقاردى، لي جانشۋ، ۋاڭ ياڭ، جاۋ لىجي، حان جىڭ جينالىسقا قاتىناستى، ۋاڭ حۋنيڭ ماداقتاۋ - سيلاۋ ۇيعارىمىن وقىدى
■ داڭق ەڭبەكشىلەرگە ءتان، باقىت ەڭبەكشىلەرگە ءتان. سوتسياليزم ەڭبەكپەن كەلەدى، جاڭا ءداۋىر كۇرەسپەن كەلەدى. ەڭبەك ەرلەرى − ۇلتتىڭ ارداگەرلەرى، حالىقتىڭ ۇلگىسى، رەسپۋبليكانىڭ ەگەيلەرى
■ ەڭبەك ەرلەرى رۋحىن، ەڭبەك رۋحىن، شەبەرلەر رۋحىن زور كۇشپەن اسقاقتاتۋ كەرەك. ەڭبەك ەرلەرى رۋحى، ەڭبەك رۋحى، شەبەرلەر رۋحى − وتانشىلدىقتى وزەك ەتكەن ۇلتتىق رۋح پەن رەفورما جاساپ، جاڭالىق جاراتۋدى وزەك ەتكەن داۋىرلىك رۋحتىڭ جاندى بەينەلەنۋى، بۇكىل پارتيانى، بۇكىل ەلدەگى ءار ۇلت حالقىن بوگەتتەردى جەڭىپ، ەرلىكپەن العا باسۋعا جىگەرلەندىرەتىن قۇدىرەتتى رۋحاني قوزعاۋشى كۇش
■ جۇمىسشى تابى مەن قالىڭ ەڭبەكشى بۇقارانىڭ نەگىزگى كۇشتىك رولىن تولىق ساۋلەلەندىرۋ كەرەك. جۇمىسشى تابى − ەلىمىزدىڭ باسشى تابى، وزىق وندىرگىش كۇش پەن وندىرىستىك قاتىناستىڭ ۋاكىلى، جۇڭگوشا سوتسياليزمدە تاباندى بولۋداعى جانە ونى دامىتۋداعى نەگىزگى كۇش. جۇمىسشى تابى مەن قالىڭ ەڭبەكشى بۇقارا پارتيانىڭ سوزىنە بۇلجىماستان قۇلاق اسىپ، پارتياعا تاباندىلىقپەن ىلەسىپ، قوجايىندىق رولدارىن ويداعىداي ساۋلەلەندىرىپ، جاڭا داۋىرگە ۇلەس قوسۋى كەرەك
■ ساپالى دا كولەمدى ەڭبەك قوسىنىن قۇرۋعا قۇلشىنۋ كەرەك. ەڭبەكشىلەردىڭ ساپاسى ءبىر مەملەكەتتىڭ، ءبىر ۇلتتىڭ دامۋى جونىنەن توتەنشە ماڭىزدى. ەلىمىزدەگى جۇمىسشى تابى مەن قالىڭ ەڭبەكشى بۇقارا ءومىر بويى ۇيرەنۋ ۇستانىمىن ورناتىپ، شەبەرلىكپەن ۇيرەنۋ، شوگەلدىكپەن وي جۇگىرتۋ ادەتىن قالىپتاستىرىپ، ۇيرەنۋ ارقىلى ءمورالدى جەتىلدىرۋدى، ۇيرەنۋ ارقىلى اقىل - پاراساتتى نىعايتۋدى، ۇيرەنگەندى قولدانا ءبىلۋدى جۇزەگە اسىرۋى كەرەك
■ ەڭبەكشىلەردىڭ زاڭدى ۇقىق - مۇددەسىن شىن مانىندە ويداعىداي جۇزەگە اسىرۋ، قورعاۋ، دامىتۋ كەرەك. حالىقتى وزەك ەتكەن دامۋ يدەياسىندا تاباندى بولىپ، جۇمىسشى تابى مەن قالىڭ ەڭبەكشى بۇقارانىڭ زاڭدى ۇقىق - مۇددەسىن ويداعىداي قورعاپ، جۇمىسشى تابى مەن قالىڭ ەڭبەكشى بۇقارانىڭ تابىس، باقىت، حاۋىپسىزدىك سەزىمىن ۇزدىكسىز جوعارىلاتۋ كەرەك
«حالىق گازەتى»، 11 - ايدىڭ 24 - كۇنى، بەيجيڭ. مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى 11 - ايدىڭ 24 - كۇنى بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى، پارتيا ورتالىق كوميتەتى، مەملەكەتتىك كەڭەس اتىنان ماداقتالىپ - سيلانعان مەملەكەتتىك ەڭبەك ەرلەرىن جانە وزات قىزمەتكەرلەردى قىزۋ قۇتتىقتادى، رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسىنا ەرەن ۇلەس قوسقان ەلىمىزدىڭ جۇمىسشى تابى مەن قالىڭ ەڭبەكشى بۇقاراسىنا ىقىلاسپەن سالەم جولدادى. (ءسوزدىڭ تولىعىن «حالىق گازەتىنىڭ» بۇگىنگى 2 – بەتىنەن وقي الاسىزدار)
شي جينپيڭ مىنالاردى دارىپتەدى: داڭق ەڭبەكشىلەرگە ءتان، باقىت ەڭبەكشىلەرگە ءتان. سوتسياليزم ەڭبەكپەن كەلەدى، جاڭا ءداۋىر كۇرەسپەن كەلەدى. ەڭبەك ەرلەرى − ۇلتتىڭ ارداگەرلەرى، حالىقتىڭ ۇلگىسى، رەسپۋبليكانىڭ ەگەيلەرى. ەلىمىز − حالىق ءوز ىسىنە ءوزى قوجا بولاتىن سوتسياليستىك مەملەكەت، پارتيا مەن مەملەكەت بۇكىل ىنتا - پەيىلىمەن جۇمىسشى تابىنا سۇيەنۋ باعىتىندا باستان - اياق تاباندى بولىپ، جۇمىسشى تابى مەن قالىڭ ەڭبەكشى بۇقارانىڭ پارتيا مەن مەملەكەت ىستەرىنىڭ دامۋىنداعى ماڭىزدى ورنىنا باستان - اياق ايرىقشا ءمان بەرىپ كەلەدى، ەڭبەك ەرلەرى مەن وزات قىزمەتكەرلەردىڭ ماڭىزدى رولىن ساۋلەلەندىرۋگە باستان - اياق باسا ءمان بەرىپ كەلەدى. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتۋدە، ءسوز جوق، جۇمىسشى تابىنا جانە قالىڭ ەڭبەكشى بۇقاراعا سۇيەنۋ كەرەك. ەلىمىزدەگى جۇمىسشى تابى مەن قالىڭ ەڭبەكشى بۇقارا پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قۇلشىنا جاڭالىق جاراتىپ، باتىلدىقپەن كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا جاڭا ءداۋىردىڭ شۇعىلالى تابىستارىن جاراتۋعا، جاڭا تاريحي ۇلى ىستەردى تىندىرۋعا قۇلشىنۋى كەرەك.
لي كىچياڭ جينالىستى باسقاردى، لي جانشۋ، ۋاڭ ياڭ، جاۋ لىجي، حان جىڭ جينالىسقا قاتىناستى، ۋاڭ حۋنيڭ ماداقتاۋ - سيلاۋ ۇيعارىمىن وقىدى.
تۇستەن بۇرىن ساعات 10 دا جينالىس باستالدى، بارلىق ادام ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.
ۋاڭ حۋنيڭ «ج ك پ ورتالىق كوميتەتىنىڭ، مەملەكەتتىك كەڭەستىڭ مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جونىندەگى ۇيعارىمىن» وقىدى. ۇيعارىمدا مىنالار اتاپ كورسەتىلدى: 2015 - جىلدان بەرى ءار سالا، ءار كاسىپتە جۇمىس ورنىن سۇيەتىن، كاسىبىن قاستەرلەيتىن، بەلدى بەكەم بۋىپ جاڭالىق جاراتاتىن، جاۋاپكەرلىكتى باتىلدىقپەن ارقالايتىن، قالتقىسىز ۇلەس قوساتىن ءبىر توپ العاباسار ۇلگى جارىققا شىقتى، پارتيا ورتالىق كوميتەتى، مەملەكەتتىك كەڭەس وسىعان ساي ۇيعارىم جاساپ، ءبىر مىڭ 689 ادامعا مەملەكەتتىك ەڭبەك ەرى اتاعىن، 804 ادامعا مەملەكەتتىك وزات قىزمەتكەر اتاعىن بەردى.
ويناقى مۋزىكا ءۇنى ىشىندە مەملەكەتتىك ەڭبەك ەرلەرى مەن وزات قىزمەتكەرلەردىڭ ۋاكىلدەرى رەتىمەن ءتوراعالار مىنبەسىنە شىقتى، شي جينپيڭ قاتارلىلار ولارعا داڭق كۋالىگىن تاراتتى.
جۇڭگو اۆياتسيا سەرىكتەستىگى شىنياڭ ليميڭ اۆياتسيالىق ماتور شەكتى جاۋاپكەرلىك سەرىكتەستىگىنىڭ اعا تەحنيگى حۇڭ جياگۋاڭ مەملەكەتتىك ەڭبەك ەرلەرى مەن وزات قىزمەتكەرلەردىڭ اتىنان ۇندەۋ حاتىن وقىپ، جۇمىسشى تابى مەن قالىڭ ەڭبەكشى قاۋىمدى پارتيانىڭ سوزىنە قۇلاق اسۋدىڭ، پارتياعا ىلەسۋدىڭ اتويشىلارى، تىڭ ەڭبەك ءسىڭىرىپ، ۇلى ءىس تىندىرۋدىڭ نەگىزگى كۇشى، قابىلەتتى دە ونەرلى كۇرەسكەرلەر، ىنتىماقتى دارىپتەپ، جاراسىمدىلىقتى جەبەۋدىڭ سەركەلەرى بولۋعا ۇندەدى.
زالدى كوپشىلىكتىڭ دۋ قول شاپالاق ءۇنى كەرنەگەن ساتتە شي جينپيڭ ماڭىزدى ءسوز سويلەدى. ول مىنالاردى اتاپ كورسەتتى: ۇزاق ۋاقىتتان بەرى پارتيانىڭ باسشىلىعىندا ەلىمىزدەگى جۇمىسشى تابى مەن قالىڭ ەڭبەكشى بۇقارا وتانمەن بىرگە ەسەيىپ - ەرجەتىپ، داۋىرمەن بىرگە العا باسىپ، «جۇمىسشىلارىمىزدىڭ كۇشى مىعىم» دەگەن ءاندى اسقاقتاتا شىرقادى. ءارقايسى شەپتە قاھارماندار توپ - توبىمەن جارىققا شىعىپ، جۇلدىزداي جارقىرادى. اسىرەسە، جاڭا داۋىرگە وتكەننەن بەرى ەلىمىزدەگى جۇمىسشى تابى مەن قالىڭ ەڭبەكشى بۇقارا جۇڭگو ارمانىن جۇزەگە اسىرۋ ۇلى بارىسىندا ەرلىكپەن كۇرەس جۇرگىزىپ، الدىڭعى قاتارعا وتۋگە تالپىنىپ، ەرلىكپەن شىڭعا شىعىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، كەدەيلىكتەن ارىلتۋدان قامال الۋدىڭ شەشۋشى شايقاسىندا جەڭىسكە جەتۋ ءۇشىن نەگىزگى كۇش رولىن اتقاردى، اقىل – پاراساتىمەن جانە تابان ەت، ماڭداي تەرىمەن ەڭبەك داڭقتى، ءبىلىم وسكەلەڭ، دارىندىلار قاستەرلى، جاسامپازدىق ۇلى دەپ قارالاتىن قوعامدىق سالت ورناتىپ، «جۇڭگو ارمانىنىڭ، ەڭبەكتى قاستەرلەۋدىڭ» تىڭ داستانىن جازدى.
شي جينپيڭ مىنالاردى دارىپتەدى: ەڭبەك ەرلەرى رۋحىن، ەڭبەك رۋحىن، شەبەرلەر رۋحىن زور كۇشپەن اسقاقتاتۋ كەرەك. ەڭبەك ەرلەرى رۋحى، ەڭبەك رۋحى، شەبەرلەر رۋحى − وتانشىلدىقتى وزەك ەتكەن ۇلتتىق رۋح پەن رەفورما جاساپ، جاڭالىق جاراتۋدى وزەك ەتكەن داۋىرلىك رۋحتىڭ جاندى بەينەلەنۋى، بۇكىل پارتيانى، بۇكىل ەلدەگى ءار ۇلت حالقىن بوگەتتەردى جەڭىپ، ەرلىكپەن العا باسۋعا جىگەرلەندىرەتىن قۇدىرەتتى رۋحاني قوزعاۋشى كۇش. ەڭبەك − بارلىق باقىتتىڭ قاينارى. جاڭا جاعدايدا ەلىمىزدىڭ جۇمىسشى تابى مەن قالىڭ ەڭبەكشى بۇقاراسى تىنباي ۇزدىكتەردەن ۇيرەنىپ، ۇزدىك بولۋعا قۇلشىنىپ، سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەپ، ەڭبەك ەرلەرى مەن وزات قىزمەتكەرلەردىڭ وسكەلەڭ رۋحى مەن اسىل قاسيەتىن ونەگە تۇتۋ ارقىلى وزدەرىن العا ۇمتىلۋعا قامشىلاۋلارى، قاجىرلىلىقپەن، ادالدىقپەن، جاسامپازدىقپەن ەڭبەكتەنۋدى سانالى ارەكەتكە اينالدىرۋلارى كەرەك. ءار دارەجەلى پارتكومدار مەن ۇكىمەتتەر ەڭبەك ەرلەرىنە قۇرمەت ەتىپ، كوڭىل ءبولىپ، ەڭبەك ەرلەرى ساياساتىن كەمەلدەندىرىپ، كوپ ەڭبەك ەرلەرى مەن وزات قىزمەتكەرلەردىڭ توپ - توبىمەن جارىققا شىعۋىن ىلگەرىلەتۋى كەرەك. تۇتاس قوعام ەڭبەكتى ارداقتاۋى، جاقسىدان ونەگە الىپ، ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم دەيتىن قوعامدىق سالتتى ساۋلەلەندىرۋى كەرەك. ەڭبەك ارقىلى باقىت جاراتۋدى نەگىزگى تاقىرىپ ەتكەن ۇگىت - تاربيەنى ورىستەتىپ، ەڭبەك ءتالىم - تاربيەسىن دارىندىلاردى تاربيەلەۋدىڭ تۇتاس بارىسىنا ءسىڭىرىپ، ەڭبەكتى قىزۋ سۇيەتىن، ەڭبەكشىل، ەڭبەككە جاتىلعان ساپالى ەڭبەكشىلەردى باۋلۋ كەرەك.
شي جينپيڭ مىنالاردى اتاپ كورسەتتى: جۇمىسشى تابى مەن قالىڭ ەڭبەكشى بۇقارانىڭ نەگىزگى كۇشتىك رولىن تولىق ساۋلەلەندىرۋ كەرەك. جۇمىسشى تابى − ەلىمىزدىڭ باسشى تابى، وزىق وندىرگىش كۇش پەن وندىرىستىك قاتىناستىڭ ۋاكىلى، جۇڭگوشا سوتسياليزمدە تاباندى بولۋداعى جانە ونى دامىتۋداعى نەگىزگى كۇش. ەلىمىزدىڭ جۇمىسشى تابى مەن قالىڭ ەڭبەكشى بۇقاراسى پارتيانىڭ سوزىنە بۇلجىماستان قۇلاق اسىپ، پارتياعا تاباندىلىقپەن ىلەسىپ، قوجايىندىق رولدارىن ويداعىداي ساۋلەلەندىرىپ، جاڭا داۋىرگە ۇلەس قوسۋى كەرەك. پارتيا مەن مەملەكەتتىڭ ءتۇرلى ىستەرى دامۋىنىڭ جالپى جاعدايىن، پارتيا ورتالىق كوميتەتىنىڭ رەفورما، دامۋ، ورنىقتىلىق قىزمەتى جونىندەگى شەشىم، ورنالاستىرۋلارىن تياناق ەتىپ، ەڭبەك جانە ونەر باسەكەسىن كەڭ كولەمدە، ىشكەرىلەي، باياندى ورىستەتىپ، بۇقارالىق جاڭالىق جاراتۋ قيمىلدارىنا بەلسەنە قاتىناسۋ كەرەك. تاريحي بورىشتىلىق تانىمى مەن جاۋاپكەرلىك تانىمىن كۇشەيتىپ، مەملەكەت جاقسى بولسا، ۇلت جاقسى بولسا، كوپشىلىك سوندا عانا جاقسى بولادى دەيتىن تانىمدى ىشكەرىلەي ءتۇسىنىپ، سانالىلىقپەن جالپى جاعدايدى قورعاپ، جالپى جاعدايعا قىزمەت وتەۋ كەرەك. جۇمىسشى تابىنىڭ ىنتىماعىن، جۇمىسشى تابىنىڭ باسقا ەڭبەكشى بۇقارامەن ىنتىماعىن كۇشەيتىپ، ءتۇرلى قيىنشىلىقتاردى جەڭۋ سەنىمى مەن بەكىمىن نىعايتىپ، باستان - اياق پارتيانىڭ بيلىك جۇرگىزۋىنىڭ بەرىك سۇيەنىشى بولۋ كەرەك.
شي جينپيڭ مىنالاردى دارىپتەدى: ساپالى دا كولەمدى ەڭبەك قوسىنىن قۇرۋعا قۇلشىنۋ كەرەك. ەڭبەكشىلەردىڭ ساپاسى ءبىر مەملەكەتتىڭ، ءبىر ۇلتتىڭ دامۋى جونىنەن توتەنشە ماڭىزدى. ەلىمىزدەگى جۇمىسشى تابى مەن قالىڭ ەڭبەكشى بۇقارا ءومىر بويى ۇيرەنۋ ۇستانىمىن ورناتىپ، شەبەرلىكپەن ۇيرەنۋ، شوگەلدىكپەن وي جۇگىرتۋ ادەتىن قالىپتاستىرىپ، ۇيرەنۋ ارقىلى ءمورالدى جەتىلدىرۋدى، ۇيرەنۋ ارقىلى اقىل - پاراساتتى نىعايتۋدى، ۇيرەنگەندى قولدانا ءبىلۋدى جۇزەگە اسىرۋى كەرەك. جاڭا كەزەكتى عىلىم - تەحنيكا توڭكەرىسى جانە كاسىپ وزگەرىسى قاجەتىنە سايكەسىپ، قاجىرلىلىقپەن ۇيرەنىپ، تاباندىلىقپەن جاتتىعىپ، ىشكەرىلەي زەرتتەپ، تەحنيكالىق شەبەرلىك دەڭگەيىن ۇزدىكسىز جوعارىلاتۋ كەرەك. تەحنيك جۇمىسشىلاردى تاربيەلەۋ، ىستەتۋ، سىناۋ، باعالاۋ مەحانيزمىن كەمەلدەندىرىپ جانە تياناقتاندىرىپ، ءتىپتى دە كوپ ونەرلى دارىندىلار مەن ءىرى ەل شەبەرلەرىن جەتىلدىرۋ كەرەك. جاڭالىق جاراتۋ تانىمىن كۇشەيتىپ، جاڭالىق جاراتۋ وي جەلىسىن جەتىلدىرىپ، جاڭالىق جاراتۋ باتىلدىعى مەن قارىشتاپ العا ۇمتىلۋ جىگەرىن ايگىلەۋ كەرەك. ونەركاسىپ جۇمىسشىلارى قوسىن قۇرىلىسى رەفورماسىن ىلگەرىلەتىپ، مۇرات، سەنىمى بار، تەحنيكانى بىلەتىن، جاڭالىق جاراتا الاتىن، باتىلدىقپەن جاۋاپكەرلىك ارقالاپ، ۇلەس قوسۋدى دارىپتەيتىن كولەمدى ونەركاسىپ جۇمىسشىلارى قوسىنىن قۇرۋ كەرەك.
شي جينپيڭ مىنالاردى اتاپ كورسەتتى: ەڭبەكشىلەردىڭ زاڭدى ۇقىق - مۇددەسىن شىن مانىندە ويداعىداي جۇزەگە اسىرۋ، قورعاۋ، دامىتۋ كەرەك. حالىقتى وزەك ەتكەن دامۋ يدەياسىندا تاباندى بولىپ، جۇمىسشى تابى مەن قالىڭ ەڭبەكشى بۇقارانىڭ زاڭدى ۇقىق - مۇددەسىن ويداعىداي قورعاپ، جۇمىسشى تابى مەن قالىڭ ەڭبەكشى بۇقارانىڭ تابىس، باقىت، حاۋىپسىزدىك سەزىمىن ۇزدىكسىز جوعارىلاتۋ كەرەك. جۇمىستاندىرۋدى ورنىقتىرۋ قىزمەتىن ءتىپتى دە كورنەكتى ورىنعا قويىپ، ەڭبەكشىلەردىڭ كىرىس ورەسىن وزدىكسىز جوعارىلاتىپ، كوپ ساتىلى قوعامدىق كەپىلدىك جۇيەسىن ورناتىپ، ەڭبەك حاۋىپسىزدىگى مەن دەنساۋلىق ساقتاۋ شارت - جاعدايىن جاقسارتىپ، قالىڭ ەڭبەكشىلەردىڭ رەفورما، دامۋ تابىستارىنان بىرگە يگىلىكتەنۋىنە مۇمكىندىك جاراتىپ، اناعۇرلىم ءونىمدى شارالارمەن بىرگە اۋقاتتانۋدى ۇزدىكسىز جەبەۋ كەرەك. قيىنشىلىعى بار بۇقارانى سۇيەمەلدەۋ قىزمەت مەحانيزمىن ورناتىپ جانە كەمەلدەندىرىپ، پارتيا مەن ۇكىمەتتىڭ قامقورلىعىن قيىنشىلىعى بار بۇقارانىڭ جۇرەگىنە ۇيالاتىپ، ولارعا سوتسياليستىك ۇلى شاڭىراقتىڭ مەيىرىن سەزىندىرۋ كەرەك. پارتيا مەن ۇكىمەت جەتەكشىلىك ەتەتىن ۇقىقتى قورعاۋعا قىزمەت وتەۋ مەحانيزمىن، ەڭبەك زاڭ - ەرەجەسى جۇيەسىن اقاۋسىزداندىرىپ، جۇمىسشى تابى مەن قالىڭ ەڭبەكشى بۇقارانىڭ زاڭدى ۇقىق - مۇددەسىن قورعاۋدى زاڭدىق جانە تۇزىمدىك جاقتان كەپىلدەندىرۋ كەرەك.
بيىل جۇڭحۋا مەملەكەتتىك باس جۇمىسشى ۇيىمى قۇرىلعانىنىڭ 95 جىلدىعىنا تۋرا كەلدى، شي جينپيڭ پارتيانىڭ جۇمىسشى قوزعالىسى مەن جۇمىسشى ۇيىمى قىزمەتىنە كورنەكتى ۇلەس قوسقان اعا بۋىن جۇمىسشى ۇيىمى قىزمەتكەرلەرىنەن، بۇكىل ەلدەگى ءار دارەجەلى جۇمىسشى ۇيىمى مەن قالىڭ جۇمىسشى ۇيىمى كادرلارىنان، قالىڭ جۇمىسشى - قىزمەتكەرلەر مەن جۇمىسشى ۇيىمى بەلسەندىلەرىنەن شىن ىقىلاسپەن حال سۇرادى. شي جينپيڭ مىنالاردى اتاپ كورسەتتى: جۇمىسشى ۇيىمى 95 جىلدان بەرگى تابىستار مەن تاجىريبەلەردى قورىتىندىلاپ، جۇمىسشى ۇيىمىنىڭ قىزمەت قابىلەتى مەن دەڭگەيىن قۇلشىنا جوعارىلاتۋى كەرەك. ءار دارەجەلى پارتكومدار پارتيانىڭ بيلىك جۇرگىزۋدەگى تاپتىق نەگىزى مەن بۇقارالىق نەگىزىن بەكەمدەۋ تۇرعىسىنان، بۇكىل ىنتا - پەيىلىمەن جۇمىسشى تابىنا سۇيەنۋ باعىتىن مۇقيات دايەكتىلەندىرىپ، جۇمىسشى ۇيىمى قىزمەتىنە باسشىلىقتى كۇشەيتىپ جانە جاقسارتىپ، جۇمىسشى ۇيىمىنىڭ مىندەتىن اتقارۋىنا، رولىن ساۋلەلەندىرۋىنە ۇزدىكسىز ءتيىمدى شارت - جاعداي جاراتۋى كەرەك.
لي كىچياڭ جينالىستى باسقارعاندا مىنالاردى اتاپ كورسەتتى: باس شۋجي شي جينپيڭ ماڭىزدى سوزىندە جۇمىسشى تابى مەن قالىڭ ەڭبەكشى بۇقارانىڭ جۇڭگوشا سوتسياليزم ۇلى ىستەرىندەگى ماڭىزدى ورنى مەن رولىن جوعارى باعالادى، مەملەكەتتىك ەڭبەك ەرلەرى مەن وزات قىزمەتكەرلەردىڭ ەرەن ۇلەسى مەن وسكەلەڭ رۋحىن تولىق تۇراقتاندىردى، ىندەتكە قارسى اتتانۋ كۇرەسىندە جاپا - ماشاقاتتان تايسالماي، قايسارلىقپەن كۇرەسكەن بۇكىل ەلدەگى ءار ۇلت حالقىن القادى، ەڭبەك ەرلەرى رۋحىن، ەڭبەك رۋحىن، شەبەرلەر رۋحىن، جۇمىسشى تابى مەن قالىڭ ەڭبەكشى بۇقارانىڭ اتويشىلدىق رولىن تولىق ساۋلەلەندىرىپ، ساپالى دا كولەمدى ەڭبەك قوسىنىن قۇرىپ، ەڭبەكشىلەردىڭ زاڭدى ۇقىق - مۇددەسىن شىن مانىندە جۇزەگە اسىرىپ، ويداعىداي قورعاپ، دامىتۋدى ايقىن العا قويدى. باس شۋجيدىڭ ءسوزى وتە كۇشتى يدەيالىلىق، جەتەكشىلىك جانە باعىتتامالىلىق سيپاتقا يە. مۇقيات ۇيرەنىپ، ءتۇسىنىپ، ىشكەرىلەي دايەكتى تياناقتاندىرۋ كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك.
ديڭ شۋەشياڭ، جاڭ يوۋشيا، چىن شي، حۋ چۇنحۋا، حۋاڭ كۇنميڭ، يوۋ چۋان، جاڭ چۇنشيان، ۋاڭ دۇڭميڭ، شياۋ جيە، جاڭ چيڭلي جينالىسقا قاتىناستى.
ورتالىقتاعى پارتيا، ۇكىمەت، ارميا، بۇقارالىق ۇيىمداردىڭ قاتىستى تاراۋلارىنداعى جانە بەيجيڭ قالاسىنداعى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ونەركاسىپشىلەر – ساۋداگەرلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، 2020 - جىلعى مەملەكەتتىك ەڭبەك ەرلەرى مەن وزات قىزمەتكەرلەر جينالىسقا قاتىناستى.
كەلۋ قاينارى: حالىق تورابى
 |
11 - ايدىڭ 24 - كۇنى مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى بەيجيڭدەگى حالىق سارايىندا سالتاناتپەن وتكىزىلدى. سۋرەتتە: شي جينپيڭ قاتارلى پارتيا مەن مەملەكەت باسشىلارى مەملەكەتتىك ەڭبەك ەرلەرى مەن وزات قىزمەتكەرلەردىڭ ۋاكىلدەرىنە داڭق كۋالىگىن بەرۋدە. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
